ຂ່າວຫຼ້າສຸດ

ນັກການເມືອງຍິງໃນອາຊຽນ

2.409 03 ຕ.ລ. 2012 ນານາສາລະ

<p>  </p> <p style="text-align: justify; "> ກອງ​ປະ­ຊຸມ​ສະ­ມັດ­ຊາ​ລັດ​ຖະ​ສະ­ພາ​ລະ­ຫວ່າງ​ຊາດ​ອາ​ຊຽນ ຫຼື ໄອ​ປາ (AIPA) ຄັ້ງ​ທີ 33 ທີ່​ສຳ­ເລັດ​ລົງ​ໝາດໆ ໃນ​ອາ­ທິດ​ທີ 3 ຂອງ​ເດືອນ​ກັນ­ຍາ​ປີ​ນີ້ ທີ່​ອິນ​ໂດ​ເນ​ເຊຍ ໄດ້​ພິ­ສູດ​ໃຫ້​ເຫັນ​ອີກ​ຄັ້ງ​ໜຶ່ງ​ເຖິງ​ບົດ­ບາດ​ຂອງ​ສະ­ມາ­ຊິກ​ເພດ​ຍິງ ໃນ​ລັດ​ຖະ​ສະ­ພາ​ບັນ­ດາ​ປະ­ເທດ​ສະ­ມາ­ຊິກ​ອາ​ຊຽນ ຫຼື ທີ່​ມັກ​ເອີ້ນ​ກັນ​ທົ່ວໆ​ໄປ​ວ່າ: ນັກ​ການ­ເມືອງ​ເພດ​ຍິງ ໃນ​ຂອບ​ຂອງ​ກອງ​ປະ­ຊຸມ​ໄອ​ປາ ແຕ່​ລະ​ປີ​ສະ­ມາ­ຊິກ​ລັດ​ຖະ​ສະ­ພາ​ທີ່​ເປັນ​ເພດ​ຍິງ ມີ​ເວ­ທີ​ສະ­ເພາະ​ພວກ​ຕົນ ເອີ້ນ​ວ່າ: ໄວ​ປາ (WAIPA-Women of AIPA) ເຊິ່ງ​ມີ​ຖາ­ນະ​ບົດ­ບາດ​ເປັນ​ກຳ­ມາ​ທິ​ການ​ໜຶ່ງ​ຂອງ​ໄອ​ປາ ໄວ​ປາ ໄດ້​ເລີ່ມ​ສ້າງ­ຕັ້ງ​ຂຶ້ນ​ໃນ​ປີ 1978ເພື່ອ​ເປັນ​ເວ­ທີ​ແລກ­ປ່ຽນ​ຄຳ​ຄິດ​ຄຳ​ເຫັນ ແລະ ຕົກ­ລົງ​ບັນ­ຫາ​ສຳ­ຄັນ​ທີ່​ພົວ­ພັນ​ເຖິງ​ສິດ­ທິ​ຂອງ​ແມ່­ຍິງ ແລະ ເດັກ­ນ້ອຍ​ທີ່​ຕິດ​ພັນ​ກັບ​ສິດ ແລະ ໜ້າ­ທີ່​ຂອງ​ລັດ​ຖະ​ສະ­ພາ ຕະ­ຫຼອດ 14ປີ­ຜ່ານ­ມາ ໄວ​ປາ ໄດ້​ຕົກ­ລົງ​ຮັບ­ຮອງ​ເອົາ​ຫຼາຍໆ​ມະ­ຕິ ກໍ​ຄື​ແຜນ​ປະ­ຕິ­ບັດ​ງານ ເພື່ອ​ປະ­ກອບ​ເຂົ້າ​ໃນ​ແຜນ​ງານ​ລວມ​ຂອງ​ໄອ​ປາ ເຊັ່ນ: ບັນ­ຫາ​ສິດ­ທິ​ຂອງ​ແມ່­ຍິງ​ທາງ​ການ­ເມືອງ ເສດ­ຖະ­ກິດ ສັງ­ຄົມ ແລະ ວັດ­ທະ­ນະ­ທຳ ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່­ຍິງ ແລະ ເດັກ­ນ້ອຍ ຕ້ານ​ທຸກ​ຮູບ​ການ​ຈຳ­ແນກ​ຕໍ່​ແມ່­ຍິງ ບັນ­ຫາ​ແມ່­ຍິງ​ກັບ​ຄວາມ­ທຸກ​ຍາກ ບັນ­ຫາ​ສຸ­ຂະ­ພາບ​ຈະ­ເລີນ​ພັນ ການ​ຕໍ່­ສູ້​ເພື່ອ​ເພີ່ມ​ຈຳ­ນວນ​ບ່ອນ​ນັ່ງ​ຂອງ​ແມ່­ຍິງ​ໃນ​ລັດ​ຖະ​ສະ­ພາ.</p> <p style="text-align: justify; "> ສຳ­ລັບ​ກອງ​ປະ­ຊຸມ​ໄອ​ປາ ຄັ້ງ​ທີ 33 ທີ່​ຫາ​ກໍ​ສຳ­ເລັດ​ລົງ​ຫວ່າງ​ບໍ່​ດົນ​ມາ​ນີ້ ໃນ​ຂອບ​ຂອງ​ໄວ​ປາ (WAIPA) ສະ­ມາ­ຊິກ​ລັດ​ຖະ​ສະ­ພາ​ທີ່​ເປັນ​ເພດ​ຍິງ​ຈາກ 10 ປະ­ເທດ​ສະ­ມາ­ຊິກ​ອາ​ຊຽນ ໄດ້​ປຶກ­ສາ​ຫາ­ລື​ກັນ​ໃນ 3 ຫົວ­ຂໍ້​ຕົ້ນ­ຕໍ ຄື: ສະ­ໜັບ­ສະ­ໜູນ​ບັນ­ດາ​ປະ­ເທດ​ສະ­ມາ­ຊິກ​ອາ​ຊຽນ ໃນ​ການ​ປະ­ຕິ­ບັດ​ເປົ້າ​ໝາຍ​ສະ­ຫັດ​ສະ​ວັດ ແນ­ໃສ່​ຮັດ​ແຄບ​ສະ­ພາບ​ຫຼຸດ​ໂຕນ​ກັນ​ດ້ານ​ການ​ພັດ­ທະ­ນາ​ບົດ­ບາດ​ຂອງ ສ.ສ ເພດ​ຍິງ ໃນ​ການ​ສົ່ງ­ເສີມ​ນະ­ໂຍ­ບາຍ​ດ້ານ​ເສດ­ຖະ­ກິດ ສຸ­ຂະ­ພາບ ແລະ ການ​ສຶກ​ສາ ແລະ ບັນ­ຫາ​ການ​ສົ່ງ­ເສີມ​ຄວາມ​ອາດ​ສາ­ມາດ​ສະ­ເພາະ​ຂອງ​ແມ່­ຍິງ​ໃນ​ຊົນ­ນະ­ບົດ.</p> <p style="text-align: justify; "> ຕໍ່​ບັນ­ຫາ​ເປົ້າ​ໝາຍ​ສະ­ຫັດ​ສະ​ວັດ​ນັ້ນ ສ.ສ ເພດ​ຍິງ​ອາ​ຊຽນ ສະ­ເໜີ​ໃຫ້​ລັດ­ຖະ­ບານ​ບັນ­ດາ​ປະ­ເທດ​ສະ­ມາ­ຊິກ​ອາ​ຊຽນ ສົ່ງ­ເສີມ​ການ​ລົງ­ທຶນ​ໃສ່​ຂົງ­ເຂດ​ການ​ຜະ­ລິດ​ຂະ­ໜາດ​ນ້ອຍ ແລະ ຂະ­ໜາດ​ກາງ​ທີ່​ຮັບ​ໃຊ້​ບົດ­ບາດ​ຍິງ-ຊາຍ ແລະ ສ.ສ ເພດ​ຍິງ ຕ້ອງ​ໃຫ້​ຄວາມ​ສຳ­ຄັນ​ຕໍ່​ການ​ສົ່ງ­ເສີມ​ການ​ສຶກ​ສາ ກໍ​ຄື​ການ​ສ້າງ​ຄອບ­ຄົວ​ໃຫ້​ມີ​ສຸ­ຂະ­ພາບ ແລະ ເຂັ້ມ­ແຂງ.</p> <p style="text-align: justify; "> ໃນ​ບັນ­ຫາ​ທີ່​ພົວ­ພັນ​ກັບ​ນະ­ໂຍ­ບາຍ​ດ້ານ​ເສດ­ຖະ­ກິດ ສຸ­ຂະ­ພາບ ແລະ ການ​ສຶກ​ສາ​ນັ້ນ ສ.ສ ເພດ​ຍິງ ຖື​ສຳ­ຄັນ​ຄວາມ​ສະ­ເໝີ­ພາບ​ລະ­ຫວ່າງ​ຍິງ-ຊາຍ ໃນ​ການ​ມີ​ສ່ວນ​ຮ່ວມ​ທາງ​ດ້ານ​ເສດ­ຖະ­ກິດ ສຸ­ຂະ­ພາບ ແລະ ການ​ສຶກ​ສາ ແລະ ເຫັນ​ເປັນ​ເອ­ກະ​ພາບ​ກັນ​ວ່າ: ສະ­ພາບ​ກົດ​ດັນ​ທາງ​ເສດ­ຖະ­ກິດ​ນັ້ນ ແມ່ນ​ຊະ​ນວນ​ກໍ່­ໃຫ້­ເກີດ​ການ​ໃຊ້​ຄວາມ​ຮຸນ​ແຮງ​ພາຍ​ໃນ​ຄອບ­ຄົວ.</p> <p style="text-align: justify; "> ສ່ວນ​ບັນ­ຫາ​ສຸດ​ທ້າຍ​ທີ່​ພົວ­ພັນ​ກັບ​ການ​ເປັນ​ຂີດ​ຄວາມ​ສາ­ມາດ ແລະ ຄວາມ​ຊຳ­ນານ​ງານ​ໃຫ້​ແມ່­ຍິງ​ຊົນ­ນະ­ບົດ​ນັ້ນ ໄວ​ປາ ໃຫ້​ຄວາມ​ສຳ­ຄັນ​ຕໍ່​ການ​ປັບ­ປຸງ​ຄຸນ​ນະ​ພາບ​ຂອງ​ຊີ­ວິດ​ຂອງ​ແມ່­ຍິງ ແລະ ເດັກ­ນ້ອຍ​ໃນ​ເຂດ​ຊົນ­ນະ­ບົດ ໂດຍ​ສົ່ງ­ເສີມ​ໃຫ້​ມີ​ລາຍ​ຮັບ ການ​ເຂົ້າ​ເຖິງ​ການ​ສຶກ​ສາ ແລະ ຮັບ­ປະ­ກັນ​ດ້ານ​ສະ­ບຽງ​ອາ­ຫານ​ໃຫ້​ແກ່​ເດັກ­ນ້ອຍ.</p> <p style="text-align: justify; "> ສະ­ພາ​ແຫ່ງ​ຊາດ​ລາວ ເຂົ້າ​ເປັນ​ສະ­ມາ­ຊິກ ໄອ​ປາ ໃນ​ປີ 1997 ໄດ້​ຮັບ​ກຽດ​ເປັນ​ຈົ້າ​ພາບ​ຈັດ​ກອງ​ປະ­ຊຸມ ໄອ​ປາ ຄັ້ງ​ທີ  26 ໃນ​ປີ 2005.</p> <p style="text-align: justify; "> <strong>ໂດຍ: ວິ­ເສດ ສະ­ແຫວງ​ສຶກ​ສາ</strong></p>

ຂ່າວທີ່ກ່ຽວຂ້ອງ