ການອະນຸມັດຄວນເບຶ່ງຄືນ!

2.549 09 ຕ.ລ. 2012 ນານາສາລະ

<p>  </p> <p style="text-align: justify; "> ເວົ້າ​ເລື່ອງ​ການ​ສັນ­ຈອນ​ແອ​ອັດ​ນີ້ ມີ​ຄຳ​ເຫັນ​ວ່າ: ມັນ​ມີ​ສ່ວນ​ຈາກ​ການ​ສ້າງ​ຕະ­ຫຼາດ ສ້າງ​ຮ້ານ​ສັບ­ພະ​ສິນ­ຄ້າ ສູນ​ການ​ຄ້າ​ໃນ​ຈຸດ​ທີ່​ບໍ່​ເໝາະ​ສົມ... ເພິ່ນ​ຍົກ​ຕົວ­ຢ່າງ​ບໍ­ລິ­ເວນ​ຕະ­ຫຼາດ​ເຊົ້າ ໜອງ​ຈັນ... ຂົວ​ດິນ... ຖະ­ໜົນ​ຄູ​ວຽງ ໃນ​ອີກ​ສອງ​ປີ​ຂ້າງ​ໜ້າ​ນີ້ ກ່ອນ​ຈະ​ອອກ ຫຼື ເຂົ້າ​ເຂດ​ນັ້ນ ຕ້ອງ​ໃຊ້​ເວ­ລາ​ຢ່າງ​ໜ້ອຍ​ສອງ​ຊົ່ວ­ໂມງ.</p> <p style="text-align: justify; "> ຕະ­ຫຼາດ​ເຊົ້າ​ພັດ­ທະ­ນາ​ຊ່ຳ​ນັ້ນ​ກໍ​ພໍ­ແລ້ວ ! ດຽວ­ນີ້​ບ່ອນ​ຈອດ​ລົດ​ບໍ່​ພໍ ເບິ່ງ​ໂຄງ­ການ​ເຂດ​ດອນ​ຈັນ​ແຮ່ງ​ຫຼາຍ... ທາງ​ທີ່​ດີ​ຄວນ​ຈັດ​ໄປ​ຖະ­ໜົນ 450 ປີ ສຳ­ລັບ​ສູນ​ການ​ຄ້າ​ໃຫຍ່ໆ ເຫັນ​ບໍ​ຢູ່​ປະ­ເທດ​ເພື່ອນ​ບ້ານ ເຊັ່ນ: ປະ­ເທດ​ຫວຽດ­ນາມ ປະ­ເທດ​ໄທ...</p> <p style="text-align: justify; "> ລອງ​ສັງ­ເກດ​ເບິ່ງ​ແມ້ ? ເປັນ​ຫຍັງ​ຄົນ​ຈຶ່ງ​ໄປ​ສູນ​ການ​ຄ້າ​ໄອ​ເຕັກ ຫຼາຍ​ກວ່າ​ບ່ອນ​ອື່ນ? ເພາະ​ມັນ​ໄປ​ສະ­ດວກ ມີ​ບ່ອນ​ຈອດ​ລົດ​ກວ້າງ­ຂວາງ ກົງ­ກັນ­ຂ້າມ​ສູນ​ການ​ຄ້າ​ອາ​ຊຽນ​ມໍ​ຕັ້ງ​ໃໝ່ ຄົນ​ບໍ່​ໄປ​ພໍ​ຊ່ຳ​ໃດ ຍ້ອນ​ທີ່​ຕັ້ງ​ບໍ່​ເໝາະ.</p> <p style="text-align: justify; "> ຂ້າງ​ເທິງ​ນັ້ນ​ຄື​ຄຳ​ເຫັນ​ຂອງ​ເພື່ອນ​ຜູ້​ອ່ານ​ທ່ານ​ໜຶ່ງ​ສົ່ງ​ຂ່າວ​ເຖິງ​ຄໍ​ລຳ​ພວກ​ເຮົາ ໃນ​ວັນ​ທີ 26/9/2012 ຟັງ​ເພິ່ນ​ສ່ອງ​ແສງ ແລະ ຕັ້ງ​ເປັນ​ຂໍ້​ຄິດ ເບິ່ງ​ແລ້ວ​ປະ­ກົດ​ວ່າ​ມີ​ສ່ວນ​ຖືກ... ບໍ່​ແມ່ນ​ແຕ່​ສູນ​ການ​ຄ້າ​ທໍ່​ນັ້ນ​ດອກ! ຕາມ​ຄວາມ​ຄິດ​ຂອງ “ແນວ​ລາວ” ຫາກ​ຈັດ​ສັນ​ສຳ­ນັກ­ງານ-ອົງ­ການ​ຂອງ​ລັດ​ອອກ​ໄປ​ຊານ­ເມືອງ​ແຮ່ງ​ຊິ​ງ່າຍ ລົດ​ບໍ່​ຕິດ ເຊັ່ນ​ວ່າ: ຍ້າຍ​ກະ­ຊວງ​ຍຸ­ຕິ​ທຳ ກະ­ສິ­ກຳ ແລະ ໂຍ­ທາ ອອກ​ໄປ​ສ້າງ​ໃໝ່​ຢູ່​ບໍ­ລິ­ເວນ​ຖະ­ໜົນ 450 ປີ... ບໍ­ລິ­ເວນ​ເກົ່າ​ນັ້ນ​ປະ​ເປັນ​ສວນ​ສາ­ທາ­ລະ­ນະ ແຮ່ງ​ຊິ​ງາມ... ເປັນ​ປອດ​ຂອງ​ເມືອງ​ໃຫຍ່ ຄັນ​ແມ່ນ​ໃຫ້​ສ້າງ​ໂຮງ­ແຮມ​ຂຶ້ນ​ແທນ ກໍ​ຊ່ຳ​ບໍ່​ວ່າ?.</p> <p style="text-align: justify; "> ໂຮງ­ໝໍ​ກໍ​ເຊັ່ນ​ກັນ ຍ້າຍ​ອອກ​ໄປ​ຊານ­ເມືອງ​ບ່ອນ​ທີ່​ມີ​ເນື້ອ­ທີ່​ກວ້າງ­ຂວາງ ເຂດ​ທ່າ​ງ່ອນ ພຸ້ນ​ກໍ​ບໍ່​ເປັນ​ຫຍັງ ຫຼື ວ່າ​ເຂດ​ເມືອງ​ປາກ​ງື່ມ ພຸ້ນ​ກໍ​ໄດ້.</p> <p style="text-align: justify; "> ເວົ້າ​ເລື່ອງ​ເນື້ອ­ທີ່​ນະ­ຄອນ­ຫຼວງ​ນີ້ ຕ້ອງ​ເປີດ​ກວ້າງ​ອອກ​ຕໍ່​ໄປ​ນີ້​ເມືອງ​ໂພນ​ໂຮງ ເມືອງ​ທຸ­ລະ­ຄົມ ແຂວງ​ວຽງ​ຈັນ ອາດ​ເປັນ​ເມືອງ​ໜຶ່ງ​ຂອງ​ນະ­ຄອນ­ຫຼວງ ຫຼື ວ່າ​ເມືອງ​ທ່າ​ພະ​ບາດ​ແຂວງ​ບໍ​ລິ​ຄຳ​ໄຊ... ເຫັນ​ບໍ? ນະ­ຄອນ­ຫຼວງ​ຮ່າ​ໂນ້ຍ ສ.ສ</p> <p style="text-align: justify; "> ຫວຽດ­ນາມ ເພິ່ນ​ຂະ­ຫຍາຍ​ກວ້າງ​ອອກ​ບໍ່​ຈັກ​ວ່າ​ທໍ່​ໃດ?.</p> <p style="text-align: justify; "> ກ້ຽວ​ມາ​ເລື່ອງ​ການ​ອະ­ນຸ­ມັດ​ໃຫ້​ຕັ້ງ​ສູນ​ການ​ຄ້າ ຕະ­ຫຼາດ ຄວນ​ໄດ້​ເບິ່ງ​ຄືນ​ນໍ? ບໍ່​ຊັ້ນ​ການ​ແກ້​ໄຂ​ລົດ​ອັ່ງ​ອໍ ການ​ສັນ­ຈອນ​ແອ​ອັດ​ແກ້​ບໍ່​ຕົກ ຄຽງ​ຄູ່​ກັນ​ນີ້ ກໍ​ເບິ່ງ​ຄືນ​ການ​ອະ­ນຸ­ຍາດ​ໃຫ້​ຊື້​ລົດ​ສ່ວນ​ຕົວ ຕ້ອງ​ມີ​ເພ­ດານ ບໍ່​ແມ່ນ​ໃຫ້​ຊື້​ຕາມ­ໃຈ​ເຫັນ​ບໍ? ນະ­ຄອນ­ຫຼວງ​ຫຼາຍ​ປະ­ເທດ ເຂົາ​ຕັ້ງ​ເປັນ​ບັນ­ຫາ ແລ້ວ​ຕິດ­ຕາມ​ເບິ່ງ ແມ້​ຢູ່​ບາງ­ກອກ ດຽວ­ນີ້​ຕຳ​ໜິ​ກັນ​ໜັກ ນະ­ໂຍ­ບາຍ​ປະ­ຊາ​ນິ­ຍົມ​ໂຄງ­ການ​ລົດ­ຍົນ​ຄັນ​ທຳ​ອິດ ເຂົາ​ມີ​ສະ­ຖິ­ຕິ​ວ່າ ຕັ້ງ­ແຕ່​ເດືອນ​ມັງ­ກອນ-ກໍ­ລະ­ກົດ ມີ​ລົດ​ໃໝ່​ມາ​ຈົດ​ທະ­ບຽນ 5 ແສນ 80 ພັນ​ຄັນ... ເຮັດ​ໃຫ້​ມີ​ຈຸດ​ລົດ​ແອ​ອັດ​ທີ່​ໄປ​ບໍ່​ເຖິງ 327 ຈຸດ... ການ​ຈອດ​ລົດ​ຕາມ​ແຄມ​ທາງ​ເພີ່ມ​ຂຶ້ນ.</p> <p style="text-align: justify; "> ແກ້​ຈຸດ​ກໍ່­ສ້າງ ປາບ​ພວກ​ມັກ​ຈອດ​ລົດ​ແຄມ​ທາງ​ເກີນ​ເວ­ລາ ກຳ­ນົດ​ເພ­ດານ​ຊື້​ລົດ​ສ່ວນ​ຕົວ​ບໍ່​ພຽງ­ພໍ ຕ້ອງ​ເພີ່ມ​ລະ­ບົບ​ຂົນ­ສົ່ງ​ສາ­ທາ­ລະ­ນະ​ຂຶ້ນ​ໃຫ້​ຫຼາຍ​ອີກ​ຫຼາຍ​ເທົ່າ​ຕົວ ເປັນ­ຕົ້ນ​ແມ່ນ​ລົດ­ເມ ລົດ​ປະ­ຈຳ​ທາງ ຄັນ​ແມ່ນ​ລະ­ບົບ​ຂົນ­ສົ່ງ​ສາ­ທາ­ລະ­ນະ​ດີ​ຂຶ້ນ... ຄຸນ​ນະ​ພາບ​ການ​ບໍ­ລິ­ການ​ດີ​ຂຶ້ນ (ແລ່ນ​ທຸກ​ຊົ່ວ­ໂມງ ຈອດ​ຕາມ​ສະ­ຖາ­ນີ ບໍ່​ແມ່ນ​ຈອດ​ຕາມ­ໃຈ​ຄົນ​ຂັບ) ຄິດ​ວ່າ​ຄົນ​ຈະ​ໃຊ້​ການ​ບໍ­ລິ­ການ​ຫຼາຍ​ຂຶ້ນ.</p> <p style="text-align: justify; "> ອັນ​ສຳ­ຄັນ​ເລັ່ງ​ດ່ວນ​ແມ່ນ​ການ​ແກ້ ຫຼື ປາບ​ພວກ​ມັກ​ຈອດ​ລົດ​ແຄມ​ທາງ​ເກີນ​ເວ­ລາ... ເພາະ­ວ່າ​ການ​ສ້າງ​ທາງ​ຈະ​ກວ້າງ­ຂວາງ​ປານ­ໃດ​ກໍ​ຕາມ ສູ້​ພວກ​ນີ້​ບໍ່​ໄດ້​ດອກ! ນະ­ຄອນ­ຫຼວງ​ຂອງ​ຫຼາຍ​ປະ­ເທດ​ແກ້​ບໍ່​ຕົກ.</p> <p style="text-align: justify; "> ຂໍ​ຝາກ​ຄຳ​ເຫັນ​ເຫຼົ່າ​ນີ້​ເຖິງ​ພາກ­ສ່ວນ​ກ່ຽວ­ຂ້ອງ​ພິ­ຈາ­ລະ­ນາ​ຕາມ​ທາງ​ຄວນ​ດ້ວຍ.</p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ