ລາ­ຄາ​ສະ­ບຽງ​ອາ­ຫານ​ຈະ​ແກ້​ຢ່າງ­ໃດ ?

2.460 02 ມ.ສ. 2013 ນານາສາລະ

<p>  </p> <p style="text-align: justify;"> ຄໍ​ລຳ​ເຮົາ​ເຄີຍ​ຂຽນ​ເລື່ອງ​ລາ­ຄາ​ອາ­ຫານ-ການ​ກິນ​ຢູ່​ນະ­ຄອນ­ຫຼວງ​ເຮົາ​ນີ້ ມັກ​ຂຶ້ນ​ບໍ່​ຍອມ​ລົງ​ຢູ່ໃນ​ໄລຍະ​ດັ່ງ­ນີ້: ປີ​ໃໝ່ສາ­ກົນ ປີ​ໃໝ່​ຫວຽດ+ຈີນ ແລະ ປີ​ໃໝ່​ລາວ...</p> <p style="text-align: justify;"> ໃນ​ໄລ­ຍະ​ທີ່​ກ່າວ​ມາ​ຂ້າງ​ເທິງ​ນັ້ນ ຫາກ​ແມ່ນ​ປະ­ເພດ​ຊີ້ນ ເຊັ່ນ​ວ່າ: ຊີ້ນ​ໝູ ງົວ ຄວາຍ ຂຶ້ນ​ແລ້ວບໍ່​ຍອມ​ລົງ.. ມີ​ແຕ່​ປາ ໄກ່ ເປັດ ໄຂ່ ໃຄ​ແດ່​ມີ​ບາງ­ເທື່ອ​ກໍ​ຫຼຸດ​ລົງ ສ່ວນ​ປະ­ເພດ​ຜັກນາງ​ອາງ​ຫຍ້າ ແມ່ນ​ຂຶ້ນ​ກັບ​ລະ­ດູ​ການ ເຊັ່ນ​ດຽວ​ກັບ​ລາ­ຄາເຂົ້າ​ກິນ.</p> <p style="text-align: justify;"> ປີ​ນີ້ ລາ­ຄາ​ຊີ້ນ​ງົວ-ຄວາຍ​ຂຶ້ນ​ກະ​ເຕັກ​ກວ່າ​ໝູ່ ດຽວ­ນີ້​ຢູ່​ລະຫວ່າງ 70-80 ພັນ​ກີບ​ຕໍ່ 1 ກິ​ໂລ... ບໍ່ຮູ້​ວ່າ​ຮອດ​ບຸນປີ​ໃໝ່​ລາວ ​ຈະ​ຂຶ້ນ​ທະ­ລຸ​ກິ​ໂລ 1 ແສນ​ກີບ ຫຼື ບໍ່ ?</p> <p style="text-align: justify;"> ຫາກ​ເວົ້າ​ໃນ​ທາງ​ກົນ​ໄກ​ຕະ­ຫຼາດ​ແລ້ວ ເມື່ອ​ການ​ສະ­ໜອງບໍ່​ພຽງ­ພໍ ​ສິນ­ຄ້າ​ຍ່ອມ​ເໜັງ​ຕິງ​ດ້ານລາ­ຄາ ສະ­ນັ້ນ ການ​ແກ້ໄຂ​ລາ­ຄາ​ແມ່ນ​ເວົ້າ​ເລື່ອງ​ການ​ສະ­ໜອງໃນ​ໄລ­ຍະ​ຍາວ​ ກໍແມ່ນ​ການເພີ່ມ​ການ​ລ້ຽງ­ສັດ-ປູກ­ຝັງ ໃຫ້​ຫຼາຍ​ຂຶ້ນ ​ລວມ​ໄປເຖິງ​ການ​ມີ​ກົນ​ໄກ​ນະ­ໂຍ­ບາຍ​ທີ່​ເໝາະ​ສົມ​ໃຫ້ຂະ­ແໜງ­ການນີ້ພັດ­ທະ­ນາ​ໄວ​ຂຶ້ນ ເພື່ອ​ຕອບ​ສະ­ໜອງ​ຄວາມ​ຕ້ອງ­ການຂອງ​ສັງ­ຄົມ ສ່ວນ​ໄລ­ຍະ​ສັ້ນ​ກໍ​ຕ້ອງ​ເວົ້າ​ເຖິງ​ການ​ນຳ​ເຂົ້າ​ຊີ້ນງົວ+ຄວາຍ ຫຼື ວ່າ​ໝູ​ ຈາກ​ຕ່າງ­ປະ­ເທດ ເຂົ້າ​ມາ​ສະ­ໜອງ​ຕະຫຼາດ​ພາຍ​ໃນ​ ເພື່ອ​ແກ້​ໄຂ​ຊີ­ວິດ​ການ​ເປັນ​ຢູ່​ຂອງ​ຄົນ​ເມືອງຫຼວງ.</p> <p style="text-align: justify;"> ເວົ້າ​ເລື່ອງ​ການ​ນຳ​ເຂົ້າ​ອາ­ຫານ-ການ​ກິນ​ນີ້ ຖື​ເປັນ​ເລື່ອງທຳ​ມະ​ດາ​ໃນ​ໂລກ​ປັດ­ຈຸ­ບັນ ເພາະການ​ເຊື່ອມ​ໂຍງມັນ​ສະດວກ​ສະ­ບາຍ​ກວ່າ​ເກົ່າ... ຍິ່ງ​ໃນ​ຂະ­ນະ​ທີ່​ພວກ​ເຮົາ​ກຽມ​ເຂົ້າສູ່​ປະ­ຊາຄົມ​ອາ​ຊຽນ​ແລ້ວ ​ຍິ່ງ​ມີ​ຄວາມ​ສະ­ດວກ.</p> <p style="text-align: justify;"> ໃນ​ການ​ນຳ​ເຂົ້າ​ເລື່ອງ​ອາ­ຫານ​ຊີ້ນ​ນີ້ ! ຢາກ​ໃຫ້​ເບິ່ງ​ບັນ­ດາປະ­ເທດ​ໃກ້​ຄຽງ ແລະ ປະ­ເທດ​ກຸ່ມ​ອາ​ຊຽນ​ເຮົາ​ເອງ​ວ່າ: ມີປະ­ເທດ​ໃດ​ທີ່​ມີ​ຄວາມ​ສາ­ມາດ​ສະ­ໜອງ​ໃນ​ລາ­ຄາ​ພໍ​ຮັບເອົາ​ໄດ້ ! ຈາກ​ນັ້ນຈຶ່ງ​ເບິ່ງ​ໄປ​ປະ­ເທດ​ອື່ນ ​ທັງ​ເອີ​ຣົບ ອາ​ຟຣິກກາ...</p> <p style="text-align: justify;"> ໂລກ​ດຽວ­ນີ້ ທຸກ​ປະ­ເທດ​ລ້ວນ​ແຕ່​ອາ­ໄສ​ເພິ່ງ​ພາ​ເຊິ່ງ​ກັນ ແລະ ກັນ ເປັນ­ຕົ້ນແມ່ນ​ເລື່ອງ​ສະ­ບຽງ​ອາ­ຫານ... ປະ­ເທດໃດ​ມີ​ກຳ­ລັງ​ແຮງ​ເລື່ອງ​ສະ­ບຽງ​ອາ­ຫານ ຈະ​ກາຍ­ເປັນ​ຜູ້​ໄດ້ປຽບ​ເນີ ! ເນື້ອ­ທີ່ຂອງ​ໂລກ​ຍັງ​ທໍ່​ເກົ່າ ! ແຕ່​ພົນ­ລະ­ເມືອງ​ໂລກ​ນັບ​ມື້ເພີ່ມ​ຂຶ້ນ... ການ​ເພີ່ມ​ຂຶ້ນ​ນີ້ ກາຍ­ເປັນ​ຕົວບຽດ​ຢຶດ​ເນື້ອ­ທີ່ການ​ຜະ­ລິດ... ເຮັດ​ໃຫ້​ເນື້ອ­ທີ່​ໜ້ອຍ​ລົງ ສະ­ນັ້ນ ຈຶ່ງ​ເຮັດ​ໃຫ້ສະ­ບຽງ​ອາ­ຫານ​ມີໜ້ອຍ​ລົງ... ການ​ຂາດ­ແຄນ​ສະ­ບຽງ​ອາ­ຫານ ຈຶ່ງ​ເປັນ​ເລື່ອງ​ທີ່​ປາ​ສະຈາກ​ບໍ່​ໄດ້​ໃນ​ສັງ­ຄົມ​ມະ­ນຸດ.</p> <p style="text-align: justify;"> ການ​ແບ່ງ­ປັນ​ສະ­ບຽງ​ອາ­ຫານໃຫ້​ແກ່​ເພື່ອນ​ມະ­ນຸດ​ໃນໂລກ ເປັນ​ສິ່ງ​ປະ­ເສີດ.!.</p> <p style="text-align: justify;"> ສະ­ນັ້ນ ຈຶ່ງ​ຢາກ​ໃຫ້​ຜູ້​ດຳ­ເນີນ​ທຸ­ລະ​ກິດ​ດ້ານ​ສະ­ບຽງ​ອາຫານ​ເຂົ້າ­ໃຈ ແລະ ມີ​ຄວາມ​ເປັນ​ທຳ​ໃນໝາກ​ຫົວ­ໃຈ... ເປັນຂອງ​ທຳ​ມະ​ດາ​ທີ່​ຄ້າ­ຂາຍ​ໃຜ​ກໍ​ຕ້ອງ­ການ​ກຳ­ໄລ ແຕ່​ບໍ່​ຄວນເກັງ​ກຳ­ໄລ​ໃນຍາມ​ຂາດ­ເຂີນ​ເຊັ່ນ​ນີ້ ເຮົາ​ອາດ​ຮັ່ງ­ມີ​ຂຶ້ນ ແຕ່ຕ້ອງ​ເຂົ້າ­ໃຈ​ວ່າ ເປັນ​ການ​ຮັ່ງ­ມີ​ບົນ​ຄວາມ­ທຸກ​ຂອງຄົນອື່ນ !... ມັນ​ບໍ່​ຈີ​ລັງ​ຢັ້ງ­ຢືນ​ດອກ​ເນີ ! ສ່ວນ​ເຈົ້າ​ໜ້າ­ທີ່​ເຮົາ​ກໍ​ຕ້ອງ​ເຂັ້ມ​ງວດ​ໃນ​ການ​ລົງ​ກວດ­ກາ ຄື​ດັ່ງ​ປະ­ຕິ­ບັດ​ຜ່ານ​ມາ​ ເລື່ອງ​ການ​ຕິດ­ຕາມ​ລາ­ຄາ​ ກໍ​ຄື​ການສໍ້ໂກງ (ເອົາ​ຊີ້ນ​ໝູ​ປອມ​ເປັນຊີ້ນ​ງົວ... ຂີ້­ໂລບ​ຕາ­ຊິງ) ຂອງພວກ​ພໍ່­ຄ້າ-ຊາວ​ຂາຍ​ໃນ​ທ້ອງ​ຕະ­ຫຼາດ.</p> <p style="text-align: justify;"> ຜູ້​ມີ​ຄວາມ​ສຳ­ຄັນ​ກວ່າ​ເພິ່ນ​ໃນ​ການ​ຄຸ້ມ​ຄອງ​ນີ້ ຕ້ອງ​ຍົກໃຫ້​ຈັດ​ສັນ​ຕະ­ຫຼາດ ແລະ ເຈົ້າ​ຂອງ​ຕະ­ຫຼາດ​ເນີ ! ຄັກ​ແມ່ນສອງ​ຈ່າ​ນີ້​ປະ­ຕິ­ບັດ​ງານ​ເຂັ້ມ​ງວດ-ກວກ​ຂັນ ​ຮັບ­ຮອງ​ວ່າພວກ​ຂາຍ​ຊີ້ນ​ລຳ­ບາກ ! ບໍ່​ກ້າ​ເຮັດ​ໂລ­ເລ.!. ກົງ­ກັນ­ຂ້າມ ຫາກ​ມີ​ການ​ຕໍ່​ລອງ​ກັນ​ແລ້ວ ! ພວກ​ລູກ​ຄ້າ​ທັງ­ຫຼາຍ​ກໍ​ຈຳເປັນ​ໄດ້​ຊື້​ສິນ­ຄ້າ​ລາ­ຄາ​ແພງ.</p> <p style="text-align: justify;"> <strong>... </strong><strong>ຢາກ​ໃຫ້​ຄຸ້ມ​ຄອງ ແລະ ເດັດ­ຂາດ​ເລື່ອງ​ລາ­ຄາ​ສະ­ບຽງອາ­ຫານ...</strong></p> <p style="text-align: right;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ