ຂ່າວຫຼ້າສຸດ

ເລີ່ມ​ສາ​ ​ຈຳກັດ​ການ​​ຊື້ລົດ!

4.194 24 ມິ.ນ. 2013 ນານາສາລະ

<p style="text-align: justify;"> ດຽວນີ້​ລົດ​ຕິດ​ບໍ່​ແມ່ນ​ແຕ່​ຍາມ​ເຊົ້າ ຍາມແລງ​ທໍ່​ນັ້ນ​ເນີ ! ມັນ​ຕິດ​ເກືອບ​ວ່າ​ທຸກຊົ່ວໂມງ ສະນັ້ນ ຈຶ່ງ​ສະໜັບສະໜູນ​ແນວ​ຄວາມ​ຄິດ​ຂອງ​ຄໍລຳ​ນານາ​ສາລະ ເລື່ອງ​ກວດກາ ແລະ ອອກ​ລະບຽບ​ໃໝ່ໃນ​ການ​ຊື້​ລົດ​ຢູ່​ນະຄອນຫຼວງ... ດຽວນີ້​ຢູ່​ນະຄອນຫຼວງ ​ມີ​ລົດປະມານ 6 ແສນ​ກວ່າ​ຄັນ (ລົດຈັກ ລົດ​ໃຫຍ່) ມີ​ພົນ​ລະເມືອງ 8 ແສນ​ກວ່າ​ຄົນ ລອງ​ເອົາ​ສອງ​ຕົວ​ເລກ​ນີ້​ມາ​ສົມທຽບ​ກັນເບິ່ງ​ ແລ້ວ​ເປັນ​ສິ່ງ​ຍາກ​ໃນ​ການ​ແກ້​ໄຂ.</p> <p style="text-align: justify;"> ບໍ່​ໃຫ້​ລົດ​ອັ່ງ​ອໍ​ຕາມ​ທ້ອງ​ຖະໜົນ ! ນັ້ນ​ຄື​ຄຳ​ສ່ອງ​ແສງຈາກ​ເພື່ອນ​ຜູ້​ອ່ານ​ເຖິງ​ຄໍ​ລຳ​ພວກ​ເຮົາ.</p> <p style="text-align: justify;"> ຕາມ​ຜູ້​ຂຽນ​ຮູ້​ໃນ​ອາທິດ​ຜ່ານ​ມາ​ ເບື້ອງ​ການຈັດຕັ້ງ​ເພິ່ນກໍ​ມີ​ກອງ​ປະຊຸມ​ເພື່ອ​ແກ້​ໄຂ​ບັນຫາດັ່ງກ່າວ ແຕ່​ບໍ່​ຮູ້​ວ່າເພິ່ນໄດ້​ກຳນົດ​ເລື່ອງ​ຈຳນວນ​ລົດ ຫຼື ບໍ?.</p> <p style="text-align: justify;"> ດຽວນີ້ ຕ້ອງ​ຍອມຮັບ​ວ່າ ຄອບຄົວ​ທີ່​ອ່າວ​ມີ​ແດ່ ລົດ​ໃຫຍ່ 7ຄັນ ເປັນ​ເລື່ອງ​ທຳ​ມະ​ດາ ສະນັ້ນ ການ​ທີ່​ຈະ​ກຳນົດ​ລົງ​ໃຫ້ເຫຼືອ 2 ຄັນ​ນັ້ນ ຄົງ​ເປັນ​ບັ້ງ​ເລກ​ທີ່​ແກ້​ຍາກ ແລະ ຫຍຸ້ງເຫຍີງ​ພໍສົມຄວນ.</p> <p style="text-align: justify;"> ການຈັດຕັ້ງ​ຕ້ອງ​ເດັດຂາດ​ຈຶ່ງ​ຈະ​ແກ້​ໄຂໄດ້ ບໍ່​ຊັ້ນ​ກໍ​ແກ້​ບໍ່​ຕົກ ບໍ່​ສະເພາະ​ແຕ່​ເລື່ອງ​ຜູ້​ຊື້​ເນີ! ການຈັດຕັ້ງ​ຕ້ອງ​ເຂົ້າ​ໄປ​ເຖິງບ່ອນ​ຂາຍ​ລົດ ! ດຽວນີ້​ຮ້ານ​ຂາຍ​ລົດ​ຫຼາຍ​ແທ້ໆ ມີ​ທຸກ​ຍີ່ຫໍ້ຈາກ​ທົ່ວໂລກ ຫາກ​ບໍ່​ຈຳກັດ​ໂຄ​ຕ້າ​ລົດ​ແລ້ວ ​ກໍ​ຍາກ​ອີກ​ເຊັ່ນກັນ ຕົວ​ເລກ​ລົດ 6 ແສນ​ກວ່າ​ຄັນ ຢູ່ນະຄອນຫຼວງ​ນັ້ນ ແມ່ນປ້າຍ​ສະເພາະ​ເນີ ! ຍັງ​ບໍ່​ນັບ​ລົດ​ຈາກ​ຕ່າງ​ແຂວງ ຕ່າງ​ປະເທດ​ທີ່​ປະຈຳຢູ່​ປະເທດ​ເຮົາ ! ຕ່າງປະເທດ​ທຽວ​ເຂົ້າ-ອອກ ລົດ​ຂົນສົ່ງ ລົດ​ທ່ອງ​ທ່ຽວ ລວມ​ແລ້ວ​ຕົວ​ເລກ​ອາດຈຸ 1 ລ້ານຄັນ ໃນ​ບາງ​ກໍລະນີ.</p> <p style="text-align: justify;"> ການ​ຂະຫຍາຍ​ເສັ້ນທາງ ການ​ບັງຄັບ​ການ​ສັນຈອນ ການ​ບັງຄັບ​ການ​ຈອດ​ລົດ​ໃຫ້​ເຂົ້າ​ສູ່ລະບຽບ ການ​ເພີ່ມ​ລົດເມ​ສາທາລະນະ ບວກ​ໃສ່​ການ​ຈຳກັດ​ການ​ຊື້-ຂາຍ​ລົດ ​ຈະ​ມີສ່ວນ​ຊ່ວຍໃຫ້ການ​ສັນຈອນ​ຢູ່​ນະຄອນຫຼວງ​ເບົາບາງ​ລົງ​ໄດ້ໃນ​ໄລຍະ​ໃດ​ໜຶ່ງ (ພໍ​ທຸ​ເລົາ​ລົງ​ໄດ້).</p> <p style="text-align: justify;"> ຫາງ​ສຽງ​ບອກ​ວ່າ: ໃຫ້​ເລີ່ມ​ສາ ! ເລີ່ມ​ລົງ​ສຳ​ຫຼວດກວດກາ​ ແລ້ວ​ພ້ອມ​ກັນ​ຊອກ​ທາງ​ອອກ ບໍ່​ຊັ້ນມັນ​ຈະ​ຊຳ​ເຮື້ອ​ຍາກແກ່​ການ​ແກ້​ໄຂ.</p> <p style="text-align: justify;"> ດຽວນີ້ ບັນຫາ​ລົດ​ຕິດ ລົດ​ອັ່ງ​ອໍ ບໍ່​ແມ່ນ​ບັນຫາ​ນະຄອນຫຼວງ​ຜູ້​ດຽວ​ຈະ​ແກ້​ຕົກ... ມັນ​ກາຍເປັນບັນຫາ​ລະດັບ​ຊາດ​ໄປແລ້ວ !.</p> <p style="text-align: justify;"> ຕ້ອງ​ມີ​ໜ່ວຍ​ງານ​ສະເພາະ​ຈຶ່ງ​ຈະ​ແກ້​ໄຂ​ບັນຫາ​ນີ້​ໄດ້ !.</p> <p style="text-align: justify;"> ຂໍ​ເປັນ​ກຳລັງ​ໃຈ​ໃຫ້​ທຸກ​ໜ່ວຍ​ງານ​ໃນ​ການ​ແກ້​ໄຂເນີ !.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ