ຂ່າວຫຼ້າສຸດ

ເງິນ​ເຕັມ​ພາ ບໍ່​ເທົ່າຜະ­ຫຍາ​ເຕັມ​ປູມ

2.399 21 ມິ.ນ. 2013 ນານາສາລະ

<p style="text-align: justify;"> ໃນ​ສະ­ໄໝ​ສັກ​ດີ​ນາ ໄດ້​ອ້າງ​ອີງ​ເອົາ​ຖາ­ນັນ­ດອນ​ສັກ ຍົດ​ຊັ້ນ ເງິນ​ຄຳ​ ເປັນ​ສິ່ງ​ຍິ່ງ​ໃຫຍ່​ເຊີດ​ໜ້າ​ຊູຕາຂອງ​ຄົນ ພ້ອມ​ກັນ​ນັ້ນ ກໍ​ຍັງ​ຖື​ເອົາ​ບຸນ​ວາດ​ສະ­ໜາ​ຂອງ​ຄົນ ເປັນ​ສິ່ງ​ທີ່​ເຮັດ​ໃຫ້​ຄົນ​ເຮົາ​ເກີດມາ​ຢູ່​ດີ​ມີ​ສຸກ ສ່ວນ​ຜູ້​ທີ່​ທຸກ​ຈົນກໍ​ເປັນ​ຜູ້​ອາ­ພັບ​ອັບ​ປັນ­ຍາ ນ້ອຍ​ວາດ​ສະ­ໜາ ຫຼື ອັບ​ໂຊກນັ້ນ​ເອງ ສິ່ງ​ທີ່​ກ່າວ​ມາ​ນັ້ນ​ເປັນ​ພຽງ​ສິ່ງ​ຕົວະ​ຕົ້ມ ອຳ​ພາງທາດ​ແທ້​ແຫ່ງ​ການ​ກົດ​ຂີ່​ຂູດ​ຮີດ​ທາງ​ຊົນ​ຊັ້ນຂອງ​ພວກ​ເຂົາໄວ້.</p> <p style="text-align: justify;"> ແຕ່​ມາ​ເຖິງ​ຍຸກ​ປະ­ເທດ​ຊາດ​ພວມ​ກ້າວ​ສູ່​ຍຸກ​ສະ­ໄໝ​ແຫ່ງການ​ພັດ­ທະ­ນາ ເພື່ອ​ລຶ­ບລ້າງ​ຄວາມ­ທຸກ​ຍາກ​ນັ້ນ ແມ່ນ​ມີຄວາມ​ໝາຍ​ແຕກ​ຕ່າງ​ກັນ​ຫຼາຍ ບໍ່​ມີ​ໃຜ​ບອກ​ກ່າວ​ເລົ່າ​ຂານ​ກໍຮູ້​ໂລດ​ວ່າ ເປັນ​ຍຸກ​ແຫ່ງ​ການ​ຖື​ເອົາ​ສະ­ຕິ​ປັນ­ຍາຄວາມ​ຮູ້ຄວາມ​ສາ­ມາດ​ເປັນ­ຕົ້ນ​ຕໍ ຖ້າ​ເປັນ​ສິນ­ຄ້າ​ກໍ​ແມ່ນສິນ­ຄ້າ​ທາງພູມ​ປັນ­ຍາ​ເປັນ​ສິ່ງ​ສຳ­ຄັນ​ທີ່​ສຸດ ສ່ວນ​ເງິນ​ຄຳຈະ​ສຳ­ຄັນ​ບໍນັ້ນ ກໍ​ເປັນ​ເລື່ອງ​ສຳ­ຄັນ​ເໝືອນ​ກັນ ເພາະ​ເງິນ​ຄຳ​ກໍ​ແມ່ນ​ພາຫະ​ນະ​ຈຳ­ເປັນ ຈະ​ມີ​ມາ​ໄດ້​ກໍ​ແມ່ນ​ການ​ມີ​ສະ­ຕິ​ປັນ­ຍາ​ ທຳມາຄ້າ­ຂາຍ​ຢ່າງ​ສຸດ­ຈະ­ລິດ​ຊົນ ກົງ­ກັນ­ຂ້າມ​ ຖ້າ​ບໍ່​ມີ​ປັນ­ຍາ ແຕ່​ມີເງິນ​ນັ້ນ ອາດ​ມາ​ຈາກ​ຊໍ່​ເຄົ້າຂອງ​ອຳ­ນາດອິດ​ທິ​ພົນ ຫຼື ໄດ້ມາ​ຈາກ​ການ​ກົດ​ຂີ່​ຂູດ​ຮີດ ເຊິ່ງ​ໃຜໆ​ກໍ​ຮູ້​ວ່າ​ເປັນ​ເລື່ອງ​ບໍ່​ຊອບທຳ​ທັງ​ນັ້ນ.</p> <p style="text-align: justify;"> ການ​ມີ​ຄວາມ​ຮູ້ຄວາມ​ສາ­ມາດ ​ໝາຍ​ເຖິງການ​ໄດ້​ມາຍ້ອນ​ການ​ຂະ­ຫຍັນ​ພາກ​ພຽນ​ ຮ່ຳ­ຮຽນ​ສຶກສາ​ດ້ວຍ​ຕົນ​ເອງ ເຊິ່ງ​ແມ່ນ​ຄູ​ອາ­ຈານ​ເປັນ​ຜູ້​ຖ່າຍ​ທອດ​ໃຫ້ ແລະ ຜ່ານ​ການເຝິກ​ປະ­ຕິ­ບັດ​ຕົວຈິງ​ມາ​ກ່ອນ​ໄລ­ຍະ​ໜຶ່ງ ຄົນ​ທີ່​ມີ​ຄວາມ​ຮູ້ຄວາມ​ສາ­ມາດ​ ຈະ​ເຮັດ​ອັນ​ໃດ​ກໍ​ເປັນ​ຄົນ​ມີ​ແບບ­ແຜນທັນ​ສະໄໝ ເອົາ​ຄວາມ​ຄິດ​ໄປ​ກ່ອນ ມີ​ຄວາມ​ຊື່­ສັດ​ສຸດ­ຈະ­ລິດ​ຕໍ່­ໜ້າທີ່​ວຽກ​ງານ ຖື​ວຽກ​ງານສ່ວນ​ລວມ​ເໜືອ​ກ່ອນ​ສ່ວນ​ຕົວ ແລະ ເຈືອ​ຈານ​ຕົນ​ເອງ​ໃນ​ໝູ່​ມະ­ຫາ­ຊົນ ຟັງ​ມະ­ຫາ­ຊົນ ບໍ່​ເປັນພະຍາດ​ອາ­ຍາ​ສິດ​ ອວດ­ອົ່ງ​ທະ​ນົງ​ຕົວ ຫາ​ປະ­ໂຫຍດ​ມາ​ໃສ່​ຕົນເອງ​ສະ­ເພາະ.</p> <p style="text-align: justify;"> ການ​ມີ​ເງິນ​ເຕັມ​ພາ (ໝາຍ​ເຖິງ​ເງິນ​ຄຳ​ເຕັມ​ພາ­ເຂົ້າ ທີ່ອາດ​ຈະ​ຫາ​ມາ​ໄດ້​ໂດຍ​ງ່າຍຈາກ​ຫຼາຍ​ວິ­ທີ​ ເຊິ່ງ​ບໍ່​ເຫັນ​ຄວາມສຳ­ຄັນ​ຂອງ​ການ​ໄດ້​ມາ) ບໍ່​ເທົ່າ​ຜະ­ຫຍາ​ເຕັມ​ປູມ (ໝາຍ​ເຖິງພູມ​ປັນ­ຍາຄວາມ​ຮູ້​ຄວາມ​ສາ­ມາດ​ເຕັມ​ທ້ອງ​ເຕັມ​ສະ­ໝອງ) ນັ້ນ ຖ້າ​ສົມ​ທຽບ​ງ່າຍ­ດາຍ​ກໍ​ຄ້າຍ​ກັບ​ວ່າ ເງິນເຕັມ​ພາ​ນັ້ນເປັນ​ຂອງ​ນອກ​ກາຍ ​ຈັບ​ຈ່າຍ​ໃຊ້​ສອຍ​ໄປ​ຢ່າງ​ວ່ອງ­ໄວ ອາດຈະ​ຕິດ​ການ​ພະ­ນັນ​ແດ່ ຫຼິ້ນ​ກິນ​ຟູມ​ເຟືອຍ​ແດ່ ຕົກ​ໝູ່​ເຫຼົ້າ ເຂົ້າ​ມູ່​ເບ້ຍ ​ກໍ​ຈະ​ໝົດ ຫຼື ສູນ­ຫາຍ​ໄປ​ເສຍ­ດາຍ​ເປົ່າ.</p> <p style="text-align: justify;"> ສ່ວນ​ຖ້າ​ໄດ້​ມາ​ຈາກ​ຄວາມ​ຮູ້​ຄວາມ​ສາ­ມາດ ​ກໍ​ຈະ​ເຂົ້າ­ໃຈເຖິງ​ຄຸນ­ຄ່າ​ຂອງ​ການ​ໄດ້​ມາ ​ວ່າມັນສຳ­ຄັນ​ຂະ­ໜາດ​ໃດ ການຈັບ​ຈ່າຍ​ໃຊ້​ສອຍ​ແມ່ນ​ມີ​ເຫດ­ຜົນ​ຈຳ­ເປັນ ເນື່ອງ​ຈາ​ກວ່າກວ່າ​ຈະ​ໄດ້ມາ ​ມັນ​ກໍ​ຕ້ອງ​ສູນ​ເສຍ​ນ້ຳ​ເຫື່ອ​ນ້ຳ​ແຮງ ຄວາມພາກ​ພຽນ​ພະ­ຍາ­ຍາມ​ບໍ່​ຈັກ​ວ່າ​ເທົ່າ­ໃດ ຄົນ​ມີປັນ­ຍາ​ຍ່ອມຮູ້­ຈັກ​ຄຸນ­ຄ່າ​ຂອງ​ເງິນ​ຂອງ​ການ​ອອກ­ແຮງ​ງານ​ເປັນ​ຢ່າງ​ດີ ດັ່ງ­ນັ້ນ ການ​ຈັບ​ຈ່າຍ​ໃຊ້ສອຍ​ທຸກ​ຢ່າງຕ້ອງ​ມີ​ການ​ຄິດ­ໄລ່​ຫາເຫດ­ຜົນ ​ຫາ​ຄວາມ​ສົມ​ເຫດ​ສົມ​ຜົນ ຖ້າ​ບໍ່​ດັ່ງ­ນັ້ນ​ ກໍ​ຈະ​ຕົກບ້ວງຂອງ​ການ​ຟູມ​ເຟືອຍ ​ແລ່ນ­ນຳ​ການ​ບໍ­ລິ­ໂພກ​ນິ­ຍົມ​ທີ່​ບໍ່​ມີ​ເມືອງພໍ​ນັ້ນ​ເອງ.</p> <p style="text-align: right;"> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ