ການ​ບໍ­ລິ­ການ ແລະ ທ່ອງ​ທ່ຽວ ຄື​ຈຸດ​ແຂງ

1.970 08 ພ.ພ. 2013 ນານາສາລະ

<p>  </p> <p style="text-align: justify;"> ປີ 2015 ປະ­ຊາ​ຄົມ​ເສດ­ຖະ­ກິດ​ອາ​ຊຽນ (AEC) ຈະ​ເກີດ​ຂຶ້ນ ບັນ­ດາ​ປະ­ເທດ​ສະ­ມາ­ຊິກ​ຕ່າງ​ກໍ​ຕື່ນ​ຕົວ​ກັນ​ປັບ­ປຸງ​ກັນ​ຢ່າງ​ໃຫຍ່ ຫຼື ເວົ້າ​ອີກ​ຢ່າງ​ໜຶ່ງ​ວ່າ ຈະ​ພາ­ກັນ​ທຳ​ມາ​ຫາ​ກິນ​ແນວ­ໃດ ? ເມື່ອ​ເຂົ້າ​ສູ່ AEC.</p> <p style="text-align: justify;"> ການ​ບໍ­ລິ­ການ ແລະ ທ່ອງ​ທ່ຽວ ຈະ​ເປັນ​ຂະ­ແໜງ​ທີ່​ມີ​ການ​ແຂ່ງ­ຂັນ​ສູງ ປະ­ເທດ​ໃດ​ມີ​ຈຸດ​ແຂງ ຈະ​ເປັນ​ຜູ້​ໄດ້​ປະ­ໂຫຍດ​ສູງ​ສຸດ ລາວ​ເຮົາ​ຖື​ວ່າ​ໂຊກ​ດີ​ກວ່າ​ໝູ່ ເພາະ​ທຳ​ມະ​ຊາດ​ຍັງ​ເຫຼືອ​ຫຼາຍ ຂ່າວ​ໃນ​ວັນ​ທີ 5 ພຶດ­ສະ­ພາ ນີ້​ວ່າ: ສປປ ລາວ ຈະ​ໄດ້​ຮັບ​ລາ­ງວັນ​ປະ­ເທດ​ທີ່​ໜ້າ​ທ່ຽວ​ຊົມ​ທີ່​ສຸດ​ໃນ​ໂລກ ປະ­ຈຳ​ປີ 2013 ຈາກ​ສະ­ຫະ­ພັນ​ທ່ອງ​ທ່ຽວ ແລະ ການ​ຄ້າ​ເອີ​ຣົບ ລາ­ງວັນ​ນີ້​ມີ 28 ປະ­ເທດ​ສະ­ມາ­ຊິກ EU ໃຫ້­ການ​ຮັບ­ຮອງ​ແລ້ວ ໃນ​ຖາ­ນະ​ປະ­ເທດ​ທີ່​ມີ​ທ່າ­ແຮງ​ດ້ານ​ທ່ອງ​ທ່ຽວ ເຮົາ​ຈະ​ປັບ­ປຸງ​ການ​ບໍ­ລິ­ການ​ຢ່າງ­ໃດ ?.</p> <p style="text-align: justify;"> ຜູ້​ຂຽນ​ລົງ​ໃຕ້​ຖ້ຽວ​ນີ້ ເຫັນ​ສອງ​ຢ່າງ​ທີ່​ຈະ​ຕ້ອງ​ປັບ­ປຸງ​ນັ້ນ​ຄື ຮ້ານ​ອາ­ຫານ ແລະ ໂຮງ­ແຮມ​ລາ­ຄາ​ຖືກ ເໝາະ​ສົມ​ກັບ​ກະ­ເປົາ​ນັກ​ທ່ອງ​ທ່ຽວ​ເປ້​ບາ​ໂລ​ມີ​ໜ້ອຍ ເຂົ້າ​ຮ້ານ​ປີ້ງ​ໄກ່​ເຊ​ໂນ ຊື້​ກິນ ພັດ​ບໍ­ລິ­ການ​ບໍ່​ຄ່ອຍ​ດີ ຖາມ​ຫາ​ແຈ່ວ​ຈ້ຳ​ກໍ​ເສີຍ​ຢູ່ ! ນ້ຳ​ດື່ມ​ບໍ່​ສັ່ງ​ກໍ​ມາ​ວາງ​ເຕັມ​ໂຕະ ໄປ​ປາກ​ເຊ ປ້ຳ­ນ້ຳ­ມັນ​ເຊື້ອ​ໄຟ​ລາວ ຢູ່​ໜ້າ​ທາງ​ໃຕ້​ບໍ່​ຮັບ​ບົງ​ນ້ຳ­ມັນ​ທີ່​ມາ​ເບີກ ເອົາ​ແຕ່​ເງິນ­ສົດ ເຮືອນ​ພັກ​ຄືນ​ໜຶ່ງ 100.000 ກີບ ແຕ່​ຫ້ອງ​ນ້ຳ​ເໝັນ ອັນ​ນັ້ນ​ເວົ້າ​ເລື່ອງ​ນ້ອຍ​ທໍ່​ນັ້ນ ແຕ່​ພົວ­ພັນ​ເລື່ອງ​ໃຫຍ່.</p> <p style="text-align: justify;"> ໃນ​ການ​ເດີນ­ທາງ​ທ່ອງ​ທ່ຽວ​ນີ້ ຫ້ອງ​ນ້ຳ​ສຳ­ຄັນ​ຫຼາຍ ! ເຫັນ​ບໍ່ ? ບາງ​ປະ­ເທດ​ເຂົາ​ບັງ­ຄັບ​ໃຫ້​ປ້ຳ­ນ້ຳ­ມັນ​ຕ້ອງ​ມີ​ຫ້ອງນ້ຳ​ສະ­ອາດ ! ມີ​ຫ້ອງ​ຂາຍ­ເຄື່ອງ​ດື່ມ​ປະ­ເພດ​ຊາ ກາ­ເຟ.</p> <p style="text-align: justify;"> ຄວນ​ໄດ້​ເວົ້າ​ເຖິງ​ການ​ບໍ­ລິ­ການ​ຮ້ານ​ອາ­ຫານ​ນ້ອຍ​ແຄມທາງ ແລະ ໂຮງ­ແຮມ ຫຼື ເຮືອນ​ພັກ​ລາ­ຄາ​ຖືກ ເຄື່ອງ­ຮັບ​ໃຊ້ບໍ່​ຫຼາຍ ແຕ່​ເນັ້ນ​ຄວາມ​ສະ­ອາດ ຈະ​ເປັນ​ຈຸດ​ຂາຍທີ່​ດີ ແລະ ສ້າງ​ລາຍ​ຮັບ​ໂດຍ​ກົງ​ໃຫ້​ປະ­ຊາ­ຊົນ.</p> <p style="text-align: justify;"> ຄັນ​ແມ່ນ​ພວກ​ເຮົາ​ຮີບ​ຮ້ອນ​ຄົ້ນ­ຄວ້າ ແລະ ເອົາ​ວຽກ​ນີ້ເຂົ້າ​ໃນ​ການ​ສ້າງ​ບ້ານ​ພັດ­ທະ­ນາ​ຈະ​ດີ​ທີ່​ສຸດ ! ເນັ້ນ​ທ່ອງ​ທ່ຽວວັດ­ທະ­ນະ­ທຳ ວິ­ຖີ​ຊີ­ວິດ​ແບບ​ລາວໆ ຈະ​ເປັນ​ອີກແມ່​ແຮງ​ໜຶ່ງດຶງ​ດູດ​ນັກ​ທ່ອງ​ທ່ຽວ​ພາຍ​ໃນ​ປະ­ເທດ AEC ເອງ.</p> <p style="text-align: justify;"> ຜູ້​ຂຽນ​ດີ­ໃຈ ແລະ ໜ້າ​ບານ​ເວ­ລາ​ໄປ​ປະ­ເທດ​ອາ​ຊຽນ​ດ້ວຍກັນ ທີ່​ເຂົາ​ດີ­ໃຈ​ວ່າ​ເຮົາຮັກ­ສາ​ທຳ​ມະ​ຊາດ​ໄດ້ ເຂົາ​ຍ້ອງ­ຍໍ​ກິ​ລິຍາ​ມາ­ລະ­ຍາດຄ່ຽມ­ຄົມອ່ອນ­ໂຍນ​ຂອງ​ຄົນລາວ ຍ້ອງ​ອາຫານ​ລາວ​ແຊບປອດ​ສານ­ພິດ ຍ້ອງ​ຄວາມ​ສະ­ຫງົບ​ສຸກຂອງ​ປະ­ເທດເຮົາ.</p> <p style="text-align: justify;"> ໝູ່​ຍ້ອງ​ແມ່ນ​ດີ ແຕ່​ການ​ຮັກ­ສາ​ມາດ­ຖານ​ແມ່ນດີ​ທີ່​ສຸດ.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ