ຂ່າວຫຼ້າສຸດ

ການ​ປະຕິ​ຮູບ​ການ​ສຶກ​ສາ: ຄວນ​ເບິ່ງ​ສະຖານທີ່

2.352 01 ມີ.ນ. 2013 ນານາສາລະ

<p>  </p> <p> ຕ້ອງ​ຂໍ​ຊົມ­ເຊີຍ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທີ່​ປະ­ກາດ​ແຜນ​ປະ­ຕິ​ຮູບ​ຄຸນ​ນະ​ພາບ​ການ​ສຶກ​ສາ​ໄລ­ຍະ​ສອງ​ຄື: ແຕ່​ປີ 2011-2015 ທີ່​ສຸມ​ໃສ່​ວິ­ທະ­ຍາ­ໄລ​ພາກ​ເອ­ກະ​ຊົນ​ເປັນ​ຫຼັກ.</p> <p> ໂດຍ​ກ່ອນ​ໜ້າ​ນີ້ ຄື ແຕ່​ປີ 2006-2011 ເອີ້ນ​ວ່າ​ໄລ­ຍະ​ທີ​ໜຶ່ງ ແມ່ນ​ປັບ­ປຸງ​ລະ­ບົບ​ສາ­ມັນ​ສຶກ​ສາ​ ໃນ​ຄວາມ​ຊົມ­ເຊີຍ​ນັ້ນ ມີ​ສຽງ​ສ່ອງ​ແສງ​ເຖິງ​ກະ­ຊວງ​ສຶກ​ສາ ຢາກ​ໃຫ້​ເບິ່ງ​ສະ­ຖານ­ທີ່​ຂອງ​ໂຮງ­ຮຽນ​ຄືນ​ໃໝ່​ໂຮງ­ຮຽນ​ປະ­ເພດ​ເຊົ່າ​ຫ້ອງ​ແຖວ​ຄວນ​ໄດ້​ສັ່ງ​ໂຈະ ? ເພາະ​ບໍ່​ມີ​ບ່ອນ​ຈອດ​ລົດ ! ບໍ່​ມີ​ເດີ່ນ​ພໍ­ໄດ້​ເຄົາ­ລົບ​ທຸງ ສ້າງ​ຄວາມ​ແອ​ອັດ​ໃນ​ການ​ສັນ­ຈອນ ໂດຍ​ສະ­ເພາະ​ຢູ່​ນະ­ຄອນ­ຫຼວງ​ວຽງ​ຈັນ ມີ​ຫຼາຍ​ແຫ່ງ.</p> <p> ເພິ່ນ​ສ່ອງ​ແສງ​ເລື່ອງ​ສະ­ຖານ­ທີ່​ຕັ້ງ​ໂຮງ­ຮຽນ​ນີ້ ບໍ່​ແມ່ນ​ແຕ່​ໂຮງ­ຮຽນ​ວິ­ຊາ​ຊີບ​ວິ­ທະ­ຍາ­ໄລ​ເນີ ! ໂຮງ­ຮຽນ​ສາ­ມັນ​ສຶກ​ສາ​ກໍ​ແອ​ອັດ ເຊັ່ນ: ໂຮງ­ຮຽນ​ພາກ​ເອ­ກະ​ຊົນ: ວຽງ​ສະ­ຫວັນ ອິດ​ສະ​ເຕີນ​ສະ​ຕຼາ ທາງ​ຮ່ອມ​ເຂົ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ ຄໍ​ລຳ​ເຮົາ​ສະ­ເໜີ​ຫຼາຍ​ເທື່ອ ແຕ່​ບໍ່​ມີ​ຫຍັງ​ເໜັງ​ຕີງ ! ດຽວ­ນີ້​ຈອດ​ລົດ​ສອງ​ຂ້າງ​ທາງ​ຮ່ອມ​ໝົດ​ມື້ ຢ່າງ​ທ້າ​ທາຍ ທັງໆ​ທີ່​ມີ​ປ້າຍ​ຫ້າມ​ຈອດ​ລົດ ! ການ​ສັນ­ຈອນ​ທາງ​ຮ່ອມ​ລຳ­ບາກ​ແທ້ໆ ແຕ່​ເຈົ້າ​ໜ້າ­ທີ່​ບໍ່​ຄ່ອຍ​ມາ​ຫຼຽວ​ແລ !.</p> <p> ຜູ້​ສ່ອງ​ແສງ​ອີກ​ລາຍ​ໜຶ່ງ ເປັນ​ຜູ້​ລົງ­ທຶນ​ດ້ານ​ການ​ສຶກ​ສາ ກ່າວ​ວ່າ: ສຳ­ລັບ​ຜູ້​ລົງ­ທຶນ​ທີ່​ຖືກ­ຕ້ອງ​ເບິ່ງ​ກວ້າງ​ແນມ​ໄກ​ຈະ​ເສຍ­ປຽບ​ຕໍ່​ຜູ້​ລົງ­ທຶນ​ແບບ​ໄລ­ຍະ​ສັ້ນ ບໍ​ແມ່ນ​ແຕ່​ຜູ້​ລົງ­ທຶນ​ພາຍ​ໃນ​ເນີ ! ຜູ້​ລົງ­ທຶນ​ຈາກ​ພາຍ​ນອກ​ກໍ​ມີ​ເຊັ່ນ​ວ່າ: ເປັນ​ຕົວ​ແທນ​ໃຫ້​ມະ­ຫາ­ວິ­ທະ­ຍາ­ໄລ​ໂດ່ງ​ດັງ​ລະ­ດັບ​ໂລກ ແຕ່​ມາ​ເຊົ່າ​ຫ້ອງ​ແຖວ​ເປີດ​ເປັນ​ສາ­ຂາ​ຮຽນ ມັນ​ໂລດ​ບໍ່​ສົມ­ຊື່​ສຽງ ! ອັນ​ນີ້​ກໍ​ຢາກ​ໃຫ້​ມະ­ຫາ​ພາກ​ກວດ­ກາ​ຄືນ​ເລື່ອງ​ທີ່​ຕັ້ງ​ເຊັ່ນ​ກັນ.</p> <p> ລວມ​ຄວາມ​ແລ້ວ ! ການ​ປັບ­ປຸງ​ຄຸນ​ນະ​ພາບ​ການ​ສຶກ​ສາ ໂດຍ​ສະ­ເພາະ​ແມ່ນ​ວິ­ທະ­ຍາ­ໄລ​ເອ­ກະ​ຊົນ​ນັ້ນ ເຫັນ​ວ່າ​ເໝາະ​ສົມ​ແລ້ວ ! ສ່ວນ​ເລື່ອງ​ທີ່​ຕັ້ງ​ຂອງ​ໂຮງ­ຮຽນ ແຮ່ງ​ຢາກ​ໃຫ້​ເບິ່ງ​ຕື່ມ ຍັງ​ມີ​ອີກ​ບັນ­ຫາ​ໜຶ່ງ ແມ່ນ​ໂຮງ­ຮຽນ​ຂອງ​ລັດ​ທີ່​ເປີດ​ສອນ​ພາກ​ພິ­ເສດ ບໍ່​ວ່າ​ພາກ​ຄ່ຳ ພາກ​ວັນ​ເສົາ-ອາ­ທິດ ກໍ​ຄວນ​ໄດ້​ເບິ່ງ​ຄື​ກັນ ເພາະ​ມີ​ຫາງ​ສຽງ​ວ່າ: ຄຸນ​ນະ​ພາບ​ບໍ່​ຄ່ອຍ​ສູງ​ປານ­ໃດ​ວ່າ​ຊັ້ນ !.</p> <p> ຂໍ​ເປັນ​ກຳ­ລັງ​ໃຈ ຊົມ­ເຊີຍ ກະ­ຊວງ​ສຶກ​ສາ​ທິ​ການ ແລະ ກີ­ລາ ໃນ​ການ​ປັບ­ປຸງ​ຄຸນ​ນະ​ພາບ​ການ​ສຶກ​ສາ.</p> <p> <strong>ໂດຍ</strong>: <strong>ແນວລາວ</strong></p>

ຂ່າວທີ່ກ່ຽວຂ້ອງ