ຂ່າວຫຼ້າສຸດ

ບາງ​ຢ່າງ​ກໍ​ຕ້ອງ​ໄດ້​ຮ່ຳ­ຮຽນ​ນຳ​ໝູ່

1.977 03 ພ.ພ. 2013 ນານາສາລະ

<p>  </p> <p style="text-align: justify;"> ຄະ­ນະ ບ.ກ ໜັງ­ສື­ພິມ​ພວກ​ເຮົາ ຂໍ​ສະ­ແດງ​ຄວາມ​ຮູ້​ບຸນ­ຄຸນ​ຕໍ່​ທ່ານ​ຜູ້​ສະ­ໜັບ­ສະ­ໜູນ ເພື່ອນ​ຜູ້​ອ່ານ ນັກ​ປະ­ພັນ ນັກ​ກະ­ວີ ຜູ້​ມາກ​ປະ­ສົບ​ການ ເລະ ເພື່ອນ​ນັກ​ຂຽນ​ທີ່​ກຳ­ລັງ​ເລີ່ມ​ຂຽນ ຫຼື ພວມ​ຂຽນ​ແບບ​ລອງ​ຜິດ​ລອງ​ຖືກ ຕະ­ຫຼອດ​ເຖິງ​ຜູ້​ມີ​ບັນຫາ​ຄາໃຈ​ໃນ​ສິ່ງ​ຕ່າງໆ ແລ້ວ​ຂຽນ​ມາ​ຖາມ​ຕາມ​ຄໍ​ລຳ​ກ່ຽວຂ້ອງ​ ຈົນ​ໄດ້​ຮັບ​ການ​ແກ້​ໄຂ​ໄປແລ້ວ​ຈຳ­ນວນ​ໜຶ່ງ ສ່ວນ​ທີ່ແກ້​ບໍ່​ໄດ້​ອັນ​ເນື່ອງ​ມາ​ຈາກ​ເຫັນ​ວ່າ ຄຳ​ຖາມ​ຂ້ອງ​ໃຈ​ມີ​ລັກ​ສະນະ​ແກ້ງ​ຖາມ ແຕ່​ພາກ­ສ່ວນ​ກ່ຽວ­ຂ້ອງ​ໄດ້​ປະ­ຕິ­ບັດ​ດີ​ແລ້ວ ຫຼື ບາງ​ຄຳ​ຖາມ​ກໍຢາກ​ເວົ້າ​ໃສ່​ມີ​ລັກ­ສະ­ນະ​ໂຄ່ນ​ລົ້ມ​ໂຈມ​ຕີ ຍ້ອນ​ຕົນ​ເອງ​ເສຍ​ຜົນ​ປະ­ໂຫຍດ (ຕົນເອງ​ໄດ້​ຫຼາຍ​ໄດ້​ປຽບ​ໝູ່ ແລ້ວ​ຮ້ອງ​ວ່າຍຸ­ຕິ​ທຳ) ນັ້ນ​ບໍ່​ສາ­ມາດ​ນຳ​ມາ​ສະ­ເໜີ​ໄດ້ເພາະ​ເປົ້າ​ໝາຍ​ໜັງ­ສື­ພິມ​ເຮົາ ​ເປັນ​ກະ­ບອກ​ສຽງ​ຂອງ​ການຈັດ​ຕັ້ງ ເປັນ​ເວ­ທີ​ສົ່ງ­ເສີມ​ຄວາມ​ສາ­ມັກ­ຄີ​ໃນ​ວົງ​ຄະ­ນາ​ຍາດແຫ່ງ​ຊາດ ນຳ​ເອົາ​ຄວາມ​ຮູ້ ເນື້ອ​ຫາ​ສາ­ລະ​ທີ່ຖືກ­ຕ້ອງ​ຕາມແນວ­ທາງ​ນະ­ໂຍ­ບາຍ​ຄວາມ​ຮູ້​ທາງ​ພູມ​ປັນ­ຍາ ວິ­ທະ­ຍາ­ສາດ ເຕັກ​ໂນໂລ​ຊີ ມາ​ເຜີຍ­ແຜ່​ເພື່ອ​ສົ່ງ­ເສີມ​ຂະ​ບວນ​ການ​ຮັກ​ຊາດ ແລະ ພັດ­ທະ­ນາ ການ​ປະ­ຕິ­ບັດ​ສາມ​ສ້າງ ແນ­ໃສ່​ເຮັດ​ໃຫ້ການ­ຈັດ­ຕັ້ງ​ປະ­ຕິ­ບັດ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ ສຳ­ເລັດ​ຜົນ​ຢ່າງ​ມີ​ໄຊ ແລະ ປະ­ກອບ­ສ່ວນ​ໃນ​ການ​ລຶ­ບລ້າງຄວາມ​ດ້ອຍພັດ­ທະ­ນາ​ເທື່ອ​ລະ​ກ້າວ.</p> <p style="text-align: justify;"> ເວົ້າ​ສະ­ເພາະ​ເພື່ອນ​ຜູ້​ອ່ານ​ທີ່​ພວມ​ກຳ­ລັງ​ຫັດ​ຂຽນ​ທາງດ້ານ​ກະ­ວີ​ນັ້ນ ກໍ​ມີ​ຫຼາຍທ່ານ​ໃຈ​ເອົາຫ້າວ­ຫັນ​ປະ­ກອບ­ສ່ວນ ສົ່ງ​ບົດ​ກອນ​ມາ​ຮ່ວມ ເນື້ອ​ໃນ​ແທ້​ກໍ​ບໍ່​ຜິດ ແຕ່ສິ່ງ​ທີ່​ຜິດ​ຄືຫຼັກການ​ຂຽນ​ກອນ ເພາະ​ການ​ຂຽນ​ກອນ​ແມ່ນ​ການ​ເຮັດ​ໃຫ້ເນື້ອ​ຫາ​ສາ­ລະ​ເປັນ​ລະ­ບຽບຕາມ​ຫຼັກ­ການ​ຂອງ​ການ​ຂຽນກອນ ໂດຍ​ຕ້ອງ​ຖື​ເອົາ​ຄຳ​ປະ­ຈຳ​ບ່ອນເປັນ​ສຳ­ຄັນ ເຊັ່ນ: ຈຳນວນ​ຄຳ ບ່ອນ​ໃສ່​ໄມ້­ເອກ ໄມ້­ໂທ ຄຳ​ບຸບ­ພະ­ບົດ ຄຳ​ສ້ອຍ ແລະ ຕ້ອງ​ເຂົ້າ­ໃຈ ບາດ​ແມ່ນ​ຫຍັງ ວັກ​ແມ່ນ​ຫຍັງ ເຊິ່ງເລື່ອງ​ດັ່ງ­ກ່າວ​ນີ້ ມີ​ເອ­ກະ­ສານ ວິ­ທີ​ແຕ່ງ​ກອນ​ລາວ ​ສາ­ມາດຫາ​ຊື້​ມາ​ອ່ານ​ໄດ້​ຕາມ​ຮ້ານ​ຂາຍ​ປຶ້ມ​ທົ່ວ​ໄປ ຫຼື ຫຼັກ­ສູດ​ວັນ­ນະຄະ­ດີ​ພາ­ສາ​ລາວ.</p> <p style="text-align: justify;"> ຜ່ານໆ​ມາ ບ.ກ ທີ່​ມີ​ສ່ວນ​ກ່ຽວ­ຂ້ອງ​ກໍ​ໄດ້​ຊ່ວຍ​ປັບ­ປຸງ​ແກ້ໄຂ​ຈຳ­ນວນ​ໜຶ່ງ​ເພື່ອ​ເປັນບົດ­ຮຽນ ແຕ່​ເນື່ອງ​ຈາ​ກວ່າ ເວ­ລາມີ​ຈຳ­ກັດ ແລະ ຜູ້​ກ່ຽວ­ຂ້ອງ​ກໍ​ບໍ່​ໄດ້​ສົນ­ໃຈ​ຕໍ່​ການປັບ­ປຸງ​ພໍ​ເທົ່າໃດ ເພື່ອ​ໃຫ້​ກອນ​ຂອງ​ຕົນ​ດີ​ຂຶ້ນ ຍ້ອນ​ແນວ​ນັ້ນ ຈຶ່ງ​ແນະ­ນຳຂໍໃຫ້​ຜູ້­ກ່ຽວ​ໄດ້​ຊອກ​ຫາ​ປຶ້ມ​ວິ­ທີ​ແຕ່ງ​ກອນ​ມາ​ອ່ານ​ເບິ່ງ​ຕື່ມ​ອີກ ສຳ­ຄັນ​ກອນ​ສັ້ນແຕ່​ໜຶ່ງບາດ​ຫາ​ສອງ​ບາດ​ທີ່​ຂຽນ​ອວຍ­ພອນໃນ​ໂອ­ກາດ​ວັນ​ສຳ­ຄັນ​ຕ່າງໆ​ນັ້ນ ຕ້ອງ​ມີ​ຄວາມຈຳ­ເປັນ ເອົາໃຈ​ໃສ່​ຂຽນ​ຢ່າງ​ພິ­ຖີ​ພິ​ຖັນ ໃຫ້​ໄດ້​ເຖິງ​ເນື້ອ​ໃນ ແລະ ອັດ­ຖະ​ລົດກອນລາວ​ແທ້​ຈິງ ບໍ່​ແມ່ນ​ຈະ​ດຶງ​ເອົາ​ແຕ່​ເນື້ອ​ໃນ ປະ​ຫຼັກການ​ຂຽນ​ກອນ.</p> <p style="text-align: justify;"> ນອກ­ຈາກ​ນີ້ ບົດ​ເລື່ອງ​ທີ່​ສົ່ງ​ມາ​ໃນ​ເວ­ທີ​ນັກ​ຂຽນ​ກໍ​ຢາກໃຫ້​ຄຳ­ນຶງ​ຄັກໆ ຂໍ​ໃຫ້​ຄິດ​ວ່າບົດ​ທີ່​ເຮົາ​ຂຽນ​ໄປ​ນັ້ນ ອ່ານແລ້ວ​ກະ​ຕຸ້ນ​ໃຫ້​ປະ­ໂຫຍດ​ແກ່​ສັງ­ຄົມ ເຕືອນ​ຄົນ​ໃນ​ສັງ­ຄົມ ເຮັດ​ໃຫ້​ຄົນ​ໃນ​ສັງ­ຄົມ​ມີ​ສະ­ຕິ​ຕື່ນ​ຕົວ ພ້ອມ​ກັນ​ສ້າງ​ໃຫ້​ສັງ­ຄົມປອດ​ໃສ ແລະ ເປັນ­ຕາ​ໜ້າ​ຢູ່ ຄື​ດັ່ງ​ຮູ້​ນຳ​ກັນ​ແລ້ວ​ວ່າ ໂຮງຮຽນ​ສ້າງ​ນັກ​ປະ­ພັນ ນັກ​ກະ­ວີ ນັ້ນ​ບໍ່​ມີ ຜູ້ທີ່​ເຮັດ​ວຽກ​ນີ້​ໄດ້ແມ່ນ​ຜູ້​ມີ­ໃຈ​ມັກ​ຮັກ ມີ​ພອນ​ສະ­ຫວັນ ພ້ອມ​ກັບ​ພອນ​ສະແຫວງ​ທີ່ຊອກ​ຮູ້​ຮ່ຳ­ຮຽນຈາກ​ແຫຼ່ງ​ຄວາມ​ຮູ້​ຕ່າງໆ ເປັນ­ຕົ້ນ ນຳ​ນັກ​ປະ­ພັນ ນັກ​ກະ­ວີ​ຜູ້​ມີ​ປະ­ສົບ​ການ ຮຽນ​ນຳ​ບົດ​ຂຽນຂອງ​ຜູ້​ອື່ນໆ ມັກ​ອ່ານ ມັກ​ຟັງ ມັກ​ສັງ­ເກດ ມັກ​ຖາມ ມີ​ຂໍ້ມູນດ້ານ​ອື່ນ​ເຕັມ​ສະ­ໝອງ ສຳ­ຄັນ​ຖ້າ​ມັກ​ຂຽນ​ເລື້ອຍໆ​ ອີກ​ບໍ່ດົນ​ຄົນ​ຜູ້​ນັ້ນ​ກໍ​ຈະ​ເປັນນັກ​ຂຽນ​ໄດ້ ນັກ​ຂຽນ​ປຽບ​ເໝືອນ​ຜູ້ສ້າງ­ສັນ​ທາງ​ວັນ­ນະ­ຄະ­ດີ​ດ້ວຍ​ການ​ເຮັດ​ໃຫ້​ຈິນ­ຕະ­ນາ­ການ ປະ­ສົບ​ການ​ ໃຊ້​ພາ­ສາ​ຢ່າງ​ມີ​ເນື້ອ​ຫາ​ສາ­ລະ ແລະ ຖືກ­ຕ້ອງຕາມ​ກາ­ລະ​ເທ­ສະ ດັ່ງ­ນັ້ນ ຖ້າ­ວ່າ​ໄດ້​ຂຶ້ນ​ຂີ່​ຄໍ​ເສືອ​ແລ້ວ​ກໍ​ຈົ່ງຂີ່​ຕໍ່​ໄປ ກໍ​ຄື​ຂຽນ​ຕໍ່​ໄປ ຢ່າ​ປະປາກ­ກາ ເອົາ­ໃຈ­ໃສ່​ຖອດ​ບົດ­ຮຽນ ຝົນ​ປາຍ​ປາກ­ກາ​ໃຫ້​ຫຼາຍ​ໃຫ້​ແຫຼມ ຕໍ່​ໄປ​ບໍ່ນານ​ເກີນ​ລໍ​ ທ່ານກໍ​ຈະ​ເປັນ​ຜູ້​ໜຶ່ງ​ທີ່​ເພື່ອນ​ຜູ້​ອ່ານ​ຖາມ​ຫາ​ນັ້ນ​ເອງ.</p> <p style="text-align: right;"> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ