ແຈ້ງ​ຈ່າງ​ປ້າງ ປານ​ເຫັນ​ເສືອ​ກາງ­ເວັນ

2.827 30 ກ.ກ. 2013 ນານາສາລະ

<p style="text-align: justify;"> ເມື່ອ​ເວົ້າ​ເຖິງ​ການ​ນຳໃຊ້​ພະ­ລັງ­ງານ​ໄຟ­ຟ້າຈາກ​ເຂື່ອນປະເທດ​ລາວເຮົາ​ກໍ​ຍັງ​ຖື​ວ່າ​ເປັນ​ປະ­ເທດ​ທີ່​ໃຊ້​ລຸນ​ໝູ່​ໃນພູ­ມີ­ພາກ​ນີ້ ຄື​ນັບ​ແຕ່​ເປີດ​ສັກ­ກະ­ຫຼາດ​ທຳອິດ​ໃຊ້​ໄຟ​ຈາກ​ເຂື່ອນ​ນ້ຳ​ງື່ມ ເມື່ອ​ປີ 1970 ເປັນ­ຕົ້ນ​ມາ ແລະຈົນ​ເຖິງປັດ­ຈຸ­ບັນ​ກໍ​ຍັງ​ບໍ່​ເຖິງ 50 ປີ​ຊ້ຳ ພາຍ­ຫຼັງ​ປະ­ເທດ​ຊາດໄດ້​ຮັບ​ການ​ປົດ​ປ່ອຍ​ມາ​ນີ້ ການ​ພັດ­ທະ­ນາ​ພະ­ລັງ­ງານ​ໄຟ­ຟ້ານ້ຳ­ຕົກ​ໄດ້​ມີ​ການ​ຂະ­ຫຍາຍ­ຕົວ​ຢ່າງ​ວ່ອງ­ໄວ ສ່ວນ​ໃຫຍ່​ແມ່ນການ​ນຳ​ໃຊ້​ແມ່­ນ້ຳ​ທີ່​ເປັນ​ສາ­ຂາ​ຂອງ​ແມ່­ນ້ຳຂອງ ເພື່ອ​ສ້າງເຂື່ອນ ມາ​ຮອດ​ປີ​ນີ້​ມີ​ທັງ​ໝົດ 21 ເຂື່ອນ​ແລ້ວ ແລະ ໃນ​ທົ່ວປະ­ເທດ​ມີ​ຄົວ​ເຮືອນ​ທີ່​ໄດ້​ໃຊ້​ໄຟ­ຟ້າ​ແລ້ວ​ກວ່າ 80% ແລະ1/3ຂອງ​ລາຍ​ຮັບ​ແຫ່ງ​ຊາດ ແມ່ນ​ໄດ້​ຈາກ​ການ​ຂາຍ​ໄຟ­ຟ້າດັ່ງ­ນັ້ນ ຈຶ່ງ​ເວົ້າ​ວ່າ ເຂື່ອນ​ພະ­ລັງ­ງານ​ໄຟ­ຟ້າ​ໄດ້​ປະ­ກອບ­ສ່ວນໃຫຍ່​ຫຼວງ​ເຂົ້າ​ໃນ​ການ​ລຶ­ບລ້າງ​ຄວາມ­ທຸກ​ຍາກ​ຂອງ​ປະ­ຊາຊົນ​ລາວ.</p> <p style="text-align: justify;"> ຢູ່​ໃນ​ບັນ­ດາ​ປະ­ເທດ​ພັດ­ທະ­ນາ​ອຸດ­ສາ­ຫະ­ກຳ​ທີ່​ທັນ​ສະ­ໄໝໄດ້​ຖື​ເອົາ​ການ​ພັດ­ທະ­ນາ​ພະ­ລັງ­ງານ​ໄຟ­ຟ້າ​ເປັນ​ອັນດັບ​ທຳ​ອິດເພື່ອ​ເປັນ​ພື້ນ­ຖານ​ໃນ​ການ​ຫັນ­ປ່ຽນ​ສູ່​ອຸດ­ສາ­ຫະ­ກຳ​ດ້ານ​ອື່ນໃຫ້​ທັນ​ສະ­ໄໝ ດັ່ງ​ເຊັ່ນ ອະ­ດີດ​ສະ­ຫະ­ພາບ​ໂຊ​ວຽດ ໄດ້​ໃຫ້​ນິຍາມ​ຄວາມ​ໝາຍ​ຂອງ​ສັງ­ຄົມ​ນິ­ຍົມ​ວ່າ: ໄຟ­ຟ້າ+ອຳ­ນາດ​ໂຊວຽດ ຍ້ອນ​ແນວ​ນັ້ນ​ການປະ­ຕິ­ວັດ​ອຸດ­ສາ­ຫະ­ກຳ​ໃນ​ປະ­ເທດພັດ­ທະ­ນາ​ທັງ­ຫຼາຍ​ຈຶ່ງ​ເລີ່ມ​ຈາກ​ໄຟ­ຟ້າ​ຕ້ອງ​ມາ​ກ່ອນ​ທັງ​ນັ້ນເມື່ອ​ບໍ່​ມີ​ໄຟ­ຟ້າ ກໍ​ບໍ່​ມີ​ເງື່ອນ­ໄຂ​ສ້າງ​ອຸດ­ສາ­ຫະ­ກຳ​ໃດໆ​ເກີດຂຶ້ນ​ໄດ້.</p> <p style="text-align: justify;"> ລັດ­ຖະ­ບານ ແຫ່ງ ສປປ ລາວ ມີ​ບົດ­ຮຽນ​ສູງ​ທາງ​ດ້ານພັດ­ທະ­ນາ​ໄຟ­ຟ້າ​ພະ­ລັງ­ງານ​ນ້ຳ­ຕົກ ຕົວ­ຢ່າງ ເຂື່ອນ​ນ້ຳເທີນ2ສ້າງ​ສຳ­ເລັດ​ເມື່ອ​ປີ 2010ໄດ້​ຖືກ​ຍົກ­ຍ້ອງ​ວ່າ​ເປັນ​ເຂື່ອນຕົວ​ແບບ​ແຫ່ງ​ຄວາມ​ຍືນ​ຍົງ​ທາງ​ເສດ­ຖະ­ກິດ ສິ່ງ­ແວ­ດລ້ອມແລະ ສັງ­ຄົມ ຈາກ​ບົດ­ຮຽນ​ດັ່ງ­ກ່າວ​ຍິ່ງ​ເຮັດ​ໃຫ້­ການ​ນຳເອົາ​ເຕັກ​ໂນ​ໂລ​ຊີ​ໃໝ່​ທັນ​ສະ­ໄໝ​ທີ່​ສຸດອອກ​ມາ​ໃໝ່​ຫຼ້າ​ສຸດ​ມານຳ​ໃຊ້​ເຂົ້າ​ຢູ່​ເຂື່ອນ​ນ້ຳ­ຂອງ​ແຫ່ງ​ທຳ​ອິດ​ທີ່​ໄຊ​ຍະ​ບູ​ລີ ເຊິ່ງ​ມີຄວາມ​ພິ­ເສດ​ໄປ​ຈາກ​ເຂື່ອນອື່ນ ຄື​ບໍ່​ແມ່ນ​ເຂື່ອນ​ທີ່​ມີ​ອ່າງ​ເປັນນ້ຳ​ຂະ­ໜາດ​ໃຫຍ່ ແຕ່​ເປັນ​ປະ­ເພດ​ອ່າງ​ນ້ຳ​ໄຫຼ ພຽງ​ເພື່ອຊ່ວຍ​ໃຫ້​ນ້ຳ​ລົງ​ດ້ວຍກຳ­ລັງ​ແຮງ​ອັນ​ສະ​ໝ່ຳ​ສະ­ເໝີ ສາ­ມາດສົ່ງ​ເຂົ້າ​ໄປ​ຫາ​ກົງ­ພັດ­ນ້ຳ ຫຼື ປະ­ຕູ​ນ້ຳ​ລົ້ນ​ຕະ­ຫຼອດ​ປີ ເປັນ​ເຕັກໂນ​ໂລ​ຊີແບບ​ດຽວ​ທີ່​ກຳ­ລັງ​ນຳ​ໃຊ້​ເພື່ອ​ຜະ­ລິດ​ພະ­ລັງ­ງານ​ສະອາດ ແລະ ທົດ​ແທນ​ໃນ​ທະ­ວີບ​ເອີ​ຣົບ ແລະ ອາ­ເມ­ລິ­ກາຄວາມ​ສູງ​ຂອງ​ເຂື່ອນ​ກໍ​ຈຳ­ກັດ​ໃຫ້​ຢູ່​ໃນ​ລະ­ດັບ​ດຽວ​ກັບ​ລະ­ດັບນ້ຳ​ໃນ​ລະ­ດູ​ນ້ຳ­ນອງ ເວົ້າ​ລວມ​ແລ້ວ ນ້ຳ​ໄຫຼ​ເຂົ້າ ແລະ ໄຫຼອອກ​ເຂື່ອນ ແລະ ລະ­ດັບ​ນ້ຳ​ແມ່ນ​ສະ​ໝ່ຳ​ສະ­ເໝີ​ຕະ­ຫຼອດຮອບ​ປີ ສ່ວນ​ດ້ານ​ອື່ນໆ​ເຊັ່ນ: ການ​ເດີນ­ທາງ​ຂອງ​ປາ ຂອງເຮືອ ມົນ​ລະ​ພິດ ແລະ ສິ່ງ­ແວ­ດລ້ອມ​ອື່ນໆ ລ້ວນ​ແຕ່​ຜ່ານການ​ວິ­ໄຈ ຜ່ານ​ການ​ອະ­ທິ­ບາຍ​ຊີ້ແຈງ​ໃນ​ກອງ​ປະ­ຊຸມ​ລະ­ດັບຕ່າງໆ ແລະ ມີ​ການອື-ນໍ-ຫໍ່​ໝົກ​ກັນ​ຈົບ​ເຈືອ ແຕ່​ກໍ​ມີ​ບາງອົງ­ການ​ບໍ່​ສັງ­ກັດ​ລັດ​ເປັນ­ຕົ້ນ ອົາການ IR ນີ້ ເວົ້າ​ຕາມ​ສຳ­ນວນລາວໆ​ວ່າ: ຕັ້ງ​ແກ້ງ​ເຮັດ “ເອົາ​ຫູ​ໄປ​ນາ​ເອົາ​ຕາ​ໄປ​ໄຮ່” “ເຮັດຫູ­ໜວກ​ກິນ​ຟານ” ຫຼື ເຮັດ​ແບບ “ໝີ​ກິນ​ເຜິ້ງ” ບໍ່​ຟັງ​ຫຍັງ ຄືເປັນ​ພະ​ລາ­ຫູ (ຫູ­ໜວກ​ ສັບ​ຊາວ­ບ້ານ​ວ່າ) ແລ້ວ​ຍັງ​ປ່ອຍ​ຄຳເວົ້າຂ່າວ​ມະ​ລຳ​ມະ​ລອຍ​ອະ­ກຸ­ສົນ ແຕ່​ກົງ​ກັນ​ຂ້າ ປະ­ຊາ­ຊົນທຸກ​ຍາກ​ຜ່ານ​ມາ​ໂລດ​ບໍ່​ເຫັນ​ຖິ້ມ​ສາຍ­ຕາ​ເບິ່ງ.</p> <p style="text-align: justify;"> ລຸງ​ທິດ​ສະ­ທ້ານ ສຸດ​ແກ້ວ ອາ­ຍຸ 76 ປີ ປະ­ຊາ­ຊົນ​ບ້ານຫ້ວຍ​ຊຸຍ ເມືອງ​ໄຊ​ຍະ​ບູ​ລີ ທີ່​ຍົກ­ຍ້າຍ​ໄປ​ຢູ່​ບ້ານ​ໃໝ່ ທີ່ໂຄງການ​ຈັດ​ໃຫ້​ ທີ່​ບ້ານ​ນາ​ຕໍ​ໃຫຍ່ ໄດ້​ກ່າວ​ກັບ​ຜູ້​ຂຽນ​ຢ່າງ​ເປີດ​ໃຈວ່າ: ການ​ຍົກ­ຍ້າຍ​ມາ​ຢູ່​ບ້ານ​ໃໝ່ ເຖິງ​ວ່າ​ຈະຍັງ​ບໍ່​ລືມ​ບ້ານເກົ່າ​ທີ່​ເຄີຍ​ຢູ່​ມາ​ແຕ່​ປູ່​ຍ່າ​ຕາ​ຍາຍ​ກໍ​ຕາມ ແຕ່​ບ້ານ​ໃໝ່​ແມ່ນມາ​ຈາກ​ຄວາມ​ຍິນ​ດີ ຄວາມ​ພໍ­ໃຈຂອງ​ເຮົາ​ເຊັ່ນ​ກັນ ວ່າ​ແລ້ວເກືອບ​ບໍ່​ມີ​ຫຍັງ​ເສຍ​ຫາຍ ເພາະ​ສິ່ງ​ທີ່​ໂຄງ­ການ​ທົດ​ແທນ​ໃຫ້ແມ່ນ​ສົມ​ເຫດ​ສົມ​ຜົນ ສ່ວນ​ຕົວ​ເຮົາ​ແນວ­ໃດ​ຊິ​ຈະ­ເລີນ ຂໍ​ໃຫ້ລູກ​ຫຼານ​ສ້າງ­ສາ​ພັດ­ທະ­ນາ​ໂລດ ເບື່ອ! ​ທຸກ​ມາ​ຫຼາຍ​ປີ ຫຼາຍເຊັ່ນ​ຄົນ​ມາແລ້ວ ຕໍ່​ຄຳ​ຖາມ​ທີ່​ວ່າ ບ້ານ​ໃໝ່​ປ່ຽນ­ແປງ​ຊີ­ວິດລຸງ​ຫຍັງ​ແດ່ ? ຜູ້­ກ່ຽວ​ຍິ້ມ​ເບົາໆ​ເວົ້າ​ວ່າ: ຂະ­ໜາດ​ເຂື່ອນ​ບໍ່ທັນແລ້ວ​ຍັງ​ໄດ້​ໃຊ້​ໄຟ­ຟ້າໄດ້​ ເບິ່ງ​ໂທລະ­ພາບ ໃຊ້​ຕູ້­ເຢັນ ກາງຄືນ​ໄຕ້​ແລ້ວ​ແຈ້ງ​ຈ່າງ​ປ່າງ​ປານ​ເຫັນ​ເສືອ​ກາງ­ເວັນ.</p> <p style="text-align: justify;"> ສ່ວນ​ຜູ້​ອື່ນໆ​ເມື່ອ​ໂອ້​ລົມ​ແລ້ວ ພວກ​ເຂົາ​ກໍ​ມີ​ທັດ­ສະ­ນະຄ້າຍ­ຄື​ກັນ ແລະ ພູມ­ໃຈ​ໃນ​ສິ່ງ​ທີ່​ປ່ຽນ­ແປງ ເຊິ່ງ​ພວກເຂົາ​ລໍຄອຍ​ຢູ່​ຕໍ່­ໜ້າ ໂດຍ​ສະ­ເພາະພວກ​ຮຸ່ນ​ລູກ​ຫຼານ​ຈະ​ບໍ່​ທຸກ​ຍາກດັ່ງ​ພໍ່​ແມ່​ຜ່ານ​ມາ ຂະ­ໜາດ​ຜູ້​ທີ່​ໄດ້​ຮັບ​ຜົນກະ­ທົບ​ໂດຍ​ກົງ​ຍັງສະ­ແດງ​ອອກ​ໝົດ​ຈິດ​ໝົດ​ໃຈ​ໄດ້​ເຖິງ​ຂະ­ໜາດ​ນີ້ ແຕ່​ກໍ​ແປກຄື​ກັນ​ວ່າ ຜູ້​ບໍ່​ໄດ້​ຮັບ​ຜົນ​ກະ­ທົບໂດຍ​ກົງ ພັດ​ເຕັ້ນ​ແຮ້ງ​ເຕັ້ນ​ກາ ຮ້ອງ​ປາກ­ປຽກ​ນ້ຳ­ລາຍ​ໄຫຼ ​ເວົ້າ​ແບບ​ບໍ່​ມີ​ການ​ສ້າງ­ສັນ​ຈັກ​ດີ້ ພຽງ​ເທົ່າ​ນີ້ ມັນ​ກໍແຈ້ງ​ຈ່າງ​ປ່າງ​ຄື​ກັນ​ກັບ​ເຫັນ​ເສືອ​ກາງ­ເວັນ ວ່າ: ທາດ​ແທ້​ຂອງ​ການ​ໃສ່​ຮ້າຍ ​ແມ່ນ​ຈຸດ­ປະ­ສົງ​ຢາກ​ໃຫ້​ຄົນລາວ​ສືບ­ຕໍ່​ທຸກ​ຍາກ​ຕໍ່​ໄປ​ຕີ​ບໍ.</p> <p style="text-align: justify;"> <strong>ໂດຍ: ດອກ​ຊ້ອນ ດອນ​ໂຂງ</strong></p>

ຂ່າວທີ່ກ່ຽວຂ້ອງ