ຂ່າວຫຼ້າສຸດ

ກຳລັງໃຈຄືປັດໄຈສຳຄັນ ໃນການກ້າວສູ່ອະນາຄົດ

4.543 21 ພ.ຈ. 2012 ສຶກສາ
ກຳລັງໃຈຄືປັດໄຈສຳຄັນ ໃນການກ້າວສູ່ອະນາຄົດ

<p>  </p> <div> ກຳລັງໃຈຖືເປັນສຳຄັນໃນການຕັດສິນຫຼາຍບັນຫາທີ່ກ້າວເຂົ້າມາໃນຊີວິດຂອງແຕ່ລະຄົນ ເຊິ່ງແຕ່ລະບັນຫາກໍມີຄວາມແຕກຕ່າງກັນ</div> <div> ຕາມແຕ່ລະເງື່ອນໄຂ ສິ່ງແວດລ້ອມຂອງຖານະບຸກຄົນ ແຕ່ສິ່ງສຳຄັນສິ່ງໜຶ່ງໃນການກ້າວຜ່ານອຸປະສັກທີ່ວ່ານັ້ນ ຕ້ອງມີກຳລັງໃຈສູ້</div> <div> ເມື່ອມີກຳລັງໃຈ ບໍ່ວ່າບັນຫາຈະນ້ອຍ ຫຼື ໃຫຍ່ ຫຍຸ້ງຍາກພຽງໃດ ກໍສາມາດຜ່ານມາໄດ້ໂດຍງ່າຍດາຍ.</div> <div> ທ້າວ ກອງແກ່ນ ເຮີ ນັກຮຽນຊັ້ນ ປ5 ຂອງໂຮງຮຽນປະຖົມສົມບູນສົມສະຫວາດ ເມືອງປາກງື່ມ ນະຄອນຫຼວງວຽງຈັນ ເປັນນັກຮຽນຄົນ</div> <div> ໜຶ່ງທີ່ຜ່ານຜ່າອຸປະສັກພົບພໍ້ມໍລະສຸມຊີວິດມາແຕ່ອາຍຸຍັງນ້ອຍ ຫຼື ເວົ້າຢ່າງໜຶ່ງວ່າ ພໍຈື່ຄວາມໄດ້ກໍກາຍເປັນເດັກກຳພອຍ ໂຊກດີທີ່ມີ</div> <div> ຄອບຄົວຂອງນ້າບ່າວເອົາມາລ້ຽງ ແຕ່ຄາວນັ້ນ ພໍແຕ່ຈື່ຄວາມໄດ້ຕ້ອງສູ້ຊົນ ຍ້ອນສະພາບຂາດເຂີນທາງດ້ານຖານະການເງິນ ບວກກັບ</div> <div> ຄອບຄົວມີຫຼາຍຄົນ ຫາເຊົ້າກິນຄ່ຳ ແຕ່ຫົວໃຈດວງນ້ອຍຄົນນີ້ບໍ່ເຄີຍທໍ້ຖອຍ ຫຼື ຕ່ຳຄ້ອຍນ້ອຍໃຈ ແມ່ນບາງຄັ້ງກໍມີຄົນເວົ້າຢອກຫຼິ້ນວ່າ</div> <div> ເປັນລູກບໍ່ມີພໍ່ບໍ່ມີແມ່.</div> <div> ທ້າວ ກອງແກ່ນ ເຮີ ກ່າວວ່າ: ໄດ້ຍິນແຕ່ຄົນອື່ນເຂົາລືກັນວ່າ ມີວິຊາຄວາມຮູ້ແລ້ວໄດ້ດີ ສິ່ງນັ້ນຄືການສຶກສາຮ່ຳຮຽນ ເພາະສະນັ້ນ ຕົນ</div> <div> ເອງຈຶ່ງຕັ້ງໃຈຮຽນ ເຖິງແມ່ນວ່າຈະຮຽນບໍ່ເກັ່ງ ແຕ່ກໍພະຍາຍາມບຸກບືນຮ່ຳຮຽນ ຈະພົບອຸປະສັກເທົ່າໃດກໍບໍ່ທໍ້ຖອຍ ຢ່າງນ້ອຍກໍຍັງມີນ້າ</div> <div> ບ່າວຜູ້ທີ່ໃຫ້ກຳລັງໃຈມາໂດຍຕະຫຼອດ ເພິ່ນມັກບອກສະເໝີວ່າ: ສົມບັດບໍ່ມີໃຫ້ ແຕ່ຖ້າຢາກໄດ້ຕ້ອງຮຽນເອົາ ແລະ ພ້ອມຈະຊ່ວຍເຫຼືອ</div> <div> ເຕັມທີ່ຕາມເງື່ອນໄຂທີ່ມີ.</div> <div> ທ່ານ ນາວາ ເຮີ ຜູ້ເປັນ (ນ້າບ່າວ) ກ່າວວ່າ: ຖານະຄອບຄົວກໍທຳມະດາເປັນຊາວນາ ຫາເຊົ້າກິນຄ່ຳ ພໍ່ແມ່ຂອງທ້າວ ກອງແກ່ນ ເສຍ</div> <div> ຊີວິດຍ້ອນພະຍາດ ແຕ່ລາວຍັງອາຍຸພຽງ 4-5 ປີ ກໍເລີຍນຳເອົາຫຼານມາລ້ຽງແຕ່ຍັງນ້ອຍ ເຊິ່ງຕອນນັ້ນຕົນເອງກໍມີລູກນ້ອຍຢູ່ແລ້ວ 3</div> <div> ຄົນ ລວມຫຼານອີກ ເປັນ 4 ຄົນ ກໍຖືວ່າໜັກຢູ່ ແຕ່ກໍສູ້ຊົນເພື່ອອະນາຄົດຂອງລູກ ແລະ ຫຼານ ແຕ່ສຳລັບ ທ້າວ ກອງແກ່ນ ເປັນເດັກ</div> <div> ນ້ອຍທີ່ມີຄວາມອົດທົນ ສອນງ່າຍ ມີທັດສະນະຄຸນສົມບັດດີ ຊ່ວຍວຽກຄອບຄົວ ແລະ ຕັ້ງໃຈຮຽນ ບໍ່ເປັນພາລະໃຫ້ຄອບຄົວ ໄດ້ຮັບ</div> <div> ການຍ້ອງຍໍຈາກຄູ ເປັນທີ່ຮັກແພງຂອງຄູ ໝູ່ເພື່ອນ ແລະ ຄອບຄົວ.</div> <div> ໂຊກດີທີ່ທາງມູນນິທິຊ່ວຍເຫຼືອເດັກນ້ອຍຜູ້ດອຍໂອກາດຂອງຍີ່ປຸ່ນ ໂດຍຜ່ານອົງການກາແດງນະຄອນຫຼວງ ໃຫ້ການຊ່ວຍເຫຼືອ ມອບ</div> <div> ລົດຖີບ ແລະ ອຸປະກອນການຮຽນຈຳນວນໜຶ່ງ ໃນກາງປີ 2012 ທີ່ຜ່ານມາ ເປັນການໃຫ້ກຳລັງໃຈແກ່ເດັກຜູ້ຮຽນດີມີຄຸນສົມບັດ ແຕ່</div> <div> ຂາດທຶນໃນການຮຽນ ໄດ້ມີໂອກາດສຶກສາຮ່ຳຮຽນ ເປັນການບິແບ່ງຄວາມຮັກຊ່ວຍເຫຼືອແກ່ເດັກນ້ອຍ ໄດ້ມີກຳລັງໃຈສູ້ຊົນຕໍ່ໄປ.</div> <div> ທ້າວ ກອງແກ່ ເຮີ ໄດ້ສະເດງຄວາມຂອບໃຈນຳທ່ານຜູ້ໃຈບຸນທັງຫຼາຍທີ່ໃຫ້ການຊ່ວຍເຫຼືອໃນຄັ້ງນີ້ ແລະ ຈະນຳໃຊ້ອຸປະກອນທີ່ໄດ້ຮັບ</div> <div> ໂດຍສະເພາະລົດຖີບຄັນດັ່ງກ່າວໃຫ້ເປັນຜົນປະໂຫຍດ ເພື່ອຊຸກຍູ້ການຮຽນໃຫ້ດີຂຶ້ນກວ່າເກົ່າ ແລະ ຫວັງວ່າໂອກາດໜ້າຄົງຈະໄດ້ຮັບ</div> <div> ຄວາມເມດຕາຈາກບັນດາທ່ານອີກຄັ້ງ.</div>

ຂ່າວທີ່ກ່ຽວຂ້ອງ