ປູກ­ຝັງ​ລັດ­ທິ​ວິ­ລະ​ຊົນ ໃນ​ຈິດ­ໃຈ​ຄົນ​ລາວ

1.974 30 ມ.ສ. 2013 ນານາສາລະ

<p>  </p> <p style="text-align: justify;"> ໃນ​ຊຸມ​ປີ​ຫຼັງໆ​ມາ​ນີ້ ໜຶ່ງ​ໃນ​ບັນ­ດາ​ເຫດ­ການ​ທີ່​ນຳ​ຄວາມ​ຊື່ນ​ຊົມ​ຍິນ​ດີ​ມາ­ສູ່​ສັງ­ຄົມ​ລາວ​ນັ້ນ ກໍ​ຄື​ການ​ເຊີດ​ຊູ ແລະ ປຸກ­ລະ­ດົມ​ລັດທິ​ວິ­ລະ​ຊົນ​ແຫ່ງ​ຊາດ ໂດຍ​ການ​ສ້າງ​ອະ­ນຸ­ລັກສະ­ຖານ ແລະ ຮູບ​ປັ້ນ ​ອຸ­ທິດ​ໃຫ້​ບັນ­ດາ​ວິ­ລະ​ກະ­ສັດ​ລາວ​ ຜູ້​ຕໍ່­ສູ້ເພື່ອ​ປົກປັກ​ຮັກ­ສາ​ຜືນແຜ່ນ­ດິນ ເພື່ອ​ທ້ອນ­ໂຮມ​ຄວາມ​ເປັນ​ປຶກ​ແຜ່ນຂອງ​ເຊື້ອ​ຊາດ​ລາວ ເຊັ່ນ: ເຈົ້າ­ຟ້າ​ງຸ່ມ ເຈົ້າ​ອະ­ນຸ­ວົງ ເປັນ­ຕົ້ນ ຖັດ​ມາ​ກໍ​ແມ່ນ​ການ​ຫຼໍ່ ແລະ ປະ­ດິດ­ສະ­ຖານ​ຮູບ​ປັ້ນ​ທີ່​ຄ້າຍຕົວ​ຈິງ​ຂອງຜູ້­ນຳ​ທີ່​ດີ­ເດັ່ນ​ຂອງ​ການ​ປະ­ຕິ­ວັດ​ລາວ ອອກ​ໜ້າໂດຍ​ປະ­ທານ ໄກ­ສອນ ພົມ­ວິ­ຫານ ປະ­ທານ ສຸ​ພາ­ນຸ​ວົງ ແລະ ຜູ້­ນຳ​ຄົນ​ອື່ນໆ ຫວ່າງ​ບໍ່​ດົນ​ມາ​ນີ້ ກໍ​ມີ​ພິ­ທີ​ປະ­ດິດ­ສະ­ຖານ​ຮູບປັ້ນຂອງອົງ​ແກ້ວ ຢູ່​ແຂວງ​ສາ­ລະ​ວັນ.</p> <p style="text-align: justify;"> ທີ່​ບອກ​ວ່າ ເປັນ​ເຫດ­ການ​ອັນ​ໜ້າ​ຊື່ມ​ຊົມ​ຍິນ​ດີ​ຂອງ​ສັງຄົມ​ລາວ ​ນັ້ນກໍ​ເພາະ­ວ່າ ​ຊາດລາວ​ພວກ​ເຮົາ ​ເປັນ​ຊາດ​ວິ­ລະຊົນ ​ຕໍ່­ສູ້​ບໍ່​ຍອມ​ຈຳ­ນົນ ເມື່ອ​ເປັນ​ຊາດ​ວິ­ລະ​ຊົນ​ກໍ​ຕ້ອງ​ມີ​ວິ­ລະຊົນ​ຄົນ​ກ້າ ໃນ​ຈຳ­ນວນ​ສົມ​ທີ່​ສົມ​ຄູ່ ແລະ ວິ­ລະ​ຊົນ​ຄົນ​ກ້າເຫຼົ່າ­ນັ້ນ ​ກໍ​ຕ້ອງ​ໄດ້​ຮັບ​ການເຊີດ​ຊູ​ໃຫ້​ສູງ​ເດັ່ນ​ເປັນ​ຕົວ​ແບບແຫ່ງ​ວິ­ຖີ​ຊີ­ວິດ​ຂອງ​ສັງ­ຄົມ ໃນ​ໄລ­ຍະ​ກ່ອນ ບັນ­ດາ​ຊັ້ນ​ຄົນໃນສັງ­ຄົມ​ຕ່າງ​ກໍ​ໄດ້​ສະ­ເໜີ​ຂໍ້​ຄິດ​ດີໆ​ ເພື່ອ​ປູກ­ຝັງ​ແນວ​ຄິດ​ວິ­ລະຊົນ​ໃນ​ຈິດ­ໃຈ​ຄົນ​ລາວ ໂດຍ​ຢຶດ​ຖື​ເອົາ​ນ້ຳ­ໃຈ​ເສຍ­ສະ­ຫຼະນ້ຳໃຈ​ຮັກ​ຊາດ​ທີ່​ບໍ­ລິ­ສຸດ​ຜຸດ​ຜ່ອງ​ຂອງ​ຜູ້­ນຳ​ຂະ​ບວນການ​ປະ­ຕິວັດ​ລາວ ໃນ​ແຕ່​ລະ​ຍຸກ ເຊັ່ນ: ເຄີຍ​ມີ​ການ​ສະ­ເໜີ​ໃຫ້​ພິມເຜີຍ­ແຜ່​ຢ່າງ​ກວ້າງ­ຂວາງຊີ­ວະ​ປະ­ຫວັດ​ຂອງ​ວິ­ລະ​ຊົນ ນັກຮົບ​ແຂ່ງ­ຂັນ ການ​ຈັດ​ວັນ​ລະ​ລຶກ​ສະ­ເພາະ​ເຖິງ​ພາ­ລະ­ກິດ​ປະຕິ​ວັດ​ຜູ້­ນຳ​ຂະ​ບວນ​ການ​ຕໍ່­ສູ້​ກູ້​ຊາດ ນອກ​ນັ້ນ ກໍ​ຍັງ​ມີ​ຂໍ້​ສະ­ເໜີໃຫ້​ຕັ້ງ​ຊື່​ຖະ­ໜົນ​ເສັ້ນ​ສຳ­ຄັນ ແລະ ສະ­ຖານ­ທີ່​ສາ­ທາ­ລະ­ນະອື່ນໆຕາມ​ຊື່​ຜູ້­ນຳ ແລະ ວິ­ລະ​ກະ­ສັດ ບັນ­ດາ​ຂໍ້​ສະ­ເໜີ​ທີ່​ວ່ານີ້ ໄດ້​ຮັບ​ການ​ປະ­ຕິ­ບັດ​ຕາມ​ລະ­ດັບ ເຊັ່ນ: ໃນ​ປັດ­ຈຸ­ບັນ ພວກເຮົາ​ມີເມືອງ ວິ­ທະ­ຍາ­ຄານ​ ການ​ທະ­ຫານ ແລະ ຖະ­ໜົນ ທີ່​ໃສ່​ຊື່ ໄກ­ສອນ ພົມ­ວິ­ຫານ ມີ​ຖະ­ໜົນ ສຸ​ພາ­ນຸ​ວົງ ສະ­ໜາມກີ­ລາ​ເຈົ້າ​ອະ­ນຸ­ວົງ ໂຮງ­ໝໍ​ເຊດ​ຖາ​ທິ​ລາດ ແລະ ອື່ນໆ.</p> <p style="text-align: justify;"> ຄຽງ​ຄູ່​ກັບ​ຄວາມ​ຊື່ນ​ຊົມ​ຍິນ​ດີ​ທີ່​ວ່າ​ມາ​ນັ້ນ ກໍ​ມີ​ຄວາມເປັນ​ຫ່ວງຫ່ວງ​ຢ້ານ​ວ່າ­ການ​ປົກ​ປັກຮັກ­ສາ​ອະ­ນຸ­ສອນ​ສະຖານ ອະ­ນຸ­ສາ­ວະ­ລີ ແລະ ສະ­ຖານ­ທີ່​ປະ­ດິດ­ສະ­ຖານ​ຮູບ​ປັ້ນ​ຜູ້ນຳ​ວິ­ລະ​ຊົນ​ເຫຼົ່າ­ນັ້ນ​ຈະ​ເຮັດ​ບໍ່​ໄດ້​ດີ ເພາະ​ຜ່ານ​ມາບໍ່​ວ່າ​ຢູ່​ສູນກາງ ກໍ​ຄື​ທ້ອງ­ຖິ່ນ ຢູ່​ບາງ​ສະ­ຖານ­ທີ່​ດັ່ງ­ກ່າວ​ ຍັງ​ມີ​ສະ­ພາບຮົກ­ເຮື້ອ ຫຍ້າ​ຂຶ້ນ ຮົ້ວ​ເພ ບາງ​ບ່ອນ​ສັດ­ສາ​ເຂົ້າ​ໄປ​ຮຸກ​ສີ ມີບາງ​ບ່ອນ​ນັ້ນ​ລໍ­ຖ້າ​ແຕ່​ໃຫ້​ຮອດ​ວັນ​ສຳ­ຄັນ​ຈຶ່ງ​ເອົາ­ໃຈ­ໃສ່​ເຮັດອະ­ນາ­ໄມ ສຳ­ລັບ​ຜູ້​ຂຽນແລ້ວ ທຸກ​ຄັ້ງ​ເມື່ອ​ໄດ້​ຍິນ​ຂ່າວ​ອຸ­ບັດເຫດ ສິ່ງ​ບໍ່​ຈົບ​ບໍ່​ງາມ ຫຼື ອາດ­ຊະ­ຍາ​ກຳ​ເກີດ​ຂຶ້ນ​ໃນທ້ອງ​ຖະໜົນ ຫຼື ຕົວ​ເມືອງ​ ທີ່​ຕັ້ງ​ຊື່​ຕາມ​ຊື່​ຜູ້­ນຳ​ແລ້ວ ກໍ​ຮູ້­ສຶກ​ບໍ່​ສະບາຍ​ໃຈ ຈຶ່ງ​ຢາກ​ຕັ້ງ​ເປັນຂໍ້​ຄິດ​ວ່າ: ການ​ເອົາ​ຊື່​ຜູ້­ນຳ​ໄປ​ຕັ້ງເປັນ​ຊື່​ເສັ້ນ­ທາງ ຫຼື ສະ­ຖານ­ທີ່​ຕ່າງໆ​ນັ້ນ ຄວນ​ເປັນ​ສິ່ງ​ກະ­ຕຸກຊຸກ­ຍູ້​ໃຫ້​ສັງ­ຄົມ ແລະ ຄົນ​ໃນ​ສະ­ຖານ­ທີ່​ດັ່ງ­ກ່າວ​ເປັນ​ແບບຢ່າງ​ທີ່​ດີ​ ໃຫ້​ສົມ​ກັບ​ຊື່ສຽງ​ຂອງ​ຜູ້­ນຳ​ແທ້ໆ.</p> <p style="text-align: right;"> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ