ຂ່າວຫຼ້າສຸດ

ມາດຕະການແກ້ໄຂບັນຫາໃນຫຼາຍປະເທດ

2.404 07 ກ.ພ. 2013 ນານາສາລະ

<p>  </p> <div> ທ້າຍປີ 2012 ຫາຕົ້ນປີ 2013 ເປັນອີກໄລຍະໜຶ່ງທີ່ຫຼາຍປະເທດ ໄດ້ທົບທວນຫວນຄືນມາດຕະການອັນຈຳເປັນທາງດ້ານ</div> <div> ກົດໝາຍ ກໍຄືທາງບໍລິຫານ ເພື່ອເຮັດໃຫ້ການຄຸ້ມຄອງລັດ-ຄຸ້ມຄອງສັງຄົມເດີນແມ່ນແລ່ນສະດວກ ແຕ່ບາດກ້າວເລີ່ມຕົ້ນ</div> <div> ຂອງປີຢູ່ບັນດາປະເທດເອີຣົບ ເຊິ່ງໄດ້ຮັບຜົນກະທົບໂດຍກົງຈາກວິກິດການທາງເສດຖະກິດແບບແກ່ຍືດແກ່ຍາວບໍ່ມີເມືອງ</div> <div> ສຸດນັ້ນ ສ່ວນຫຼາຍເນັ້ນມາດຕະການປະຢັດຮັດສາຍແອວ.</div> <div> ມາດຕະການດ່ັງກ່າວບາງຄັ້ງກໍຊ້າຍຈັດຂວາໂພດ ເຮັດໃຫ້ວຽກດ້ານສະຫວັດດີການ-ສັງຄົມ ໄດ້ຮັບຜົນກະທົບຈົນກໍ່ໃຫ້ເກີດ</div> <div> ມີການປະທ້ວງຂຶ້ນອຶກກະທຶກຄຶກໂຄມໜັກໜ່ວງກວ່າໝູ່ແມ່ນຢູ່ປະເທດ ເກຣັກ ອິຕາລີ ແລະ ແອັດສະປາຍ ສະພາບສັ່ນ</div> <div> ຄອນຂອງປະເທດເຂດເງິນຢູໂຣ (Eurozone) ໄດ້ເຮັດໃຫ້ອັງກິດຕ້ອງພິຈາລະນາຄືນໃໝ່ການຮ່ວມມືຂອງຕົນໃນຄອບຄົວ</div> <div> ໃຫຍ່ອີຢູ.</div> <div> ຢູ່ອາຊີ ໂດຍສະເພາະແມ່ນໃນຂອບຮົ້ວອາຊຽນຫຼາຍປະເທດ ໄດ້ທົບທວນມາດຕະການອັນຈຳເປັນເພື່ອແກ້ໄຂບັນຫາສະ</div> <div> ເພາະໜ້າ ແລະ ຍາວນານ ໂດຍຖອດບົດຮຽນຈາກເຫດການວຸ້ນວາຍທີ່ເກີດຂຶ້ນພາຍໃນປະເທດ.</div> <div> ຟີລິບປິນ ໄດ້ເລີ່ມຕົ້ນປີໃໝ່ 2013 ດ້ວຍການວາງແຜນອອກນະໂຍບາຍໃໝ່ເພື່ອຕ້ານ ແລະ ສະກັດກັ້ນການໃຊ້ແຮງງານ</div> <div> ເດັກນ້ອຍທີ່ບໍ່ຮອດອາຍຸກະສຽນ ດັ່ງທີ່ຊາບນຳກັນຢູ່ແລ້ວວ່າ ໃນປັດຈຸບັນເດັກນ້ອຍຟີລິບປິນຫຼາຍກວ່າ 29 ລ້ານຄົນ ຫຼື</div> <div> ເທົ່າກັບ 75% ຂອງຈຳນວນເດັກນ້ອຍໃນທົ່ວປະເທດ ຕ້ອງປະສົບກັບການໃຊ້ຄວາມຮຸນແຮງທີ່ເກີດມາຈາກການໃຊ້ງານ</div> <div> ນະໂຍບາຍໃໝ່ດ່ັງກ່າວ ຈະໃຊ້ເກີນຈຳນວນ 220 ລ້ານໂດລາສະຫະລັດ (ປະມານ 1.749 ຕື້ກີບ) ເພື່ອສ້າງເປັນໂຄງການ</div> <div> ສົ່ງເສີມສຸຂະພາບ ການສຶກສາ ການດຳລົງຊີວິດ ການປົກປ້ອງ ແລະ ເກັບກຳຂໍ້ມູນກ່ຽວກັບສະພາບຂອງເດັກ.</div> <div> ອີກຂ່າວໜຶ່ງຈາກ ຟີລິບປິນ ແມ່ນການເກືອດຫ້າມບໍ່ໃຫ້ໃຊ້ອາວຸດປືນຢ່າງເດັດຂາດ ຄຳສັ່ງນີ້ມີຜົນສັກສິດແຕ່ວັນທີ 13 ມັງ</div> <div> ກອນ ປີ 2013 ເຖິງວັນທີ 13 ມິຖຸນາປີນີ້ ໄລຍະຜົນສັກສິດຂອງຄຳສັ່ງຫ້າມນີ້ ກວມເອົາໄລຍະກະກຽມ ແລະ ດຳເນີນທາງ</div> <div> ເລືອກຕັ້ງກາງສະໄໝໃນເດືອນພຶດສະພາໜ້ານີ້ ພາຍໃຕ້ຄຳສັ່ງນີ້ ຈະບໍ່ມີໃຜໄດ້ຮັບອະນຸຍາດໃຫ້ຖືອາວຸດຈ້າງຄົນປ້ອງກັນ</div> <div> ຕົວທີ່ປະກອບອາວຸດ ບໍ່ມີສິດຂົນສົ່ງອາວຸດ ວັດຖຸລະເບີດ ວັດຖຸເພື່ອຜະລິດປືນ ຫຼື ຊິ້ນສ່ວນເພື່ອຜະລິດປືນ ພາກສ່ວນທີ່ສາ</div> <div> ມາດຖືອາວຸດໄດ້ມີພຽງກອງກຳລັງທະຫານ ຕຳຫຼວດ ແລະ ປະທານາທິບໍດີເອງ ໃນປີ 2012 ທາງການໄດ້ຂຶ້ນທະບຽນອະນຸ</div> <div> ຍາດໃຊ້ປືນຈຳນວນ 1,2 ລ້ານກະບອກ ແຕ່ໃນຂະນະດຽວກັນ ພັດຍັງມີປືນຈຳນວນ 600.000 ກະບອກ ແຈກຢາຍຢູ່ໃນ</div> <div> ສັງຄົມ ແຕ່ບໍ່ໄດ້ຂຶ້ນທະບຽນ.</div> <div> ຢູ່ ມາເລເຊຍ ທາງການໄດ້ປະກາດວ່າ ຈະເພີ່ມມາດຕະການກວດກາການຂົນສົ່ງງາຊ້າງຜິດກົດໝາຍທີ່ອາໄສປະເທດນີ້</div> <div> ເປັນທາງຜ່ານ ຂໍ້ລິເລີ່ມດ່ັງກ່າວມີຂຶ້ນພາຍຫຼັງທາງການມາເລເຊຍ ສາມາດຢຶດໄດ້ງາຊ້າງດິບໆ ຈຳນວນ 1.500 ອັນ ນ້ຳ</div> <div> ໜັກ 24 ໂຕນ ຈາກປະເທດໂຕໂກ ມີມູນຄ່າເຖິງ 20 ລ້ານໂດລາສະຫະລັດ.</div> <div> ທີ່ ສິງກະໂປ ທາງການໄດ້ປະກາດຂະຫຍາຍພື້ນທີ່ປອດຄວັນຢາສູບ ເຊິ່ງມີຜົນສັກສິດແຕ່ວັນທີ 15 ມັງກອນ ປີນີ້ ເປັນຕົ້ນ</div> <div> ມາ ເນື້ອທີ່ຂະຫຍາຍດ່ັງກ່າວກວມເອົາທາງເຊື່ອມຕຶກອາຄານ ຂົວ ເດີ່ນໂຮງໝໍ ປ້າຍຈອດລົດປະຈຳທາງ ໃນ 3 ເດືອນທຳ</div> <div> ອິດ ທາງການຈະໃຊ້ຮູບການຕັກເຕືອນແນະນຳ ແຕ່ຫາກໃຜລະເມີດເປັນຄັ້ງທີ 2 ຈະຖືກປັບໄໝສູງເຖິງ 1.000 ໂດລາສິງ</div> <div> ກະໂປ.</div> <div> <strong>ໂດຍ: ວິເສດ ສະແຫວງສຶກສາ</strong></div>

ຂ່າວທີ່ກ່ຽວຂ້ອງ