ຂ່າວຫຼ້າສຸດ

... ໃຜ​ມີ​ດິນ​ຫຼາຍ​ຕອນ​ຄວນ​ຮູ້...

3.616 21 ມີ.ນ. 2013 ນານາສາລະ

<p>  </p> <p style="text-align: justify;"> ພາຍ­ຫຼັງ​ບົດ​ໃນ​ຫົວ­ຂໍ້: “...ດິນ​ເອົາ​ໄປ​ນຳ​ບໍ່​ໄດ້... ແຕ່​ຄົນ​ຢາກ​ໄດ້...” ລົງ​ພິມ​ໃນ​ຄໍ​ລຳ​ພວກ​ເຮົາ​ ໄດ້​ມີ​ເພື່ອນ​ຜູ້​ອ່ານ​ຫຼາຍ​ທ່ານ​ສົ່ງຄຳ​ຊົມ­ເຊີຍ​ເຂົ້າ​ມາ ! ແລະ ຮຽກ­ຮ້ອງ​ໃຫ້​ຊອກ​ຂໍ້​ມູນ​ຕື່ມກ່ຽວ​ກັບ​ນະ­ໂຍ­ບາຍ​ຕ່າງໆ ນອກ​ເໜືອ​ຈາກ​ກົດ­ໝາຍ​ວ່າດ້ວຍ​ທີ່​ດິນ​ມາ​ໃຫ້​ຮູ້​ແດ່​ວ່າ​ຊັ້ນ !.</p> <p style="text-align: justify;"> ຜູ້​ຂຽນ​ກໍ​ເຄີຍ​ໄດ້​ຊາບ​ວ່າ: ມີ​ກອງ​ປະ­ຊຸມ​ຄົ້ນ­ຄວ້າ​ນະ​ໂຍບາຍ​ວ່າ​ດ້ວຍ​ທີ່​ດິນ​ແຫ່ງ​ຊາດ ເຊິ່ງ​ທາງ​ການ­ຈັດ­ຕັ້ງ​ກ່ຽວຂ້ອງ​ຮ່ວມ​ກັບ​ສະ­ພາ​ແຫ່ງ​ຊາດ​ດຳ­ເນີນ​ມາ​ດົນ​ແລ້ວ. ຖື​ເປັນ​ໂຊກ​ດີ​ທີ່​ມີ​ໂອ­ກາດ​ໄດ້​ອ່ານ​ຮ່າງ​ນະ­ໂຍ­ບາຍ​ທີ່​ດິນແຫ່ງ​ຊາດ ພ້ອມ​ທັງ​ມີ​ຄຳ​ຖາມ​ເຈາະ​ຈິ້ມ​ຈາກ​ຄະ­ນະ​ຮັບ​ຜິດຊອບ.</p> <p style="text-align: justify;"> ໃນ​ຖາ­ນະ​ນັກ​ຂ່າວ​ຮູ້­ສຶກ​ດີ­ໃຈ ທີ່​ຮ່າງ​ນະ­ໂຍ­ບາຍ​ດັ່ງ­ກ່າວນີ້​ ເໝາະ​ສົມ​ກັບ​ຄວາມ​ເປັນ​ຈິງຄື​ດັ່ງ​ໃນ​ຂໍ້ III ທີ່​ເວົ້າ​ເຖິງ​ນະໂຍ​ບາຍ​ທີ່​ດິນ​ນັ້ນ ມີ 1.3 ເວົ້າ​ເຖິງ​ສິດ​ນຳ​ໃຊ້​ທີ່​ດິນ 1.4 ສິດໃຊ້ ແລະ ສິດ​ນຳ​ໃຊ້​ທີ່​ດິນ​ຕາມ​ປະ­ເພ­ນີ. ເມື່ອ​ເວົ້າ​ເຖິງ​ນະ­ໂຍ­ບາຍ​ກ່ຽວ​ກັບ​ການ​ຈັດ​ສັນ ແລະ ວາງ​ແຜນ­ການ​ນຳ​ໃຊ້​ທີ່​ດິນ​ ໃນ​ຂໍ້ 2.1 ການ​ຈັດ​ສັນ​ທີ່​ດິນ​ກໍ​ໄດ້ກຳ­ນົດ​ລະ­ອຽດ ເຊັ່ນ​ວ່າ: ທີ່​ດິນ​ກຳ­ນົດ​ເນື້ອ­ທີ່​ປົກ​ຫຸ້ມ​ຂອງ​ປ່າໄມ້ ແມ່ນ 70% ດິນ​ກະ­ສິ­ກຳ 90% ປະ­ມານ 44.992 ກິໂລ​ຕາ​ແມັດ ໃນ​ນີ້ ຜະ­ລິດ​ສະ­ບຽງ​ອາ­ຫານ​ບໍ່​ໃຫ້​ຫຼຸດ 2 ລ້ານເຮັກ­ຕາ.</p> <p style="text-align: justify;"> ສຳ­ລັບ​ບັນ­ຫາ​ທີ່​ສັງ­ຄົມ​ສົນ­ໃຈ​ເລື່ອງ​ການ​ຄຸ້ມ​ຄອງ​ທີ່​ດິນຂອງ​ລັດ​ນັ້ນ ກໍ​ມີ​ກຳ­ນົດ​ຢ່າງ​ຈະ­ແຈ້ງ ໃນ​ຂໍ້ 3.3.1 ເຊິ່ງ​ເດັ່ນຊັດ​ກໍ​ແມ່ນ​ການ­ຈັດ­ຕັ້ງ​ປະ­ຕິ­ບັດ​ນະ­ໂຍ­ບາຍກ່ຽວ​ກັບ​ການມອບ​ດິນ​ໃຫ້​ສຳ­ເລັດ ໃນ​ປີ 2020 ສ່ວນ​ຜູ້​ທີ່​ນຳ​ໃຊ້​ທີ່​ດິນ​ລັດ</p> <p style="text-align: justify;"> ໃນ​ໄລ­ຍະ​ຜ່ານ​ມາ​ ແມ່ນ​ໃຫ້​ສຳ­ເລັດ​ໃນ​ຂອບ​ເຂດ​ທົ່ວ​ປະ­ເທດໃນ​ປີ 2015.</p> <p style="text-align: justify;"> ໃນ​ການ​ຄຸ້ມ​ຄອງ​ດິນ​ລັດ​ນີ້ ມີ​ສອງ​ຈຸດ​ພົ້ນ​ເດັ່ນ ແລະ ເໝາະ​ສົມ​ທີ່​ສຸດ​ນັ້ນ ຄື:</p> <p style="text-align: justify;"> - ຜູ້​ໃດ​ໄດ້​ຮັບ​ນະ­ໂຍ­ບາຍ​ຫັນ​ສິດ​ນຳ​ໃຊ້​ທີ່​ດິນ​ຂອງ​ລັດ ເປັນ​ຂອງ​ບຸກ­ຄົນ​ແລ້ວ ກໍ​ບໍ່​ໃຫ້​ນະ­ໂຍ­ບາຍ​ທີ່​ດິນ​ຕອນ​ໃໝ່​ຕື່ມອີກ ບຸກ­ຄົນ​ໜຶ່ງ​ໄດ້​ຮັບ​ນະ­ໂຍ­ບາຍ​ພຽງ​ແຕ່​ດິນ​ຕອນ​ດຽວ​ເທົ່ານັ້ນ.</p> <p style="text-align: justify;"> - ລັດ​ບໍ່​ຮັບ​ຮູ້​ການ​ທວງ​ເອົາ​ຄືນ​ທີ່​ດິນ ທີ່​ອົງ­ການ​ປົກ­ຄອງໄດ້​ມອບ​ສິດ​ນຳ​ໃຊ້​ໃຫ້​ປະ­ຊາ­ຊົນ ທີ່​ດິນ​ຂອງ​ຜູ້​ທີ່​ປະ​ໜີ​ຈາກທ້ອງ­ຖິ່ນ​ຂອງ​ຕົນ ທີ່​ດິນ​ຂອງ​ບຸກ­ຄົນ ຫຼື ການ­ຈັດ­ຕັ້ງ​ທີ່​ໄດ້ມອບ​ໃຫ້​ເປັນ​ຊັບ​ສົມ­ບັດ​ສ່ວນ​ລວມ ແລະ ທີ່​ດິນ​ຂອງ​ຜູ້​ທີ່​ໄດ້ປະ​ໜີ​ໄປ​ຕ່າງ­ປະ­ເທດ ໃນ​ສະ­ໄໝ​ຕໍ່­ສູ້​ກູ້​ຊາດ ກໍ​ຄື​ໃນ​ສະ­ໄໝ​ປັດຈຸ​ບັນ.</p> <p style="text-align: justify;"> ສ່ວນ​ກໍ­ລະ­ນີ ບຸກ­ຄົນ​ຄອບ​ຄອງ​ທີ່​ດິນ​ຫຼວງ­ຫຼາຍ ໝາຍວ່າ ຄອບ​ຄອງ​ທີ່​ດິນ​ເກີນ​ອັດ­ຕາ​ເນື້ອ­ທີ່ທີ່​ໄດ້​ກຳ­ນົດ​ໄວ້​ໃນ​ກົດໝາຍ​ນັ້ນ ກໍ​ມີ​ວິ­ທີ​ແກ້​ໄຂ​ດ້ວຍ​ຮູບ​ການ​ໂອນ​ສິດ​ນຳ​ໃຊ້​ໃຫ້​ແກ່ຍາດ​ພີ່­ນ້ອງ ຫຼື ບຸກ­ຄົນ​ອື່ນ​ທີ່​ມີ​ເງື່ອນ­ໄຂ ຖ້າ​ຫາກ​ຢາກ​ຮັກ­ສາທີ່​ດິນ​ໄວ້ ຕ້ອງ​ເສຍ​ພາ­ສີ​ທີ່​ດິນ​ເພີ່ມ​ຫ້າ​ເທົ່າ​ຕົວ​ຂອງ​ອັດ­ຕາເນື້ອ­ທີ່​ດິນ​ປົກ­ກະ­ຕິ​ໃນ​ແຕ່​ລະ​ປີ ພາຍ​ໃນ​ກຳ­ນົດ​ສາມ​ປີ ນັບແຕ່​ລັດ­ຖະ­ບານ​ອອກ​ຄຳ​ສັ່ງ​ກ່ຽວ​ກັບ​ການ​ແກ້​ໄຂເນື້ອ­ທີ່​ດິນສ່ວນ​ເກີນ​ຢ່າງ​ເປັນ​ທາງ​ການເປັນ­ຕົ້ນ​ໄປ ຫາກ​ບໍ່​ແກ້​ໄຂຕາມວິ­ທີ​ຂ້າງ​ເທິງ​ນັ້ນ ສິດ​ນຳ​ໃຊ້​ທີ່​ດິນ​ສ່ວນ​ເກີນ​ນັ້ນ​ກໍ​ຈະ​ຕົກ​ເປັນຂອງ​ລັດ...</p> <p style="text-align: justify;"> ຂ້າງ​ເທິງ​ນັ້ນ​ຄື​ບາງ​ຂໍ້​ມູນ​ໃນ​ຮ່າງ​ນະ­ໂຍ­ບາຍ​ວ່າ​ດ້ວຍ​ທີ່ດິນ​ແຫ່ງ​ຊາດ ທີ່​ຜູ້​ຂຽນ​ນຳ​ມາ​ເວົ້າ​ສູ່​ກັນ​ຟັງ ? ຮ່າງ​ນີ້​ຍັງ​ບໍ່ທັນ​ຖືກ​ຮັບ­ຮອງ ຍັງ​ຢູ່​ໃນ​ຂັ້ນ​ປຶກ­ສາ​ຫາ­ລື ແລະ ຈັດ​ຕັ້ງ​ປະກອບ​ຄຳ​ເຫັນ​ກັນ​ຢູ່.</p> <p style="text-align: justify;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ