ລ້າງ​ຊວຍ​ດ້ວຍ​ການ​ເສຍເຄາະ ຫຼື ຈະ​ດຳ­ລົງ​ຊີ­ວິດ​ຢ້າງ​ມີ​ສະ­ຕິ

2.114 09 ກ.ກ. 2013 ນານາສາລະ

<p style="text-align: justify;"> ຜູ້​ຄົນ​ໃນ​ສະ­ໄໝ​ນີ້​ໃຜກໍ​ເອີ້ນ​ຕົນ​ເອງ​ວ່າ ​ເປັນຄົນ​ຍຸກ​ໃໝ່ ຍຸກ​ດີ​ຈີ​ຕອນ ຍຸກ​ຂໍ້​ມູນ​ຂ່າວ­ສານ​ໄຮ້​ພົມ​ແດນ​ກັນ​ແລ້ວ ທັງ​ມີ​ແບບ­ແຜນ​ດຳ­ລົງ​ຊີ­ວິດ​ທີ່​ສີ­ວິ­ໄລ ຈະເຮັດ​ຫຍັງ​ທຳ​ຫຍັງ​ກໍ​ລ້ວນ​ແຕ່​ມີ​ແຜນ­ການ​ແບບ​ວິ­ທະ­ຍາ­ສາດ ມີ​ການ​ຄິດ­ໄລ່​ເຖິງ​ຜົນ​ໄດ້­ຜົນ​ເສຍ​ຢ່າງ​ຖືກ­ຕ້ອງ​ຮອບ​ຄອບ.</p> <p style="text-align: justify;"> ແຕ່​ກໍ​ຍັງ​ມີ​ຄົນ​ອີກ​ກຸ່ມ​ໜຶ່ງ​ທີ່​ເຂົ້າ­ໃຈ​ວ່າ ໂລກ​ມະ­ນຸດ​ເຮົາ​ບໍ່ແມ່ນ​ສ້າງ​ຂຶ້ນ​ຢ່າງ​ດຽວ​ດາຍ ຍັງ​ຈະ​ຕ້ອງ​ມີ​ການ​ປະ­ກອບສ້າງ​ຈາກ​ສິ່ງ​ລີ້​ລັບ ​ສະ­ຫຼັບ​ສັບ​ຊ້ອນ​ແຝງໄວ້​ຢູ່ ແລະ ສິ່ງ​ເຫຼົ່ານັ້ນ​ຍັງ​ກາຍ­ເປັນ​ຜູ້​ກຳ­ນົດ​ໂຊກ​ຊາ­ຕາ​ວາ​ສະ­ໜາ​ຂອງ​ຜູ້ຄົນ ຄຸ້ມ​ຄອງ​ຜູ້​ຄົນ​ໃຫ້​ເປັນ​ໄປ​ຕາມ​ພົມ­ລິ­ຂິດ​ຂີດ​ເສັ້ນ​ຊາ­ຕາໃຫ້ ໂດຍ​ສະ­ເພາະບ່ອນ­ຢູ່​ອາ­ໄສ​ຂອງ​ມະ­ນຸດ​ເອງ​ກໍ​ມີ​ເຈົ້າ​ຖິ່ນເຈົ້າ​ຖານ ເທວະ​ດາ​ອາ­ຮັກ​ເປັນ​ຜູ້​ປົກ​ປັກ​ຮັກ­ສາ​ດູ​ແລ​ໃຫ້ ເຊິ່ງສິ່ງ​ດັ່ງ­ກ່າວ​ມາ​ຖ້າ­ວ່າ​ໃຜ​ບໍ່​ເຊື່ອ​ກໍ​ຢ່າ​ລົບ​ລູ່ ໝິ່ນ­ປະ­ໝາດ ຫຼື ມີ​ການ​ກະ­ທຳ​ທີ່​ແຕະ­ຕ້ອງ​ເຖິງ​ຈິດ­ໃຈ​ຂອງ​ຜູ້​ທີ່​ເຊື່ອ​ຖື​ມາ​ແນວນັ້ນ ແລະ ກໍ​ກາຍ­ເປັນ​ວັດ­ທະ­ນະ­ທຳ​ລີ້​ລັບ​ຝັງ​ໃນ​ຈິດ­ໃຈ​ຂອງຜູ້​ນັ້ນໆ​ຕໍ່​ມາ.</p> <p style="text-align: justify;"> ການ​ເສຍ​ເຄາະ​ແມ່ນ​ວິ­ທີ​ການ​ໜຶ່ງ​ຂອງ​ຜູ້​ເຊື່ອ​ຖື​ໃນການ​ກຳ­ຈັດ​ປັດ​ເປົ່າ​ສິ່ງ​ບໍ່​ດີ​ນັ້ນ​ໃຫ້​ອອກ​ໄປ ຖ້າ­ວ່າ​ໄດ້​ກະ­ທຳການ​ເສຍເຄະ​ແລ້ວ ຈະ​ປົດ​ເປື້ອງ​ໝົດ​ຄວາມອຸກ­ອັ່ງ ຄວາມ­ທຸກ​ໃຈ ຄວາມ​ລະ​ແວງ​ສົງ​ໃສ​ທີ່​ໄດ້​ແບກ​ຫາບ​ມາ­ໄລຍະ​ດົນ​ນານ ເຄາະ​ກຳແມ່ນ​ການ​ກະ­ທຳ ແມ່ນ​ການ​ປະ­ພຶດຂອງ​ບຸກ­ຄົນ​ທີ່​ສະ­ແດງ​ອອກໃນ​ທາງ​ກົງ ແລະ ທາງ​ອ້ອມ ເຈດ​ຕະ​ນາ ຫຼື ບໍ່​ເຈດ​ຕະ​ນາ ກາຍ­ເປັນ​ຂໍ້​ຜິດ­ພາດ​ທີ່​ນຳ​ມາເຖິງ​ຜົນ​ເສຍ​ຫາຍທາງ​ວັດ­ຖຸ ແລະ ຈິດ­ໃຈ ບາງ​ຄັ້ງ​ຮ້າຍແຮງ​ເຖິງ​ຊີ­ວິດອິນ​ຊີ​ກໍ​ມີ.</p> <p style="text-align: justify;"> ແຕ່​ໃນ​ທາງ​ໂລກ​ແຫ່ງ​ຄວາມ​ເປັນ​ຈິງ​ແລ້ວ ເຄາະ​ກຳ (ສິ່ງ​ບໍ່​ດີ) ຄື​ການ​ກະ­ທຳທີ່​ສະ­ແດງ​ອອກ​ຜ່ານ​ການ​ປະ­ພຶດ ​ທີ່ພາ­ໃຫ້​ເກີດ​ມີ​ສິ່ງ​ບໍ່​ດີ​ປະ­ກົດ​ຂຶ້ນ​ນັ້ນ ສາ­ມາດຫຼີກເວັ້ນ​ໄດ້​ດ້ວຍການ​ວາງ​ແຜນ ການ​ປະ​ເມີນ​ຜົນ ກ່ອນ​ການ​ເສຍ​ຫາຍ​ຈະມາ​ເຖິງ ຫຼື ວິ­ທີ​ການ​ອື່ນໆ​ກໍ​ແມ່ນ​ການ​ມີ​ສະ­ຕິ ສົມ­ມຸດ​ວ່າ: ຄົນ​ສອງ​ຄົນ​ຂັບ​ລົດ​ໄວສວນ​ທາງ​ກັນ​ມາ​ ແລ້ວກໍ່­ໃຫ້­ເກີດ​ອຸບັດ​ເຫດ ເຮັດ​ໃຫ້​ມີ​ຄົນ​ບາດ­ເຈັບ ລົດ​ເພ​ເສຍ​ຫາຍ ຖື​ວ່າເປັນ​ເຄາະ​ຮ້າຍ​ຂອງ​ຄົນ​ທັງ​ສອງ ຫຼື ຈະ​ວ່າ​ແນວ­ໃດ ? ແນ່ນອນ​ຖ້າ­ວ່າ​ກັນ​ໄປ​ຕາມ​ຮູບ​ຄະ­ດີ​ຂອງ​ການ​ເກີດ​ອຸ­ບັດເຫດ ກໍ​ຕ້ອງ​ເບິ່ງ​ວ່າ​ ຄົນ​ຂັບ​ລົດ​ທັງ​ສອງ​ຄັນ​ໃຜ​ລະ­ເມີດ​ກົດ​ຈະ­ລາຈອນ ຂັບ​ໄປ​ຖືກ​ທາງ​ກຳ­ນົດ​ໃຫ້​ຂັບ​ຫຼື​ບໍ? ທາງ​ບ່ອນ​ນັ້ນ ທາງ​ການ​ອະ­ນຸ­ຍາດ​ໃຫ້​ແລ່ນ​ເທົ່າ­ໃດ​ກິ­ໂລ­ແມັດ​ຕໍ່​ຊົ່ວ­ໂມງ ທັງ​ສອງ​ຄົນ​ເມົາ​ເຫຼົ້າ ເມົາ​ຢາ​ບໍ? ມີ​ໃບ​ອະ­ນຸ­ຍາດ​ຂັບ​ລົດ​ຖືກຕ້ອງ​ບໍ? ແລະ ເຫດ­ຜົນອື່ນໆ ນອກ­ຈາກ​ນີ້ ກໍ​ຍັງ​ມີ​ຫຼາຍ​ຕົວຢ່າງ​ທີ່​ບໍ່​ອາດ​ມາ​ອະ­ທິ­ບາຍ​ໄດ້​ໝົດ ເຊິ່ງ​ແມ່ນ​ມາ​ຈາກ​ການດຳ­ລົງ​ຊີ­ວິດ​ໃນ​ການ​ຂາດ​ສະ­ຕິ​ຂອງ​ຄົນ​ເຮົາ ແລ້ວ​ຫັນ​ໄປເວົ້າວ່າ: ເປັນ​ເຄາະ​ເປັນ​ກຳ​ ແລ້ວ​ພາ­ກັນ​ໄປເສຍເຄະ ຫຼື ແກ້ເຄາະ​ ເສຍ​ເງິນ​ກັນ​ໄປ​ໂດຍ​ໄຮ້​ປະ­ໂຫຍດ.</p> <p style="text-align: justify;"> ການ​ແກ້​ເຄາະ ຫຼື ເສຍເຄາະ ​ມັນ​ກ່ຽວ​ພັນ​ກັບ​ການເສຍ​ວັດ­ຖຸ​ທີ່​ນຳ​ໃຊ້​ພິ­ທີ­ກຳ​ຕ່າງໆ ຖ້າ​ເຮັດ​ແບບ​ງ່າຍ­ດາຍຫຼາຍ ຜູ້​ຖືກ​ເຄາະ​ກໍ​ຢ້ານ​ບໍ່​ຫວິດ​ເຄາະ ຫຼື ບໍ່​ແຈບໃຈ ດັ່ງ­ນັ້ນ ຈຶ່ງ​ຟັງ​ແຕ່​ຜູ້​ພາ​ເຮັດ ອາດ​ຈະ​ຮຽກ​ເຮັດ​ຕ່າງໆ​ນາໆ ບໍ່​ຈັກ­ກະໂທງ​ຈາກ​ກາບ­ກ້ວຍ 8-9 ຊັ້ນ ສາມ​ແຈ ສີ່​ແຈ ເຜິ້ງ​ທຽນ ເຄື່ອງ​ປະ­ກອບ​ຕ່າງໆ​ຕາມແຕ່​ຜູ້​ພາ​ເຮັດ​ແຈ້ງ​ມາ ຄິດ­ໄລ່ແລ້ວ​ເປັນ​ຫຼັກ​ລ້ານ ຈາກ​ນັ້ນ ສິ່ງ​ສຳ­ຄັນ​ກໍ​ມີ​ຄາຍ (ເງິນ​ເປັນຄ່າ​ແຮງ​ງານ​ຕາມ​ອັດ­ຕາ​ແລ້ວ­ແຕ່​ໃຈ ຫຼື ບາງ​ຄົນ​ກໍ​ຮຽກແພງ) ຈົນເຖິງ​ຜູ້​ເຄາະ​ຮ້າຍ​ຈົ່ມ​ວ່າ ເປັນ​ເຄາະ​ຊ້ຳ​ສອງ​ກໍ​ມີ ຜູ້ສູດ​ສະ­ເດາະ​ເຄາະ​ບາງ​ບ່ອນ​ເປັນ​ພໍ່​ອອກ (ຄາ​ລະ​ວາດ) ບາງບ່ອນ​ເປັນ​ອາ­ຈານ​ແລ້ວ­ແຕ່​ຜູ້​ເຊື່ອ ໃນ​ທາງສາ­ສະ­ໜາ​ພຸດ ເພິ່ນ​ກໍ​ຫ້າມ​ການ​ກະ­ທຳ​ດັ່ງ­ກ່າວ ເພາະ​ແມ່ນ​ສິ່ງ​ເຫຼືອ​ຈາກສາ­ສະ­ໜາ​ພາມ ແຕ່​ໄລ­ຍະ​ຫຼັງໆ​ປະ­ກົດ​ວ່າ ມີ​ເວດ­ມົນ​ກົນຄາ­ຖາ​ອື່ນໆ ເພີ່ມ​ເຂົ້າ​ນຳອີກ ເຮັດ​ໃຫ້​ຜູ້​ເຊື່ອ​ຍິ່ງ​ເຊື່ອ​ເປັນ​ກະແສ​ວ່າ ອາ­ຈານ​ວັດ​ນັ້ນ​ດີ ວັດ​ນີ້​ຄັກ ເຊິ່ງ​ເລື່ອງ​ນີ້​ທາງ​ອົງການ ອສພ ເພິ່ນ​ກໍ​ມີ​ການ​ຫ້າມ​ຢູ່​ແລ້ວ ສາ­ສະ­ໜາ​ພຸດ ​ຫຼັກໆເພິ່ນ​ເຜີຍ­ແຜ່​ແຕ່​ທຳ​ມະ​ວິ­ໄນ ເທດ​ສະ­ໜາ​ສັ່ງ­ສອນ​ໃຫ້​ຄົນ­ຮູ້ຈັກບາບ-ບຸນ ຄຸນ-​ໂທດ ບໍ່​ໃຫ້​ຄົນ​ຫຼົງ­ໄຫຼ​ໃນ​ອະ­ບາຍ​ຍະ​ມຸກ ອັນ​ຈະ​ພາ​ໄປ​ສູ່​ການ​ເສື່ອມ​ເສຍ ແລະ ຫຼົງ­ໄຫຼ​ໃນ​ກິ​ເຫຼດ​ຕັນຫາ​ຕ່າງໆ.</p> <p style="text-align: justify;"> ເຖິງ​ຢ່າງ­ໃດ​ກໍ​ດີ ການ​ເຊື່ອ​ຖື ຫຼື ບໍ່​ເຊື່ອ​ຖື ລ້ວນ​ແຕ່​ເປັນສິດ­ທິ​ຂອງ​ບຸກ­ຄົນ ຜູ້​ເຊື່ອ​ຖື​ແລ້ວ​ກໍ​ບໍ່​ຄວນ​ເຜີຍ­ແຜ່​ຄວາມເປັນ​ອັດ­ສະ­ຈັນ​ໃນ​ສິ່ງ​ທີ່​ເຊື່ອ​ຖື​ໃຫ້​ຜູ້​ອື່ນໆ​ຫຼົງ­ໄຫຼ​ນຳ ສ່ວນ​ຜູ້​ບໍ່ເຊື່ອ​ຖື ຖ້າ​ເຫັນ​ວ່າ​ບໍ່​ແຕະ­ຕ້ອງ​ເຖິງ​ຜົນ​ປະ­ໂຫຍດ​ລວມ ຫຼື ການເສຍ​ຫາຍ​ຂອງ​ປະ­ເທດ​ຊາດ​ແລ້ວ ກໍ​ຈົ່ງ​ເສີຍໆ​ຂັນ​ຕິ​ໄວ້ ແຕ່​ມີບາງ​ຄົນ​ຊື້​ລົດຍີ່­ຫໍ້​ດັງໆ ​ຊ້ຳ­ພັດ​ຍັງ​ນຳ­ໄປ​ສູດ​ມົງ​ຄຸນ ຫຼື ເສຍເຄາະ​ອີກ​ຢູ່​ນັ້ນ​ ກໍ​ບໍ່­ຊ່າງ​ວ່າ ດີ​ແທ້​ຊື້​ລົດ​ໃໝ່​ອອກ​ມາ​ຈາກ​ຫ້າງແລ້ວ ໃຫ້​ອ່ານ​ກົດ​ລະ­ບຽບ​ຈະ­ລາ­ຈອນ​ຫຼາຍໆເທື່ອ ອ່ານ​ໝົດມື້​ຍິ່ງ​ດີ ຈະ​ເປັນ​ການ​ເສຍ​ເຄາະທີ່​ດີ​ທີ່​ສຸດ ລົດ​ຄັນ​ດັ່ງ­ກ່າວອາດ​ຈະ​ບໍ່​ມີ​ເຄາະ​ເລີຍ​ອີກ​ກໍ​ເປັນໄດ້ ພີ່­ນ້ອງ​ເອີຍ !.</p> <p style="text-align: right;"> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ