ຮ້ານ​ເກມ ຮ້ານ​ອິນ​ເຕີ​ເນັດ ແກ້​ໄດ້ ?

2.497 23 ພ.ພ. 2013 ນານາສາລະ

<p>  </p> <p style="text-align: justify;"> ຫຼາຍ​ປີ​ມາ​ນີ້ມີ​ຫາງ​ສຽງ​ຈົ່ມຈາກ​ຜູ້​ປົກ­ຄອງ ແລະ ສະ​ຖາ​ບັນ​ການ​ສຶກ​ສາ ​ວ່າ ຮ້ານເກມ-ຮ້ານ​ອິນເຕີ​ເນັດຫຼາຍ​ໂພດ ແລະ ການ​ຄຸ້ມ​ຄອງ​ກໍ​ບໍ່​ໄດ້​ຮັດ­ກຸມ ເພິ່ນ​ຍົກ​ຕົວ­ຢ່າງ​ຮ້ານ​ຢູ່​ໃກ້​ໂຮງ­ຮຽນ ມ.ສ ວຽງ​ຈັນ ມ.ສ ເລກ 9 ໂຮງ­ຮຽນ​ໜອງ​ບອນ ໂຮງ­ຮຽນ ມ.ສ ເພຍ​ວັດ ອ້ອມ​ຂ້າງ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ແລະ ບ່ອນ​ອື່ນໆ​ອີກ​ຫຼາຍແຫ່ງ.</p> <p style="text-align: justify;"> ສ່ວນ​ຢູ່​ຕ່າງ​ແຂວງ​ກໍ​ມີ​ຄື​ກັນ ສຽງ​ຈົ່ມ​ວ່າ​ນັ້ນ​ໜາ​ຫູຂຶ້ນ​ວ່າ ເປັນ​ບ່ອນ​ເພີດ­ເພີນ ມົ້ວສຸມ​ກັບ​ການ​ຫຼິ້ນ​ເກມ ແລະ ອິນ​ເຕີ​ເນັດ​ຂອງ​ນັກ­ຮຽນ-ນັກ​ສຶກ​ສາ ໂດຍ​ບໍ່ສົນ­ໃຈ​ນຳການ​ຮຽນ ເບື້ອງ​ເຈົ້າ​ຂອງ​ທຸ­ລະ​ກິດ​ກໍ​ບໍ່​ສົນໃຈ​ນຳ​ໂມງ​ເວ­ລາ ເປີດ​ຈົນ​ຊອດ​ແຈ້ງ​ກໍຫາກ​ມີ.</p> <p style="text-align: justify;"> ພາກ­ສ່ວນ​ກ່ຽວ­ຂ້ອງ​ກໍ​ມີ​ແຈ້ງ​ການ ແລະ ຮຽກ­ຮ້ອງໃຫ້​ແກ້​ໄຂ ແຕ່​ໃນ​ຕົວ​ຈິງ​ປະ­ຕິ­ບັດ​ຍາກ ວ່າ​ຊັ້ນ !.</p> <p style="text-align: justify;"> ກ່ຽວ​ກັບ​ບັນ­ຫາ​ນີ້ ຜູ້​ຂຽນ​ໄດ້​ມີ​ໂອ­ກາດ​ພົບ​ປະ​ໂອ້​ລົມກັບ​ຫຼາຍ​ຝ່າຍ ເຊິ່ງ​ຕ່າງ​ກໍ​ກ່າວເປັນ​ສຽງ​ດຽວ​ກັນ​ວ່າ ແກ້​ໄຂ​ໄດ້ ຫາ​ກວ່າ​ອຳ­ນາດ​ການ​ປົກ­ຄອງ​ບ້ານ-​ເມືອງມີ​ຄວາມ​ເດັດ­ຂາດ.</p> <p style="text-align: justify;"> ດຽວ­ນີ້ ບັນ­ດາ​ບ້ານ​ໄດ້​ເພີ່ມ​ສິດ​ໃນ​ການ​ຄຸ້ມ​ຄອງຫົວ­ໜ່ວຍ​ທຸ­ລະ​ກິດ​ຂະ­ໜາດ​ນ້ອຍ​ຕາມ​ແນວ­ທາງ 3 ສ້າງ ໝາຍ​ຄວາມ​ວ່າ ​ເມືອງ​ມອບ​ສິດ​ໃຫ້​ບ້ານເກັບ​ອາ­ກອນ​ຈາກຫົວ­ໜ່ວຍ​ທຸ­ລະ​ກິດ​ຢູ່​ບ້ານ ທັງ​ມອບ​ໃຫ້​ບ້ານ​ຄຸ້ມ​ຄອງ.</p> <p style="text-align: justify;"> ບັນ­ດາ​ຮ້ານ​ເກມ-ຮ້ານ​ອິນ​ເຕີ​ເນັດ​ຂະ­ໜາດນ້ອຍ​ທີ່​ມີ​ຫາງ​ສຽງ​ວ່າ ເບື່ອ​ເມົາ​ຊາວໜຸ່ມ​ນັ້ນ ຄິດ​ວ່າ​ຄົງ​ຕ້ອງ​ຢູ່​ພາຍ​ໃຕ້​ການ​ອະ­ນຸ­ຍາດ​ຂອງເມືອງ​ແນ່­ນອນ! ແຕ່​ບໍ່​ໂທດເມືອງ ເພາະ​ບໍ່​ສາມາດ​ຄຸ້ມ​ຄອງ​ໄດ້ ແຕ່​ຢາກ​ຝາກ​ເຖິງ​ບ້ານ​ຈະ​ຮູ້ດີ.</p> <p style="text-align: justify;"> ບ້ານ​ຮູ້​ດີ ຮ້ານ​ໃດ​ບໍ່​ປະ­ຕິ­ບັດ​ຕາມ​ລະ­ບຽບ ບ້ານ​ກໍ​ມີ​ສິດ​ສະ­ເໜີ​ໃຫ້​ເມືອງ​ສັ່ງ​ຍຸບຮ້ານ​ນັ້ນໂລດ ! ແຕ່​ອັນ​ສ່ຽງ​ແມ່ນ​ເຈົ້າ​ຂອງ​ທຸ­ລະ​ກິດ​ດັ່ງກ່າວ​ກັບ​ການ­ຈັດ­ຕັ້ງ​ບ້ານ​ຈະເຈລະ­ຈາ​ກັນ​ຢ່າງໃດ?.</p> <p style="text-align: justify;"> ແນວ­ທາງ 3 ສ້າງ​ມັນ​ດີ​ຢູ່​ບ່ອນ​ນີ້​ລະ ! ມອບ​ສິດ​ບາງ​ອັນ​ໃຫ້​ບ້ານ​ຄຸ້ມ​ຄອງ ແລະ ເກັບລາຍ​ຮັບ ຫາກ​ບ້ານ​ຕ້ອງ­ການ​ລາຍ​ຮັບ​ໂດຍ​ທີ່​ບໍ່ພິ­ຈາ­ລະ­ນາ​ແລ້ວ ແນ່­ນອນລາຍ​ຮັບ​ຈະ​ຫຼາຍ ແຕ່​ອັນ­ຕະ­ລາຍ​ກໍ​ຫຼາຍ​ເຊັ່ນ​ກັນ.</p> <p style="text-align: justify;"> ຮ້ານ​ເກມ-ຮ້ານ​ອິນ​ເຕີ​ເນັດ ທີ່​ເຄື່ອນ​ໄຫວ​ຜິດລະ­ບຽບ​ຫຼັກ­ການ ​ຈະ​ຖືກ​ເຕືອນ ຖືກສັ່ງ​ປິດ ຫຼື ບໍ່? ມັນ​ຂຶ້ນ​ກັບ​ອຳ­ນາດ​ການ​ປົກ­ຄອງ​ບ້ານ ແລະ ເມືອງ !.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ