ສະ­ຫຼອງ ເນັ້ນ​ການ​ກິນ​ດື່ມ ຄວນ ຫຼື ບໍ່

2.118 12 ມີ.ນ. 2013 ນານາສາລະ

<p>  </p> <p style="text-align: justify;"> ການ​ສະ­ຫຼອງ​ຕ່າງໆ​ບໍ່​ວ່າ​ເປັນ​ຂັ້ນ​ນ້ອຍ (ຂັ້ນ​ພື້ນ­ຖານ) ຈົນ​ມາ​ເຖິງ​ຂັ້ນ​ສຳ­ນັກ­ງານ-ອົງ­ການ​ໃນ​ວັນ​ສຳ­ຄັນ​ຕ່າງໆ ກໍ​ຄື​ແມ່­ຍິງ​ສາ­ກົນ 8/3/2013 ຜ່ານ​ມາ ເຫັນ​ວ່າ​ຈະ​ໜັກ​ໄປ​ທາງ​ກິນ​ດື່ມ..ຫຼາຍ​ກວ່າ ຈະ​ເນັ້ນ​ທາງ​ເນື້ອ​ໃນ..ຖອດ​ຖອນ​ບົດ­ຮຽນ​ໃນ​ການ­ຈັດ­ຕັ້ງ​ປະ­ຕິ­ບັດ ໂດຍ​ສະ­ເພາະ​ຂັ້ນ​ບ້ານ.</p> <p style="text-align: justify;"> ຢູ່​ຂັ້ນ​ບ້ານ​ມີ​ບັດ​ເຊີນ​ໃສ່​ວົງ­ເລັບ​ແຜ່​ປັດ​ໄຈ​ຮ່ວມ​ມ່ວນ­ຊື່ນ ? ຢູ່​ບາງ​ສຳ­ນັກ­ງານ​ອົງ­ການ​ເຜີຍ­ແຜ່​ມູນ­ເຊື້ອ​ຕົ້ນ​ກຳ­ເນີດ (ອັນ​ເກົ່າ​ເວົ້າ​ກັບ​ໄປ​ກັບ​ມາ) ແທນ​ທີ່​ຈະ​ເວົ້າ​ເຖິງ​ຜົນ­ງານ​ຂອງ​ເອື້ອຍ​ນ້ອງ​ແມ່­ຍິງ ທິດ​ທາງ​ແຜນ­ການ​ເຮັດ​ວຽກ ສະ­ຫຼຸບ​ຖອດ​ຖອນ​ບົດ­ຮຽນ ວ່າ​ຈະ​ເຮັດ​ຫຍັງ​ໃນ­ຕໍ່­ໜ້າ...ໂດຍ​ສະ­ເພາະ​ວຽກ 3 ສ້າງ ທີ່​ທົ່ວ​ປະ­ເທດ​ພວມ​ຟົດ­ຟື້ນ​ຈັດ​ຕັ້ງ​ປະ­ຕິ­ບັດ​ນັ້ນ ແມ່­ຍິງ​ມີ​ສ່ວນ​ປະ­ກອບ​ຫຍັງ​ແດ່ ? ວຽກ​ບົດ­ບາດ​ຍິງ-ຊາຍ ວຽກ​ຄ້າ​ມະ­ນຸດ ວຽກ​ຮັກ­ສາ​ຮີດ­ຄອງ​ປະ­ເພ­ນີ​ທີ່​ດີ­ງາມ​ຂອງ​ຊາດ ແລະ ອື່ນໆ..ວຽກ​ມີ​ບໍ່​ອຶດ​ບໍ່​ຢາກ ແຕ່​ພວກ​ເຮົາ​ກໍ​ບໍ່​ເນັ້ນ​ໜັກ​ດ້ານ​ເນື້ອ​ໃນ ແຕ່​ໄປ​ເນັ້ນ​ໜັກ​ເລື່ອງ​ການ​ກິນ-ການ​ຫຍ້ຳ​ຫຼາຍ​ໂພດ.</p> <p style="text-align: justify;"> ຈາກ​ການ​ມ່ວນ­ຊື່ນ​ໂຮ​ແຊວ..ກິນ​ດື່ມ ກະ​ເລີຍ​ເກີດ​ມີ​ກະ­ແສ​ຈຳ­ແນກ​ກັນ​ລະ­ຫວ່າງ​ຜູ້​ທີ່​ບໍ່​ເຂົ້າ​ຮ່ວມ​ໃນ​ວົງ​ເຫຼົ້າ​ວົງ​ຢາ..ວົງ​ກີ­ລາ​ຕີ​ບູນ​ກິນ​ເຫຼົ້າ !. ກະ­ແສ​ນີ້​ແຮງ​ສົມ­ຄວນ​ໃນ​ສຳ­ນັກ­ງານ-ອົງ­ການ ຈົນ​ເຖິງ​ຂັ້ນ​ບ້ານ.</p> <p style="text-align: justify;"> ຄົນ​ເຮົາ​ນີ້​ກໍ​ແປກ​ນໍ ? ບໍ່​ເຮັດ​ນຳ​ເພາະ​ມີ​ບັນ­ຫາ​ເລື່ອງ​ສຸ­ຂະ­ພາບ ມີ​ບັນ­ຫາ​ເລື່ອງ​ຄວາມ​ບໍ່​ມັກ..ຄວາມ​ບໍ່​ຢາກ​ເຂົ້າ​ຮ່ວມ ເພາະ​ເຫັນ​ວ່າ​ບໍ່​ມີ​ປະ­ໂຫຍດ ກໍ່​ຕັ້ງ​ບັນ­ຫາ​ວ່າ ເປັນ​ຄົນ​ບໍ່​ມີ​ສັງ­ຄົມ ! ບໍ່​ມີ​ຄວາມ​ສາ­ມັກ­ຄີ !. ທ້າຍ​ທີ່​ສຸດ ຜູ້​ບໍ່​ເຂົ້າ​ຮ່ວມ​ກໍ​ກາຍ­ເປັນ​ຄົນ​ໂດດ­ດ່ຽວ !.</p> <p style="text-align: justify;"> ສະ­ນັ້ນ ຈຶ່ງ​ຢາກ​ໃຫ້​ການ­ຈັດ­ຕັ້ງ ! ຢາກ​ໃຫ້​ຂັ້ນ​ເທິງ​ເຂົ້າ­ໃຈ ແລະ ສອດ­ສ່ອງ​ດູ​ແລ​ເບິ່ງ​ຄວາມ​ເປັນ​ຈິງ​ເວ­ລາ​ໄດ້​ຮັບ​ການ​ລາຍ​ງານ.. ນີ້​ແມ່ນ​ຄວາມ​ຮູ້­ສຶກ​ໃນ​ໃຈ​ຂອງ​ເພື່ອນ​ຜູ້​ອ່ານ​ທ່ານ​ໜຶ່ງ​ທີ່ “ແນວ​ລາວ” ໄດ້​ພົບ​ໃນ​ສະ­ພາ​ກາ­ເຟ​ມື້​ວັນ​ເສົາ​ທີ 9/3/2013 ຫຼັງ​ຈາກ​ມີ​ການ​ສະ­ຫຼອງ​ວັນ​ແມ່­ຍິງ​ສາ­ກົນ​ຢ່າງ​ຄຶກ­ຄື້ນ ໃນ​ທົ່ວ​ນະ­ຄອນ­ຫຼວງ​ເຮົາ.</p> <p style="text-align: justify;"> ຜູ້​ຂຽນ​ກໍ​ສັງ­ເກດ​ເຫັນ​ວ່າ: ການ​ສະ­ຫຼອງ​ຕ່າງໆ​ຢູ່​ນະ­ຄອນ­ຫຼວງ​ເຮົາ​ດຽວ­ນີ້ ເນັ້ນ​ຫຼິ້ນ​ກິນ​ຄື​ເພື່ອນ​ວ່າ...ອັນ​ນີ້​ປະ­ຕິ­ເສດ​ຍາກ​ນໍ ? ເພາະ​ສັງ­ຄົມ​ວັດ­ຖຸ​ນິ­ຍົມ​ມັນ​ກຳ­ລັງ​ເຊື່ອມ​ເຂົ້າ​ມາ­ສູ່​ສັງ­ຄົມ​ເຮົາ.</p> <p style="text-align: justify;"> ຕ້ອງ​ຍອມ­ຮັບ​ວ່າ ຄັນ​ບໍ່​ເຂົ້າ​ຮ່ວມ​ວົງ​ເຫຼົ້າ​ວົງ​ຢາ ແລະ ຊຸມ​ແຊວ​ແລ້ວ ກໍ​ຢາ​ກວ່າ​ຍາກ​ແທ້​ໃດ໋ ! ຕ້ອງ​ສະ­ຫຼະ ແລະ ອົດ­ສາ​ເຂົ້າ​ຮ່ວມ ບໍ່​ຊັ້ນ​ໄປ​ບໍ່​ລອດ ! ສະ­ພາບ​ແວດ​ລ້ອມ​ຂອງ​ສັງ­ຄົມ​ດຽວ­ນີ້​ປ່ຽນ​ໍ​ໄປ..ເຮົາ​ບໍ່​ເຂົ້າ​ຮ່ວມ​ແມ່ນ​ໂດດ­ດ່ຽວ​ແທ້ໆ​ລະ !.</p> <p style="text-align: justify;"> ມີ​ຫຼາຍ​ບ້ານ​ທີ່​ມີ​ຊອງ​ແຜ່​ປັດ​ໄຈ ບໍ່​ແມ່ນ​ແຕ່​ສະ­ຫຼອງ​ວັນ​ແມ່­ຍິງ​ທໍ່​ນັ້ນ​ດອກ ! ມີ​ຫຼາຍ​ລາຍ­ການ​ແຜ່ ສະ­ນັ້ນ ເຮົາ​ຕ້ອງ​ຮູ້​ຄິດ­ໄລ່​ອາດ​ຈະ​ໃສ່ 5 ພັນ​ກີບ ຫຼື 10 ພັນ​ກີບ ກໍ​ເຫັນ​ວ່າ​ສົມ­ຄວນ​ແລ້ວ ! ບໍ່​ເຮັດ​ບໍ​ໄດ້​ເນີ !.</p> <p style="text-align: justify;"> ທີ່​ເວົ້າ​ແນວ​ນີ້ ບໍ່​ແມ່ນ​ສົ່ງ­ເສີມ​ສັງ­ຄົມ​ຫຼິ້ນ​ກິນ​ຟູມ​ເຟືອຍ​ເນີ ! ແຕ່​ເຮົາ​ກໍ​ບໍ່​ສາ­ມາດ​ຕ້ານ­ທານ​ກະ­ແສ​ນີ້​ໄດ້ ! ພຽງ​ແຕ່​ວ່າ​ຮູ້­ຈັກ​ວິ­ທີ​ເຂົ້າ​ຮ່ວມ​ຕາມ​ຄວາມ​ສາ­ມາດ ແລະ ລາຍ​ຮັບ​ຂອງ​ເຮົາ​ເຂົາ..ກິນ​ບໍ​ໄດ້​ກໍ​ນັ່ງ​ເບິ່ງ ! ບໍ່​ຢາກ​ຫຼິ້ນ​ກໍ​ນັ່ງ​ເບິ່ງ ແລະ ນັ່ງ​ຟັງ..ສຳ­ຄັນ​ແມ່ນ​ອົດ​ກັ້ນ ເອົາ­ໃຈ​ເພິ່ນ​ມາ​ໃສ່­ໃຈ​ໂຕ ກໍ​ສາ­ມາດ​ຜ່ານ​ຜ່າ​ໄປ​ໄດ້​ນໍ ?.</p> <p style="text-align: justify;"> ເມື່ອ​ຜ່ານ​ຜ່າ​ໄປ​ແລ້ວ ກໍ​ຕ້ອງ​ເປັນ​ເຈົ້າ​ການ​ປຸກ­ລະ­ດົມ​ກັນ ເພື່ອ​ຫຼຸດ­ຜ່ອນ​ສະ­ພາບ​ແວດ​ລ້ອມ​ຫຼິ້ນ​ກິນ​ຟູມ​ເຟືອຍ​ນີ້​ລົງ ເພິ່ນ​ວ່າ: <strong>ຄົນ​ເກັ່ງ​ແມ່ນ​ຄົນ​ທີ່​ຮູ້​ປັບ­ປຸງ​ສະ­ພາບ​ແວດ​ລ້ອມ​ໃຫ້​ເຂົ້າ​ສູ່​ລະ­ບຽບ​ວິ­ໄນ</strong>.</p> <p style="text-align: justify;"> ຫາກ​ພວກ​ເຮົາ​ພ້ອມ​ພາ­ກັນ​ຢຸດ​ຢັ້ງ ແລະ ປະ­ຕິ­ເສດ ຄິດ​ວ່າ​ກະ­ແສ​ເນັ້ນ​ການ​ກິນ​ການ​ດື່ມ​ກໍ​ຈະ​ຄ່ອຍ​ຫຼຸດ​ລົງ.</p> <p style="text-align: justify;"> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ