ຝາກ​ເຖິງ​ກະ­ຊວງ​ພາຍ​ໃນ

4.088 10 ກ.ກ. 2013 ນານາສາລະ

<p style="text-align: justify;"> ກອງ ບ.ກ ໄດ້​ຮັບ ຈ.ມ ລົງ​ວັນ​ທີ 8/7/2013 ຈາກ​ເພື່ອນ​ຜູ້​ອ່ານ​ນາມ​ວ່າ: ທ.ບຸນ​ໂຮມ ປະ­ຕິ­ວັດ ທີ່​ສ່ອງ​ແສງ​ເລື່ອງ​ຂໍ້​ມູນ​ໃນ​ປຶ້ມຄຳ​ຖາມ-ຄຳຕອບສອບ­ເສັງ​ເຂົ້າ​ເປັນ​ລັດ­ຖະ­ກອນ​ ແຫ່ງ ສປປ ລາວ ພາກ​ຄວາມ​ຮູ້​ທົ່ວ​ໄປ (ລະ­ດັບ​ຊັ້ນ​ສູງ​ຂຶ້ນ​ໄປ) ທີ່ພິມ​ໂດຍ​ກະ­ຊວງ​ພາຍ​ໃນ (2013).</p> <p style="text-align: justify;"> ບ.ກ ຕົກ­ໃຈ​ເມື່ອ​ອ່ານ​ຄຳ​ສ່ອງ​ແສງ ແຕ່​ເວ­ລາ​ໄປ​ກວດເບິ່ງ​ຕົວ​ຈິງ ກໍ​ເຫັນ​ວ່າ​ຖືກ​ຕາມ​ເພື່ອນ​ສ່ອງ​ແສງ​ແທ້ ?.</p> <p style="text-align: justify;"> ທາງ​ອອກ​ນັ້ນ ກະ­ຊວງ​ພາຍ​ໃນ​ ຄວນ​ອອກ​ມາ​ຊີ້​ແຈງ ແລະ ແກ້​ການ​ພິມ​ຄຳ​ຕອບ ເຊິ່ງ​ຄິດ​ວ່າອາດ​ຜິດ­ພາດ​ດ້ານເຕັກ­ນິກ ເພາະ​ໃນ​ຄຳ​ຖາມໜຶ່ງ​ມີ​ສີ່​ຄຳ​ຕອບ ໃນ​ນັ້ນ ມີ​ຄຳຕອບ​ຖືກ ! ພຽງ​ແຕ່​ວ່າ ເວ­ລາ​ພິມ​ນັ້ນ​ອາດ​ຜິດ­ພາດ​ໃນ​ການໝາຍ​ຂໍ້ ຖືກ ບໍ່​ກົງ​ກັບ​ຕົວ​ອັກ­ສອນ​ທໍ່​ນັ້ນ !.</p> <p style="text-align: justify;"> ບ.ກ ກໍ​ເປັນ​ຫ່ວງ​ຫຼາຍ​ຫາ​ກວ່າ​ຈະ​ມີ​ການ​ສອບ­ເສັງ​ໃນເດືອນ​ກັນ­ຍາ (9) ນີ້.</p> <p style="text-align: justify;"> ເນື້ອ​ໃນ ຈ.ມ ສ່ອງ​ແສງ​ມີ​ດັ່ງ­ນີ້: ສະ­ບາຍ­ດີ ທ່ານ ບ.ກ ວຽງ​ຈັນ​ໃໝ່.</p> <p style="text-align: justify;"> ຂ້າ­ພະ­ເຈົ້າ ທ.ບຸນ​ໂຮມ ປະ­ຕິ­ວັດ ຢູ່​ບ້ານ​ໂພນ​ສະ­ຫວ່າງ ເມືອງ​ຈັນ­ທະ​ບູ​ລີ ມີ​ຂໍ້​ຂ້ອງ​ໃຈ​ກ່ຽວ​ກັບ​ຄຳ​ຖາມ​ສອບ­ເສັງເຂົ້າ​ເປັນ​ລັດ­ຖະ­ກອນ​ທີ່ກະ­ຊວງ​ພາຍ​ໃນ ໄດ້​ພິມ​ອອກ ແລະ ຈຳ­ໜ່າຍ​ໃຫ້​ນັກ​ສຶກ​ສາ​ທີ່​ສະ­ໝັກ​ເສັງ​ເຂົ້າ​ເປັນ​ລັດ­ຖະ­ກອນນັ້ນ ຜ່ານ​ການ​ອ່ານ​ເບິ່ງ​ຄຳ​ຖາມ ແລະ ຄຳຕອບ​ທີ່​ກະ­ຊວງພາຍ​ໃນ​ ຕອບ​ໃນ​ປຶ້ມ​ພິມ​ນັ້ນ ເຫັນ​ວ່າ​ມີ​ຄວາມ​ຜິດ​ຫຼາຍ ຂໍ​ຍົກຕົວ­ຢ່າງ​ບາງ​ຕົວ­ຢ່າງ​ທີ່​ກະ­ຊວງ​ພາຍ​ໃນ​ຕອບ​ຜິດ​ໃນ​ປຶ້ມ:</p> <p style="text-align: justify;"> - ຄຳ​ຖາມ 378ຂະ­ແໜງ​ອຸດ­ສາ­ຫະ­ກຳ ແລະ ການ​ຄ້າ ໃຫ້​ບໍ­ລິ­ການ​ຂຶ້ນ​ທະ­ບຽນ​ວິ​ສາ​ຫະ​ກິດ​ກ່ຽວ​ກັບ​ກິດ­ຈະ­ການອັນ​ໃດ​ແດ່ ? ຄຳ​ຕອບ​ທີ່​ກະ­ຊວງ​ພາຍ​ໃນ​ ຕອບ​ໃນ​ປຶ້ມ​ພິມ: ຂໍ້ ງ: ຕອບ​ວ່າ: ກ່ຽວ​ກັບ​ກິດ­ຈະ­ການ ການ​ລົງ­ທຶນ​ຂອງ​ຄົນ​ລາວຢູ່​ຕ່າງ­ປະ­ເທດ.</p> <p style="text-align: justify;"> - ຄຳ​ຖາມ 394ພະ­ລັງ­ງານ​ໄຟ­ຟ້າ​ສ່ວນ​ໃຫຍ່​ຢູ່ ສປປ ລາວ ແມ່ນ​ໄດ້​ມາ​ຈາກ​ແຫຼ່ງ​ໃດ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍໃນ ​ຕອບ​ໃນ​ປຶ້ມ​ພິມ ຂໍ້ ກ: ນິວ​ເຄຼຍ.</p> <p style="text-align: justify;"> - ຄຳ​ຖາມ 407ໝວດ​ແຮ່​ທາດ​ອະ​ໂລ­ຫະ ​ປະ­ກອບ​ມີຫຍັງ​ແດ່ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ ​ຕອບ​ໃນ​ປຶ້ມ​ພິມ: ຂໍ້ ກ. ຕອບ​ວ່າ: ຄຳ ເງິນ ທອງ ຊືນ ສັງ­ກະ­ສີ ເຫຼັກ ກົ່ວ ແລະ ອື່ນໆ.</p> <p style="text-align: justify;"> - ຄຳ​ຖາມ 408ໝວດ​ແຮ່​ທາດ​ແຫຼວ​ປະ­ກອບ​ມີ​ຫຍັງ​ແດ່ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ​ ຕອບ​ໃນ​ປຶ້ມ​ພິມ ຂໍ້ ກ. ຕອບ​ວ່າ: ຄຳ ເງິນ ທອງ ຊືນ ສັງ­ກະ­ສີ ເຫຼັກ ກົ່ວ ແລະ ອື່ນໆ.</p> <p style="text-align: justify;"> - ຄຳ​ຖາມ 410ວິ​ສາ​ຫະ​ກິດ​ໄຟ­ຟ້າ​ລາວ ​ຂຶ້ນ​ກັບ​ກະ­ຊວງໃດ​ຄຸ້ມ​ຄອງ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ​ ຕອບ​ໃນ​ປຶ້ມ​ພິມຂໍ້ ຂ. ກະ­ຊວງ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ.</p> <p style="text-align: justify;"> - ຄຳ​ຖາມ 411ສາມ­ຫຼ່ຽມ​ຄຳ ມີ​ປະ­ເທດ​ໃດ​ແດ່ ?</p> <p style="text-align: justify;"> ຄຳຕອບ​ທີ່​ກະ­ຊວງ​ພາຍ​ໃນ ​ຕອບ​ໃນ​ປຶ້ມ​ພິມ ຂໍ້ ຄ. ກຳ­ປູ­ເຈຍ ຫວຽດ­ນາມ ໄທ.</p> <p style="text-align: justify;"> - ຄຳ​ຖາມ 436ອີງ​ຕາມ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ­ຖະ­ບານ ສປປ ລາວ ຈະ​ຫຼຸດ​ພົ້ນ​ຈາກ​ຄວາມດ້ອຍ​ພັດ​ທະ​ນານ​ໃນ​ປີ​ໃດ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ ຕອບ​ໃນ​ປຶ້ມ​ພິມ ຂໍ້ ງ. ປີ 2030.</p> <p style="text-align: justify;"> - ຄຳ​ຖາມ 471ບໍ­ລິ­ສັດ​ໄປ­ສະ­ນີ​ລາວ ແມ່ນ​ຂຶ້ນ​ກັບ​ກະຊວງ​ໃດ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ ​ຕອບ​ໃນ​ປຶ້ມ​ພິມ ຂໍ້ ງ. ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ.</p> <p style="text-align: justify;"> - ຄຳ​ຖາມ 473ສະ­ຖາ­ນີ​ລົດ­ໄຟ​ແຫ່ງ​ທຳ​ອິດ​ຢູ່ ສປປ ລາວ ເອີ້ນ​ຊື່­ວ່າ​ແນວ­ໃດ ?</p> <p style="text-align: justify;"> ຄຳ​ຕອບ​ທີ່​ກະ­ຊວງ​ພາຍ​ໃນ ຕອບ​ໃນ​ປຶ້ມ​ພິມ ຂໍ້ ກ. ສະ­ຖາ­ນີ​ວຽງ​ຈັນ.</p> <p style="text-align: justify;"> ຄຳ​ຖາມ ແລະ ຄຳ​ຕອບ​ທີ່​ຍົກ​ຂຶ້ນ​ນີ້ ພຽງ​ເປັນ​ຕົວ­ຢ່າງເທົ່າ​ນັ້ນ ແຕ່​ຍັງ​ເຫັນ​ຫຼາຍໆ​ສິບ​ຄຳ​ຖາມທີ່​ຕອບ​ຜິດ ສ່ວນ​ຕົວມີ​ຄວາມ​ເປັນ​ຫ່ວງ​ນຳ​ລູກຫຼານ​ ໃນ​ເມື່ອ​ເຂົາ​ຕອບ​ຖືກ ເພິ່ນ​ຜູ້ກວດ​ພັດ​ຊິ​ໄປ​ເວົ້າ​ວ່າ ຜູ້​້​ເຂົ້າ​ເສັງ​ຕອບ​ຜິດ ຍ້ອນ​ຜູ້​ກວດ​ຈະກວດ​ດ້ວຍ​ລະ­ບົບ​ຄອມ​ພີວ​ເຕີ ສະ­ນັ້ນ ເປັນຫ່ວງ​ຫຼາຍ ຈະເປັນ​ຊ່ອງ​ຫວ່າງ​ເຮັດ​ໃຫ້​ເດັກ­ນ້ອຍ​ພາດ​ໂອ­ກາດ​ໃນ​ການ​ຈະໄດ້​ຄະ­ແນນ.</p> <p style="text-align: justify;"> ສະ­ນັ້ນ ຈຶ່ງ​ຂໍ​ຄວາມ​ຮ່ວມ​ມື​ນຳ​ທ່ານ​ຊ່ວຍ​ລົງ​ໜັງ­ສື­ພິມ​ໃຫ້ດ່ວນ​ດ້ວຍ ເພື່ອ​ໃຫ້​ກະ­ຊວງ​ພາຍ​ໃນ​ພິ­ຈາ­ລະ­ນາ​ຄືນ­ໃໝ່ ວິ­ທີການ​ສອບ­ເສັງ​ແບບ​ນີ້ ເພາະ​ລູກ​ຫຼານ​ຈະ​ເສັງ​ໃນ​ເດືອນ​ກັນຍາ (9) ນີ້.</p> <p style="text-align: right;"> <strong>ດ້ວຍ​ຄວາມ​ນັບ­ຖື ແລະ ຮັກ­ແພງ</strong></p> <p style="text-align: right;"> <strong>ນະ­ຄອນ­ຫຼວງ​ວຽງ​ຈັນ ວັນ​ທີ 8/7/2013</strong></p> <p style="text-align: right;"> <strong>ຈາກ: ບຸນ​ໂຮມ</strong></p>

ຂ່າວທີ່ກ່ຽວຂ້ອງ