ຂ່າວຫຼ້າສຸດ

ບັນ­ຫາ​ເນື້ອ​ໃນ​ຊ້ຳ​ຊາກ​ໃນ​ເວ­ທີ​ສື່

1.785 30 ມ.ສ. 2013 ນານາສາລະ

<p>  </p> <p style="text-align: justify;"> ຈາກ​ການ​ໂອ້​ລົມ​ພັນ​ເຕ​ກັບ​ເພື່ອນ​ຮ່ວມ​ປາກກາ ກໍ​ຄື​ບັນ­ດາ​ຜູ້​ບໍ­ລິ­ໂພກຂ່າວ ແລະ ບົດ ​ທີ່ພິມ​ເຜີຍ­ແຜ່​ໃນ​ໜ້າ​ໜັງ­ສື­ພິມ ວາ­ລະ­ສານ ແລະ ອ່ານ​ອອກ​ຜ່ານ​ສື່ເອ​ລັກ​ໂຕຼ​ນິກ ຜູ້​ຂຽນ​ພໍສະ­ຫຼຸບ​ໄດ້​ວ່າ: ໜຶ່ງ​ໃນ​ບັນ­ຫາ​ທີ່​ພາໃຫ້​ເນື້ອ​ໃນ​ສື່​ມີ​ສະ­ພາບ​ຊ້ຳ​ຊາກ​ໜ້າ​ເບື່ອ​ດັ່ງ­ກ່າວ​ສຳ­ລັບ​ຜູ້ອ່ານ ກໍ​ແມ່ນ​ການ​ເອົາ​ບົດໆ​ດຽວ​ຕີ​ພິມ​ລົງ​ໃນ​ໜັງ­ສື­ພິມ​ຫຼາຍສະ­ບັບ ເຊັ່ນ: ບົດ​ທີ່​ວ່ານັ້ນ ອ່ານ­ໜັງ­ສື​ພິມ ຫຼື ວາ­ລະ­ສານໃດ​ກໍ​ພົບ ທັງໆ​ທີ່​ເນື້ອ​ໃນ​ຂອງ​ບົດ​ດັ່ງ­ກ່າວ​ອາດ​ບໍ່​ສອດ­ຄ່ອງກັບ​ເປົ້າ​ໝາຍ​ຂອງ​ໜັງ­ສື­ພິມ​ທຸກ​ສະ­ບັບ.</p> <p style="text-align: justify;"> ຕໍ່​ບັນ­ຫາ​ນີ້ ຜູ້​ຂຽນ​ເຄີຍ​ຖາມ​ເຈົ້າ​ຂອງ​ບົດ ແລະ ກໍ​ໄດ້​ຮັບຄຳ​ຕອບ​ວ່າ: ທີ່​ສົ່ງ​ບົດ​ດຽວ​ໄປລົງ​ໃນ​ໜັງ­ສື­ພິມ​ຫຼາຍ​ສະ­ບັບນັ້ນ ກໍ​ເພື່ອ “ຂ້າມ​ເໜືອ​ເພື່ອ​ຕົກ​ໃຕ້” ເພາະ​ບໍ່​ແນ່​ໃຈ​ວ່າ: ບັນນາ​ທິ​ການ​ໜັງ­ສື­ພິມ​ແຕ່​ລະ​ສະ­ບັບ​ຈະ​ລົງ​ໃຫ້​ຫຼື​ບໍ ? ດັ່ງ­ນັ້ນ ຈຶ່ງ​ສົ່ງ​ໄປ​ຫຼາຍ​ບ່ອນ ຖ້າ​ບໍ່​ໄດ້ອອກ​ບ່ອນ​ໜຶ່ງ ​ກໍ​ອາດ​ໄດ້​ອອກບ່ອນ​ໜຶ່ງ ຜູ້​ຂຽນ​ບໍ່​ຕິ​ວິ­ທີ​ການ​ດັ່ງ­ກ່າວ​ຂອງ​ເຈົ້າ​ຂອງ​ບົດ ພຽງແຕ່​ວ່າ ຖ້າ​ບັງ­ເອີນ​ທຸກໆ​ໜັງ­ສື­ພິມ​ເອົາ​ບົດ​ດັ່ງ­ກ່າວ​ລົງ ຜູ້​ຮັບເຄາະ (ຈ້ຳ​ແຈ່ວ​ຖ້ວຍ​ເກົ່າ) ກໍ​ແມ່ນ​ຜູ້​ອ່ານ ເຖິງ​ຈະ​ບໍ່​ອ່ານກໍລຳ​ຄານ​ໃຈ ເພາະ​ຄື​ກັບ​ວ່າ ໜັງ­ສື­ພິມ​ທຸກ​ສະ­ບັບ​ອຶດແນວເອົາ​ລົງ ! ຜູ້​ຂຽນ​ເວົ້າ​ແນວ​ນີ້ ບໍ່​ໄດ້​ເໝົາ​ເອົາ​ໝົດ​ທຸກໆ​ບົດ​ທີ່ລົງ​ຊ້ຳ​ຊາກ​ກັນ ເພາະ​ຕ້ອງ​ຍົກ­ເວັ້ນ​ບົດ​ທີ່​ອຸ­ທິດ​ໃຫ້​ເຫດ­ການສຳ­ຄັນ​ທີ່​ໜັງ­ສື­ພິມ​ທຸກໆ​ສະ­ບັບ​ທີ່​ຕ້ອງ​ລົງ​ພິມ ເຊັ່ນ: ບົດ​ຄຳເຫັນ​ຂອງ​ຜູ້­ນຳ ​ໃນ​ວັນ­ຊາດ ວັນ​ຄູ ວັນ​ກຳ­ມະ­ກອນ ແລະ ອື່ນໆ ຕົວ­ຢ່າງ: ຫວ່າງ​ວັນ​ທີ 1 ເດືອນ​ເມ­ສາ​ປີ​ນີ້ ໜັງ­ສື­ພິມຫຼາຍ​ສະ­ບັບ​ກໍ​ລົງ​ພິມ​ບົດ​ລະ​ລຶກ​ເຖິງ​ວັນ​ຄ້າຍວັນ​ຄາດ​ຕະ​ກຳທ່ານ ກິ​ນິມ ພົນ​ເສ­ນາ ອະ­ດີດ​ລັດ­ຖະ­ມົນ­ຕີ​ການ​ຕ່າງ­ປະ­ເທດຂອງ​ລັດ­ຖະ­ບານ​ປະ­ສົມ ໃນ​ປີ 1963 (ຄົບ­ຮອບ 50 ປີ).</p> <p style="text-align: justify;"> ເຫດ­ຜົນ​ທີ່​ເຈົ້າ​ຂອງ​ບົດ​ສົ່ງ​ບົດ​ດຽວ​ໄປ​ລົງ​ໜັງ­ສື­ພິມ​ຫຼາຍສະ­ບັບ​ເພື່ອ​ໃຫ້​ໄດ້​ລົງ​ພິມ​ນັ້ນ ຜູ້ຂຽນ​ຄິດ​ວ່າ​ເກີດ​ມາ​ຈາກການ​ພົວ­ພັນ​ປະ­ສານ​ງານ​ທີ່​ຍັງ​ບໍ່​ຈຸ​ຈອດ​ກັນ ລະ­ຫວ່າງ​ບັນນາ​ທິການ​ໜັງ­ສື­ພິມ ກັບ​ຜູ້​ຂຽນ ຄື​ບໍ່​ທັນ​ມີ​ການ​ຕົກ­ລົງ​ກັນ​ຄັກແນ່ກ່ຽວ​ກັບ​ເປົ້າ​ໝາຍ ແລະ ແຜນ​ເນື້ອ​ໃນ​ວ່າແຕ່​ລະ​ເດືອນ-ແຕ່​ລະ​ປີ ໜັງ­ສື­ພິມ​ຈະ​ເນັ້ນ​ບັນ­ຫາ​ໃດ ? ແລ້ວ​ຈຶ່ງ​ມອບໃຫ້ເຈົ້າ​ຂອງ​ບົດ​ໄປ​ຂຽນ... ສ່ວນ​ເຈົ້າ​ຂອງ​ບົດ​ເອງ​ກໍ​ຍັງ​ອາດ​ກຳຈຸດ​ພິ­ເສດ​ຂອງ​ແຕ່​ລະໜັງ­ສື­ພິມ​ບໍ່​ລະ­ອຽດ ຈຶ່ງ​ສົ່ງ​ບົດ​ຊະ​ໄປ ເຊິ່ງ​ບາງ​ຄັ້ງ​ບົດ​ດັ່ງ­ກ່າວ​ກໍ​ບໍ່​ເໝາະ​ກັບ​ໄລ­ຍະ​ທີ່​ຈະລົງ​ພິມ ຫຼື ບໍ ! ເໝາະ​ກັບ​ເປົ້າ​ໝາຍ ແລະ ຈຸດ​ພິ­ເສດ​ຂອງ​ໜັງ­ສື­ພິມ ບັນນາ​ທິ​ການ​ບາງທ່ານ ເມື່ອ​ເຫັນ​ວ່າບາງ​ບົດ​ບໍ່​ເໝາະ​ໃນ​ການລົງ​ພິມ ກໍ​ບໍ່​ແຈ້ງ​ໃຫ້​ເຈົ້າ​ຂອງ​ບົດ​ຊາບ ​ວ່າ: ຄວນ​ປັບ­ປຸງ​ແນວໃດ ແລະ ເວ­ລາ​ໃດ​ຈະ​ໄດ້​ລົງ​ພິມ.</p> <p style="text-align: justify;"> ຜູ້​ຂຽນ​ເຫັນ​ວ່າ: ບັນ­ຫາ​ນີ້​ແກ້​ໄຂ​ງ່າຍໆ ຂໍ​ພຽງ​ແຕ່​ໃຫ້​ຜູ້ຂຽນ ແລະ ຜູ້​ຮັບ­ຜິດ­ຊອບ​ໜັງ­ສື­ພິມ​ມີ​ກົນ​ໄກ​ປະ­ສານ​ງານທີ່​ດີ​ນຳ​ກັນ.</p> <p style="text-align: right;"> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ