... ເສຍດາຍ ! ເກີດມາບໍ່ກຸ້ມຄ່າ ...

3.196 27 ພ.ຈ. 2012 ນານາສາລະ

<p>  </p> <div> ຢູ່ນະຄອນຫຼວງເຮົານີ້! ມີຫຼາຍສິ່ງຫຼາຍຢ່າງທີ່ສະແດງໃຫ້ເຫັນວ່າ ຄຸນນະພາບຊີວິດທີ່ດີຂຶ້ນຂອງຄົນເຮົານໍ ? ຕົວຢ່າງເດັ່ນຊັດກໍຄົງຕາມ</div> <div> ທ້ອງຖະໜົນຫົນທາງລົດອັ່ງອໍ... ໄປມາຍາກຫຍຸ້ງຍາກແດ່ ? ແຕ່ກໍດີໃຈຄົນເລີ່ມຮັ່ງມີຂຶ້ນ... ມີເງິນຈຶ່ງຊື້ລົດຂີ່ໃຫ້ມັນສະບາຍ !... ຕໍ່ມາ</div> <div> ແມ່ນຄົນຕື່ນຕົວຮັກສາສຸຂະພາບຮ່າງກາຍ ດ້ວຍການໄປກວດພະຍາດ ແລະ ປິ່ນປົວສຸຂະພາບ ຕື່ນຕົວອອກກຳລັງກາຍທຸກຮູບແບບ</div> <div> ການຍ່າງຕາມສວນສາທາລະນະຫຼາຍຂຶ້ນ ຕື່ນຕົວໃນເລື່ອງການຢູ່-ການກິນຊອກຫາກິນແນວແຊບແພງກໍບໍ່ຕິ... ຊອກກິນແນວບຳລຸງສຸ</div> <div> ຂະພາບຮ່າງກາຍ ບໍ່ກິນຊະຊາຍ ຊອກເວລາອອກໄປທ່ຽວຕາມສະຖານທີ່ຕ່າງໆໃນມື້ວັນພັກ (ເສົາ-ອາທິດ) ບາງຄອບຄົວມີເງື່ອນໄຂກໍ</div> <div> ໄປທ່ຽວຕ່າງແຂວງ ຫຼື ຕ່າງປະເທດ... ສະຫຼຸບແລ້ວ ຄົນເລີ່ມສະແຫວງຫາຄວາມສຸກໃສ່ຕົວ... ໃສ່ຄອບຄົວຫຼາຍຂຶ້ນ.</div> <div> ຫາກເປັນຜູ້ສັງເກດຈະເຫັນວ່າ ຫ່າງຈາກນີ້ປະມານສິບປີ ການດຳລົງຊີວິດຂອງຄົນເມືອງຫຼວງແຕກຕ່າງກັນຫຼາຍ !.</div> <div> ໄປຄຽງຄູ່ກັນນັ້ນ ກໍບໍ່ປາສະຈາກໄດ້ ການຕໍ່ສູ້ຊອກຢູ່ກະທຳກິນທີ່ນັບມື້ນັບຫຍຸ້ງຍາກ... ວຽກເຮັດນັບມື້ຫາຍາກ !</div> <div> ເງິນຄຳນັບມື້ຫາຍາກ ! ລາຍຮັບບໍ່ພໍລາຍຈ່າຍ ! ອັນຕະລາຍແມ່ນໄລຍະຫ່າງລະຫວ່າງຜູ້ຮັ່ງ... ຜູ້ທຸກ ນັບມື້ຫຍັບອອກຫ່າງໄກກັນ ! ບໍ່</div> <div> ຕ້ອງເບິ່ງໄກ ເບິ່ງພີ່ເບິ່ງນ້ອງຕົວເອງ ເບິ່ງໝູ່ ເບິ່ງຄູ່...ຈິດໃຈບໍ່ຄືເກົ່າ ! ຄວາມໂອບເອື້ອອາລີມີໜ້ອຍ ! ຄວາມເຫັນແກ່ໂຕຫຼາຍຂຶ້ນ.</div> <div> ແຕ່ເຖິງຢ່າງໃດ ຄົນກໍຮັກຊີວິດຕົນຫຼາຍຂຶ້ນ ບໍ່ພຽງແຕ່ໄປໂຮງໝໍ... ຍັງມີພວກໄປຫາໝໍແນວອື່ນ (ໝໍນວດ ໝໍດູ-ໝໍເດົາ ນາງທຽມ ໄປ</div> <div> ຫາສິ່ງສັກສິດທີ່ແນມບໍ່ເຫັນ) ທັງໝົດນັ້ນກໍເພື່ອໃຫ້ສຸຂະພາບດີ ອາຍຸໝັ້ນຂວັນຍືນ ຮັ່ງມີດີໄດ້.</div> <div> ໃນການເຂົ້າສູ່ວົງວຽນອັນນັ້ນມີອັນດີ ແລະ ຫຍໍ້ທໍ້ໄປຄຽງຄູ່ກັນ ບາງຄົນໂຊກບໍ່ດີກໍໝົດເນື້ອໝົດຕົວ (ໄປຫາສິ່ງສັກສິດ) ກາຍເປັນສະມາ</div> <div> ຊິກໂດຍບໍ່ຮູ້ສຶກຕົວ (ມີຫຼາຍຢູ່ນະຄອນຫຼວງເຮົາ) ກົງກັນຂ້າມ ພວກໝໍພັດຮັ່ງມີຂຶ້ນ... ມີບ່ອນຢູ່ເຄຫາສະຖານໃຫຍ່ໂຕ ມີລົດລາພາຫະ</div> <div> ນະ ມີບໍລິວານອ້ອມຂ້າງອ້ອມແອວ...</div> <div> ທ້າຍທີ່ສຸດແລ້ວ ກໍແມ່ນຄົນເຮົາສ່ວນຫຼາຍບືນຕົວ ເພື່ອຢາກໃຫ້ມີຊີວິດຍືນຍາວ ມີຢູ່ມີກິນນໍ ? ແຕ່ກໍແປກ ມີຄົນຈຳນວນໜຶ່ງພັດມີການ</div> <div> ເຄື່ອນໄຫວທີ່ສ່ຽງຕໍ່ຊີວິດ ບໍ່ຢາກຍືນຍາວຄືໝູ່ເຊັ່ນ ພວກເສບຢາເສບຕິດເປັນອາຈິນ ພວກນັກເລັງອັນຕະພານ ພວກຂີ່ລົດໄວ ແລະ</div> <div> ພວກຄິດບ້າຂ້າຄີງຕາຍ.</div> <div> ສະນັ້ນ ເວລາເຫັນຂ່າວມໍລະນະກຳຈາກອຸບັດເຫດ ຈາກການຂ້າຕົວຕາຍ... ຫຼາຍຄົນຈຶ່ງຈົ່ມເສຍດາຍຊີວິດ ທີ່ເກີດມາບໍ່ກຸ້ມຄ່າ...ຕາຍ</div> <div> ໄວໂພດ... ຄັນແມ່ນຕາຍຍ້ອນພະຍາດຂອງຜູ້ກ່ຽວກໍພໍຮັບໄດ້.</div> <div> ໂດຍ: ແນວລາວ</div>

ຂ່າວທີ່ກ່ຽວຂ້ອງ