ຂ່າວຫຼ້າສຸດ

ເລື່ອງ “ກຳມະສິດທີ່ດິິນ”

2.688 11 ກ.ຍ. 2012 ນານາສາລະ

<p>  </p> <p style="text-align: justify; "> ຢູ່​ນະ­ຄອນ­ຫຼວງ​ເຮົາ ສະ­ພາບ​ສັບ­ສົນ​ເລື່ອງ​ຂໍ້​ຂັດ​ແຍ່ງ​ທີ່​ດິນ​ລາມ​ປາມ​ທີ່​ສຸດ ສະ­ແດງ​ອອກ​ໃນ​ການ​ຕໍ່­ສູ້​ຍາດ​ຊີງ​ເອົາ​ສິດ​ເອົາ​ຜົນ​ປະ­ໂຫຍດ​ຈາກ​ທີ່​ດິນ ອັນ​ໄດ້​ກໍ່­ໃຫ້­ເກີດ​ຄວາມ​ຂັດ​ແຍ່ງ​ກັນ​ລະ­ຫວ່າງ​ບຸກ­ຄົນ​ໃນ​ສັງ­ຄົມ​ກັບ​ການ­ຈັດ­ຕັ້ງ​ກ່ຽວ­ຂ້ອງ.</p> <p style="text-align: justify; "> ມີ​ກຸ່ມ​ຄົນ​ສະ­ແຫວງ­ຫາ​ຜົນ​ປະ­ໂຫຍດ​ກ່ຽວ​ກັບ​ເລື່ອງ​ນີ້​ຫຼາຍ​ຂຶ້ນ... ພວກ​ເຂົາ​ໄປ​ເລາະ​ສືບ​ຄົ້ນ​ຫາ​ດິນ​ເປົ່າ​ຫວ່າງ ດິນ​ມີ​ບັນ­ຫາ​ເລື່ອງ​ທີ່​ມາ​ທີ່​ໄປ ດິນ​ເອ­ກະ­ສານ​ບໍ່​ຄົບ​ຖ້ວນ ແລ້ວ​ມາ​ດຳ­ເນີນ​ອ້າງ​ກຳ­ມະ­ສິດ​ທີ່​ດິນ ມີ​ບາງ​ລາຍ​ກໍ​ສົມ­ຮູ້​ຮ່ວມ​ຄິດ​ກັບ​ຜູ້​ຢູ່​ຂ້າງ​ໃນ​ການ­ຈັດ­ຕັ້ງ ເພື່ອ​ດຳ­ເນີນ​ການ.</p> <p style="text-align: justify; "> ຫວ່າງ​ບໍ່​ດົນ​ມາ​ນີ້ ພໍ່​ແມ່​ປະ­ຊາ­ຊົນ​ບ້ານ​ໂນນ​ຄໍ້​ເໜືອ ກໍ​ວິ­ຕົກ​ກັງ­ວົນ​ເລື່ອງ​ທີ່​ດິນ ອັນ​ເປັນ​ທີ່​ຕັ້ງ​ຂອງ​ໂຮງ­ຮຽນ​ປະ­ຖົມ​ບ້ານ ເພາະ​ຢ້ານ​ບໍ່​ມີ​ບ່ອນ​ໃຫ້​ລູກ​ຫຼານ​ສຶກ​ສາ​ຮ່ຳ­ຮຽນ... ແຕ່​ເຖິງ​ຢ່າງ­ໃດ ພໍ່​ແມ່​ປະ­ຊາ­ຊົນ​ກໍ​ກຽມ­ພ້ອມ​ປະ­ຕິ­ບັດ​ຕາມ​ລະ­ບຽບ​ກົດ­ໝາຍ​ຂອງ​ບ້ານ​ເມືອງ ແຕ່​ແລ້ວ​ຄວາມ​ກັງ­ວົນ​ກໍ​ໝົດ​ໄປ ເພາະ​ທາງ​ຄະ­ນະ​ນຳ​ຂອງ​ນະ­ຄອນ­ຫຼວງ ເພິ່ນ​ໄດ້​ຮຽກ​ຕົວ​ແທນ​ອຳ­ນາດ​ການ​ປົກ­ຄອງ​ບ້ານ ເຖົ້າ​ແກ່​ແນວ​ໂຮມ ແລະ ຜູ້​ເປັນ​ຫົວ​ຈັກ​ຫຼັກ​ແຫຼ່ງ​ຫຼາຍ​ບ້ານ ໃນ​ນັ້ນ ມີ​ບ້ານ​ໂນນ​ຄໍ້​ເໜືອ ເຂົ້າ​ຮ່ວມ​ຮັບ​ຟັງ​ການ​ເຜີຍ­ແຜ່​ມະ­ຕິ​ສຳ­ຄັນ​ຂອງ​ພັກ ກ່ຽວ​ກັບ​ບັນ­ຫາ​ພົ້ນ​ເດັ່ນ​ເລື່ອງ​ທີ່​ດິນ ແລະ ທິດ​ທາງ​ແກ້​ໄຂ​ທີ່​ຄວນ​ກຳ​ແໜ້ນ.</p> <p style="text-align: justify; "> ຜ່ານ​ການ​ຮັບ​ຟັງ ພວກ​ເພິ່ນ​ເຂົ້າ­ໃຈ​ແຈ້ງ ແລະ ເຊື່ອ​ໝັ້ນ​ຕໍ່​ທິດ​ທາງ​ແກ້​ໄຂ​ຂອງ​ຂັ້ນ​ເທິງ ນັ້ນ​ແມ່ນ​ຄຳ​ເຫັນ​ສ່ອງ​ແສງ​ຂອງ​ພໍ່​ແມ່​ປະ­ຊາ­ຊົນ​ບ້ານ​ດັ່ງ­ກ່າວ​ເຖິງ​ຄໍ​ລຳ​ເຮົາ ໃນ​ວັນ​ຈັນ ທີ 10/9/2012.</p> <p style="text-align: justify; "> ເວົ້າ​ເລື່ອງ​ການ​ແກ້​ໄຂ​ຂໍ້​ຂັດ​ແຍ່ງ​ກ່ຽວ​ກັບ​ທີ່​ດິນ​ນີ້... ຫາກ​ເພື່ອນ​ຜູ້​ອ່ານ​ໄດ້​ອ່ານ​ບົດ​ນຳ​ທີ່​ລົງ​ພິມ​ໃນ​ໜ້າ 01 ຂອງ​ໜັງ­ສື­ພິມ​ປະ­ຊາ­ຊົນ ສະ­ບັບ​ປະ­ຈຳ​ວັນ​ພະ­ຫັດ ລົງ​ວັນ​ທີ 6 ກັນ­ຍາ 2012 ໃນ​ຫົວ­ຂໍ້: “...ການ​ແກ້​ໄຂ​ບັນ­ຫາ​ທີ່​ດິນ ຕ້ອງ​ຖື​ປະ­ຊາ­ຊົນ​ເປັນ​ກົກ ຈົງ​ຮັກ​ພັກ­ດີ ແລະ ຊື່­ສັດ​ຕໍ່​ປະ­ຊາ­ຊົນ...” ຈະ​ເຫັນ​ໄດ້​ວ່າ ແນວ­ທາງ​ຂອງ​ພັກ-ລັດ​ເຮົາ​ກ່ຽວ​ກັບ​ບັນ­ຫາ​ນີ້ ຈະ­ແຈ້ງ​ທີ່​ສຸດ.</p> <p style="text-align: justify; "> ຕາມ​ຊອກ​ຮູ້​ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ “ແນວ​ລາວ” ກໍ​ເຫັນ​ເອ­ກະ­ສານ​ນຳ­ພາ​ແນວ​ຄິດ​ສະ­ບັບ​ປະ­ຈຳ​ເດືອນ​ສິງ­ຫາ ປີ 2012 ເລື່ອງ: “...ບັນ­ຫາ​ພົ້ນ​ເດັ່ນ​ກ່ຽວ​ກັບ​ທີ່​ດິນ ທິດ​ທາງ​ແກ້​ໄຂ​ທີ່​ຄວນ​ກຳ​ແໜ້ນ...” ຂອງ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ນັ້ນ​ກໍ​ລະ­ອຽດ​ທີ່​ສຸດ ໃນ​ມາດ​ຕະ­ການ​ແກ້​ໄຂ​ຂໍ້​ຂັດ​ແຍ່ງ​ດັ່ງ­ກ່າວ.</p> <p style="text-align: justify; "> ສະ­ນັ້ນ ອຳ­ນາດ​ການ​ປົກ­ຄອງ​ກ່ຽວ­ຂ້ອງ​ກັບ​ການ​ແກ້​ໄຂ​ຂໍ້​ຂັດ​ແຍ່ງ​ທີ່​ດິນ ຄວນ​ໄດ້​ສຶກ​ສາ​ເອ­ກະ­ສານ​ທີ່​ກ່ຽວ​ພັນ ແລະ ມີ​ທິດ​ທາງ​ແກ້​ໄຂ​ທີ່​ເໝາະ​ສົມ.</p> <p style="text-align: justify; "> ຂໍ​ນຳ​ເອົາ​ພາກ​ສະ­ຫຼຸບ​ຂອງ​ບົດ​ນຳ​ໃນ​ໜັງ­ສື­ພິມ​ປະ­ຊາ­ຊົນ ມາ​ສະ­ເໜີ ຊຶ່ງ​ມີ​ເນື້ອ​ໃນ​ດັ່ງ­ນີ້: “...ການ​ແກ້​ໄຂ​ບັນ­ຫາ​ທີ່​ດິນ​ລະ­ຫວ່າງ​ປະ­ຊາ­ຊົນ​ກັບ​ພາກ­ສ່ວນ​ອື່ນ​ກໍ​ດີ ຕ້ອງ​ມີ​ຄວາມ​ລະ­ອຽດ​ຮອບ​ຄອບ ມີ​ຄວາມ​ນິ້ມ​ນວນ​ຄ່ອງ​ແຄ້ວ ໂດຍ​ຖື​ມາດ​ຕະ­ການ​ສຶກ​ສາ​ອົບ­ຮົມ ອະ­ທິ­ບາຍ​ຊີ້​ແຈງ​ເປັນ​ກົກ ສົມ­ທົບ​ກັບ​ມາດ​ຕະ­ການ​ທາງ​ເສດ­ຖະ­ກິດ​ຢ່າງ​ເໝາະ​ສົມ ສ່ວນ​ການ​ໃຊ້​ມາດ​ຕະ­ການ​ທາງ​ບໍ­ລິ­ຫານ ຫຼື ກົດ­ໝາຍ​ນັ້ນ ໃຫ້​ຖື​ເປັນ​ມາດ​ຕະ­ການ​ສຳ­ຮອງ ໃຫ້​ຫຼີກ​ທີ່​ສຸດ​ການ​ໃຊ້​ມາດ​ຕະ­ການ​ຮຸນ​ແຮງ ພະ­ນັກ­ງານ​ສະ­ມາ­ຊິກ​ພັກ​ທີ່​ມີ­ໜ້າ​ທີ່​ແກ້​ໄຂ​ບັນ­ຫາ ຕາມ​ການ​ມອບ​ໝາຍ​ຂອງ​ການ­ຈັດ­ຕັ້ງ ຕ້ອງ​ມີ​ທັດ­ສະ­ນະ​ປະ­ຊາ­ຊົນ ແລະ ຖື​ປະ­ຊາ­ຊົນ​ເປັນ​ກົກ ຈົງ​ຮັກ​ພັກ­ດີ ແລະ ຊື່­ສັດ​ຕໍ່​ປະ­ຊາ­ຊົນ...”.</p> <p style="text-align: justify; "> <strong>...ຂໍ​ໃຫ້​ບັນ­ຫາ​ນີ້​ລຸ​ລ່ວງ​ໄປ​ດ້ວຍ​ດີ...</strong></p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ