ຂ່າວຫຼ້າສຸດ

ຫວຽດ­ນາມ ມີ​ແຜນ​ລົງ­ມະ­ຕິ​ໄວ້​ວາງ­ໃຈ

2.208 15 ພ.ພ. 2013 ນານາສາລະ

<p>  </p> <p style="text-align: justify;"> ມື້­ກ່ອນ​ເບິ່ງ​ຂໍ້​ມູນຈາກ Internet ຂອງ Vn Economy ສະ­ບັບວັນ​ສຸກ ທີ 10/5/2013 ໄດ້​ຮູ້​ວ່າ: ສະ­ພາ​ແຫ່ງ​ຊາດ​ຂອງ ສສ.ຫວຽດ­ນາມ ມີ​ແຜນ​ລົງ​ຄະ­ແນນໄວ້​ວາງ­ໃຈ ແລະ ບໍ່​ໄວ້ວາງ­ໃຈ​ຕໍ່​ຜູ້​ດຳ­ລົງ​ຕຳ­ແໜ່ງ​ທີ່​ສະ­ພາໃຫ້­ການ​ແຕ່ງ­ຕັ້ງ ແລະ ຮັບ­ຮອງ ​ລວມ​ຫຼາຍ​ຕຳ­ແໜ່ງ​ ໃນ​ກອງ​ປະ­ຊຸມ​ສະ­ພາ​ຄັ້ງ​ໜ້າ ໂດຍ​ຄາດ​ວ່າ​ຈະ​ມີ​ຂຶ້ນໃນ​ເດືອນ​ມິ­ຖຸ­ນາ 2013.</p> <p style="text-align: justify;"> ສະ­ມາ­ຊິກ​ສະ­ພາ 500 ທ່ານ ຖື​ເຫດ­ການ​ຄັ້ງ​ນີ້​ວ່າເປັນເຫດ­ການ​ສຳ­ຄັນ ເພາະ​ເປັນເທື່ອ​ທຳ​ອິດ​ທີ່​ສະ­ພາ ​ມີ​ມະ­ຕິ​ກ່ຽວກັບ​ເລື່ອງ​ນີ້.</p> <p style="text-align: justify;"> ຕາມ​ມະ­ຕິ​ຂອງ​ສະ­ພາ​ຜູ້​ທີ່​ຖືກ​ລົງ​ຄະ­ແນນ​ສຽງ​ໄວ້​ວາງ­ໃຈ ແລະ ບໍ່​ໄວ້​ວາງ­ໃຈ ລວມມີ: ປະ­ທານ​ປະ­ເທດ ຮອງ​ປະ­ທານປະ­ເທດ ປະ­ທານ​ສະ­ພາ ຮອງ​ປະ­ທານ​ສະ­ພາ ປະ­ທານ​ສະ­ພາຊົນ​ຊາດ ປະ­ທານ​ຄະ­ນະ​ກຳ­ມາ​ທິ​ການ​ຂອງ​ສະ­ພາ ບັນ­ດາສະ­ມາ­ຊິກ​ອື່ນ​ຂອງ​ຄະ­ນະ​ປະ­ຈຳ​ສະ­ພາ ນາ­ຍົກ­ລັດ­ຖະ­ມົນ­ຕີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ ບັນ­ດາ​ສະ­ມາ­ຊິກ​ອື່ນຂອງ​ລັດ­ຖະ­ບານ ປະ­ທານ​ສານ​ປະ­ຊາ­ຊົນ​ສູງ​ສຸດ ຫົວ­ໜ້າ​ອົງການ​ໄອ​ຍະ​ການ​ປະ­ຊາ­ຊົນ​ສູງ​ສຸດ ຫົວ­ໜ້າ​ອົງ­ການ​ກວດສອບ​ແຫ່ງ​ລັດ.</p> <p style="text-align: justify;"> ສຳ­ລັບ​ຂັ້ນ​ຕອນ​ໃນ​ການ­ຈັດ­ຕັ້ງ​ປະ­ຕິ­ບັດ​ນັ້ນ ແຫຼ່ງ​ຂ່າວບອກ​ວ່າ ຈະ​ຜ່ານ​ໃນ​ກອງປະ­ຊຸມ​ຄະ­ນະ​ປະ­ຈຳ​ຄັ້ງ​ທີ 18 ເຊິ່ງຄາດ​ວ່າ​ຈະ​ຈັດ​ຂຶ້ນ​ໃນ​ວັນ​ທີ 14-16/5/2013 ນີ້ ນັ້ນ​ແມ່ນການ​ນຳ​ສະ­ເໜີ​ເຫດ­ການ​ຢູ່​ປະ­ເທດ​ເພື່ອນ​ມິດ​ຍຸດ​ທະ​ສາດຂອງ​ເຮົາ.</p> <p style="text-align: justify;"> ສ່ວນ​ຢູ່​ບ້ານ​ເຮົາ​ຫວ່າງ­ແລ້ວ­ນີ້ ກອງ​ປະ­ຊຸມ​ຄະ­ນະ​ສະ​ມາຊິກ​ສະ­ພາ​ແຫ່ງ​ຊາດ ເຂດເລືອກ​ຕັ້ງ​ທີ 1 ນະ­ຄອນ­ຫຼວງ​ວຽງຈັນ ກໍ​ໄດ້​ມີ​ການ​ປະ­ກອບ​ຄຳ​ເຫັນ​ຫຼາຍ​ສິ່ງ​ຫຼາຍຢ່າງ​ຈາກສະ­ມາ­ຊິກ​ສະ­ພາ​ແຫ່ງ​ຊາດ ​ຕໍ່​ການ​ບໍ­ລິ­ຫານ​ງານ​ຂອງ​ອົງການ​ປົກ­ຄອງນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ຜົນ­ງານ​ກໍ​ມີ​ຫຼາຍ... ຖ້າ​ທ່ານ​ຕິດ­ຕາມ​ຈະ​ເຫັນ​ວ່າ ນະຄອນ​ຫຼວງ​ເຮົາ ​ໄດ້​ຮັບ​ການພັດ­ທະ­ນາ​ຫຼາຍ​ຢ່າງ​ພົ້ນ​ເດັ່ນ ກໍແມ່ນ​ໝົດ​ປີ​ນີ້ ຄົນ​ນະ­ຄອນ­ຫຼວງ​ ຈະ​ມີ​ລາຍ​ຮັບ​ຜູ້ໜຶ່ງ​ບໍ່​ຫຼຸດ 20 ລ້ານ​ກີບ ປີ­ຜ່ານ­ມາ​ບັນ­ລຸ 19.166 ລ້ານ​ກີບເທົ່າ​ນັ້ນ.</p> <p style="text-align: justify;"> ຜູ້​ຂຽນ​ຕິດ­ຕາມ​ເຫັນ​ສະ­ມາ­ຊິກ​ສະ­ພາ​ແຫ່ງ​ຊາດ ​ຕັ້ງ​ບັນຫາ​ເລື່ອງ​ການ​ສ້າງ​ທາງຮ່ອມ​ທີ່​ມີ​ສ່ວນ​ຮ່ວມ​ຂອງ​ປະ­ຊາ­ຊົນ ຂໍ້​ຂັດ​ແຍ່ງ​ກ່ຽວ​ກັບ​ການ​ໃຫ້​ສຳ​ປະ­ທານ​ທີ່​ດິນ ຂໍ້​ຂັດ​ແຍ່ງການ​ໃຫ້​ສຳ​ປະ­ທານ​ຕະ­ຫຼາດ​ເຊົ້າ....</p> <p style="text-align: justify;"> ກໍ​ຂໍ​ຊົມ­ເຊີຍ​ການ​ຕິດ­ຕາມ​ກວດ­ກາ​ເພື່ອ​ພ້ອມ​ກັນ​ແກ້​ໄຂໃຫ້​ດີ​ຂຶ້ນ​ນໍ ?.</p> <p style="text-align: justify;"> ໄລ­ຍະ​ນີ້​ ນະ­ຄອນ­ຫຼວງ​ເຮົາ ​ກໍ​ມີ​ຫຼາຍ​ເລື່ອງ​ທີ່​ສັງ­ຄົມ​ໃຫ້ຄວາມ​ສົນ­ໃຈ ເຊັ່ນ​ວ່າ: ການ​ສ້າງ​ທາງ​ບໍ່​ແລ້ວ​ຕາມ​ສັນ­ຍາ ນ້ຳ​ປະ­ປາ​ບໍ່​ໄຫຼ ເຫຼົ່າ​ນີ້​ເປັນ­ຕົ້ນ.</p> <p style="text-align: justify;"> ການ​ກວດ­ກາ ການ​ຕຳ​ນິ​ສົ່ງ​ຂ່າວ​ຖື​ເປັນ​ມາດ­ຖານ​ໃນການ­ເຄື່ອນ­ໄຫວ​ຊີ­ວິດ​ການ­ເມືອງ​ຂອງ​ພະ­ນັກ­ງານສະ­ມາ­ຊິກພັກ​ຂອງ​ພວກ​ເຮົາ.</p> <p style="text-align: right;">  <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ