ຂ່າວຫຼ້າສຸດ

ມາດ​ຕະ­ການ​ກົດ­ໝາຍ​ໃນ​ບັນ­ດາ​ປະ­ເທດ​ອາ​ຊຽນ

1.777 18 ມ.ສ. 2013 ນານາສາລະ

<p>  </p> <p style="text-align: justify;"> ຫວ່າງ​ບໍ່​ດົນ​ມາ​ນີ້ ຫຼາຍ​ປະເທດ​ໃນ​ອາ​ຊຽນ​ ໄດ້​ເຂັ້ມ​ມາດ​ຕະການ​ທາງ​ກົດ­ໝາຍ ເພື່ອ​ຄຸ້ມ​ຄອງ​ເສດ­ຖະ­ກິດ ແລະ ສັງ­ຄົມ​ ໃຫ້​ເປັນ​ລະ­ບຽບ​ຮຽບ​ຮ້ອຍ.</p> <p style="text-align: justify;"> ໃນ​ກາງ​ເດືອນ​ກຸມ­ພາ​ຜ່ານ​ມາ ບັນ­ດາ​ປະ­ເທດ​ໃນ​ພາ­ຄີ​ອະ­ນຸ​ສັນ­ຍາ ວ່າ​ດ້ວຍ​ການຄ້າ​ສັດ­ປ່າ ພືດ​ປ່າ ທີ່​ໃກ້​ຈະ​ສູນ­ພັນ​ ໄດ້​ຂໍ​ຮ້ອງ​ໃຫ້ຫວຽດນາມ ເພີ່ມ​ທະ­ວີ​ການ​ຕໍ່­ສູ້ປາບ​ປາມ​ການ​ຄ້າ​ນໍ​ແຮດ ​ຜິດ​ກົດ­ໝາຍ ​ທີ່ມີ​ມູນ​ຄ່າ​ສູງ ເນື້ອ​ໃນ​ຄຳ​ຮຽກ­ຮ້ອງ​ດັ່ງກ່າວ​ເນັ້ນ​ໃຫ້ຫວຽດ­ນາມ ຄວບ​ຄຸມ​ການ​ຄ້າ​ຢ່າງ​ເຄັ່ງ​ຄັດ ແລະ ກຳ­ນົດ​ໂທດ​ຕໍ່​ຜູ້ກະ­ທຳ​ຜິດຢ່າງ​ເໝາະ​ສົມ... ໃນ​ປີ 2012 ແຮດ​ ຈຳ­ນວນ 668 ໂຕ ຖືກ​ຂ້າ​ໃນທົ່ວໂລກ ​ເພື່ອ​ຕັດ​ເອົາ​ນໍ ເຊິ່ງ​ເຊື່ອ​ກັນ​ວ່າ​ສາ­ມາດ​ນຳ­ໄປ​ປຸງ​ເປັນ​ຢາຕ້ານ​ມະ​ເຮັງ ແລະ ການ​ເມົາ​ຄ້າງ ຫວຽດ­ນາມ ໄດ້​ຢືນ­ຢັນ​ເຖິງ​ຄວາມຕັ້ງ­ໃຈ​ໃນ​ການ​ຕ້ານ​ການ​ຄ້າ​ນໍແຮດ ໂດຍ​ໄດ້​ສັນ­ຍາ​ວ່າ​ຈະ​ໄດ້​ລາຍ​ງານຄວາມ​ຄືບ​ໜ້າ​ກ່ຽວ​ກັບ​ການ​ຈັບ​ກຸມ​ຜູ້​ກະ­ທຳ​ຜິດ ແລະ ການ​ຢຶດ​ນໍ​ແຮດ ໃຫ້​ຄະ­ນະ​ກຳ­ມະ­ການ​ຮັບ­ຜິດ­ຊອບ​ ພາຍ​ໃນ​ເດືອນເມ­ສາ ປີ 2014.</p> <p style="text-align: justify;"> ອີກ​ຂ່າວ​ໜຶ່ງ​ຈາກຫວຽດ­ນາມ ໃນ​ຕົ້ນ​ເດືອນ​ມີ­ນາ​ປີ​ນີ້ ແມ່ນ​ມາດຕະ­ການ​ຈຳ­ກັດການ​ນຳ​ໃຊ້​ເງິນ­ສົດ​ໃນ​ການ​ຊື້-ຂາຍ​ທີ່​ມີ​ມູນ​ຄ່າ​ມະ­ຫາສານ ມາດ​ຕະ­ການ​ດັ່ງ­ກ່າວໄດ້​ຖືກ​ສະ­ເໜີ​ໂດຍ​ທະ­ນາ­ຄານ​ແຫ່ງ​ຊາດຫວຽດ­ນາມ ແນ­ໃສ່​ຈຳ­ກັດ​ການ​ຊື້-ຂາຍ​ທີ່ມີ​ມູນ​ຄ່າ​ຢ່າງ​ຫຼວງ­ຫຼາຍເປັນ​ເງິນ­ສົດ ວ່າ​ກັນ​ວ່າ ມາດ​ຕະ­ການ​ນີ້​ ຈະ​ຊ່ວຍ​ສະ­ກັດກັ້ນ​ການ​ລັກລອບ​ໜີ​ພາ­ສີ ການ​ພິມ​ເງິນ​ປອມ ການ​ຟອກ​ເງິນ ແລະ ອື່ນໆ ຂົງ­ເຂດທີ່​ຫ້າມ​ບໍ່​ໃຫ້​ບຸກ­ຄົນ​ໃຊ້​ເງິນ­ສົດ​ໃນ​ການ​ຊື້-ຂາຍ​ນັ້ນ ໄດ້­ແກ່​ຫຼັກ​ຊັບ ເຮືອນ​ຢູ່ ທີ່​ດິນ ລົດ​ໃຫຍ່ ສ່ວນ​ຂໍ້​ຫ້າມ​ສຳ­ລັບ​ວິ​ສາ​ຫະ​ກິດ​ນັ້ນ ລວມ​ໄປເຖິງ​ການ​ຊື້​ເຮືອ­ບິນ ກຳ­ປັ່ນ ລົດ ແລະ ອື່ນໆ.</p> <p style="text-align: justify;"> ທີ່​ອິນ​ໂດ​ເນ​ເຊຍ ທາງ​ການ​ໄດ້​ປະ­ກາດ​ໃນ​ທ້າຍ​ເດືອນ​ກຸມ­ພາແລ້ວ ກ່ຽວ​ກັບ​ມາດຕະ­ການ​ຄວບ​ຄຸມ​ຢ່າງ​ເຂັ້ມ​ງວດ​ການ​ນຳ​ເຂົ້າຜັກ ແລະ ໝາກ​ໄມ້​ຫຼາຍ​ປະ­ເພດ ໃນນັ້ນ ລວມ​ທັງ​ໝາກ­ຖົ່ວ​ລຽນ ມາດ​ຕະ­ການ​ດັ່ງ­ກ່າວ​ແມ່ນ​ແນ­ໃສ່​ປົກ​ປ້ອງ​ຜົນ​ປະ­ໂຫຍດ​ຂອງ​ຜູ້​ດຳເນີນ​ທຸ­ລະ​ກິດ​ກ່ຽວ​ກັບ​ໝາກ­ຖົ່ວ​ລຽນ ລະ­ບຽບ​ການ​ຄວບ​ຄຸມ​ນີ້​ມີຜົນສັກ­ສິດ​ແຕ່​ເດືອນ​ມັງ­ກອນ ​ຫາ​ທ້າຍ​ເດືອນ​ມິ­ຖຸ­ນາ ​ປີ​ນີ້ ມາດ​ຕະ­ການນີ້​ໄດ້​ເຮັດໃຫ້​ຍອດ​ການ­ຈຳ­ໜ່າຍ​ໝາກ­ຖົ່ວ​ລຽນ​ ທີ່​ປູກ​ຢູ່​ພາຍ​ໃນ​ປະເທດພຸ່ງ​ຂຶ້ນ​ສູງ​ເຖິງ 120% ໄປ​ພ້ອມໆ​ກັບ​ການ​ຄວບ​ຄຸມ​ການ​ນຳເຂົ້າ​ຜັກ ແລະ ໝາກ​ໄມ້​ດັ່ງ­ກ່າວ ທາງການ​ອິນ​ໂດ​ເນ​ເຊຍ​ ຍັງ​ໄດ້ແນະ­ນຳ​ໃຫ້​ຊາວ​ກະ­ສິ­ກອນ​ອິນ​ໂດ​ເນ​ເຊຍ ປັບ­ປຸງ​ຄຸນນະ​ພາບ​ຂອງໝາກ​ໄມ້ ແລະ ຜັກ ແນ­ໃສ່​ແຂ່ງ­ຂັນ​ກັບ​ຜົນ​ຜະ­ລິດ​ຈາກ​ຕ່າງ­ປະ­ເທດ.</p> <p style="text-align: justify;"> ທີ່​ມາ​ເລ​ເຊຍ ລັດ​ຖະ​ສະ­ພາ​ຮັບ­ຮອງ​ເອົາ​ກົດ­ໝາຍ​ຕ້ານ​ການ​ທໍ­ລະມານ​ສັດ​ ຕາມເນື້ອ​ໃນ​ກົດ­ໝາຍ​ສະ­ບັບ​ນີ້ ຜູ້​ກະ­ທຳ​ຜິດ​ເປັນ​ຄັ້ງ​ທຳ​ອິດຈະ​ຖືກ​ປັບ­ໄໝ​ລະ­ຫວ່າງ 6.400-32.000 ໂດລາ​ສະ­ຫະ­ລັດ ແລະ ຕິດ​ຄຸກ​ບໍ່​ເກີນ 3 ປີ ຖ້າ​ລະ­ເມີດ​ເປັນ​ຄັ້ງ​ທີ 2 ມູນຄ່າ​ການ​ປັບ­ໄໝ​ກໍ​ຈະ​ເພີ່ມ​ຂຶ້ນ​ທົບ​ເທົ່າ​ຕົວ.</p>

ຂ່າວທີ່ກ່ຽວຂ້ອງ