ຂ່າວຫຼ້າສຸດ

ເປັນ​ຫ່ວງ ! ການ​ໃຊ້​ອິນ​ເຕີ​ເນັດ...

3.171 25 ມີ.ນ. 2013 ນານາສາລະ

<p>  </p> <p style="text-align: justify;"> ຫຼາຍ​ປະ­ເທດ​ໃນ​ໂລກ ​ເປັນ​ຫ່ວງ​ເລື່ອງ​ການ​ນຳ​ໃຊ້​ເຄື່ອງ​ເອ​ເລັກ​ໂຕຼ​ນິກ​ຂອງ​ຊາວ​ໜຸ່ມ​ບ່າວ-ສາວ​ທີ່​ບໍ່​ເຂົ້າ­ທ່າ ເປັນ­ຕົ້ນ​ແມ່ນ​ການຫຼິ້ນ​ອິນ​ເຕີ​ເນັດ ການ​ໃຊ້​ໂທລະ­ສັບ​ມື​ຖື iPad iPhone ຫຼື ການຫຼິ້ນ​ເວບ​ໄຊ Facebook ການ Skype ແລະ ອື່ນໆ.</p> <p style="text-align: justify;"> ທີ່​ເປັນ​ຫ່ວງ​ນັ້ນ ເພາະ​ມີ​ການ​ຫຼິ້ນ​ອິນ​ເຕີ​ເນັດ​ເກີນ​ຂອບເຂດ... ຂໍ້​ມູນ​ທັງ​ໝົດ​ແມ່ນ​ຂໍ້​ມູນ​ດິບ ບໍ່​ໄດ້​ຜ່ານ​ການ​ກັ່ນ​ຕອງສ້າງ​ໃຫ້​ຄົນ​ເຂົ້າ­ໃຈ​ໄປ​ຕາມ​ກະ­ແສ ແລະ ປັ່ນ​ປ່ວນ​ໃຫ້​ເກີດ​ຂໍ້ຂັດ​ແຍ່ງ​ໃນ​ສັງ­ຄົມ​ໄດ້​ງ່າຍ ເລື່ອງ​ນີ້​ຫາກ​ຕິດ­ຕາມ​ຂ່າວ​ຈະເຫັນ​ວ່າ​ມີ​ການ​ໂຄ່ນ​ລົ້ມ​ລະ­ບອບ​ໄດ້ ສ້າງ​ສົງ­ຄາມ​ກາງເມືອງ​ໄດ້.</p> <p style="text-align: justify;"> ສຳ­ລັບ​ບ້ານ​ເຮົາ​ແລ້ວ ເຖິງ​ບໍ່​ມີ​ການ​ສຳ​ຫຼວດ​ຢ່າງ​ເປັນທາງ​ການ ກໍ​ຕ້ອງ​ຍອມ­ຮັບ​ວ່າ ກະ­ແສ​ນີ້​ມາ​ແຮງ​ເຊັ່ນ​ກັນ ສະແດງ​ອອກ​ໃນ​ແຕ່​ລະ​ຄັ້ງ​ທີ່​ມີ​ການ​ຈັດ​ກິດ­ຈະ­ກຳ​ສຳ­ລັບ​ຄົນ​ລຸ້ນໃໝ່ ຜ່ານ​ເຄືອ​ຂ່າຍ​ຂອງ​ບໍ­ລິ­ສັດ​ໃຫ້​ບໍ­ລິ­ການ​ດ້ານ​ໂທລະ​ຄົມຈະ​ເຫັນ​ວ່າ ມີ​ຜູ້​ເຂົ້າ​ມາ​ໃຊ້​ບໍ­ລິ­ການ​ຫຼາຍໝື່ນ​ຄົນໃນ​ແຕ່​ລະກິດ­ຈະ­ກຳ.</p> <p style="text-align: justify;"> ບາງ­ເທື່ອ​ຜູ້​ປົກ­ຄອງ​ກໍ​ບໍ່​ເຫັນ​ໄດ້​ໄຕ່­ຕອງ​ຄົ້ນ​ຄິດ​ພິ​ຈາ­ລະນາ​ຢ່າງ​ລະ­ອຽດ​ເລິກ­ເຊິ່ງ ກໍ​ເລີຍ​ນຳ​ເອົາ​ເຄື່ອງ­ໃຊ້​ຟຸມ​ເຟືອຍປະ­ເພດ​ນີ້​ມາ​ໃຫ້​ລູກ​ຫຼິ້ນ​ຕາມ­ໃຈ ເຊິ່ງ​ສ່ວນ​ຫຼາຍ​ຈະ​ໄປ​ທາງ “ຫຼິ້ນ​ເກມ” ຫຼາຍ​ກວ່າ​ສະ­ແຫວງ­ຫາ​ຄວາມ​ຮູ້ (ຮຽນ​ອະ­ນຸບານ​ກໍ​ຊື້​ໃຫ້​ແລ້ວ) ສຸດ​ທ້າຍ​ກໍ​ມາ​ນັ່ງ​ອຸກ​ໃຈ ເພາະ​ລູກ​ຕິດເກມ​ຈົນ​ບໍ່​ມີ​ເວ­ລາ​ໂອ້​ລົມ​ກັບ​ພໍ່​ແມ່ ເຂົ້າ​ກໍ​ບໍ່​ກິນ...</p> <p style="text-align: justify;"> ຕໍ່​ມາ​ໃຫຍ່​ແດ່ (ຮຽນ​ປະ­ຖົມ ມ.ຕົ້ນ ມ.ປາຍ) ກໍ​ຫຼິ້​ິ້ນ​ອິນເຕີ​ເນັດ ເຂົ້າ​ສູ່​ເວບ​ໄຊ​ຍອດ​ນິ­ຍົມ Facebook ຈົນ​ໝົດ​ຄືນຊອດ​ແຈ້ງ... ມື້​ເວັນ​ເຫງົາ­ນອນ​ຂາດ​ໂຮງ­ຮຽນ... (ພໍ່​ແມ່ຈ່າຍ​ຄ່າ​ບັດຕື່ມ​ເງິນ) ສະ­ນັ້ນ ຈຶ່ງ​ບໍ່​ແມ່ນ​ເລື່ອງ​ແປກທີ່​ນັກຮຽນ​ສະ­ໄໝ​ນີ້​ໃຊ້​ເງິນ​ເປັນ​ເດີມ​ພັນ... ຈ້າງ​ຮຽນເພີ່ມ... ເຂົ້າຫາ​ຄູ-ອາ­ຈານ... ຈ້າງ​ຂຽນ​ໃບ​ຈົບ​ຊັ້ນ ແລະ ອື່ນໆ ເພື່ອ​ໃຫ້ໄດ້​ມາ​ເຊິ່ງ​ໃບ​ປະ­ກາດຜູ້​ປົກ­ຄອງ​ບາງ​ລາຍ​ກໍ​ເຂົ້າ­ໃຈ​ບໍ່​ຖືກ ຍ້ອນ​ຮັກ​ລູກ​ຫຼາຍ​ກໍ​ເລີຍ​ຕາມ­ໃຈ... ຮຽນ​ບໍ່​ໄດ້... ຄະ­ແນນ​ບໍ່​ດີກໍ​ຫາ​ວິ­ທີ​ເຂົ້າ​ນາຍ­ຄູ ແທນ​ທີ່​ຈະລະ­ດົມ​ໃຫ້​ລູກ​ຕັດ­ສິນ​ໃຈ​ບຸກ​ບືນ​ຮ່ຳ­ຮຽນ.</p> <p style="text-align: justify;"> ເວົ້າ​ເຮີ່ ! ອວດ​ອ້າງ​ວ່າ​ລູກ​ຮຽນ​ດີ... ຮຽນ​ເກັ່ງ ມີ​ຄະ­ແນນສູງ ເສັງ​ໄດ້​ທີ​ດີ ຖື​ອັນ​ນີ້​ເປັນ​ບັນ­ທັດ­ຖານ​ເວ­ລາ​ໂອ້​ລົມ​ພົບ​ປະລະ­ຫວ່າງ​ໝູ່­ຄູ່... ນຳ­ໄປ​ເຖິງ​ການ​ບັງ­ຄັບ​ໃຫ້​ລູກ​ຮຽນ​ເພີ່ມ... ບໍ່​ມີ​ຍາມພັກ ບໍ່​ເບິ່ງ​ຄວາມ​ເປັນ​ຈິງ​ວ່າ ຄວາມ​ສາ­ມາດ​ຂອງລູກ​ເຈົ້າ​ຂອງ​ຊ່ຳ​ໃດ !...</p> <p style="text-align: justify;"> ທຸ້ມ­ເທ​ເງິນ​ຄຳ​ໃຫ້​ລູກ​ເກີນ​ຂອບ​ເຂດ... ຄັນ​ມາ​ແຕ່​ຕ່າງແຂວງ​ກໍ​ເຊົ່າ​ເຮືອນ​ໃຫ້​ຢູ່ ຊື້​ລົດ​ໃຫ້​ຂີ່ ກິນເຂົ້າ​ຮ້ານ​ອາ­ຫານຈົນ​ມີ​ຄຳ​ເວົ້າ​ກ່າວ​ຂວັນ​ວ່າ: ຂາຍ​ຄວາຍ​ສົ່ງ​ຄວາຍ​ມາ​ຮຽນ.</p> <p style="text-align: justify;"> - ໃຊ້​ເງິນ​ສ້າງ​ເງື່ອນ­ໄຂ​ເພື່ອ​ໃຫ້​ໄດ້​ໃບ​ປະ­ກາດ ແລະ ບ່ອນ​ເຮັດ​ການ​ໃຫ້​ລູກ.</p> <p style="text-align: justify;"> - ໃຊ້​ເງິນ​ສ້າງ​ເງື່ອນ­ໄຂ​ເພື່ອ​ບືນ​ຂຶ້ນ​ສູ່​ຕຳ­ແໜ່ງ​ໃດ​ໜຶ່ງ ?ເວ­ລາ​ເຂົ້າ​ເຮັດ​ວຽກ.</p> <p style="text-align: justify;"> - ທີ່​ຍົກ​ມາ​ນີ້ ອາດ​ຈະ​ບໍ່​ໝົດ​ເນີ ! ສຳ­ລັບ​ຄອບ­ຄົວ​ທີ່​ມີ</p> <p style="text-align: justify;"> ເງື່ອນ­ໄຂ​ກໍ​ບໍ່​ຖື​ກັນ ! ແຕ່​ຄອບ­ຄົວ​ຢູ່​ຕ່າງ​ແຂວງ ຢູ່​່​ຫ່າງ​ໄກ​ແດ່ແມ່ນ​ລຳ­ບາກ ຄອບ­ຄົວ​ພະ­ນັກ­ງານ​ຢູ່​ກະ​ໂຕ​ສູນ​ກາງ​ກໍ​ລຳບາກ.</p> <p style="text-align: justify;"> ການ​ສົ່ງ­ເສີມ​ແບບ​ນັ້ນ​ມັນ​ພາ­ໃຫ້​ລູກ​ຂາດ​ຄວາມ​ບຸກ​ບືນ ບໍ່​ເປັນ​ຕົວ​ຂອງ​ຕົວ​ເອງ ເພາະ​ເຂົາ​ຄິດວ່າມີ​ພໍ່​ແມ່​ແບກ​ຫາບຢູ່​ເບື້ອງ​ຫຼັງ.</p> <p style="text-align: justify;"> ອັນ​ທີ່​ເປັນ​ອັນ­ຕະ­ລາຍ ​ແມ່ນມັນ​ເປັນ​ການ​ມ້າງ​ລະ­ບົບ​ຄຸນນະ​ທຳມາ­ສູ່​ລະ­ບົບ​ອຸ­ປະ­ຖຳ... ເຮັດໃຫ້​ຄຸນ​ນະ​ພາບ​ຂອງຄົນ​ລຸ້ນ​ໃໝ່​ຫຼຸດ​ລົງ... ກ້າວ​ໄປ​ເຖິງ​ປະ­ກົດ​ການ​ຫຍໍ້­ທໍ້​ຫຼາຍຢ່າງ​ທີ່​ເກີດ​ຂຶ້ນໃນ​ສັງ­ຄົມ ເມື່ອ​ການ​ອຸ­ປະ­ຖຳ​ຂອງ​ຄອບ­ຄົວບໍ່​ທ່ວງ​ທັນ.</p> <p style="text-align: justify;"> ມີ​ຄຳ​ເວົ້າ​ໜາ​ຫູ​ທີ່​ຟັງ​ແລ້ວ​ເສົ້າ​ໃຈ ເຊັ່ນ​ວ່າ: ນັກ​ສຶກ​ສາຊອກ​ແຫຼ່ງ​ອຸ­ປະ­ຖຳ​ຄ່າ​ລົງ­ທະ­ບຽນ​ໂດຍງ່າຍ ຈາກ​ມູນ­ມັງ​ຕິດຕົວ​ມາ​ແຕ່​ກຳ­ເນີດ ຈາກ​ການ​ຫວັງ​ລວຍ​ທາງ​ລັດ ຄ້າ-ຂາຍຢາ​ເສບ​ຕິດ ຂີ້­ລັກ ງັດ​ແງະ... ພ້ອມ​ກັນ​ຢຸດ​ເຊົາ​ພຶດ­ຕິ​ກຳ​ທີ່​ບໍ່​ເຂົ້າ­ທ່າ ! ການ​ເຮີ່​ເຫີມ​ທີ່ເກີນ​ຄວາມ​ເປັນ​ຈິງ ການຕິດ​ວັດ­ຖຸ​ງອມ​ແງມ ຈົນ​ໂງ​ຫົວ​ບໍ່​ຂຶ້ນ ເປັນ­ຕົ້ນ​ແມ່ນເຄື່ອງ­ໃຊ້​ຟຸມ​ເຟືອຍ ເຄື່ອງ IT.</p> <p style="text-align: justify;"> ຢາກ​ໃຫ້​ຜູ້​ປົກ­ຄອງ​ທັງ­ຫຼາຍ​ຄິດ​ຫງຳ​ຮອບ​ຄອບ​ກ່ອນ​ຕັດສິນ​ໃຈ ຊື້​ເຄື່ອງ​ດັ່ງ­ກ່າວ​ໃຫ້​ລູກ... ຢາກ​ໃຫ້​ການ­ຈັດ­ຕັ້ງ​ວາງ​ແຜນ​ກວດ­ກາ​ເວບ​ໄຊ ກ້າວ​ໄປເຖິງ​ປິດ​ຖາ­ວອນ ຫາກ​ເຫັນ​ວ່າ​ມັນ​ບໍ່​ເຂົ້າ­ທ່າ...</p> <p style="text-align: justify;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ