ຂ່າວຫຼ້າສຸດ

ຄິດ​ຮອດ​ກອງ​ສ້ອມ­ແປງ​ທາງ

2.386 31 ກ.ກ. 2013 ນານາສາລະ

<p style="text-align: justify;"> ຝົນ­ຕົກ​ລຽນ­ຕິດ​ສອງອາ­ທິດ​ກວ່າ ເຮັດ​ໃຫ້ທາງ​ຫຼາຍ​ເສັ້ນ​ຢູ່​ນະ­ຄອນ­ຫຼວງ​ເຮົາ​ເປ່​ເພ ເປັນຂຸມ ຂາດ​ເປັນ​ບາງ​ຈຸດ ໄປ​ມາ​ລຳ­ບາກ ເຊັ່ນ​ວ່າ: ເສັ້ນ­ທາງ​ບ້ານ​ໂພນ​ຄຳ ເມືອງ​ສີ​ໂຄດຕະ­ບອງ ຕັ້ງແຕ່​ບໍ­ລິ­ເວນ​ໂຮງ­ຮຽນ​ການ­ເມືອງ-ການ​ປົກ­ຄອງ ນະ­ຄອນຫຼວງ ປ່ອງ​ໃສ່​ບ້ານບໍ່​ນາ​ງົວ ລຳ­ບາກ​ກາກ​ກຳ​ແທ້ໆ ເຫັນທາງ​ລຳ­ບາກ​ແນວ​ນີ້ ເພື່ອນ​ຜູ້​ອ່ານ​ສ່ອງ​ແສງ​ມາ​ວ່າ: ຄິດຮອດ​ກອງ​ສ້ອມ­ແປງ​ທາງ​ນະ­ຄອນ­ຫຼວງ​ເດ ? ບໍ່​ຮູ້​ວ່າ​ດຽວ­ນີ້ຍັງ​ມີ​ຢູ່ ຫຼື ບໍ ?ໃນ​ນາມ​ຜູ້ຮັບ­ຜິດ­ຊອບ​ຄໍ​ລຳ ຂໍ​ສະ­ເໜີ​ຕໍ່​ພະ​ແນກ​ໂຍ­ທາ​ທິການ ແລະ ຂົນ­ສົ່ງ​ນະ­ຄອນ­ຫຼວງ ​ໃຫ້ຄວາມ​ກະ­ລຸ­ນາ​ເຂົ້າ​ໄປສອດ­ສ່ອງ​ດູ​ແລ​ເສັ້ນ­ທາງ​ສາຍ​ນັ້ນ ແລະ ບ່ອນ​ອື່ນໆ ຈະເປັນ​ບຸນກຸ­ສົນ​ຢ່າງ​ຍິ່ງ ຫາກ​ແມ່ນ​ກອງ​ສ້ອມ­ແປງໄປ​ຕາບໄປ​ຈູນ ກໍ​ຍິ່ງ​ເປັນ​ການ​ດີ.</p> <p style="text-align: justify;"> ໃນ​ໂອ­ກາດ​ນີ້ ກໍ​ຂໍ​ນຳ​ເອົາ​ຄຳ​ສະ­ເໜີ​ກ່ຽວ​ກັບ​ເສັ້ນ­ທາງແຈ້ງ​ໃຫ້​ຊາບ​ດັ່ງ­ນີ້:</p> <p style="text-align: justify;"> <strong>ຮຽນ:</strong>ທ່ານ ບກ ໜັງ­ສື­ພິມ​ວຽງ​ຈັນ​ໃໝ່ ໂດຍ​ຜ່ານ​ຄໍ​ລຳນາ­ນາ​ສາ­ລະ.</p> <p style="text-align: justify;"> <strong>ເລື່ອງ:</strong>ຂໍ​ຄວາມ​ຊ່ວຍ­ເຫຼືອ​ໃນ​ການ​ເປັນ​ຂົວ​ຕໍ່​ຫາ​ພາກສ່ວນ​ຮັບ­ຜິດ­ຊອບ​ໂຄງ­ການ​ກໍ່­ສ້າງເສັ້ນ­ທາງ​ແຕ່ 3 ແຍກ​ຫົວຂົວ ຫາ ໂນນ​ຄໍ້ ຄຳ​ສະ­ຫວາດ ແລະ ນາ​ຄວາຍ.</p> <p style="text-align: justify;"> ຂ້າ­ພະ­ເຈົ້າ​ຊື່ ສ.ນົກ​ນ້ອຍ ປັດ­ຈຸ­ບັນ​ຢູ່​ບ້ານ​ຄຳ​ສະ­ຫວາດ ເມືອງ​ໄຊ​ເຊດ​ຖາ ນະ­ຄອນ­ຫຼວງວຽງ​ຈັນ ເຊິ່ງ​ກ່ອນ​ອື່ນ​ໝົດຂ້າ­ພະ­ເຈົ້າ​ຂໍ​ຊົມ­ເຊີຍ ແລະ ຂອບ­ໃຈ​ມາ​ຍັງ​ຄະ­ນະ​ຮັບ​ຜິດຊອບ ແລະ ທີມ​ງານ​ໜັງ­ສື­ພິມ​ວຽງ​ຈັນ​ໃໝ່ ທີ່​ຫຼາຍໆ​ຄັ້ງແມ່ນ​ໄດ້​ນຳ​ເອົາ​ເລື່ອງ​ລາວ​ຕ່າງໆ​ທີ່ເປັນ​ປະ­ໂຫຍດ​ມາ​ລົງ ພ້ອມ​ນັ້ນກໍ​ຍັງ​ເປັນ​ຂົວ​ຕໍ່​ໃນ​ການ​ຫາ​ຄຳ​ຕອບ​ທີ່​ກະ­ຈ່າງ​ແຈ້ງໃຫ້ກັບ​ປະ­ຊາ­ຊົນ ເຊິ່ງ​ຖື​ວ່າ​ເປັນ​ກະ­ບອກ​ສຽງ​ໃນ​ການ​ຊ່ວຍສ່ອງ​ແສງ ເພື່ອ​ພ້ອມ​ກັນ​ພັດ­ທະ­ນາ​ປະ­ເທດ​ຊາດ​ແທ້ໆ.</p> <p style="text-align: justify;"> ຂ້າ­ພະ­ເຈົ້າ​ມີ​ໂອ­ກາດ​ສົນ­ທະ­ນາ​ກ່ຽວ​ກັບ​ການ​ກໍ່­ສ້າງ​ເສັ້ນທາງ ເລີຍ​ມີ​ຈຸດ­ປະ­ສົງ​ຂໍ​ໃຫ້ທ່ານ​ຊ່ວຍ​ເປັນ​ຂົວ​ຕໍ່ ຫຼື ອອກຂ່າວ​ຫາ​ພາກ­ສ່ວນ​ຮັບ­ຜິດ­ຊອບ​ໂຄງ­ການ​ກໍ່­ສ້າງ​ເສັ້ນ­ທາງ ແຕ່ 3 ແຍກ​ຫົວ​ຂົວ ຫາ ໂນນ​ຄໍ້ ຄຳ​ສະ­ຫວາດ ແລະ ນາຄວາຍ ໃຫ້​ແນ່ ເພາະ​ບໍ່​ຮູ້​ຈະ​ຕິດ­ຕໍ່ຫາ​ພາກ­ສ່ວນ​ໃດ ແລະ ກໍມີ​ການ​ເວົ້າ ຫຼື ອອກ​ຂ່າວ​ກັນ​ຫຼາຍໆ​ຄັ້ງ​ແລ້ວ ແຕ່​ກໍ​ຍັງ​ຄື­ເກົ່າ ເລີຍ​ມີ​ຂໍ້​ຂ້ອງ​ໃຈ​ໃນ​ການ​ກໍ່­ສ້າງ​ເສັ້ນ­ທາງ ​ຈາກ​ຕະ­ຫຼາດ​ຫົວຂົວ ໂນນ​ຄໍ້ ໄປ​ຫາ​ ນາ​ຄວາຍ ເປັນ​ຫຍັງ​ຄື​ມາ​ຊັກ​ຊ້າ​ພິ­ລຶກ​ພິໂລ​ແທ້ ຈົນ​ບໍ່​ຮູ້​ແນວ​ຊິ​ເວົ້າ ເຊິ່ງ​ເຮັດ​ໃຫ້­ການ​ໄປ​ມາ​ຫຍຸ້ງຍາກ​ແທ້ໆ ບໍ່​ຈັກ​ວ່າ​ບວກ ຂຸມ​ເລິກ-ນ້ອຍ-ໃຫຍ່ ແລະ ອື່ນໆ ຈົນ​ພັນ​ລະ​ນາ​ບໍ່​ໄດ້ ຂະ­ໜາດ​ວ່າ​ຢູ່​ນະ­ຄອນ­ຫຼວງ​ວຽງ​ຈັນ ແທ້ໆ ສະ­ພາບ​ການ​ກໍ່­ສ້າງຄັນ­ວ່າ​ບໍ່​ເຮັດ​ພັດ​ມາບອກ​ປະ­ຊາຊົນ​ມ້າງ​ສິ່ງ​ກີດ­ຂວາງ ແລ້ວ​ມາ​ລົງ­ມື​ຈົກ ຫຼື ດຸດ ບາງ​ຄັ້ງຄາວ​ແລ້ວ​ກໍ​ຢຸດ​ເຊົາໄປ​ດົນໆ ກໍ​ກັບ​ມາ​ເຮັດ ແຕ່​ເວ­ລາ​ກັບ​ມາເຮັດ​ນັ້ນ ແມ່ນ​ໄປ​ເຮັດ​ບ່ອນ​ໃໝ່ ທັງໆ​ທີ່​ບ່ອນເກົ່າ​ຍັງ​ບໍ່​ແລ້ວ ແລະ ເຮັດ​ແບບ​ນີ້​ໄປ​ຕະ­ຫຼອດ ກະ​ເລີຍ​ງົງ​ວ່າ​ເປັນ​ແນວ­ໃດກັນ​ແທ້ ເພາະເຫັນ​ຫຼາຍໆ​ຄົນ​ມ້າງ​ຮົ້ວ ຫຼື ສິ່ງ​ກີດ­ຂວາງອອກ​ໃຫ້ ແຕ່​ກໍ​ບໍ່​ເຫັນ​ເຮັດ​ຫຍັງ ບໍ່​ເຊື່ອ​ຂໍ​ໃຫ້​ທ່ານໄປ​ເບິ່ງ ແລະ ເກັບ​ກຳ​ຂໍ້​ມູນ ຫຼື ຮູບ​ພາບ​ຕົວ​ຈິງ​ຕື່ມ ໂດຍ​ສະ­ເພາະຂຸມ ແລະ ບວກ​ຕ່າງໆ​ຢູ່​ເສັ້ນ­ທາງ​ດັ່ງ­ກ່າວ ບໍ່​ເຫັນ​ມາ​ສ້ອມແປງ​ເລີຍ ບາ­ດວ່າ​ຍາມ​ຮ້ອນພັດ​ບໍ່​ມາ​ຫົດ​ນ້ຳ ຖ້າ­ວ່າຫົດ ລົດ​ທີ່​ມາ​ຫົດ​ນ້ຳ​ແມ່ນ​ແລ່ນ​ໄວ ບໍ່​ພໍ 20 ນາ­ທີ​ກະ​ແຫ້ງ​ແລ້ວ.</p> <p style="text-align: justify;"> ສະ­ນັ້ນ ຈຶ່ງ​ຮຽນ​ສະ­ເໜີ​ມາ​ຍັງ​ທ່ານ ແລະ ຫວັງ​ວ່າ​ທ່ານຄົງ​ພິ­ຈາ­ລະ­ນາ ແລະ ຊ່ວຍ​ໃນເລື່ອງ​ນີ້​ດ້ວຍ ຂໍ​ຂອບ­ໃຈ​ລ່ວງໜ້າ­ທີ່​ທ່ານ​ຊ່ວຍ ແລະ ຂໍ​ອວຍ­ພອນ​ໃຫ້​ໜັງ­ສື­ພິມ​ວຽງ​ຈັນໃໝ່ ໂດຍ​ສະ­ເພາະຄໍ​ລຳ​ນາ­ນາ​ສາ­ລະ ຈົ່ງ​ຢູ່​ຄຽງ​ຄູ່​ກັບ​ຄົນລາວ​ຕະ­ຫຼອດ​ໄປ ໃນ​ການ​ສ່ອງແສງ​ກັນ​ເພື່ອ​ພັດ­ທະ­ນາ​ໃຫ້​ດີຂຶ້ນ​ເລື້ອຍໆ.</p> <p style="text-align: justify;"> <strong>ຮຽນ​ມາ​ດ້ວຍ​ຄວາມ​ນັບ­ຖື​ຢ່າງ​ສູງ</strong></p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ