ຂ່າວຫຼ້າສຸດ

ສ້າງ​ຂະ​ບວນ​ວັນ​ເສົາ​ແດງ ປາບ​ຍຸງ​ລາຍ

1.584 13 ມິ.ນ. 2013 ນານາສາລະ

<p style="text-align: justify;"> ເລືອດ​ອອກ​ເກັ່ງ​ທີ່​ສຸດ ຈົນ​ວ່າ​ປະ­ເທດ​ໃກ້​ຄຽງ​ມາ​ຮ່ຳ­ຮຽນນຳ... ດຽວ­ນີ້​ວົງ​ການ​ແພດ​ເຮົາ​ກໍ​ເກັ່ງ​ຄືກັນ ກ່ຽວ​ກັບ​ການປິ່ນ­ປົວ​ພະ­ຍາດ​ນີ້ ແຕ່​ວ່າ​ປີ​ນີ້​ມັນ​ລະ­ບາດ​ຮ້າຍ​ແຮງ​ແທ້ໆ ແຮງ​ກວ່າ​ປີ 2010 ອີກ​ຊ້ຳ.</p> <p style="text-align: justify;"> ຕາມ​ຂ່າວ​ດຽວ­ນີ້ ທົ່ວ​ປະ­ເທດ​ມີ​ຜູ້​ຕິດ­ເຊື້ອ​ແລ້ວ 6.377 ກໍ­ລະ­ນີ ແລະ ເສຍ​ຊີ­ວິດ​ແລ້ວ 26 ກໍ­ລະ­ນີ ໃນ​ນັ້ນ ແຂວງຈຳ­ປາ​ສັກ ​ພົບ​ຜູ້​ຕິດ­ເຊື້ອ​ຫຼາຍ​ກວ່າ​ໝູ່ ຮອງ​ລົງ​ມາ​ແມ່ນ​ນະຄອນ​ຫຼວງ​ວຽງຈັນ ສາ­ລະ​ວັນ ຄຳ​ມ່ວນ ສະ­ຫວັນ​ນະ​ເຂດ ໄຊ​ຍະ​ບູ​ລີ ເຊ​ກອງ ຕາມ​ລຳ­ດັບ.</p> <p style="text-align: justify;"> ສຳ­ລັບ​ປະ­ເທດ​ເຮົາ​ ປີ​ນີ້ດິນ​ຟ້າ​ອາ­ກາດ​ເປັນ­ໃຈ ອຳ­ນວຍໃຫ້​ແກ່​ການ​ແຜ່­ພັນ​ຂອງ​ຍຸງ​ລາຍ​ຢ່າງວ່ອງ­ໄວ ຜູ້​ຕິດ­ເຊື້ອສ່ວນ​ຫຼາຍ​ຢູ່​ເຂດ​ຊົນ­ນະ­ບົດ ບ່ອນ​ທີ່​ມີ​ເສັ້ນ­ທາງ​ຄົມ­ມະ­ນາ­ຄົມຫຍຸ້ງ­ຍາກ ເຂດ​ທີ່​ມີ​ປ່າ­ດົງ​ຕຶບ­ໜາ.</p> <p style="text-align: justify;"> ການ​ປາບ​ພະ­ຍາດ​ໄຂ້­ເລືອດ­ອອກ ນອກ­ຈາກ​ປະ­ຕິ­ບັດຕາມ​ແພດ​ໝໍ​ໄປ​ປິ່ນ­ປົວ​ໃຫ້​ຖືກ­ຕ້ອງ​ຢູ່ຕາມ​ໂຮງ­ໝໍ ແລະ ສຸກສາ­ລາ​ແລ້ວ ກໍ​ຕ້ອງ​ໄດ້​ປຸກ­ລະ­ດົມ​ກັນ​ເລື່ອງ​ການ​ຕ້ານ ໂດຍສະ­ເພາະແມ່ນ​ການ​ກຳ­ຈັດ​ແຫຼ່ງ​ເພາະ​ພັນ​ຂອງ​ຍຸງ​ລາຍ ທີ່ເປັນ​ສາ­ເຫດ​ຂອງ​ການ​ນຳ​ເຊື້ອ​ພະ­ຍາດ​ມາ­ສູ່ຄົນ​ ໃຫ້​ມີ​ທ່າ​ທີຫຼຸດ​ລົງ.</p> <p style="text-align: justify;"> ໃນ​ນາມ​ສື່​ມວນ​ຊົນ ກໍ​ຂໍ​ຮຽກ­ຮ້ອງ​ເຖິງ​ສະ​ຖາ​ບັນ​ຄອບ­ຄົວ ຈົ່ງ​ເອົາ­ໃຈ­ໃສ່​ຕັດ​ຫຍ້າ ອະ­ນາ­ໄມຕາມ​ເດີ່ມ​ບ້ານ ເດີ່ນ​ເຮືອນ ໃຫ້​ສະ­ອາດ​ງາມ​ຕາ... ອຳ­ນາດ​ການ​ປົກ­ຄອງ​ບ້ານ ໂຮງ­ຮຽນ ສຳ­ນັກ­ງານ ອົງ­ການ​ຕ່າງໆ ຄວນ​ຈັດ​ຕັ້ງ​ກັນ​ອະ­ນາ­ໄມ​ໃນມື້ວັນ​ເສົາ ​ຖື​ວ່າ​ເປັນ​ວັນ​ເສົາ​ແດງ ​ກຳ­ຈັດແຫຼ່ງ​ເພາະ​ພັນ​ຂອງ​ຍຸງລາຍ.</p> <p style="text-align: justify;"> ເບື້ອງ​ສາ­ທາ­ລະ­ນະ​ສຸກ​ ກໍ​ຄວນ​ວາງ​ກຳ­ລັງ ລວມ​ທັງ​ອາສາ​ສະ­ໝັກ ກວດ­ກາ​ຕິດ­ຕາມ​ຢູ່​ທຸກ​ຄຸ້ມບ້ານ ທົ່ວ​ນະ­ຄອນຫຼວງ​ພວກ​ເຮົາ​ໃຫ້​ຫຼາຍ​ຂຶ້ນ ໄປ​ຄຽງ​ຄູ່​ກັບ​ການ­ຈັດ­ຕັ້ງ​ພົ່ນ​ຢາຂ້າ​ຍຸງ ຄື​ໄດ້​ປະ­ຕິ­ບັດ​ໃນ​ຜ່ານ​ມາ.</p> <p style="text-align: justify;"> ຖ້າ​ຫາ​ກວ່າ​ພວກ​ເຮົາ​ຮ່ວມ​ແຮງ​ຮ່ວມ​ໃຈ​ກັນ ​ເຮັດ​ໜ້າ­ທີ່ກຳ­ຈັດ​ແຫຼ່ງ​ເພາະ​ພັນ​ຂອງ​ຍຸງ​ລາຍ​ໄດ້​ດີ ພວກ​ເຮົາ​ກໍ​ຈະ​ສາມາດ​ຫຼຸດ­ຜ່ອນ​ການ​ຕິດ­ເຊື້ອ​ພະ­ຍາດ​ນີ້​ລົງ​ໄດ້.</p> <p style="text-align: justify;"> ໜ້າ­ທີ່​ນີ້​ເປັນ​ຂອງ​ໝົດ​ທຸກ​ຄົນ​ເນີ !. ຢູ່​ນະ­ຄອນ­ຫຼວງ​ເຮົາ​ຄວນ​ຮີບ​ຮ້ອນ​ຈັດ​ຕັ້ງ​ການ​ອອກ­ແຮງງານ​ວັນ​ເສົາ​ແດງ ກຳ­ຈັດ​ແຫຼ່ງ​ເພາະ​ພັນ​ຂອງ​ຍຸງ​ລາຍ​ໄວ​ທໍ່ໃດ​ຍິ່ງ​ດີ !.</p> <p style="text-align: justify;"> <strong>ຂໍ​ຮຽກ­ຮ້ອງ​ໝົດ​ທຸກ​ຄົນ​ຈົ່ງ​ຊ່ວຍ​ກັນ !.</strong></p>

ຂ່າວທີ່ກ່ຽວຂ້ອງ