ເປັນ​ຫ່ວງ ສ.ສະ­ອາດ

<p style="text-align: justify;"> ເພື່ອນ​ຜູ້​ອ່ານ​ທ່ານໜຶ່ງ​ຂຽນ ຈ.ມ ລົງ​ວັນ​ທີ 31/5/2013 ເຖິງ​ຄໍ​ລຳ​ພວກ​ເຮົາ ໂດຍໃສ່​ນາມ​ວ່າ: “ດອກເຂັມ​ສີ­ຂາວ” ເພິ່ນ​ສະ­ແດງ​ຄວາມ​ເປັນ​ຫ່ວງ​ເລື່ອງ​ການຈັດ​ຕັ້ງປະ­ຕິ­ບັດ 6ສ ໂດຍ​ສະ­ເພາະ​ແມ່ນ ສ.ສະ­ອາດ.. ເພິ່ນ​ຍົກ​ຕົວ­ຢ່າງ ລົດ​ຂົນ​ດິນ​ທີ່​ໃສ່​ດິນ​ເຂົ້າ​ມາ​ຈົນ​ລົ້ນ​ລົດ ບໍ່​ມີແນວ​ປົກ​ປິດ ​ເຮ່ຍ​ມາສຸດ​ທາງ ລົດ​ສ່ວນ​ຕົວ ລົດ​ໂດຍ­ສານທີ່​ແລ່ນ​ເຂົ້າ​ມາ​ຕົວ​ເມືອງ ມີ​ແຕ່​ຂີ້­ຕົມ​ເຕັມ​ກົງລົດ... ເພິ່ນສະ­ເໜີ​ໃຫ້​ເຈົ້າ​ໜ້າ­ທີ່​ຕັ້ງ​ປ້ອມ​ກວດ­ກາ ຄວນ​ໃຫ້​ລົດ​ຢຸດ​ລ້າງຕີນ​ສາ­ກ່ອນ​ຈຶ່ງ​ເຂົ້າ​ເມືອງ​ໄດ້ ໂດຍ​ຈັດ​ສັນ​ໃຫ້​ທຸ­ລະ​ກິດ​ລ້າງລົດ​ຮັບ­ຜິດ­ຊອບ​ທຸກ​ເສັ້ນ­ທາງ​ທີ່ແລ່ນ​ເຂົ້າ​ສູ່​ຕົວ​ເມືອງ​ໃນ.. ເພິ່ນ​ວ່າ​ເຮັດ​ແນວ​ນັ້ນ​ຊິ​ດີ​ບໍ ?.</p> <p style="text-align: justify;"> ຄໍ​ລຳ​ພວກ​ເຮົາ​ເຄີຍ​ຂຽນ​ເລື່ອງ​ນີ້​ມາ​ຫຼາຍ​ປີ​ແລ້ວ ໂດຍເນັ້ນ​ໃສ່​ການ​ລ້າງ​ຕີນ­ລົດບັນ­ທຸກ ກ່ອນ​ອອກ​ສະ­ຖານ­ທີ່​ກໍ່­ສ້າງ ຫຼື ລົດ​ບັນ­ທຸກ​ຈາກ​ຊານ­ເມືອງ ເຂົ້າ​ສູ່​ສະ­ຖານ­ທີ່​ກໍ່­ສ້າງ​ຕົວເມືອງ​ໃນ ຕ້ອງ​ມີ​ຜ້າ​ປົກ​ປິດ​ຄັກ­ແນ່ ? ມີ​ບາງ​ຈຸດ​ຄວນ​ຮ່າຍດິນ ຊາຍ ຫີນ ໃສ່​ກະ­ສອບ​ນ້ອຍໆ ຈຶ່ງ​ນຳ​ເຂົ້າ ອັນ​ນີ້​ຜູ້​ຂຽນເຫັນ​ເຂົາ​ເຮັດ​ຢູ່​ບາງ​ປະ­ເທດ​ໃກ້ຄຽງ.. ແຕ່​ກໍ​ມີ​ການ​ປ່ຽນ­ແປງຊ້າ​ຫຼາຍ.. ບາງ­ເທື່ອ​ກໍ​ເຂັ້ມ​ງວດ ບາງ­ເທື່ອ​ກໍ​ປ່ອຍ­ປະໄປ.</p> <p style="text-align: justify;"> ດຽວ­ນີ້ ແມ່ນ​ລະ­ດູ­ຝົນ ການ​ກໍ່­ສ້າງ​ພັດ​ແຮ່ງ​ຫຼາຍ ສະ­ນັ້ນ ຈຶ່ງ​ສັງ­ເກດ​ເຫັນ​ວ່າ ສ.ສະ­ອາດ ມີ​ບັນ­ຫາ​ຄື​ເພື່ອນ​ສ່ອງ​ແສງ ແຕ່​ຫາກ​ພວກ​ເຮົາ​ປຸ້ມ­ລຸມ ​ກັນ​ຄິດ​ວ່າ​ຄົງ​ມີ​ທາງອອກ.</p> <p style="text-align: justify;"> -ອັນ​ໜຶ່ງ​ແມ່ນ​ເພິ່ນ​ຄວນ​ເຂັ້ມ​ງວດ​ຕໍ່​ລົດ​ບັນ­ທຸກ​ເຄື່ອງ​ກໍ່ສ້າງ​ພວກ ຫີນ ດິນ ຊາຍ ໃຫ້​ບັນ­ທຸກ​ພໍ­ດີ ແລະ ມີ​ສິ່ງ​ປົກ​ປິດ ເພື່ອ​ຮັບ­ປະ­ກັນ​ການ​ຕົກ­ເຮ່ຍ.</p> <p style="text-align: justify;"> - ຕ້ອງ​ລ້າງ​ລົດ​ກ່ອນ​ຈະ​ອອກ​ຈາກ​ສະ­ໜາມ​ກໍ່­ສ້າງ​ໃນ​ຕົວເມືອງ​ໃນ.</p> <p style="text-align: justify;"> -ຕ້ອງ​ພາ­ກັນ​ຟື້ນ​ຂະ​ບວນ​ການ​ອອກ­ແຮງ​ງານ​ວັນ​ເສົາແດງ ເພື່ອ​ເຮັດ​ໃຫ້​ຖະ­ໜົນຫົນ­ທາງ​ໃນ​ຄຸ້ມ​ບ້ານ​ຂອງ​ຕົນ​ສະອາດ​ງາມ​ຕາ.. ເຮັດ​ຄື​ໃນ​ເວ­ລາ​ບ້ານ​ເມືອງ​ເຮົາ​ປົດປ່ອຍ​ໃໝ່ໆຫັ້ນ​ນ໋າ !.</p> <p style="text-align: justify;"> -ອພບ ຕ້ອງ​ເປັນ​ເຈົ້າ​ການ​ລ້າງ​ທາງ ແລະ ປັດ­ກວາດໃຫ້​ສະ­ອາດ ໂດຍ​ສະ­ເພາະເສັ້ນ­ທາງ​ສາຍ​ຫຼັກ.</p> <p style="text-align: justify;"> ຫາກ​ໝົດ​ທຸກ​ຄົນ​ຮ່ວມ​ແຮງຮ່ວມ​ໃຈ ຄິດ​ວ່າ ຄວາມ​ສະອາດງາມ​ຕາ​ຄົງ​ເກີດ​ຂຶ້ນແນ່­ນອນ ເພາະ​ດຽວ­ນີ້ ຫຼາຍ​ບ້ານໄດ້​ຮັບ​ນາມ­ມະ­ຍົດ​ເປັນ​ບ້ານ​ພັດ­ທະ­ນາ ຄັນ​ຫາກແມ່ນ​ວ່າເສັ້ນ­ທາງ​ຜ່ານ​ບ້ານ​ພັດ­ທະ­ນາ ມີ​ແຕ່​ຂີ້­ໄງ່​ກຸ້ມ​ທີບ ມີ​ແຕ່​ປ່າຫຍ້າ​ຮົກ­ເຮື້ອ ມັນ​ກໍ​ຕ້ອງ​ໄດ້​ເວົ້າ​ກັນ​ໃໝ່ ວ່າ​ຄວນ​ຈະ​ເປັນບ້ານ​ພັດ­ທະ­ນາ​ໄດ້​ຈັ່ງ​ໃດ໋!.</p> <p style="text-align: right;"> <strong>ໂດຍ: ແນວ​ລາວ</strong></p>