ຄວາມ​ຊັດ​ເຈນ​ຂອງ​ຊອງ​ແຜ່​ບຸນ​ຕ່າງໆ

1.861 06 ພ.ພ. 2013 ນານາສາລະ

<p>  </p> <p style="text-align: justify;"> ລັດ​ຖະ​ທຳ​ມະ­ນູນ​ຂອງປະ­ເທດ​ເຮົາ ​ໄດ້​ລະ­ບຸ​ໄວ້​ເຖິງ​ສິດ­ທິ​ຂອງ​ການ​ເຊື່ອ​ຖື ແລະ ບໍ່ເຊື່ອ​ຖື​ຂອງ​ປະ­ຊາ­ຊົນ​ເຮົາ ຍ້ອນ​ອີງ​ຕາມ​ການ​ເຊື່ອ​ຖື​ຂອງ​ບັນ​ພະ​ບູ​ລຸດ​ທີ​ມີ​ມາ​ແຕ່ດົນນານ ຄົນ​ລາວ​ສ່ວນ​ໃຫຍ່​ຈຶ່ງ​ນິ­ຍົມ​ການ​ຖື​ສາດ­ສະ­ໜາ​ພຸດ ໂດຍ​ສະ­ເພາະຫຼັກ​ທຳຄຳ​ສັ່ງ­ສອນ​ຂອງ​ພຣະ​ພຸດ­ທະ­ເຈົ້າ ​ທີ່ສັ່ງ­ສອນ​ພຸດ​ທະ​ສາ​ກະ​ນິ​ຊາ​ຊົນ ​ໃຫ້​ຮູ້​ເຖິງ ບາບ ບຸນ ຄຸນ ໂທດ ແລະ ຫຼີກ­ເວັ້ນ​ການ​ກະ­ທຳ​ທີ່​ເປັນ​ອະ­ບາຍ​ຍະ​ມຸກ (ກະ­ທຳທີ່ພາ­ໃຫ້​ເຊື່ອມ​ເສຍ) ດ້ວຍ​ການ​ເຫັນ​ວ່າ­ ການ​ທຳ­ບຸນ​ເປັນກິດ​ຈະ​ວັດ​ທີ່​ພາ­ໃຫ້​ຕົນ​ເອງໄດ້​ບຸນ​ບ້ານ ຄົນ​ລາວ​ຢູ່​ບ່ອນ​ໃດມັກ​ພາ­ກັນ​ສ້າງ​ວັດ​ຂຶ້ນ ເພື່ອ​ເປັນ​ບ່ອນ​ເຕົ້າ­ໂຮມທາງ​ຈິດ­ໃຈ ແລະ ພ້ອມ​ພາ­ກັນ​ເຮັດ­ບຸນ​ສືບ​ທອດ​ກັນ​ໄປ.</p> <p style="text-align: justify;"> ການ​ເຮັດ­ບຸນ​ຖື​ຕາມ​ປະ­ເພ­ນີ​ຮີດ​ສິບ​ສອງ ເຊິ່ງ​ມີ​ມາ​ແຕ່ເວ­ລາ​ດົນ​ນານ ໃນ​ນັ້ນ ມີ​ບຸນທາງ​ສາດ­ສະ­ໜາ​ເປັນ​ສ່ວນໃຫຍ່ ຜູ້​ປະ­ກອບ­ສ່ວນ​ອຸ­ປະ­ຖຳ​ໃນ​ປາງ​ບຸນ​ເອີ້ນ​ວ່າ: ຜູ້ໃຫ້​ທານ ຜູ້​ມີ­ໃຈ​ໃສ​ສັດ­ທາ​ທີ່​ອຸ­ທິດ​ທັງ​ວັດ­ຖຸ ແລະ ຈິດ­ໃຈ ການ​ເຮັດບຸນ​ນອກ­ຈາກເຮັດ​ຕາມ​ປະ­ເພ­ນີ​ແລ້ວ ຍັງ​ມີ​ການ​ເຮັດ​ຕາມຄວາມ​ຮຽກ­ຮ້ອງ​ຕ້ອງ­ການ​ໃນ​ການສ້າງ­ສາ​ພັດ­ທະ­ນາ​ວັດ​ອີກ ເຊັ່ນ: ຫຼໍ່​ພຣະ ສ້າງ­ສາ​ລາ​ໂຮງ​ທຳ ອາ​ຮາມ ສິມ ກຸ​ຕິ ຫໍກອງ ຫໍ​ລະ­ຄັງ ຂຸດ​ນ້ຳ​ບໍ່ ກໍ່​ສາ­ລາ ແລະ ອື່ນໆ.</p> <p style="text-align: justify;"> ມາ​ຮອດ​ປັດ­ຈຸ­ບັນ ການ​ເຮັດ­ບຸນ​ວັດ​ຕາມ​ຄວາມ​ຮຽກ­ຮ້ອງຕ້ອງ­ການ​ເປັນ​ກິດ­ຈະ­ກຳໜຶ່ງ​ທີ່​ໃຫຍ່​ຫຼວງ ເນື່ອງ​ຈາກ​ວັດ​ບໍ່​ມີງົບ­ປະ­ມານ ວັດ​ບໍ່​ມີ​ອົງ­ການ​ສະ­ໜັບ­ສະ­ໜູນ ດັ່ງ­ນັ້ນ ວັດ​ຕ່າງໆທີ່​ຈຳ­ເປັນ​ຕ້ອງ​ພັດ­ທະ­ນາ​ ແມ່ນ​ອາ­ໄສ​ວັດ­ຖຸ​ປັດ​ໄຈ​ຈາກ​ຊາວບ້ານ ບາງ​ຄັ້ງ​ກໍ​ແມ່ນ​ການ​ປະ­ກອບ­ສ່ວນ​ຂອງ​ຊາວ­ບ້ານ​ອື່ນ ເພື່ອ​ເຮັດ​ແນວ­ໃດ​ຈະ​ໃຫ້​ສິ່ງກໍ່­ສ້າງ​ໃນ​ວັດ​ວາ​ສຳ­ເລັດ​ຢ່າງຈົບ­ງາມ​ນັ້ນ​ເອງ ຍ້ອນ​ແນວ​ນັ້ນ​ຈຶ່ງ​ມີ​ການ​ແຜ່​ວັດ­ຖຸ​ປັດໄຈຕ່າງໆ​ເກີດ​ຂຶ້ນ ໃນ​ຮູບ​ການ​ຊອງ​ແຜ່​ບຸນ ໂດຍ​ລະ­ບຸ​ຊື່​ກຳ​ມະການ​ຝ່າຍ​ພຣະ​ສົງ ແລະ ຊາວ­ບ້ານ ແລ້ວ​ສົ່ງ​ໄປ​ແຫ່ງຕ່າງໆ​ເພື່ອ​ແຈກ​ຢາຍ ບາງ​ຄັ້ງ​ກໍ​ໄປ​ແຈກ​ຕາມເຮືອນ​ຄົນ​ທີ່ກຳ­ລັງ​ເຮັດ­ບຸນ ບາງ​ກໍ​ແຈກ​ຕາມ​ໂຮງ­ການ ຕາມ​ບ້ານ ຕາມສາຍ​ຜູ້​ຮັກ​ຜູ້ແພງ ຄົນ​ລຶ້ງ​ຄົນ​ແກວ່ນ ​ເພື່ອ​ໃຫ້​ໄດ້​ມາ​ເຊິ່ງ​ວັດ­ຖຸປັດ​ໄຈ.</p> <p style="text-align: justify;"> ເລື່ອງ​ມັນ​ມີ​ຢູ່​ວ່າ ການ​ແຜ່​ຊອງ​ບຸນ​ຄວນ​ມີ​ຫຼັກ­ການ ລະບຽບ​ການ​ຈຳ­ນວນ​ໜຶ່ງ ເພາະ​ຜ່ານໆ​ມາ​ຊອງ​ແຜ່​ເຫັນ​ມີ​ແຕ່ກາ​ຈ້ຳ ​ສ່ວນ​ໃຫຍ່​ເປັນ​ຂອງ​ວັດ​ເທົ່າ​ນັ້ນ ບາງ​ກໍເປັນ​ຂອງ​ອົງການ​ປົກ­ຄອງ​ບ້ານ ແຕ່​ບໍ່​ມີ​ກາ​ຈ້ຳ​ຂອງ​ວັດ ຈາກ​ຈຸດ​ນີ້ ສ້າງໃຫ້​ຜູ້​ຮັບຊອງ​ອຶດ​ອັດ​ໃຈ ແລະ ມີ​ຂໍ້​ຄິດ​ຕ່າງໆ​ທີ່​ຈະ​ຕັດ­ສິນ​ໃຈວ່າ ຄວນ ຫຼື ບໍ່​ຄວນ ຕາມ​ທຳມະ​ດາ​ເພື່ອ​ຄວາມ​ຊັດ​ເຈນ ແລະ ໂປ່ງ​ໃສ ຄວນ​ມີ​ການ​ອະ­ນຸ­ຍາດ​ໃຫ້​ແຜ່​ຈາກ​ຂັ້ນເມືອງຈະ​ເປັນ​ຂັ້ນ ອພສ ເມືອງ ແນວ​ລາວ​ສ້າງ​ຊາດ​ເມືອງ ​ກໍ​ໄດ້ ເນື່ອງ​ຈາກ​ສະ­ພາບ​ປັດ­ຈຸ­ບັນ ​ຖ້າ​ໄດ້​ຄວາມ​ຊັດ​ເຈນ​ເທົ່າ­ໃດ​ຍິ່ງດີ ເພື່ອ​ບໍ່​ໃຫ້​ຕົກ​ບ້ວງ​ຂອງ​ປະ­ກົດການ​ຫຍໍ້­ທໍ້​ທີ່​ສວຍໂອ­ກາດເອົາ​ບຸນ​ບັງ​ໜ້າ ພ້ອມ​ດຽວ​ກັນ ວິ­ທີ​ແຈກ​ຢາຍ​ກໍ​ເປັນເລື່ອງ​ທີ່ສຳ­ຄັນ ດີ​ແທ້​ຄວນ​ແຈກ​ແກ່​ລູກ​ຫຼານ​ອອກ​ຕົນ ​ຍາດ​ໂຍມ​ທີ່​ຮູ້ຈັກ​ບ້ານ​ນັ້ນ​ວັດ​ນັ້ນ​ດີ​ ເຜີໆ​ໄປ​ແຈກ​ຊອງ​ໃນ​ບຸນ​ຂອງ​ເຮືອນ​ອີກຜູ້​ໜຶ່ງ​ທີ່​ບໍ່​ກ່ຽວ­ຂ້ອງ​ກັບ​ວັດ​ນັ້ນ ​ບັງ​ເອິນ​ຜູ້​ຮັບ​ຊອງ​ບໍ່​ໄດ້​ຖື​ເງິນຕິດ​ຕົວ​ໄປ​ນຳ ຄົງ​ຖື​ໄປ​ຈຳ­ເພາະ​ທານ​ເຮືອນ​ເຮັດ­ບຸນເທົ່າ​ນັ້ນ ເມື່ອ​ຮັບ​ຊອງ​ແລ້ວ​ຫາ​ເງິນ​ໃສ່​ກໍ​ບໍ່​ມີ ຄົນ​ເຮົາຍາມ​ບໍ່​ມີ​ ກໍ​ບໍ່ມີ​ຈັກ​ກີບ​ແທ້ໆ ໂດຍ​ສະ­ເພາະມະ­ນຸດ​ເງິນ­ເດືອນ ເວ­ລາ​ນັ້ນບັນ­ຫາ​ເຮັດ​ໃຫ້​ໜ້າ​ເຫຼືອງ ເພາະ​ລະ­ອາຍ​ກໍ​ຈະ​ຕາມ​ມາ ເປັນດັ່ງ­ນີ້ ຈະ​ໄດ​້ບຸນ ຫຼື ຫຍັງ​ກັນ​ແທ້ ດັ່ງ­ນັ້ນ ພາກ­ສ່ວນ​ກ່ຽວຂ້ອງ​ຄວນ​ມີ​ວິ­ທີ​ການ​ອັນ​ເໝາະ​ສົມ ເພື່ອ​ສ້າງ​ໃຫ້​ມີ​ຄວາມຊັດ​ເຈນ ແລະ ໂອ­ກາດ​ໃດ​ທານ ​ຈຶ່ງ​ຈະ​ໄດ້​ບຸນ​ນຳ​ກັນ​ທຸກຝ່າຍ​ ວ່າ​ຊັ້ນ​ສາ !.</p> <p style="text-align: right;"> <strong>ໂດຍ: ນະ​ບ່າວ</strong></p>

ຂ່າວທີ່ກ່ຽວຂ້ອງ