ເປັນ​ຫ່ວງ!

<p style="text-align: justify;"> ວັນ​ສຸກ​ແລ້ວ­ນີ້(5/6/2013) ມີ​ໂອ­ກາດນັ່ງ​ລົມ​ກັບ​ໝູ່​ເພື່ອນ​ນັກຂຽນ​ລຸ້ນ​ເກົ່າ​ທີ່​ຫຼາຍ​ປີ​ບໍ່​ໄດ້​ພົບ​ກັນ​ໃນ​ຫຼາຍ​ເລື່ອງ ໃນ​ນັ້ນ ໜີບໍ່​ພົ້ນ​ເລື່ອງ​ໃນວົງ​ການ​ຂີດ​ຂຽນ.</p> <p style="text-align: justify;"> ລົມ​ກັນ​ໄປ​ໂສ​ກັນ​ມາ​ເພື່ອນ​ສະ­ແດງ​ອາ­ການ​ເປັນ​ຫ່ວງວົງ​ການ​ສື່​ໃນ​ຍຸກ​ໃໝ່ ໂດຍ​ສະ­ເພາະແມ່ນ​ເລື່ອງ​ການ​ຄຸ້ມຄອງ​ຄຸນ​ນະ​ພາບ​ຂອງ​ເນື້ອໃນ ລວມ​ໄປ​ເຖິງ​ການ​ໃຫ້​ຄຸນ­ຄ່າຜົນ­ງານ ບໍ່​ວ່າ​ຈະ​ເປັນ​ລາ­ງວັນ ຫຼືວ່າ​ນາມ­ມະ­ຍົດ​ທີ່​ເອີ້ນກັນ​ວ່າ: ອາ­ຈານ​ນັ້ນ ອາ­ຈານ​ນີ້ ທັງ​ທີ່​ຜົນ­ງານ ແລະ ປະສົບ​ການ​ບໍ່​ເໝາະ​ປານ­ໃດ.</p> <p style="text-align: justify;"> <strong>ສິ່ງ​ທີ່​ເພິ່ນ​ເປັນ​ຫ່ວງ​ມີ​ບາງ​ອັນ​ດັ່ງ­ນີ້:</strong></p> <p style="text-align: justify;"> + ເປັນ​ຫ່ວງ​ວາ­ລະ­ສານ​ພາກ​ເອ­ກະ​ຊົນທີ່​ເກີດ​ຂຶ້ນ​ມາຫຼາຍ ແຕ່​ເນື້ອ​ໃນ-ຮູບ​ແບບ​ຢາກ​ຄື​ກັນ ເພາະ​ນຳ​ສະ­ເໜີ​ແຕ່ແຟ​ຊັ້ນ ຂໍ້​ມູນ​ເອົາ​ຈາກ​ອິນເຕີ​ເນັດ ພາ­ສາ​ໄທ​ມາ​ແປ ແຕ່​ບໍ່ເປັນ​ພາ­ສາ​ລາວ... ການ​ສ່ຽງ​ໂຊກ​ດ້ວຍ​ຕຳ­ລາໝໍ​ດູ ອັນ​ນີ້ບໍ່​ໄດ້​ສົ່ງ­ເສີມ​ໃຫ້​ເກີດ​ມີ​ນັກ​ຂຽນ ແຕ່​ສົ່ງ­ເສີມ​ໃຫ້​ມີນັກ​ກ່າຍຫຼາຍ​ຂຶ້ນ​ແລ້ວ​ຍ້ອງ​ກັນ​ເອງ.</p> <p style="text-align: justify;"> + ການ​ມອບ​ລາ­ງວັນ​ຕ່າງໆ ໂດຍ​ສະ­ເພາະພາກ​ເອ­ກະຊົນ ກໍ​ເຮັດ​ແບບ​ຂີ້​ຖີ່ ບໍ່​ກວ້າງ­ຂວາງ ແນມ​ເຫັນ​ແຕ່​ຄົນ​ຢູ່ອ້ອມ​ຂ້າງ​ອ້ອມ​ແອວ​ທໍ່​ນັ້ນ ແຕ່​ປານ​ນັ້ນ​ມະ­ຫາ​ພາກ​ກໍ​ຍັງ​ໄປຮ່ວມ​ນຳ​ເບິ່ງ​ນຳ​ອີກ.</p> <p style="text-align: justify;"> + ແຕ່ງ​ເພງ​ສອງ-ສາມ​ເພງ ຂຽນ​ບົດ​ຄວາມ​ບໍ່​ຮອດ​ສິບບົດ ເຮັດ​ວຽກ​ຕົວ​ຈິງ​ບໍ່​ຮອດ 5 ປີ ເອີ້ນ​ກັນ​ອາ­ຈານ​ແລ້ວ ! ບໍ່ຮູ້​ວ່າ​ຂຶ້ນ​ຫ້ອງ​ສອນ​ວິ­ຊາຫຍັງ ? ຢູ່​ໂຮງ­ຮຽນ​ໃດ ? ມີ​ໃຜ​ຢັ້ງຢືນ !.</p> <p style="text-align: justify;"> ອັນ​ນີ້​ອັນ­ຕະ­ລາຍ​ແທ້ໆ ເພາະ​ຄົນ​ຈະ​ຫຼົງ​ຕົວ ?.</p> <p style="text-align: justify;"> + ບັນ­ນາ­ທິ­ການ​ຍັງ​ອ່ອນ​ນ້ອຍ (ອ່ອນ​ພັນ​ສາ) ຄວາມຮູ້​ທາງ​ດ້ານ​ທິດ​ສະ​ດີ-ການ­ເມືອງບໍ່​ມີ​ພໍ​ໜ້ອຍ ແຕ່​ໄປ​ບັນ­ຊາວາ­ລະ­ສານ ລາຍ­ການ​ວິ­ທະ­ຍຸ-ໂທລະ­ພາບ... ອັນ​ນີ້ ສ່ຽງທີ່​ຫຼົງ​ກົນ​ຂອງ​ຜູ້​ບໍ່​ຫວັງ​ດີ.</p> <p style="text-align: justify;"> <strong>ສຳ­ລັບ​ທາງ​ອອກ​ເພິ່ນ​ວ່າ​ດັ່ງ­ນີ້:</strong></p> <p style="text-align: justify;"> + ຢາກ​ໃຫ້​ມີ​ການ​ເຝິກ­ອົບ­ຮົມ​ໃນ​ລະ­ດັບ​ໃດ​ໜຶ່ງ​ໃຫ້​ແກ່​ຜູ້ທີ່​ຈະ​ເຮັດ​ວຽກ​ໃນ​ວົງ​ການ​ສື່ ກໍ​ຄື​ລະ­ດັບ​ບັນ­ນາ­ທິ­ການ ໝາຍວ່າ ມີ​ໃບ­ຢັ້ງ­ຢືນ​ການເຝິກ­ອົບ­ຮົມ​ຈຶ່ງ​ອະ­ນຸ­ຍາດ​ໃຫ້​ເຮັດ​ວຽກນີ້​ໄດ້.</p> <p style="text-align: justify;"> + ໃນ​ເບື້ອງ​ຕົ້ນ​ຢາກ​ໃຫ້​ຄົນ​ໃນ​ວົງ​ການ​ລັດ​ອອກ​ໄປ​ເປັນບັນ­ນາ­ທິ­ການ​ຂອງ​ວາ­ລະ­ສານ ຫຼື ສື່​ເອ­ກະ​ຊົນ (ຮູບ​ແບບເຮັດ​ວຽກ​ເພີ່ມ) ເພາະ​ນັ້ນໝາຍ​ເຖິງ​ການ​ຄຸ້ມ​ຄອງ​ຂອງ​ລັດ.</p> <p style="text-align: justify;"> + ການ­ຈັດ­ຕັ້ງ​ໃຫ້​ລາ­ງວັນ​ໃດ​ກໍ​ຕາມ ພາກ­ສ່ວນ​ລັດຕ້ອງ​ເຂົ້າ​ໄປ​ມີ​ສ່ວນ​ຮ່ວມ​ຢ່າງ​ຈິງ​ຈັງ ໂດຍ​ສະ­ເພາະສະ​ມາຄົມ​ນັກ​ຂ່າວ ສະ­ມາ­ຄົມ​ນັກປະ­ພັນ ຜູ້​ເຮັດ​ວຽກ​ໃນ​ຂົງ­ເຂດ​ສື່ຫຼື ວົງ​ການ​ຂີດ​ຂຽນ​ເອ­ກະ​ຊົນ​ໃດ​ກໍ​ຕາມ ຫາກ​ບໍ່​ນັບ­ຖື ຫຼື ໃຫ້ສອງ​ສະ­ມາ­ຄົມ​ນີ້​ມີ​ສ່ວນ​ຮ່ວມ​ແມ່ນ​ຫ້າມ​ເດັດ­ຂາດ​ບໍ່​ໃຫ້​ມີສິດ​ມອບ​ລາ­ງວັນ​ໃດໆ.</p> <p style="text-align: justify;"> + ຄວນ​ກຳ­ນົດ​ມາດ­ຕະ­ຖານ​ວ່າ ໃຜ​ແຕ່ງ​ເພງ​ທໍ່​ໃດ​ບົດ​ທໍ່​ໃດ ?ເພງ​ມີ​ຊື່​ສຽງ​ສັງ­ຄົມ​ຍອມ­ຮັບ ການ­ຈັດ­ຕັ້ງ​ຍອມ­ຮັບ​ທໍ່​ໃດ ?ເຄີຍ​ຖືກ​ເຊີນ​ໄປເປັນ​ວິ­ທະ­ຍາ­ກອນ-ເປັນ​ອາ­ຈານ​ຮັບ​ເຊີນ​ຈັກຊົ່ວ­ໂມງ​ໃນ​ວິ­ທະ­ຍາ­ໄລ ມະ­ຫາ­ວິ­ທະ­ຍາ­ໄລ​ໃດ ? ລວມ​ເອົາຂໍ້​ມູນ​ນີ້​ແລ້ວ​ປະ­ກາດ​ນາມ­ມະ­ຍົດອາ­ຈານ​ຢ່າງ​ເປັນ​ທາງ​ການບຸກ­ຄົນ​ໃດ​ບໍ່​ໄດ້​ຮັບ​ນາມ­ມະ­ຍົດ​ຈາກ​ທາງ​ການ ແມ່ນ​ບໍ່​ມີ​ສິດນຳ​ໃຊ້​ເດັດ­ຂາດ ຖ້າ​ຝ່າ­ຝືນ​ຈະ​ຖືກ​ໂທດ​ຕາມ​ກົດ­ໝາຍ.</p> <p style="text-align: justify;"> ສຳ­ລັບ​ຜູ້​ຂຽນ​ບໍ່​ມີ​ຄຳ​ເຫັນ ພຽງ​ແຕ່​ນຳ​ສະ­ເໜີ​ທໍ່​ນັ້ນ ເພື່ອນຜູ້​ອື່ນ​ມີ​ຄຳ​ເຫັນ​ເປັນ​ປະ­ການ​ໃດ ? ກໍ​ຂໍ​ໃຫ້​ສະ­ແດງ​ຄຳ​ເຫັນແບບ​ສ້າງ­ສັນ​ເຂົ້າ​ມາ​ຄໍ​ລຳ​ຂອງ​ເຮົາ​ຈະ​ເປັນ​ພະ​ຄຸນ​ຍິ່ງ.</p> <p style="text-align: right;"> <strong>ໂດຍ: ແນວ​ລາວ</strong></p>