ຂ່າວຫຼ້າສຸດ

ອັນໃດເປັນສາເຫດໃຫ້ເສັ້ນທາງເປເພກ່ອນເວລາ

2.739 03 ມ.ກ. 2013 ນານາສາລະ

<p>  </p> <div> ບັນຫາທາງຖະໜົນເພ ເປັນບັນຫາໜັກໃຈສຳລັບຄົນເດີນທາງ ເພາະປະຊາຊົນລາວສ່ວນໃຫຍ່ຍັງເພ່ິງພາອາໄສການເດີນທາງດ້ວຍລົດ</div> <div> ຍົນເປັນສ່ວນຫຼາຍ ດັ່ງນັ້ນ ການໄປທຳທຸລະສ່ວນຕົວ ຫຼື ໄປທາງການຈຶ່ງນິຍົມໃຊ້ລົດໃຊ້ຖະໜົນ ຫຼື ໄປທາງບົກເປັນສ່ວນໃຫຍ່ ຖ້າເອີ່ຍ</div> <div> ໃສ່ພາຫະນະອື່ນ ເຊັ່ນ: ທາງອາກາດໂດຍເຮືອບິນ ລາຄາກໍຂ້ອນຂ້າງແພງ ຖ້າທຽບໃສ່ລາຍຮັບຂອງຄົນ ຖ້າໄປທາງເຮືອກໍຊ້າ ຖ້າເປັນ</div> <div> ຂາຂຶ້ນ ຂາລ່ອງອ່າວໄຄແດ່ ໄວຍ້ອນນ້ຳສົ່ງ ຖ້າຍາມແລ້ງກໍມີບັນຫາເພາະນ້ຳບົກແຫ້ງໄວ ເມື່ອສອງສາມປີມານີ້ຍິ່ງຜິດສັງເກດ ແຫ້ງໄວ</div> <div> ຫຼາຍ ແມ່ນແຕ່ເຮືອເອງຍັງຫານ້ຳພໍຈອດນອນທ່າກໍຍັງຍາກ ຍ້ອນແນວນັ້ນ ທາງລົດຈຶ່ງຍັງເປັນທາງເລືອກທີ່ດີສຸດ.</div> <div> ເມື່ອເອີ່ຍເຖິງການເດີນທາງລົດ ກໍແມ່ນຕ້ອງຖາມຫາເສັ້ນທາງ ເພາະຈຸດພິເສດທາງບ້ານເຮົາມີທັງແລ່ນຢູ່ໃນທົ່ງພຽງ ແລະ ເທິງພູສູງ</div> <div> ເຊິ່ງຄົດລ້ຽວໄປຕາມຮ່ອມຫ້ວຍພູເຂົາ ຕາມທີ່ຜູ້ອອກແບບກໍ່ສ້າງວາງໄວ້ ໃນບາງປີດິນຟ້າອາກາດມີການປ່ຽນແປງ ຖະໜົນຫົນທາງກໍມີ</div> <div> ບັນຫາ ໂດຍສະເພາະຍາມລະດູຝົນ ເມື່ອພາຍຸມາຫຼາຍ ທາງເທິງພູສູງກໍເກີດມີນ້ຳປ່າໄຫຼຊຸໄຫຼທັ່ງ ເຮັດໃຫ້ທາງຂາດ ທາງເປ່ເພ ສ່ວນຢູ່</div> <div> ທົ່ງພຽງ ເມື່ອມີນ້ຳຖ້ວມຂັງ ແນ່ນອນທາງກໍເພໄດ້ເໝືອນກັນ ຖ້າອີງໃສ່ການສ້ອມແປງດ່ວນ ຕາມໃຈຢາກໄດ້ນັ້ນຄົງຍາກ ເພາະລະບົບ</div> <div> ວິທີເຮັດວຽກພວກເຮົາມັນຕ້ອງລາຍງານຕາມຂັ້ນ ເພື່ອການລໍຖ້າການອະນຸມັດຈຶ່ງສາມາດສ້ອມແປງໄດ້ ແຕ່ເຖິງຢ່າງໃດ ການສ້ອມ</div> <div> ແປງຊົ່ວຄາວພໍໃຊ້ໄດ້ຍັງແມ່ນວິທີການໜຶ່ງ ແຕ່ເສັ້ນທາງໃຊ້ໄດ້ຊົ່ວຄາວນີ້ລະ ເຮັດໃຫ້ການເດີນທາງຊັກຊ້າເສຍເວລາ.</div> <div> ສາເຫດຕົ້ນຕໍທີ່ພາໃຫ້ທາງ ຫຼື ຂົວເພ ອີກເຫດຜົນໜຶ່ງແມ່ນບັນຫານ້ຳໜັກເກີນ ແລະ ບໍ່ປະຕິບັດຕາມກົດໝາຍ ຂໍ້ກຳນົດ ກົດລະບຽບ</div> <div> ວາງອອກ ນ້ຳໜັກເກີນ ວິທີແກ້ບໍ່ແມ່ນເກັບຄ່ານ້ຳໜັກແລ້ວກໍແລ້ວໂລດ ຕ້ອງເອົານ້ຳໜັກນັ້ນຫຼຸດລົງຊ່ຳການແບກຫາບຂອງຂົວ ແລະ</div> <div> ທາງ ຕ້ອງນັບຖືລະບຽບນີ້ຢ່າງເດັດຂາດ ບໍ່ມີໃຜຈະລ່ວງລະເມີດໄດ້ ໂດຍສະເພາະຜູ້ປະກອບການຜູ້ຂົນສົ່ງ ກ່ອນຈະໃຊ້ທາງຕ້ອງຮູ້ເສັ້ນ</div> <div> ທາງ ຮູ້ລະບຽບກົດໝາຍ ແລະ ປະຫວັດກ່ຽວກັບທາງທີ່ຕົນຜ່ານໄປດີພໍຄວນ ນອກຈາກນ້ຳໜັກແລ້ວ ຍັງຈະຕ້ອງລະວັງເລື່ອງຄວາມສູງ</div> <div> ຄວາມຍາວອີກ ເນື່ອງຈາກວ່າທາງເທິງພູສູງບ່ອນລ້ຽວຈໍ້ ເມື່ອຂະໂມະກັນຮ່າງຍາວໆຂອງລົດຄັນໜຶ່ງອາດເດິ ຫຼື ຄຶອີກຄັນໜ່ຶງອອກທາງ</div> <div> ຕົກພູກໍໄດ້.</div> <div> ບັນຫາທີ່ເກີດຂຶ້ນກ່ຽວກັບອຸບັດເຫດ ຍ້ອນບໍ່ກຳໄດ້ສະພາບເສັ້ນທາງມີຫຼາຍ ຖ້າບໍ່ຈິງຈັງພ້ອມກັນປະຕິບັດ ນັບແຕ່ຜູ້ຂັບລົດ ຜູ້ປະກອບ</div> <div> ການ ທີ່ເຫັນແຕ່ການບັນທຸກຫຼາຍໆ ກໍຈະເກີດທາງເພ ອຸບັດເຫດຢ່າງຕໍ່ເນື່ອງ ຈະເອົາເງິນງົບປະມານມາສ້ອມຫຼາຍຊ່ຳໃດກໍບໍ່ພໍ ດ່ັງນັ້ນ</div> <div> ທາງທີ່ດີຕ້ອງເຫັນແກ່ປະໂຫຍດສ່ວນລວມ ຈຶ່ງຈະສາມາດເຮັດໃຫ້ທາງໃຊ້ໄດ້ຍາວນານຕໍ່ໄປ.</div> <div> ໂດຍ: ຊຽງກະເລນ</div>

ຂ່າວທີ່ກ່ຽວຂ້ອງ