ຂ່າວຫຼ້າສຸດ

ຄັນເຮັດເຂັ້ມງວດ ທຸກຢາງກໍດີຂຶ້ນ

1.757 25 ຕ.ລ. 2012 ນານາສາລະ

<p>  </p> <p> ວັນສຸກທີ19 ຕຸລາ 2012 ໄດ້ອ່ານຂ່າວໜ້າຊື່ນຊົມຍິນດີ... ຂ່າວອັນທີໜຶ່ງ ແມ່ນເຈົ້າໜ້າທີ່ເຂັ້ມງວດ ອຸບັດເຫດຢູ່ນະຄອນຫຼວງວຽງຈັນເຮົາກໍຫຼຸດຜ່ອນລົງ (ຈາກໜັງສືພິມລາວພັດທະນາ) ຄືໃນອາທິດຜ່ານມາມີອຸບັດເຫດເກີດຂຶ້ນພຽງ25 ກໍລະນີ.</p> <p> ຂ່າວອັນທີສອງ ຫຼັງລັດຄຸມເຂັ້ມລາຄາສິນຄ້າ ເປັນຕົ້ນລາຄາຊີ້ນໝູຢູ່ຕະຫຼາດໜອງຈັນ ເລີ່ມຫຼຸດລົງແຕະແພດານລາຄາຊີ້ນຳຂອງພະແນກອຸດສາຫະກຳ ແລະ ການຄ້ານະຄອນຫຼວງ (ຈາກໜັງສືພິມປະຊາຊົນເສດຖະກິດ-ສັງຄົມ).</p> <p> <strong>ເຫັນບໍ</strong><strong>? </strong><strong>ທຸກຢ່າງຫາກການຈັດຕັ້ງເຮັດເຂັ້ມງວດ ມັນກໍດີຂຶ້ນ</strong><strong>ແລະ</strong><strong>ເຂົ້າສູ່ລະບຽບ</strong><strong>.</strong></p> <p> ຄໍລຳພວກເຮົາເຄີຍສ່ອງແສງປະກົດການຫຍໍ້ທໍ້ໃນສັງຄົມຫຼາຍຢ່າງ ແຕ່ກໍຕ້ອງຍອມຮັບວ່າມີຫຼາຍສິ່ງຫຼາຍຢ່າງຖືກແກ້ໄຂດີຂຶ້ນ ໜ້າຊົມເຊີຍ ແລະ ຍ້ອງຍໍສັນລະເສີນພາກສ່ວນຈັດຕັ້ງປະຕິບັດ.</p> <p> ໃນການສ່ອງແສງຄໍລຳພວກເຮົາກໍຍອມຮັບວ່າການຈັດຕັ້ງປະຕິບັດນັ້ນລຳບາກ... ຫຍຸ້ງຍາກ ບໍ່ງ່າຍຄືການເວົ້າແຕ່ປາກ... ໃຜບໍ່ເຮັດບໍ່ຮູ້ຫຼືບໍ່ຖືກໃຜບໍ່ຮູ້?.</p> <p> ເມື່ອເປັນເຊັ່ນນີ້ຄໍລຳເຮົາຈຶ່ງເຫັນໃຈຜູ້ປະຕິບັດເຫັນໃຈການຈັດຕັ້ງ.</p> <p> ທີ່ຍົກສອງວຽກມາກ່າວເຖິງກໍເພາະວ່າ ຢາກໃຫ້ວຽກຂອງຂະແໜງການອື່ນທີ່ຍັງບໍ່ຄ່ອຍເຂັ້ມງວດນັ້ນ ຕ້ອງໄດ້ພິຈາລະນາແລະຕັ້ງເປັນບັນຫາວ່າເພິ່ນເຮັດໄດ້ !... ພວກເຮົາກໍເຮັດໄດ້ຄືກັນ ! ຈຸດໜຶ່ງອີກແມ່ນຢາກໃຫ້ຮັກສາມູນເຊື້ອອັນນີ້ໄວ້ຕະຫຼອດໄປ.</p> <p> ເປັນຕົ້ນແມ່ນການຈັດສັນການສັນຈອນຕາມທ້ອງຖະໜົນໃນທຸກເສັ້ນທາງຢູ່ນະຄອນຫຼວງ ກໍຂໍໃຫ້ເປັນຄືເວລານີ້ຕະຫຼອດໄປ... ເວລາຈະເປັນເຈົ້າພາບໃດໜຶ່ງ! ການປະດັບປະດາເອ້ຍ້ອງຖະໜົນຫົນທາງ ການອະນາໄມທຳຄວາມສະອາດຖະໜົນຫົນທາງ ແລະ ເຮືອນຊານບ້ານຊ່ອງ ການກວດກາເວນຍາມເຄັ່ງຄັດ...</p> <p> ຂໍນຳເທາະ! ຢ່າໃຫ້ສັງຄົມເວົ້າສຽດສີແນວບໍ່ມ່ວນຫູວ່າ:ກອງປະຊຸມແລ້ວກໍແລ້ວໄປນຳ!.</p> <p> ຈະມີກອງປະຊຸມຫຼືບໍ? ການສ້າງສາພັດທະນາການເຄື່ອນໄຫວດຳລົງຊີວິດຂອງຄົນເຮົາ! ໂດຍສະເພາະຄົນຢູ່ນະຄອນຫຼວງວຽງຈັນ ກໍຈະເປັນແນວນີ້ ແລະ ສືບຕໍ່ພັດທະນາໄປຢ່າງໝັ້ນຄົງ!.</p> <p> ຂໍຮຽກຮ້ອງໃຫ້ໝົດທຸກທ່ານໃນທົ່ວສັງຄົມນະຄອນຫຼວງພວກເຮົາເປັນເຈົ້າການ ຮ່ວມກັນສ້າງສາພັດທະນານະຄອນຫຼວງຂອງເຮົາ ໃຫ້ຈະເລີນຮຸ່ງເຮືອງສີວິໄລ...</p> <p> ເດັດຂາດລົບລ້າງຄຳກ່າວຂວັນເລື່ອງ ມີກອງປະຊຸມຈຶ່ງມີການສ້າງສາສ້ອມແປງ ເພາະການພັດທະນາແມ່ນວຽກຍາວນານແລະຍືນຍົງ.</p> <p> <strong>ໂດຍ: ແນວລາວ</strong></p>

ຂ່າວທີ່ກ່ຽວຂ້ອງ