ມີ​ເງິນ​ແຕ່​ຊື້​ລົດ ບໍ່​ໄດ້​ຕາມ­ໃຈ ...

<p style="text-align: justify;"> ດຽວ­ນີ້​ຢູ່​ນະ­ຄອນ­ຫຼວງວຽງ​ຈັນ ການ​ໄປ​ມາ​ຍາກ​ຫຼາຍ ໂດຍ​ສະ­ເພາະ​ຍາມ​ຝົນ ຍ້ອນວ່າ​ລົດ​ຕິດ​ຫຼາຍ​ຈຸດ​ໂພດ.</p> <p style="text-align: justify;"> ອອກ​ຈາກ​ເຮືອນ​ຢູ່​ບ້ານ​ໂພນ​ຄຳ ມາ​ຫ້ອງ­ການ​ຢູ່​ບ້ານໜອງ​ບອນ ​ມີ​ຈຸດ​ລົດ​ຕິດໃຫຍ່ໆ​ຕັ້ງ 3 ຈຸດ ຈຸດ​ທຳ​ອິດ​ຕິດ​ຢູ່ປ້ຳ­ນ້ຳ­ມັນ​ ລ້ຽວ​ອອກ​ຈາກ​ວັດ​ໜອງ​ບົວ­ທອງ ມາຫາ​ຈຸດ​ສີ່ແຍກໂຮງ​ກາຍ​ຍະ​ສິນ ຈຸດ​ທີ​ສອງ​ແມ່ນ​ອຳນາດ ​ຈະ​ເຂົ້າ​ສູ່ບ້ານ​ສີ​ສະ­ຫວາດ ໄປ​ຫາ​ສຳ­ນັກ­ງານ​ນາ­ຍົກ ແລະ ຈຸດ​ທີສາມ​ແມ່ນ​ຈະ​ຂ້າມ​ຖະ­ໜົນ​ລ້ານ​ຊ້າງ ບໍ­ລິ­ເວນ​ປະ­ຕູ​ໄຊ... ທັງໝົດ​ນັ້ນໃຊ້​ເວ­ລາ​ການ​ເດີນ­ທາງ​ເກືອບ​ສອງ​ຊົ່ວ­ໂມງ ຫາກແມ່ນ​ຍາມ​ເຊົ້າ​ເວ­ລາ​ຮັບ-ສົ່ງ... ເພື່ອນ​ຜູ້​ອ່ານ​ລາຍ​ໜຶ່ງສ່ອງ​ແສງ​ເຖິງ​ຄໍ​ລຳ​ໃນ​ວັນ​ທີ 6/5/2013.</p> <p style="text-align: justify;"> ເວົ້າ​ເລື່ອງ​ລົດ​ຕິດ​ຢູ່​ນະ­ຄອນ­ຫຼວງ​ວຽງ​ຈັນ​ 2-3 ປີມາ​ນີ້ ເລີ່ມ​ຕິດ​ໃນ​ຫຼາຍ​ຈຸດ... ການແກ້​ໄຂ​ກໍ​ລຳ­ບາກ ຈິດ­ໃຈຜູ້​ຂັບ​ຂີ່​ພາ­ຫະ­ນະ​ດຽວ­ນີ້​ຄັບ­ແຄບ​ຫຼາຍ ເຫັນ​ແຕ່​ໃຈ​ໂຕ​ເອງ</p> <p style="text-align: justify;"> ສະ­ແດງ​ອອກ​ໃນ​ການ​ບຽດ​ຊິງ ໂດຍ​ບໍ່​ນັບ­ຖື​ລະ­ບຽບ​ຈະ­ລາຈອນ​ ເລີຍ​ພາ­ໃຫ້​ທາງກວ້າງ​ກໍ​ແຄບ​ເຂົ້າ.</p> <p style="text-align: justify;"> ຄໍ​ລຳ​ເຮົາ​ເຄີຍ​ຂຽນ​ຫຼາຍ​ເທື່ອ... ມີ​ບາງ­ເທື່ອ​ກໍ​ໃຊ້​ຄຳ​ເວົ້າບໍ່​ມ່ວນ​ຫູ ເຊັ່ນ​ວ່າ: ພວກ​ບໍ່ມີ​ຢາງ​ອາຍ ພວກ​ໜ້າ­ດ້ານ ພວກໜ້າ​ມຶນ ແຕ່​ກໍ​ປະ­ກົດ​ວ່າ ພວກ​ຈອດ​ລົດ​ຊະ­ຊາຍ​ບໍ່ຄ່ອຍ​ປ່ຽນແປງ​ພໍ​ທໍ່​ໃດ ?.</p> <p style="text-align: justify;"> ໄດ້​ລົມ​ກັບ​ໝູ່­ຄູ່​ຫຼາຍ​ຄົນ ​ມີ​ຄຳ​ເຫັນ​ວ່າ: ຢາກ​ໃຫ້​ເຈົ້າ​ໜ້າທີ່​ມີ​ຊຸດ​ສະ­ເພາະ​ກິດ ເຄື່ອນ​ໄຫວ​ໄປ​ຕາມ​ເສັ້ນ­ທາງ​ຕ່າງໆ ​ເພື່ອຕັກ­ເຕືອນ ປັບ­ໄໝ​ ພວກ​ຈອດ​ລົດ​ຊະ­ຊາຍ ເຮັດ​ຄື​ຢູ່​ປະ­ເທດ​ອື່ນເຮັດ... ເຖິງ​ຂັ້ນ​ຍົກ​ລົດ​ໄປ​ ກໍ​ເຮັດຂຽນ​ໃບ​ສັ່ງ​ໃຫ້​ໄປ​ຈ່າຍເງິນ​ຢູ່​ສານ...</p> <p style="text-align: justify;"> ຢາກ​ໃຫ້​ມີ​ການ​ສົມ­ທົບ​ລະ­ຫວ່າງ​ຜູ້​ຂາຍ​ລົດ ແລະ ຜູ້​ອອກທະ­ບຽນ​ລົດ​ ກັບ​ຜູ້​ຄຸ້ມຄອງ​ສຳ­ມະ­ໂນ​ຄົວ ໝາ­ຍວ່າ​ສາມພາກ­ສ່ວນ​ນີ້​ມາ​ກວດ­ກາ​ນຳ​ກັນ ແລ້ວ​ສະ­ເໜີ​ຂັ້ນເທິງ​ອອກມາດ​ຕະ­ການ​ເລື່ອງ​ການ​ຊື້​ລົດ ເຊັ່ນ​ວ່າ: ຄອບ­ຄົວ 4 ຄົນ ອະ­ນຸ­ຍາດ​ໃຫ້​ຊື້ລົດ​ໃຫຍ່ 1 ຄັນ ລົດ­ຈັກ 2 ຄັນ ລົດ­ຖີບ 2 ຄັນ ພໍ ! ກາຍ​ນັ້ນ​ບໍ່​ອະ­ນຸ­ຍາດ... ແລະ ເຮືອນ​ໃດ​ບໍ່​ມີ​ສະ­ຖານທີ່​ຈອດ​ລົດ ​ກໍ​ຄວນ​ຫາ​ວິ­ທີ​ແກ້​ໄຂ​ ບໍ່​ໃຫ້​ຈອດ​ລົດ​ຊະ­ຊາຍ ຫຼື ໃຊ້​ວິ­ທີ​ອື່ນໆ​ທີ່​ເໝາະ​ສົມ... ດຽວ­ນີ້ ໃຜ​ມີ​ເງິນ​ຊື້​ທໍ່​ໃດ​ກະ​ໄດ້ ມັນ​ເລີຍ​ພາ­ໃຫ້​ລົດ​ລົ້ນທາງ.</p> <p style="text-align: justify;"> ສືບ­ຕໍ່​ລົດ​ປະ­ຈຳ​ທາງ​ທີ່​ປະ­ຕິ­ບັດ​ດີ​ຢູ່​ຄື​ປັດ­ຈຸ­ບັນ ໝາ­ຍວ່າເພີ່ມ​ໃຫ້​ມີ​ຫຼາຍ​ຈຸດ​ ຄົນ​ກໍຈະ​ໃຊ້​ບໍ­ລິ­ການ​ຫຼາຍ​ຂຶ້ນ ທັງ​ເປັນການ​ຕີ​ຖອຍ​ພວກ​ລົດ​ເອ­ກະ​ຊົນ​ທີ່​ເກັບ​ລາ­ຄາ​ສູງ.</p> <p style="text-align: justify;"> ໃຫ້​ຢຸດ​ເຊົາ​ການ​ບໍ­ລິ­ການ​ຂອງ​ຕຸກ​ຕຸກ-ຈຳ​ໂບ້ ໃນ​ຕົວ​ເມືອງ ໃນ​ຢ່າງ​ເດັດ­ຂາດ.</p> <p style="text-align: justify;"> ທັງ​ໝົດ​ນັ້ນ​ຄື​ຄຳ​ເຫັນ​ຂອງ​ຜູ້​ໃຊ້​ຖະ­ໜົນ !.</p> <p style="text-align: right;"> <strong>ໂດຍ: ແນວ​ລາວ</strong></p>