ຈົ່ງ​ພໍ­ໃຈ​ໃນ​ສິ່ງ​ທີ່​ຕົນ​ມີ

2.180 02 ກ.ກ. 2013 ນານາສາລະ

<p style="text-align: justify;"> ສູ່​ມື້­ນີ້ ຫາກ​ບໍ່​ຄວບຄຸມ​ຄວາມ​ຕ້ອງ­ການ​ບໍ­ລິ­ໂພກ​ວັດ­ຖຸແລ້ວ​ ຈະ​ພາ­ໃຫ້​ເກີດ​ຄວາມ​ອຸກ­ອັ່ງ​ສະ​ສົມ​ຫຼາຍຂຶ້ນ ທ້າຍ​ທີ່​ສຸດ​ກໍ​ກາຍ­ເປັນ​ທາດ​ຂອງ​ກິ­ເລດ​ຕັນ­ຫາ.</p> <p style="text-align: justify;"> ຖ້າ​ຖາມ​ກັນ​ແບບ​ເຊິ່ງ​ໜ້າ​ວ່າ ສູ່​ມື້­ນີ້​ເຈົ້າ​ອຸກ​ໃຈ​ນຳ​ເລື່ອງເງິນ ເລື່ອງ​ການ​ໃຊ້​ຈ່າຍ​ບໍ? ຫຼາຍ​ຄົນ​ອາດ​ຈະ​ຕອບ​ວ່າ​ຂ້ອຍບໍ່​ອຸກ.. ຂ້ອຍ​ໃຊ້​ເງິນ​ຕາມ​ສະ­ຖາ­ນະ ມີໜ້ອຍ​ຈ່າຍ​ໜ້ອຍ ແຕ່ໃນ​ຄວາມ​ເປັນ​ຈິງ​ມັນ​ບໍ່​ແມ່ນ​ແນວ​ນັ້ນ ມັນ​ເປັນ​ຄຳ​ຕອບ​ແກ້ໜ້າ​ໄປ​ຊື່ໆ.</p> <p style="text-align: justify;"> ຄວາມ​ຈິງ​ຄົນ​ເຮົາ​ມີ​ຄວາມ​ອຸກ​ໃຈ​ເລື່ອງ​ລາຍ​ຮັບ ເພາະລາຍ​ຈ່າຍ​ມັນ​ມີ​ຫຼາຍ ໂດຍ​ສະ­ເພາະແມ່ນ​ຄົນ​ຢູ່​ໃນ​ຫົວ​ເມືອງໃຫຍ່... ຢາກ​ຮູ້​ວ່າ ຄົນ​ອຸກ​ໃຈ ຫຼື ຄົນ​ທີ່ສະ​ສົມ​ຄວາມ​ຕຶງ​ຄຽດໄວ້​ໃນ​ຊີ­ວິດ​ປະ­ຈຳ​ວັນ​ນັ້ນ ເຂົາ​ຈະ​ຂາດ​ສິ່ງ​ສຳ­ຄັນ​ໃນ​ຊີ­ວິດບາງ​ອັນ​ດັ່ງ­ນີ້:</p> <p style="text-align: justify;"> 1.ຂາດ​ຄວາມ​ຮັກ​ທັງ​ຕໍ່​ຕົນ​ເອງ ແລະ ຜູ້​ອື່ນ.</p> <p style="text-align: justify;"> 2.ຂາດ​ຄວາມ​ຄິດ​ສ້າງ­ສັນ ມີ​ແຕ່​ແນວ​ຄິດ​ຢາກ​ທຳ­ຮ້າຍຜູ້​ອື່ນ ມັກ​ໃຊ້​ຄວາມ​ຮຸນ​ແຮງ​ທາງ​ກາຍ ແລະ ວາ­ຈາ.</p> <p style="text-align: justify;"> 3.ຂາດ​ພະ­ລັງ​ຊີ­ວິດ ມັກ​ອ່ອນ­ເພຍ​ງ່າຍ.</p> <p style="text-align: justify;"> 4.ຂາດ​ຄວາມ­ສຸກ​ໃນ​ຊີ­ວິດ​ປະ­ຈຳ​ວັນ.</p> <p style="text-align: justify;"> ຄວາມ​ອຸກ ຫຼື ຄວາມ​ຕຶງ​ຄຽດ ​ເປັນ​ຜົນ​ມາ​ຈາກ​ຄວາມ​ຮູ້ສຶກ​ຢາກ­ຮ້າຍ​ ປົນ​ກັບ​ເສົ້າ​ໃຈ ສະ­ນັ້ນ ຄົນ​ທີ່​ມີ​ອາ­ການ​ເຫຼົ່ານັ້ນ ຈຶ່ງ​ມັກ​ທຳ­ຮ້າຍ​ຕົນ​ເອງ ແລະ ຄົນ​ອື່ນ ຫຼື ການ​ເປັນ​ຄົນຊຶມ​ເສົ້າ​ ຫຼີກ​ໜີ​ຈາກ​ສັງ­ຄົມ​ໄປ​ຢູ່​ແບບ​ໂດດ­ດ່ຽວ.</p> <p style="text-align: justify;"> ຜູ້​ຂຽນ​ອ່ານ​ພົບ​ໃນ​ວາ­ລະ­ສານ​ຕ່າງ­ປະ­ເທດ ເຂົາ​ບອກ​ວ່າ ຄົນ​ທີ່​ມີ​ຄວາມ​ຕຶງ​ຄຽດ​ນັ້ນ ແມ່ນ​ເປັນ​ຄົນ​ປ່ວຍ​ທີ່​ມີ​ອາ­ການທາງ​ຈິດແປ​ປ່ວນ (Psycho-Somatic Disorders) ເຊິ່ງເປັນ​ສາ­ເຫດ​ເກີດ​ມີ​ພະ­ຍາດ​ແຊກ​ຊ້ອນ​ເຂົ້າ​ໃນ​ທຸກ​ລະ­ບົບຂອງ​ຮ່າງ­ກາຍ​ເຊັ່ນ:</p> <p style="text-align: justify;"> <strong>ລະ­ບົບ​ທາງ​ເດີນ​ອາ­ຫານ:</strong>ເຈັບ­ທ້ອງ ທ້ອງ​ອືດ ເປັນ​ແຜໃນ​ກະ­ເພາະ​ອາ­ຫານ (ຖ່າຍ​ເປັນ​ເລືອດ​ສີ­ດຳ).</p> <p style="text-align: justify;"> <strong>ລະ­ບົບ​ທາງ​ສະ­ໜອງ</strong><strong>-ປະ­ສາດ:</strong>ເຈັບ​ຫົວ​ຮຸນ​ແຮງ ຄວາມຈຳ​ເສື່ອມ ມຶນ​ຕາມ​ແຂນ-ຂາ ເປັນ​ອຳ​ມະ​ພຶກ ຊັກ.</p> <p style="text-align: justify;"> <strong>ລະ­ບົບ​ທາງ​ລົມ​ຫາຍ­ໃຈ:</strong>ຫາຍ­ໃຈ​ບໍ່​ທົ່ວ​ທ້ອງ ຫາຍ­ໃຈ​ໄວ ເປັນ​ຫອບ​ຫືດ.</p> <p style="text-align: justify;"> <strong>ລະ­ບົບ​ຫົວ­ໃຈ:</strong>ຄວາມ­ດັນ­ເລືອດ­ສູງ ຫົວ­ໃຈ​ເຕັ້ນ​ໄວ ຫຼື ຊ້າ​ກວ່າ​ປົກ­ກະ­ຕິ ຮູ້­ສຶກ​ອອກ​ຮ້ອນອອກ​ລົນ​ຕາມ​ຕົນ​ຕົວ.</p> <p style="text-align: justify;"> <strong>ລະ­ບົບ​ຜິວ­ໜັງ:</strong>ເປັນ​ຕຸ່ມ​ຜື່ນ​ຕາມ​ຕົນ​ໂຕ​ໂດຍ​ບໍ່​ຮູ້​ສາ­ເຫດ.</p> <p style="text-align: justify;"> <strong>ລະ­ບົບ​ສືບ​ພັນ:</strong>ຜູ້​ຊາຍ​ໝົດ​ຄວາມ​ຮູ້­ສຶກ​ທາງ​ເພດ-ຜູ້­ຍິງປະ­ຈຳ​ເດືອນ​ມາ​ບໍ່​ປົກ­ກະ­ຕິ.</p> <p style="text-align: justify;"> ສິ່ງ­ແວ­ດລ້ອມ​ໃນ​ສັງ­ຄົມ​ຄື​ຕົວ​ການ​ທີ່​ເຮັດ​ໃຫ້​ຄົນ​ເຮົາ​ເກີດຄວາມ​ອຸກ­ອັ່ງ ແລະ ຕຶງ​ຄຽດ ຍ້ອນ​ວ່າ​ຄົນ​ເຮົາ​ທຸກ​ມື້­ນີ້ ມີ​ເປົ້າໝາຍ​ຊີ­ວິດ​ຢູ່​ທີ່​ເງິນ ອຳ­ນາດ ຕຳ­ແໜ່ງ ໄດ້​ມາ​ທໍ່​ໃດ​ກໍ​ບໍ່​ພໍ ຈຶ່ງທຸ້ມ­ເທ​ທຳ​ການ​ທຳ​ງານ​ໜັກ​ແຂ່ງ​ກັບ​ເວ­ລາ ແລະ ຄົນ​ອື່ນ ເກີດ​ສະ­ພາ­ວະ​ດຶງ​ຕົວ (Strain) ປວດ​ເມື່ອຍ​ຕາມ​ຕົນ​ໂຕ ແຕ່ບໍ່​ຍອມ​ຢຸດ​ເຮັດວຽກ ສະ­ນັ້ນ ຈຶ່ງ​ມັກ​ມີ​ຄົນ​ເກີດ​ພະ­ຍາດ​ຫຼາຍຂຶ້ນ ເພາະ​ບໍ່​ຍອມ­ຮັບ​ຕົນ​ເອງ ບໍ່​ພັດ­ທະ­ນາ​ຕົນ​ເອງ ແລະ ບໍ່​ມີຄວາມ­ສຸກ​ຕໍ່​ສິ່ງ​ທີ່​ຕົນ​ມີ...</p> <p style="text-align: justify;"> ຄວາມ​ພໍ­ໃຈ​ໃນ​ສິ່ງ​ທີ່​ຕົນ​ມີ​ນັ້ນ​ຄື​ຄວາມ­ສຸກ​ທີ່​ຍິ່ງ​ໃຫຍ່​ສົມບູນ​ແບບ.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ