ຫ້ອງນ້ຳ...ບໍລິການຍາມບຸນ

1.823 30 ຕ.ລ. 2012 ນານາສາລະ

<p>  </p> <div> ເຂົ້າສູ່ລະດູແລ້ງບຸນສິນກິນທານຫຼາຍຂຶ້ນ ເດືອນຕຸລານີ້ ບຸນຍິ່ງໃຫຍ່... ມວນຊົນເຂົ້າຮ່ວມຫຼາຍຢູ່ນະຄອນຫຼວງວຽງຈັນເຮົາ ກໍຄົງແມ່ນບຸນຊ່ວງເຮືອ</div> <div> ທ່າວັດຈັນ.</div> <div> ປີນີ້ເຈົ້າພາບມີແຜນກະກຽມຫຼາຍຢ່າງ... ບໍລິສັດຮັບສຳປະທານກໍມີບົດຮຽນ ເພາະຖອດຈາກປີຜ່ານມາ... ສະນັ້ນຈຶ່ງຄິດວ່າ ຫຼາຍບັນຫາຄົງໄດ້ຮັບ</div> <div> ການປັບປຸງແກ້ໄຂດີຂຶ້ນ.</div> <div> ແຕ່ເພື່ອນຜູ້ອ່ານຍັງສະແດງຄວາມເປັນຫ່ວງເລື່ອງຫ້ອງນ້ຳສາທາລະນະ ເພາະວ່າຄົນໄປຫຼິ້ນບຸນສ່ວນຫຼາຍແມ່ນເອົາເຂົ້າຫຼາຍ ເປັນຕົ້ນແມ່ນພວກ</div> <div> ເຄື່ອງດື່ມ ບໍ່ວ່ານ້ຳ ກໍຄືເບຍ... ເມື່ອເອົາເຂົ້າແລ້ວມັນກໍຕ້ອງເວົ້າເຖິງການເອົາອອກ ! ຫຼາຍປີຜ່ານມາພວກຜູ້ຊາຍມັກເສຍມາລະຍາດ ທັນໃສແມ່ນ</div> <div> ປ່ອຍທຸກໂລດ ! ສ່ວນພວກຜູ້ຍິງກໍລຳບາກ ບັນດາຫ້ອງນ້ຳຈາກຮ້ານອາຫານ ຮ້ານກິນດື່ມກໍມີຫຼາຍຢູ່ ແຕ່ບໍ່ຄ່ອຍພຽງພໍ.</div> <div> ມີຜູ້ຕັ້ງບັນຫາວ່າ: ຄວນສົ່ງເສີມໃຫ້ມີການລົງທຶນສ້າງຫ້ອງນ້ຳສາທາລະນະແບບເຄື່ອນທີ່... ຄິດວ່າຕົ້ນທຶນຄົງບໍ່ສູງປານໃດ? ຄັນແມ່ນກຸ່ມບໍລິສັດ</div> <div> ໂຄລາວ ຄິດອອກ ປະດິດລົດອອກມາສະເພາະ ແຮ່ງເປັນການດີ ຄຽງຄູ່ກັບການປະດິດລົດແນວອື່ນ !.</div> <div> ຜູ້ຂຽນສະໜັບສະໜູນແນວຄິດຫ້ອງນ້ຳສາທາລະນະແບບເຄື່ອນທີ່ ແລະ ເຄີຍຂຽນຫຼາຍເທື່ອໃນຄໍລຳພວກເຮົາ ເພາະໃນຕົວຈິງບໍ່ແມ່ນແຕ່ບຸນຊ່ວງ</div> <div> ເຮືອ ບຸນພຣະທາດຫຼວງທໍ່ນັ້ນ ! ບຸນປະເພນີອື່ນໆເຊັ່ນ: ບຸນບ້ານ ບຸນບັ້ງໄຟ ຫຼືວ່າໃນງານອື່ນໆ ຫ້ອງນ້ຳສາທາລະນະແບບເຄື່ອນທີ່ກໍສາມາດ</div> <div> ເຂົ້າໄປບໍລິການສ້າງລາຍຮັບໄດ້ແນ່ນອນ !.</div> <div> ຫາກເວົ້າເຖິງໃນແງ່ວັດທະນະທຳແລ້ວແຮ່ງຈົບງາມ ! ເປັນວິຖີຊີວິດຂອງຄົນຍຸກໃໝ່ ຄົນມີວັດທະນະທຳ ບໍ່ແມ່ນຊິໄປປ່ອຍທຸກຊະຊາຍ...ຫາກເບິ່ງ</div> <div> ເລິກໄປເຖິງເງື່ອນໄຂສຸຂະພາບ ອະນາໄມ ກໍແຮ່ງເປັນເລື່ອງສຳຄັນ ລວມໄປເຖິງສະພາບແວດລ້ອມທີ່ດີ ແລະ ສວຍງາມ.</div> <div> ສຳຄັນກວ່ານັ້ນ ປີນີ້ແມ່ນປີທ່ອງທ່ຽວລາວ ແຂກຄົນເຂົ້າມາຫຼາຍ... ຫາກທຸລະກິດນີ້ເຄື່ອນໄຫວແຂງແຮງ ມີຈອດຢູ່ຕາມຈຸດສຳຄັນຂອງແຫຼ່ງທ່ອງ</div> <div> ທ່ຽວຢູ່ນະຄອນຫຼວງເຮົາແລ້ວ ແຮ່ງຈະສ້າງຄວາມປະທັບໃຈແກ່ນັກທ່ອງທ່ຽວ.</div> <div> ບໍ່ແມ່ນແຕ່ຫ້ອງນ້ຳເຄື່ອນທີ່ເນີ ! ເລື່ອງຄວາມສະຫງົບ... ຄວາມສະບາຍຕາກໍຄວນໄດ້ເຂັ້ມງວດ ປີຜ່ານມາຄົນໄປທ່ຽວບຸນຊ່ວງເຮືອສ່ອງແສງວ່າ:</div> <div> ຕາມສວນສາທາລະນະ ຕາມພຸ່ມໄມ້...ໃບຫຍ້າທີ່ຫ່າງຈາກບໍລິເວນຊຸມຊົນ ເບື້ອງໂຮງແຮມດອນຈັນພາເລດນັ້ນ ເຫັນຊາວໜຸ່ມທັງຍິງ-ຊາຍ ສະ</div> <div> ແດງຄວາມຮັກຄວາມແພງຕໍ່ກັນບໍ່ຄ່ອຍເໝາະສົມກັບຮີດຄອງປານໃດ? ຊິແມ່ນເຂົາເມົາຕິບໍ?.</div> <div> ຄວນມີແທ້ນໍ ? ຫ້ອງນ້ຳເຄື່ອນທີ່.</div> <div> <strong>ໂດຍ: ແນວລາວ</strong></div>

ຂ່າວທີ່ກ່ຽວຂ້ອງ