ຂ່າວຫຼ້າສຸດ

ວັນ​ຖະ­ເຫຼີງ​ສົກ​ປີ​ໃໝ່​ລາວ ປີ​ນີ້? ຖືກ​ວັນ​ອັງ­ຄານ

2.311 08 ມ.ສ. 2013 ນານາສາລະ

<p>  </p> <p style="text-align: justify;"> ອີງ​ຕາມ​ການ​ຄຳ­ນວນ​ໂດຍ​ສາ­ທຸ​ບຸນ​ທັນ ປຸນ​ຍະ​ກາ​ມະ​ເຖຣະ ປະ­ທານ​ອົງ­ການ​ພຸດ​ທະ​ສາ­ສະ­ໜາ​ສຳ­ພັນ​ລາວ ແຂວງ​ຫຼວງ​ພະ​ບາງ ເຈົ້າ​ອາ­ວາດ​ວັດ​ປ່າ​ໂພນ​ເພົາ​ວະ​ນາ​ຣາມ ໃຫ້​ຮູ້​ວ່າ: ວັນ​ຖະ­ເຫຼີງ​ສົກ​ປີ​ໃໝ່​ລາວ ແລະ ປ່ຽນ​ຈຸ​ລະ​ສັກ​ຣາ​ຊ ເປັນ 1375 ແມ່ນ​ກົງ​ກັບ​ວັນ​ອັງ­ຄານ (ເຕົ່າ​ໃຈ້) ຂຶ້ນ 6 ຄ່ຳ ເດືອນ 5 ພ.ສ 2555 ກົງ​ກັບ​ວັນ​ທີ 16 ເມ­ສາ 2013 ເວ­ລາ 5 ໂມງ 56 ນາ­ທີ 24 ວິ­ນາ­ທີ.</p> <p style="text-align: justify;"> ໃຜ​ຕ້ອງ­ການ​ສະ­ຫຼອງ​ໃຫ້​ຖືກ­ຕ້ອງ​ແມ່ນ​ຢຳ ກໍ​ຕ້ອງ​ລໍ­ຖ້າ​ຕາມ​ເພິ່ນ​ຄຳ­ນວນ.</p> <p style="text-align: justify;"> ສ່ວນ​ລາຍ​ລະ­ອຽດ​ຂອງ​ການ​ຄຳ­ນວນ​ປີ​ໃໝ່​ລາວ ແມ່ນ​ມີ​ດັ່ງ­ນີ້: ປີ​ມະ­ເສັງ-ກ່າ​ໃສ້-ປັນ­ຈະ​ສົກ-ປົກ­ກະ­ຕິ​ມາ​ສ ພ.ສ 2555-56 ຈສ 1374-75ຄ.ສ 2013.</p> <p style="text-align: justify;"> <strong>ວັນ​ສັງ­ຂານ​ລ່ວງ:</strong>ວັນ​ອາ­ທິດ (ກົດ​ເສັງ) ຂຶ້ນ 4 ຄ່ຳ ເດືອນ 5 ພ.ສ 2555ກົງ​ກັບ​ວັນ​ທີ 14ເມ­ສາ 2013ເວ­ລາ 1ໂມງ 58ນາ­ທີ 48 ວິ­ນາ­ທີ ຕອນ​ທ່ຽງ​ຄືນ.</p> <p style="text-align: justify;"> <strong>ວັນ​ສັງ­ຂານ​ເນົາ:</strong>ວັນ​ຈັນ (ຮ້ວງ​ໄຄ້) ຂຶ້ນ 5 ຄ່ຳ ເດືອນ 5 ພ.ສ 2555ກົງ​ກັບ​ວັນ​ທີ 15ເມ­ສາ 2013.</p> <p style="text-align: justify;"> <strong>ວັນ​ສັງ­ຂານ​ຂຶ້ນ:</strong>ວັນ​ອັງ­ຄານ (ເຕົ່າ​ໃຈ້) ຂຶ້ນ 6 ຄ່ຳ ເດືອນ 5 ພ.ສ 2555 ກົງ​ກັບ​ວັນ​ທີ 16ເມ­ສາ 2013ເວ­ລາ 5ໂມງ 56ນາ­ທີ 24 ວິ­ນາ­ທີ ເປັນ​ວັນ​ຖະ­ເຫຼີງ​ສົກ​ປີ​ໃໝ່​ລາວ ແລະ ປ່ຽນ​ເປັນ​ຈຸ​ລະສັກ​ຣາ​ຊ ເປັນ 1375.</p> <p style="text-align: justify;"> <strong>ນາງ​ສັງ­ຂານ:</strong>ປີ​ມະ­ເສັງ-ກ່າ​ໃສ້-ປັນ­ຈະ​ສົກ ທາງ​ຈັນ­ທະ​ຣະ​ຄະ­ຕິ ເປັນ​ປົກ­ກະ­ຕິ​ມາ​ສ ປົກ­ກະ­ຕິວາ​ຣ ປົກ­ກະ­ຕິ​ສຸ​ຣະ​ທິນ ທາງ​ສຸ​ຣິ​ຍະຄະ­ຕິ ​ກໍ​ເປັນ​ປີ​ປົກ­ກະ­ຕິ ສຸ​ຣະ​ທິນ ເໝືອນ​ກັນນາມ​ມະ­ຫາ­ສົງ­ການ ນາງ​ເທບ​ພະ​ທິ­ດາ​ທີ 1 ຊົງ​ພະ­ນາ​ມວ່າ: “ທຸງ​ສະ​ເທວີ” ຊົງ​ພາ​ຫຸ​ຣັດທັດ​ດອກ​ທັບ​ທິມ (ດອກ​ພິ­ລາ) ອາ­ພອນ​ປະ­ດັບ​ໄປ​ດ້ວຍ​ແກ້ວ​ປັນທະ​ມະ​ຣາ​ຊ (ແກ້ວ​ພິ­ລາ) ສະ­ເຫວີຍ​ອຸ­ທຸມ­ພອນ (ໝາກ­ເດື່ອ) ເປັນ​ພັກສາ​ຫານ ພະ­ຫັດ​ຂວາ​ຖື​ກົງ­ຈັກ ພະ­ຫັດ​ຊ້າຍ​ຖື​ຫອຍ­ສັງ ສະ­ເດັດ​ນັ່ງ​ມາເທິງ​ຫຼັງ​ຄຸດ ເປັນ​ພາ­ຫະ­ນະ.</p> <p style="text-align: justify;"> <strong>ເກນ​ພິ​ຣຸ​ນະ​ສາດ:</strong>ພະ​ສຸກ​ເປັນ​ອະ­ທິ­ບໍ­ດີ ນາກ​ຫຼິ້ນ​ນ້ຳ 1 ໂຕ ບັນດານ​ໃຫ້​ຝົນ­ຕົກ 600 ຫ່າ ຕົກໃນ​ຂອບ​ຈັກ­ກະ­ວານ 240 ຫ່າ ຕົກໃນ​ປ່າ​ຫິ­ມະ­ພານ 180 ຫ່າ ຕົກ​ໃນ​ມະ­ຫາ​ສະ­ໝຸດ 120 ຫ່າ ຕົກ​ໃນ​ມະນຸດ​ສະ​ໂລກ 60 ຫ່າ.</p> <p style="text-align: justify;"> <strong>ເກນ​ທາ​ຣາ​ທິ​ຄຸນ:</strong>ຕົກ​ຣາ​ສີ​ອາ­ໂປ ນ້ຳ​ຈະ​ມີ​ມາກ ຝົນ​ຈະ​ຕົກ​ສະເໝີ​ກັນ​ຕະ­ຫຼອດ​ປີ ນາ​ດອນ ແລະ ນາ​ລຸ່ມ ​ຈະ​ດີ​ທັງ​ສອງ​ຢ່າງເໝືອນກັນ ຈະ​ມີ​ລົມ​ພັດ​ມາ​ສະ­ເໝີ​ກັນ ຈາກ​ທິດ​ທັງ 4 ຕາມ​ລະ­ດູ​ການ.</p> <p style="text-align: justify;"> <strong>ເກນ​ທັນ​ຍາ​ຫານ:</strong>ຊື່­ວ່າ: ລາ­ພະເຂົ້າ​ກ້າ​ໄຮ່­ນາ ຈະ​ໄດ້­ຜົນ 10 ສ່ວນ ເສຍ​ແຕ່​ສ່ວນ​ດຽວ ປະ­ຊາ­ຊົນ​ຈະ​ມີ​ຄວາມ­ສຸກສະ­ບາຍ ເຂົ້າ ຊີ້ນ ປາ​ ອາ­ຫານ ຈະ​ມີ​ບໍ­ລິ­ບູນ ອຸ­ດົມ​ດີ ເກືອ​ຈະ​ແພງ.</p> <p style="text-align: justify;"> <strong>ຜລາ​ມັດ​ສະ​ມັງ­ສາ​ຫານ:</strong>ລູກ​ໝາກ​ຮາກ​ໄມ້​ຈະ​ເປັນ​ດົກ​ຫຼາຍ.</p> <p style="text-align: justify;"> <strong>ຣຸກ​ຂະ​ຊາດ:</strong>ໄມ້​ປ່າ­ແປ້ງ (ໄມ້​ໂພ) ເປັນ​ພະ­ຍາບ້ານ-ເມືອງ​ ມັກ​ຈະ​ເກີດຄວາມ​ເດືອດ­ຮ້ອນ​ໄປ​ທຸກ​ແຫ່ງ​ຫົນ​ສາ­ກົນ​ໂລກ.</p> <p style="text-align: justify;"> <strong>ເກນ​ກາ­ລະ​ໂຢກ:</strong>ວັນ​ພະ­ຫັດ​ ເປັນ​ທຸງ­ໄຊ ວັນ​ອາ­ທິດ ​ເປັນ​ອະ­ທິ­ບໍ­ດີ ວັນ​ພຸດ ​ເປັນ​ອຸ­ບາດ ວັນ​ອັງ­ຄານ​ ເປັນ​ໂລ­ກາ​ວິ­ນາດ.</p> <p style="text-align: justify;"> ຂໍ​ໃຫ້​ທຸກ​ທ່ານ​ສະ­ຫຼອງ​ປີ​ໃໝ່ ດ້ວຍ​ຄວາມ​ເບີກ­ບານ​ມ່ວນຊື່ນ !.</p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ