ຂ່າວຫຼ້າສຸດ

ຢາໄດ້ເກັບດອກຫວ້ານ... ໃຫ້ຄ່ອຍອົດສາດົມດອກກະຈຽວແຄມຮົ້ວ

2.532 19 ພ.ຈ. 2012 ນານາສາລະ

<p>  </p> <div> “ ຢ່າໄດ້ເກັບດອກຫວ້ານບ້ານເພິ່ນມາຊົມ ໃຫ້ຄ່ອຍອົດສາດົມດອກກະຈຽວແຄມຮົ້ວ” ນີ້ແມ່ນຄຳຜະຫຍາພື້ນເມືອງທີ່ກາຍເປັນສຸພາສິດ</div> <div> ກະຕຸ້ນເຕືອນແນວຄິດຈິດໃຈຂອງຄົນເຮົາ ໃຫ້ຮູ້ຈັກປຽບທຽບ ຊັ່ງຊາ ອັນໃດດີ ອັນໃດບໍ່ດີ ໃນການເຊີດຊູນ້ຳໃຈເພິ່ງຕົນເອງ ກຸ້ມຕົນເອງ</div> <div> ແລະ ສ້າງຄວາມເຂັ້ມແຂງດ້ວຍຕົນເອງ.</div> <div> ດັ່ງທີ່ຮູ້ກັນດີແລ້ວວ່າ ສັງຄົມເຮົາໃນປັດຈຸບັນ ມີຫຼາຍແບບແຜນດຳລົງຊີວິດທີ່ເລັດລອດມາຈາກຫຼາຍທ່າອຽງ ເຊິ່ງຕິດພັນກັບການບໍ່</div> <div> ອອກແຮງງານ ຕິດພັນກັບຄວາມສະໜຸກສຸກສະບາຍ ຖືເອົາໜ້າຕາກຽດສັກສີເປັນໃຫຍ່ ສິ່ງດັ່ງກ່າວເຂົ້າມາຢ່າງບໍ່ຮູ້ສຶກຕົວ ດົນຕາມດົນ</div> <div> ເລີຍກາຍເປັນວັດທະນະທຳອີກຮູບແບບໜຶ່ງ ສິ່ງດັ່ງກ່າວອາດມາຈາດກະແສແຫ່ງການບໍລິໂພກນິຍົມ ໃຊ້ຈ່າຍເກີນຕົວ ນິຍົມແຕ່ສິ່ງ</div> <div> ຂອງຫຼູຫຼາ ຫຼື ສິນຄ້າຂອງເຄື່ອງໃຊ້ຍີ່ຫໍ້ດັງຈາກຕ່າງປະເທດ ເຮັດໃຫ້ສິນຄ້າຜະລິດພາຍໃນຖືກປິດລ້ອມ ຂາຍບໍ່ອອກ ຂາດການສົ່ງເສີມ</div> <div> ແລະ ຫົດຫາຍໄປ ໃນທີ່ສຸດການຜະລິດພາຍໃນກໍຢຸດສະງັກ ອາໄສແຕ່ການນຳເຂົ້າ.</div> <div> ສະພາບເປັນເຊັ່ນນີ້ ຍ່ອມແຕະຕ້ອງເຖິງເສດຖະກິດຂອງຊາດຢ່າງແນ່ນອນ ທ່າອ່ຽງການຫາຍໃຈຮ່ວມຮູດັງຜູ້ອື່ນມີສູງ ແລະ ສິນຄ້າໃນ</div> <div> ທ້ອງຕະຫຼາດສ່ວນໃຫຍ່ຈຶ່ງຄ້າຍໆກັບວ່າ ຈຳໜ່າຍສິນຄ້າຂອງຕ່າງປະເທດຢ່າງບໍ່ຮູ້ສຶກຕົວ ການຜະລິດພາຍໃນເມື່ອໄປບໍ່ໄດ້ ແນ່ນອນ</div> <div> ເງິນຕາຍ່ອມໄຫຼອອກຕາມມາ ດົນໄປກໍອາດມີສະພາບເງິນເຟີ້ ຫຼື ວິກິດການທາງການເງິນເກີດຂຶ້ນກໍໄດ້ ຄົນໃນສັງຄົມກໍອາດຈະມີສອງ</div> <div> ກຸ່ມຄື ຜູ້ທຸກ ແລະ ຜູ້ຮັ່ງ ເປັນແນວນັ້ນກໍຈະເປັນເລື່ອງບໍ່ເໝາະສົມ ເພາະມັນຂັດກັບເສັ້ນທາງເດີນແຫ່ງການກ້າວຂຶ້ນສັງຄົມນິຍົມໃນປະ</div> <div> ເທດເຮົາ.</div> <div> ໃນຄວາມເປັນຈິງແລ້ວສັງຄົມພວກເຮົາ ໂດຍສະເພາະອົງການປົກຄອງທຸກຂັ້ນກໍໄດ້ມີການປຸກລະດົມຂະບວນການການເພິ່ງຕົນເອງ</div> <div> ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງສະເໝີມາ ດ້ວຍການເລີ່ມຈາກນ້ອຍຫາໃຫຍ່ ແຕ່ຕ່ຳຫາສູງ ນັບແຕ່ການເຮັດສວນຄົວ</div> <div> ເພີ່ມພູນຜະລິດຜົນ ສົ່ງເສີມການນຳໃຊ້ສິນຄ້າທີ່ຜະລິດຈາກພາຍໃນເປັນຕົ້ນຕໍ ລາວເຮັດ ລາວໃຊ້ ລາວໄດ້ ລາວຈະເລີນ ແຕ່ປະກົດວ່າ</div> <div> ໄລຍະຫຼັງໆກະແສຟຸມເຟືອຍບໍລິໂພກນິຍົມ ຍັງເປັນກະແສທີ່ສ້າງໃຫ້ຄົນເຮົາທະເຍີທະຍານນຳສິ່ງລວງຕາ ຈົນຄົນຈຳນວນໜຶ່ງຖອນຕົວ</div> <div> ບໍ່ຂຶ້ນ ສິ່ງເລັກນ້ອຍໆຫາອັນໃຫຍ່ກໍອາໄສຕະຫຼາດຕ່າງປະເທດເປັນຕົວກຳນົດໝົດ.</div> <div> ເມື່ອເປັນແນວນັ້ນ ພວກເຮົາຄວນມີການເບິ່ງຄືນເຖິງພຶດຕິກຳດັ່ງກ່າວ ແລະ ມີແຕ່ສິ່ງດຽວຄືການສຶກສາອົບຮົມ ນຳພາແນວຄິດເທົ່ານັ້ນ</div> <div> ເຮັດຈັ່ງເພິ່ນ ແຕ່ຢ່າເຮັດຈັ່ງເພິ່ນ ເພາະປະເທດເຮົາຍັງດ້ອຍພັດທະນາ ບໍ່ທັນຫຼຸດພົ້ນຈາກຄວາມທຸກຍາກເທື່ອ ການທີ່ເຮົາໃຊ້ສິນຄ້າຟຸມ</div> <div> ເຟືອຍເຊັ່ນ: ລົດຍີ່ຫໍ້ດັງ ເຫຼົ້າ ນ້ຳຫອມ ເຄື່ອງໃຊ້ສອຍ ຂອງຢູ່ຂອງກິນ ຂອງຕ່າງປະເທດຍີ່ຫໍ້ດັງ ຄົນຕ່າງປະເທດທົ່ວໄປທີ່ກຳສະພາບ</div> <div> ໄດ້ດີ ເຂົາກໍບໍ່ໄດ້ຍ້ອງວ່າເສດຖະກິດເຮົາດີດອກ ເພາະທັງໝົດເຂົາຮູ້ວ່າເປັນປະເທດດ້ອຍພັດທະນາທີ່ເພິ່ງພາການຊ່ວຍເຫຼືອ ເປັນປະ</div> <div> ເທດທີ່ມີການກູ້ຢືມເພື່ອການສ້າງສາພັດທະນາເປັນປະເທດ ທີ່ຕ້ອງການການລົງທຶນສູງ ເພື່ອສ້າງລາຍຮັບເຂົ້າປະເທດ ດີບໍ່ດີເຂົາອາດ</div> <div> ຫົວຂວັນໃນກົກແຂ້ວ ວ່າເປັນຄົນບໍ່ຮູ້ຈັກຄວາມຊ້ຳ ແໜງສູ້ນຳເງິນທີ່ໃຊ້ຊື້ສິນຄ້າຟຸມເຟືອຍນັ້ນໄປນຳໃຊ້ປົດແກ້ຄວາມທຸກຍາກຈະບໍ່ດີ</div> <div> ກວ່າບໍ ? ດັ່ງນັ້ນ ຂໍຝາກຄຳສຸພາສິດວ່າ: ຢ່າໄດ້ເກັບດອກຫວ້ານບ້ານເພິ່ນມາຊົມ ໃຫ້ຄ່ອຍອົດສາດົມດອກກະຈຽວແຄມຮົ້ວ ດຸໝັ່ນ</div> <div> ຂະຫຍັນ ປະຢັດ ອົດທົນ ກໍຈະພົ້ນຈາກຄວາມທຸກຍາກຕາມເປົ້າແນ່ນອນ.</div> <div> <strong>ໂດຍ: ຊຽງເອງ</strong></div>

ຂ່າວທີ່ກ່ຽວຂ້ອງ