ເປັນຫ່ວງດອກ ! ຈຶ່ງບອກໃຫ້ຮູ້

2.295 08 ຕ.ລ. 2012 ນານາສາລະ

<p>  </p> <p style="text-align: justify; "> ວັນ​ເສົາ-ອາ­ທິດ​ຜ່ານ​ມາ ເປັນ​ມື້​ກຽມ ແລະ ເຮັດ­ບຸນ​ທາງ​ສາດ­ສະ­ໜາ​ພຸດ ໂດຍ​ສະ­ເພາະ​ແມ່ນ​ວັນ​ອາ­ທິດ ເປັນ​ບຸນ​ຫໍ່​ເຂົ້າ​ສະ­ຫຼາກ.</p> <p style="text-align: justify; "> ຫຼັງ​ຕັກ­ບາດ​ຢາດ​ນ້ຳ​ສຳ­ເລັດ ໄດ້​ພົບ​ປະ​ໂອ້​ລົມ​ກັບ​ເພື່ອນ​ຜູ້​ອ່ານ​ຫຼາຍ​ທ່ານ ແລະ ມີ​ຫຼາຍ​ບັນ­ຫາ​ຍົກ​ຂຶ້ນ​ມາ​ສົນ­ທະ­ນາ ໃນ​ນັ້ນ​ມີ​ເລື່ອງ: ຫ່ວງ​ນຳ​ການ​ເສບ​ຕິດ​ຄວາມ​ຂັດ​ແຍ້ງ​ຂອງ​ຄົນ​ເຮົາ​ຈຳ­ນວນ​ໜຶ່ງ ຕໍ່​ເຫດ­ການ​ຢູ່​ປະ­ເທດ​ໃກ້​ຄຽງ (ເສື້ອ​ແດງ-ເສື້ອ​ເຫຼືອງ ຢູ່​ໄທ)... ບໍ່​ທໍ່​ນັ້ນ ໃນ​ລະ­ຄອນ​ໂທລະ­ພາບ​ກໍ​ມີ​ແຕ່​ຄວາມ​ຂັດ​ແຍ້ງ... ເພິ່ນ​ເປັນ​ຫ່ວງ​ເພາະ​ເຫັນ​ວ່າ ມີ​ຄົນ​ຈຳ­ນວນ​ໜຶ່ງ​ເບິ່ງ ແລະ ຕິດ­ຕາມ​ແບບ​ຂາດ​ບໍ່​ໄດ້ ວ່າ​ຊັ້ນ !.</p> <p style="text-align: justify; "> <strong>ເພື່ອນ​ຜູ້​ໜຶ່ງ​ຕັ້ງ​ບັນ­ຫາ​ວ່າ: </strong>ການ​ຕິດ ຫຼື ວ່າ​ເສບ​ຕິດ ຄວາມ​ຂັດ​ແຍ້ງ​ທີ່​ສະ­ແດງ​ອອກ​ຢູ່​ບ້ານ​ເພິ່ນ​ເມືອງ​ທ່ານ​ນັ້ນ <strong>ມີ​ອັນ​ດີ​ຫຼາຍ​ກວ່າ​ອັນ​ອ່ອນ </strong>ຫາ​ກວ່າ​ເຮົາ​ຮູ້​ຈຳ­ແນກ ແລະ ນຳ​ເອົາ​ບົດ­ຮຽນ​ທີ່​ອັນ­ຕະ­ລາຍ​ນັ້ນ​ມາ​ເປັນ​ສິ່ງ​ເຕືອນ­ໃຈ ແຕ່​ກົງ­ກັນ­ຂ້າມ ຫາກ​ຕິດ​ແບບ​ເຂົ້າ​ຂ້າງ​ອອກ​ຂາ​ແລ້ວ​ອັນ­ຕະ­ລາຍ ເພາະ​ມັນ​ສະ​ສົມ​ໂດຍ​ທີ່​ເຮົາ​ບໍ່​ຮູ້​ໂຕ... ທ້າຍ​ທີ່​ສຸດ​ກໍ​ປ່ຽນ­ແປງ​ກິ­ລິ­ຍາ​ມາ­ລະ­ຍາດ ຈາກ​ຄົນ​ສຸ­ຂຸມ​ຮອບ​ຄອບ ກາຍ­ເປັນ​ຄົນ​ມັກ​ຮ້າຍ​ງ່າຍ ແລະ ຫງຸດ​ຫງິດ​ງ່າຍ.</p> <p style="text-align: justify; "> ສຳ­ລັບ <strong>“</strong><strong>ແນວ​ລາວ</strong><strong>” </strong>ເຄີຍ​ຂຽນ​ມາ​ແລ້ວ​ວ່າ: ເກີດ​ເປັນ​ຄົນ​ລາວ​ນີ້​ມີ​ດີ​ຫຼາຍ​ຢ່າງ ໂດຍ​ສະ­ເພາະ<strong>ການ​ຮູ້​ຫຼາຍ​ພາ­ສາ</strong>... ເລີຍ​ພາ­ໃຫ້​ຮູ້​ຫຼາຍ​ສັງ­ຄົມ ໂດຍ​ສະ­ເພາະ<strong>ສັງ­ຄົມ​ຂອງ​ປະ­ເທດ​ທີ່​ມີ​ລະ­ບອບ​ການ­ເມືອງ​ແຕກ​ຕ່າງ​ຈາກ​ພວກ​ເຮົາ </strong>ແລະ ເຮົາ​ກໍ​ເຂົ້າ­ໃຈ​ພາ­ສາ ແລະ ສະ­ພາບ​ບ້ານ​ເມືອງ​ເຂົາ​ດີ... ສະ­ນັ້ນ ສິ່ງ​ໃດ​ບໍ່​ດີ​ບໍ່​ງາມ ບໍ່​ເປັນ­ຕາ​ສາ​ເທດ ເຮົາ​ກໍ​ຕ້ອງ​ຖື​ເປັນ​ສິ່ງ​ເຕືອນ­ໃຈ... ກຽມ­ພ້ອມ​ຫາ​ກວ່າ​ມັນ​ຈະ​ເກີດ​ຂຶ້ນ.</p> <p style="text-align: justify; "> ສ່ວນ​ສາ­ເຫດ​ທີ່​ພາ­ໃຫ້​ຄົນ​ຕິດ​ເບິ່ງ​ຄວາມ​ຂັດ​ແຍ້ງ​ຄື​ກ່າວ​ມາ​ຂ້າງ​ເທິງ​ນັ້ນ ເພື່ອນ​ຮ່ວມ​ສົນ­ທະ­ນາ​ກ່າວ​ວ່າ: <strong>ອາດ​ເກີດ​ຈາກ​ຄວາມ​ຫງ່ວ​າມ​ເຫງົາ ຫຼື ອຸກ­ອັ່ງ </strong>ຈຶ່ງ​ມັກ​ເລື່ອງ​ຂໍ້​ຂັດ​ແຍ້ງ ເພາະ​ມັນ​ຕື່ນ­ເຕັ້ນ...ສົມ​ໃຈ...ສົມ­ນ້ຳ­ໜ້າ​ຂອງ​ຄູ່​ກໍ­ລະ­ນີ ເຫັນ​ແລ້ວ ເບິ່ງ​ແລ້ວ​ມັນ​ຜ່ອນ­ຄາຍ​ໄດ້ <strong>ບໍ່​ມີ​ຄວາມ­ສຸກ​ໃນ​ຊີ­ວິດ </strong>ບໍ່​ມີ​ວຸດ​ທິ­ພາ​ວະ ແລະ ປັນ­ຍາ​ທີ່​ຈະ​ສ້າງ​ຄວາມ­ສຸກ ຄວາມ​ສ້າງ­ສັນ​ໃຫ້​ຊີ­ວິດ ຍາມ​ໃດ​ກໍ​ຖື​ຕົນ​ເອງ​ຕ່ຳ​ຕ້ອຍ​ນ້ອຍ​ໃຈ ແລະ <strong>ຂາດ​ສະ­ຕິ​ປັນ­ຍາ ບໍ່​ຮູ້​ວິ­ທີ​ແກ້​ໄຂ​ບັນ­ຫາ</strong>ທີ່​ເກີດ​ຂຶ້ນ ຈຶ່ງ​ມັກ​ເບິ່ງ​ສັງ­ຄົມ​ທີ່​ມີ​ຄວາມ​ຂັດ​ແຍ້ງ ເພື່ອ​ວ່າ​ຈະ​ມີ​ທາງ​ອອກ.</p> <p style="text-align: justify; "> ສາ​ເຫດ­ການ​ເສບ​ຕິດ​ຄວາມ​ຂັດ​ແຍ້ງ​ນັ້ນ ເພື່ອນ​ບອກ​ວ່າ ອັນ­ຕະ­ລາຍ​ແທ້ໆ.</p> <p style="text-align: justify; "> ຄື​ເວົ້າ​ໃນ​ຂ້າງ​ຕົ້ນ​ວ່າ: ການ​ສົນ­ທະ­ນາ​ນີ້ ແມ່ນ<strong>ການ­ສະ­ແດງ​ອອກ​ເຖິງ​ຄວາມ​ເປັນ​ຫ່ວງ​ຊື່ໆ</strong>... ຫາກ​ບໍ່​ແມ່ນ​ໃນ​ສັງ­ຄົມ​ພວກ​ເຮົາ... ມັນ​ແມ່ນ​ສັງ­ຄົມ​ຂອງ​ປະ­ເທດ​ໃກ້​ຄຽງ ແຕ່​ຄົນ​ເຮົາ​ພັດ​ເບິ່ງ​ພັດ​ຕິດ ໂດຍ​ສະ­ເພາະ​ແມ່ນ​ລະ­ຄອນ​ທາງ​ໂທລະ­ພາບ.</p> <p style="text-align: justify; "> ແລ້ວ​ຊິ​ຫ້າມ​ຄົນ​ບໍ? ບໍ່​ແມ່ນ​ດອກ​ເນີ! ດຽວ­ນີ້​ໂລກ​ຍຸກ​ໃໝ່ ຍຸກ​ແຫ່ງ​ຂໍ້​ມູນ​ຂ່າວ­ສານ ປິດ​ກັ້ນ​ໄດ້​ຍາກ​ເນີ ! ຂໍ້​ມູນ​ຢູ່​ໃສ? ເກີດ​ຂຶ້ນ​ເວ­ລາ​ໃດ​ໃນ​ໂລກ​ໜ່ວຍ​ນີ້ ຮັບ​ຮູ້​ຜ່ານ​ລະ­ບົບ​ເຄືອ​ຂ່າຍ​ສື່­ສານ​ກັນ​ໝົດ ໃນ​ເວ­ລາ​ບໍ່​ເຖິງ​ນາ­ທີ​ຊ້ຳ ?.</p> <p style="text-align: justify; "> ມີ​ແຕ່<strong>ການ​ຕັກ­ເຕືອນ​ສຶກ​ສາ​ອົບ­ຮົມ​ກັນ</strong>ທໍ່​ນັ້ນ ຄື​ທາງ​ອອກ​ດີ​ທີ່​ສຸດ... ເບິ່ງ​ເຂົາ​ແລ້ວ​ນຳ​ເອົາ​ສິ່ງ​ທີ່​ຜິດ­ພາດ ສິ່ງ​ທີ່​ຈະ​ເປັນ​ອັນ­ຕະ­ລາຍ ມາ​ເປັນ​ສິ່ງ​ເຕືອນ­ໃຈ... ບໍ່​ກະ­ທຳ​ຕາມ... ບໍ່​ປະ​ເອີບ​ປະ​ເອີ ! ກໍ​ບໍ່​ເຫັນ​ວ່າ­ການ​ເບິ່ງ​ຄວາມ​ຂັດ​ແຍ້ງ​ອັນ​ນັ້ນ ຊິ​ເປັນ​ພິດ​ເປັນ​ໄພ​ຫຍັງ !.</p> <p style="text-align: justify; "> ອັນ​ສຳ­ຄັນ​ແມ່ນ​ຮູ້​ຈຳ­ແນກ ຈື່​ບໍ? ທ່ານ​ຜູ້­ນຳ​ເຄີຍ​ສັ່ງ­ສອນ​ໄວ້​ວ່າ: <strong>“... </strong><strong>ຕ້ອງ​ຮູ້​ຈຳ­ແນກ​ມິດ</strong><strong>-</strong><strong>ສັດ­ຕູ ຈະ­ແຈ້ງ...</strong><strong>”.</strong></p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ