ຂ່າວຫຼ້າສຸດ

ບັນ​ຫາ​ປິ່ນ​ອ້ອມ​ການ​ຊື້ລົດ

2.598 19 ມິ.ນ. 2013 ນານາສາລະ

<p style="text-align: justify;"> ພາຍ­ຫຼັງ​ບົດ​ທີ່​ໃສ່ຫົວ­ຂໍ້: <strong>“ມີ​ເງິນ​ຊື້​ລົດ ​ບໍ່​ໄດ້​ຕາມ­ໃຈ”</strong> ລົງ​ພິມ ​ໄດ້​ມີ​ເພື່ອນ​ຜູ້​ອ່ານ​ສ່ອງ​ແສງ​ເຂົ້າມາ​ຄໍ​ລຳພວກ​ເຮົາ​ວ່າ: ສະ­ໜັບ­ສະ­ໜູນ​ແນວ​ຄວາມ​ຄິດ​ດັ່ງ­ກ່າວ ແລະ ຢາກ​ໃຫ້​ປະ­ຕິ­ບັດ​ກວ້າງ­ຂວາງ ລວມ​ໄປ​ເຖິງ​ພາກ­ສ່ວນ​ບໍ​ລິສັດ​ຂອງ​ພາກ​ເອ­ກະ​ຊົນ ນັກ​ລົງ­ທຶນ​ຈາກ​ຕ່າງ­ປະ­ເທດ ກະຊວງ ທະ­ບວງ​ກົມ​ຕ່າງໆ​ຂອງ​ລັດ­ຖະ­ບານ​ ນຳ​ອີກ.</p> <p style="text-align: justify;"> ການ​ທີ່​ເພິ່ນ​ມີ​ຄຳ​ເຫັນ​ນີ້ ແມ່ນ​ຢາກ​ເວົ້າ​ຢູ່​ນະ­ຄອນ­ຫຼວງວຽງ​ຈັນ ແລະ ຕົວ​ເມືອງ​ໃຫຍ່​ ເຊັ່ນ​ວ່າ: ຫຼວງ​ພະ​ບາງ ສະຫວັນ​ນະ​ເຂດ ຈຳ­ປາ​ສັກ... ເພິ່ນ​ຢ້ຳ​ວ່າ: ໃນ​ໂອ­ກາດ​ທີ່​ມີ​ການ​ສຳ​ຫຼວດ​ເສດ­ຖະ­ກິດ ​ກໍຄວນ​ໄດ້​ເບິ່ງ​ຕົວ​ເລກ​ລົດ ໂດຍ​ສະ­ເພາະ​ລົດ​ທີ່​ບໍ່​ໄດ້​ນຳ​ເຂົ້າ​ໃນການ​ຜະ­ລິດ ເປັນ­ຕົ້ນແມ່ນ​ລົດ​ສ່ວນ​ຕົວ ລົດ​ຮັບ​ໃຊ້​ການ​ບໍ​ລິຫານ... ພາຍ­ຫຼັງ​ເພື່ອນ​ສ່ອງ​ແສງ​ເຂົ້າ​ມາ ຜູ້​ຂຽນ​ກໍ​ມີ​ໂອ­ກາດ​ລົມກັບ​ຫຼາຍ​ທ່ານ ແລະ ໃນ​ໂອ­ກາດ​ໄປ​ເປັນ​ວິ­ທະ­ຍາ­ກອນ​ໃນ​ຊຸດເຝິກ­ອົບ­ຮົມ​ພະ­ນັກ­ງານໃໝ່​ຂອງ​ກະ­ຊວງ​ການ​ຕ່າງ­ປະ­ເທດ ຄັ້ງ​ວັນ​ທີ 14 ແລະ 17 ເດືອນ​ມິ­ຖຸ­ນາ​ນີ້​ເອງ... ນັກ​ເຝິກ­ອົບ­ຮົມຕ່າງ​ກໍ​ສະ­ແດງ​ຈຸດ​ຢືນ ​ເຫັນ​ດີ​ເລື່ອງ​ການ​ອະ­ນຸ­ຍາດ​ໃຫ້​ຊື້​ລົດ ໃຫ້​ເໝາະ​ສົມ ຫາກ​ບໍ່​ແມ່ນຊື້​ໄດ້​ຕາມ­ໃຈ​ຄົນ​ມີ​ເງິນ.</p> <p style="text-align: justify;"> ການ​ໂອ້​ລົມ​ມາ​ຢຸດ​ຢູ່​ບ່ອນ​ວ່າ: ຢາກ​ໃຫ້​ນະ­ຄອນ­ຫຼວງ​ວຽງຈັນ​ ຈັດ​ຕັ້ງ​ທົດ​ລອງ​ກ່ອນ­ໝູ່ ໂດຍແມ່ນ​ພະ​ແນກ​ໂຍ­ທາ​ທິການ ແລະ ຂົນ­ສົ່ງ ເປັນ​ເຈົ້າ​ການ​ ປະ­ສານ​ໄປ​ຍັງ​ກະ­ຊວງ​ປ້ອງກັນຄວາມ​ສະ­ຫງົບ ໂດຍ​ສະ­ເພາະ​ແມ່ນ​ກອງ​ບັນ­ຊາ​ການ ປກສ ນະ­ຄອນ­ຫຼວງ ຜູ້​ທີ່​ຮັບ­ຜິດ­ຊອບ​ຄຸ້ມຄອງ​ສຳ­ມະ­ໂນ​ຄົວ ລົງ​ໄປ​ສຳ​ຫຼວດ​ເບິ່ງ​ໃນ​ແຕ່​ລະ​ບ້ານ​ທົ່ວ​ນະ­ຄອນ­ຫຼວງ ​ໃນ 9 ຕົວ​ເມືອງ​ ເບິ່ງວ່າຄອບ­ຄົວ​ໜຶ່ງ​ມີ​ລົດ­ຈັກ​ຄັນ​ກັນ​ແທ້ ? ການຈັດ​ຕັ້ງ​ປະ­ຕິ­ບັດ​ນີ້ ຢາກ​ໃຫ້​ເລີ່ມ​ຕົ້ນ​ນັບ​ສູນ​ໃໝ່ ໝາ­ຍວ່າ​ ຜ່ານມາ​ອະ­ນຸ­ມັດ​ແລ້ວ​ກໍ​ໃຫ້​ນະ­ໂຍ­ບາຍ ແຕ່​ມາ​ກຳ­ນົດ​ເອົາ​ຢູ່​ບ່ອນເວ­ລາ​ຂຶ້ນ​ທະ­ບຽນ ຄອບ­ຄົວ​ໃດມີ​ລົດ​ເກີນ​ຕົວ​ເລກ​ທາງ​ການກຳ­ນົດ (ມີ​ກ່ອນ​ການ​ທົດ​ລອງ) ຕ້ອງ​ມາ​ຂຶ້ນ​ທະ­ບຽນ​ໃໝ່ ທີ່ເສຍ​ຄ່າ​ທຳ­ນຽມ​ສູງ​ກວ່າ​ປົກ­ກະ­ຕິ ລວມ​ທັງ​ລົດ​ທີ່​ຊື້​ຜ່ອນ... ລົດ​ໃຫຍ່-ລົດ­ຈັກ.</p> <p style="text-align: justify;"> ການ​ກຳ­ນົດ​ແບບ​ນີ້ ບໍ່​ແມ່ນ​ການ​ປາບ​ປາມ​ຫຍັງ​ເນີ ! ມັນ​ແມ່ນ​ການ​ແກ້​ບັນ­ຫາ​ລວມ​ໃຫ້​ແກ່​ນະ­ຄອນ­ຫຼວງ ເພື່ອຫຼຸດ­ຜ່ອນ​ການ​ສັນ­ຈອນ​ແອ​ອັດ.</p> <p style="text-align: justify;"> ຜູ້​ທີ່​ເຫັນ​ດີ​ເລື່ອງ​ນີ້​ຍົກ​ຕົວ­ຢ່າງ​ວ່າ: ຢູ່​ຫວຽດ­ນາມ​ ເວ­ລາຊື້​ລົດ​ໃຫຍ່ ເຈົ້າ​ໜ້າ­ທີ່​ຈະ​ຖາມ​ວ່າ ມີບ່ອນ​ຈອດ​ລົດ ຫຼື ບໍ່ ? ຖ້າ​ບໍ່​ມີ​ສະ­ຖານ­ທີ່​ຈອດ​ລົດ ແລະ ມ້ຽນ​ລົດ ​ເພິ່ນ​ບໍ່​ຄ່ອຍ​ອະ­ນຸຍາດ ຢູ່​ບາງ­ກອກ ປະ­ເທດ​ໄທ ພາຍ­ຫຼັງ​ມີ​ນະ­ໂຍ­ບາຍ​ຊື້​ລົດ​ຄັນທຳ​ອິດ​ ພາ​ໃຫ້­ການ​ສັນ­ຈອນ​ຢູ່​ເມືອງ​ບາງ­ກອກ ຕິດ​ຂັດ​ໜັກກວ່າ​ເກົ່າ ຍ້ອນ​ຄົນ​ຊື້​ລົດ​ເພີ່ມ​ຂຶ້ນ.</p> <p style="text-align: justify;"> ໄປ​ຄຽງ​ຄູ່​ກັບ​ການ​ກຳ­ນົດ​ການ​ຊື້​ລົດ​ ກໍ​ຕ້ອງ​ກຳ­ນົດ​ການເຂົ້າ​ສູ່​ຕົວ​ເມືອງ​ໃນ (4 ຕົວ​ເມືອງ) ຂອງລົດ​ປະ­ເພດ​ຕ່າງໆ ເປັນ­ຕົ້ນ ພວກ​ລົດ​ຂົນ­ສົ່ງ (ຫີນ ດິນ ຊາຍ) ເຄື່ອງ​ກໍ່­ສ້າງ... ບັງຄັບ​ໃຫ້​ຮ້ານຂາຍ­ເຄື່ອງ​ກໍ່­ສ້າງອູ່​ສ້ອມ­ແປງ​ລົດ ສູນ​ການ​ຄ້າອອກ​ໄປ​ຕັ້ງ​ຢູ່​ຊານ­ເມືອງ ຫາກ​ບໍ່​ແມ່ນ​ອະ­ນຸ­ຍາດໃຫ້​ຈຸ້ມ​ກັນ​ຢູ່ແຖວ​ຕະ­ຫຼາດ​ເຊົ້າ ຕະ­ຫຼາດ​ຂົວ​ດິນ ຕະ­ຫຼາດ​ທາດ­ຫຼວງ... ສຸດ​ທ້າຍ​ພວກ​ເພິ່ນ​ເນັ້ນວ່າ: ນະ­ຄອນ­ຫຼວງ​ວຽງ​ຈັນ ໂດຍແມ່ນ​ອົງ­ການ​ປົກ­ຄອງ (ຝ່າຍ​ປົກ­ຄອງ) ຈະ​ຕ້ອງ​ເປັນ​ເຈົ້າການ­ຈັດ­ຕັ້ງ​ປະ­ຕິ­ບັດ ແລະ ກວດ­ກາ​ຢ່າງ​ເຂັ້ມ​ງວດ ໂດຍ​ໃຊ້ເວ­ລາ​ເຄິ່ງ​ສະ­ໄໝ​ຂອງ​ການ­ຈັດ­ຕັ້ງ​ປະ­ຕິ­ບັດ​ມະ­ຕິ​ກອງ​ປະ­ຊຸມໃຫຍ່ ຄັ້ງ​ທີ IX ຂອງ​ພັກ​ ໃຫ້​ສຳ­ເລັດ ເພື່ອ​ເປັນ​ຜົນ­ງານ​ຂ່ຳ­ນັບຮັບ​ຕ້ອນກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ​ເຮົາ.</p> <p style="text-align: justify;"> ຜົນ­ສຳ­ເລັດ​ນີ້ ຍັງ​ເປັນ​ສິ່ງ​ຢັ້ງ­ຢືນ​ເວ­ລາ​ກວດ­ກາ​ຜົນ­ງານຂອງ​ພະ­ນັກ­ງານ​ຂັ້ນ​ຕ່າງໆ ເພື່ອ​ສັບຊ້ອນ​ເຂົ້າ​ໃນ​ຕຳ­ແໜ່ງ​ທີ່ສຳ­ຄັນ​ໃນ​ກົງ­ຈັກ​ຂອງ​ພັກ-ລັດ ຢູ່​ນະ­ຄອນ­ຫຼວງ​ພວກ​ເຮົາ.</p> <p style="text-align: justify;"> ຜູ້​ຂຽນ​ເປັນ​ກຳ­ລັງ​ໃຈ​ແກ່​ທຸກ​ຝ່າຍ ​ທີ່​ສາ­ມາດ​ເຮັດ​ໃຫ້­ການສັນ­ຈອນ​ຢູ່​ນະ­ຄອນ­ຫຼວງ​ພວກ​ເຮົາ ໄປ-ມາ​ສະ­ດວກ​ສະ­ບາຍກວ່າ​ທີ່​ເປັນ​ຢູ່​ໃນ​ປັດ­ຈຸ­ບັນ.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ