ຂ່າວຫຼ້າສຸດ

ພະຍາດລໍຖ້າບໍ່ໄດ້

1.731 13 ພ.ຈ. 2012 ນານາສາລະ

<p>  </p> <div> ປັດຈຸບັນສະພາບການໃຊ້ຍວດຍານພາຫະນະໃນປະເທດເຮົາ ມີການຂະຫຍາຍຕົວສູງຢ່າງຕໍ່ເນື່ອງ ເພື່ອຕອບສະໜອງຕາມຄວາມຮຽກຮ້ອງຕ້ອງ</div> <div> ການຂອງຜູ້ຊົມໃຊ້ລະດັບຕ່າງໆ ດັ່ງນັ້ນ ພາຫະນະທີ່ແລ່ນຕາມທາງຖະໜົນຈຶ່ງປະກອບມີ ລົດຈັກ ລົດເກັງ ກະບະ ບັນທຸກ ນັບແຕ່ປະເພດໃໝ່</div> <div> ປອກເຈ້ຍຍີ່ຫໍ້ຕ່າງໆທີ່ດັງທົ່ວໂລກ ເລີ່ມຈາກມືໜຶ່ງໄປຫາມື ສອງ ສາມ ແລະ ມືອື່ນໆ ເວົ້າສະເພາະໃນຕົວເມືອງ ຍາມເຂົ້າການ ເລີກການ ເຊິ່ງ</div> <div> ເປັນຊົ່ວໂມງຟ້າວຟັ່ງຈຳເປັນ ແມ່ນມີການຂັບເຄື່ອນຍາກທີ່ສຸດ ເນື່ອງຈາກມີລົດຄາ ລົດອັ່ງທາງ ຫາງສຽງບາງຄົນກໍວ່າຍາກຍ້ອນທາງນ້ອຍ ລົດ</div> <div> ຫຼາຍ ຫຼື ຍ້ອນເລີກການເວລາດຽວກັນ.</div> <div> ສິ່ງວ່າມາບໍ່ຖືກສະເໝີໄປ ຍ້ອນວ່າຄາວສ້າງທາງທຳອິດໃນຕົວເມືອງ (ເພື່ອຊີເກມ ແລະ 450 ປີ) ນັ້ນ ໃຜກໍວ່າທາງໃຫຍ່ ໄດ້ມາດຕະຖານ ຊໍ່າຊິ</div> <div> ແລ່ນລົດໄປມາແມ່ນຕໍ່ແຮງເຫຼືອເຟືອ ແຕ່ພໍຫຼັງຈາກນັ້ນ 2-3 ປີ ການເພີ່ມຂຶ້ນໃນການໃຊ້ລົດວ່ອງໄວທີ່ສຸດ ຕາມທາງໃຫຍ່ທາງນ້ອຍກໍຮູ້ສຶກວ່າ</div> <div> ແໜ້ນພໍປານປາກະປ໋ອງຄືເຂົາວ່າມາ ແຕ່ແນວໃດກໍຕາມ ຖ້າການຂັບຂີ່ມີລະບຽບວິໄນ ໄປມາຖືກກົດຈະລາຈອນ ຫຼື ມີຈິດໃຈຮູ້ຈັກເພິ່ນຈັກໂຕ</div> <div> ສິ່ງທີ່ລົດຄັບຄາກໍພໍໄປກັນໄດ້ ແຕ່ມີບາງຄົນໃຊ້ລົດໃຊ້ຖະໜົນບໍ່ເປັນ ຖືເອົາແຕ່ຈິດໃຈຕົນເປັນໃຫຍ່ ຈຶ່ງມັກເກີດມີບັນຫາຕາມມາ ໂດຍສະເພາະ</div> <div> ຜູ້ຂັບຂີ່ລົດຈັກບາງຄົນບໍ່ສາມາດລໍຖ້າໄຟແດງ-ໄຟຂຽວບໍ່ໄດ້ ຕ້ອງລ້ຽວຂວາໄປນຳລູກສອນຂຽວນຳຂະບວນຜູ້ມານຳໄຟຂຽວ ຈາກນັ້ນກໍລ້ຽວຊ້າຍ</div> <div> ບຸໝົ້ນລົດຄັນອື່ນມາທາງໃໝ່ ແລ້ວອອກໄປຕາມລູກສອນຂຽວລ້ຽວຂວາຂອງທາງເສັ້ນໃໝ່ ເຊິ່ງພາໃຫ້ສັບສົນ ປະກົດການດັ່ງກ່າວສ່ວນຫຼາຍ</div> <div> ແມ່ນກຸ່ມໄວໜຸ່ມ ແລະ ບາງຄັ້ງໄວກາງຄົນກໍມີ.</div> <div> ຍາມເຊົ້າປະມານ 6-7 ໂມງ ການລ່ວງໄຟແດງຍິ່ງຫຼາຍ ມີທັງລົດຈັກລົດໃຫຍ່ ບ່ອນໃດບໍ່ມີເຈົ້າໜ້າທີ່ຈະລາຈອນເຝົ້າຢູ່ ແມ່ນລ່ວງລະເມີດເປັນ</div> <div> ສ່ວນໃຫຍ່ ບາງຄັ້ງກໍຕຳກັນ ຫຼື ຫວິດຕຳກັນ ແລ້ວຮ້ອງດ່າກັນກໍມີ ການກະທຳດັ່ງກ່າວເປັນການສະແດງອອກເຖິງຄວາມບໍ່ຈົບງາມ ລະບຽບວິໄນ</div> <div> ຕ້ອງປະຕິບັດຕະຫຼອດ 24 ຊົ່ວໂມງ ບໍ່ແມ່ນຍາມໃດກໍອົດລໍຖ້າໄຟແດງບໍ່ໄດ້ ບັນຫານີ້ສະແດງໃຫ້ເຫັນວ່າ ເຖິງຄົນມີລົດມີເງິນ ແຕ່ຫາຄວາມສີວິ</div> <div> ໄລໃສ່ຕົນເອງບໍ່ມີເລີຍ.</div> <div> ດັ່ງນັ້ນ ຕ້ອງຮ່ຳຮຽນເປັນຄົນດີ ມີຄວາມສີວິໄລ ທັງດ້ານຈິດໃຈໃນທ້ອງຖະໜົນຫຼວງ ຈຶ່ງສົມວ່າເປັນຄົນນະຄອນ ຖ້າປະພຶດບໍ່ຖືກລະບຽບກົດໝາຍ</div> <div> ກໍຂໍໃຫ້ຄຶດຄັກໆວ່າ ເຮົາເປັນໃຜ ເປັນຫຍັງລໍຖ້າໄຟແດງບໍ່ໄດ້ ເຮົາຄວນໄປຢູ່ບ່ອນບໍ່ມີໄຟແດງຊິບໍ່ດີບໍ ? ມັນຈຶ່ງບໍ່ຈຳເປັນລໍຖ້າໄຟແດງໃຫ້ຍາກໃຈ</div> <div> ຖ້າຢູ່ໃນເມືອງ ຕ້ອງເປັນຄົນເມືອງນຳເພິ່ນເນີ ໆໆ.</div>

ຂ່າວທີ່ກ່ຽວຂ້ອງ