ຂ່າວຫຼ້າສຸດ

ຮອງນ້ຳອັດຕັນ ພາໃຫ້ນ້ຳອັ່ງ ແລະ ນ້ຳຖ້ວມ

1.797 11 ກ.ຍ. 2012 ນານາສາລະ

<p>  </p> <p style="text-align: justify; "> ພໍ​ເຖິງ​ລະ­ດູ­ຝົນ ຢູ່​ຕົວ​ເມືອງ​ໃຫຍ່​ເຊັ່ນ ນະ­ຄອນ­ຫຼວງ​ວຽງ​ຈັນ​ຂອງ​ພວກ​ເຮົາ ມັກ​ມີ​ບັນ­ຫາ​ເກີດ​ຂຶ້ນ​ຢ່າງ​ຊ້ຳ​ຊາກ​ເລື້ອຍໆ​ໃນ​ທຸກ​ປີ ນັ້ນ​ຄື​ບັນ­ຫາ​ຮ່ອງ­ນ້ຳ​ສອງ​ຟາກ​ຂອບ​ທາງ​ບາງ​ບ່ອນ​ບໍ່​ໄຫຼ່ ອັນ​ພາ­ໃຫ້​ມີ​ນ້ຳ​ອັ່ງ​ອໍ ກ້າວ​ໄປ​ສູ່​ການ​ຖ້ວມ​ທາງ ແຊ່​ທາງ ເຊິ່ງ​ມີ​ສ່ວນ​ເຮັດ​ໃຫ້​ທາງ​ເປ່​ເພ​ເສຍ​ຫາຍ ເຫດ­ການ​ເຊັ່ນ​ນີ້​ບໍ່​ສະ­ເພາະ​ແຕ່​ໃນ​ເມືອງ​ດອກ ນອກ​ເມືອງ​ກໍ​ເຊັ່ນ​ກັນ ຕົວ­ຢ່າງ ການ​ເຮັດ​ຕ້ອນ​ເຮັດ​ໄຊ​ຕັນ​ທາງ­ນ້ຳ​ໄຫຼ​ຍາມ​ທີ່​ຝົນ­ຕົກ​ຫຼາຍ ຈະ​ພາ­ໃຫ້​ນ້ຳ​ຖ້ວມ​ທາງ ລົ້ນ​ທາງ ແລ້ວ​ໄຫຼ​ໄປ​ສູ່​ທົ່ງ​ນາ​ເກີນ​ຄວາມ​ຈຳ­ເປັນ ແລ້ວ​ເກີດ​ຄວາມ​ເສຍ​ຫາຍ​ມາ­ສູ່​ຜົນ­ລະ­ປູກ ໂດຍ​ສະ­ເພາະ​ເຂົ້າ ທີ່​ພວມ​ຕັ້ງ​ທ້ອງ​ຖື­ພາ​ມານ ຫຼື ພວມ​ເປັນ​ນ້ຳ​ນົມ ດັ່ງ­ນັ້ນ ທຸກ​ປີ​ທາງ​ອົງ­ການ​ປົກ­ຄອງ​ທ້ອງ­ຖິ່ນ ຈຶ່ງ​ຈັດ​ຕັ້ງ​ສອດ­ສ່ອງ​ດູ​ແລ ບໍ່​ໃຫ້​ບັນ­ຫາ​ດັ່ງ­ກ່າວ​ເກີດ​ຂຶ້ນ ອັນ​ເນື່ອງ​ຈາກ​ກໍ­ລະ­ນີ​ດັ່ງ­ກ່າວ.</p> <p style="text-align: justify; "> ການ​ທີ່​ມີ​ຮ່ອງ­ນ້ຳ​ອັດ​ຕັນ​ໃນ​ຕົວ​ເມືອງ ແມ່ນ​ມາ​ຈາກ​ຜົນ​ສະ­ທ້ອນ​ຂອງ​ການ​ບໍ­ລິ­ຫານ​ຂີ້​ເຫຍື້ອ​ບໍ່​ເປັນ​ລະ­ບົບ ກໍ​ຄື​ມາ​ຈາກ​ການ​ກະ­ທຳ​ຂາດ​ຄວາມ​ຮັບ­ຜິດ­ຊອບ​ຂອງ​ຄົນ​ໃນ​ຕົວ​ເມືອງ​ເຮົາ​ເອງ ເຊິ່ງ​ຖິ້ມ​ຂີ້​ເຫຍື້ອ​ຊະ­ຊາຍ ຫຼື ຖິ້ມ​ພໍ­ແລ້ວ​ຕີນ​ແລ້ວ​ມື​ໃນ​ບ່ອນ​ທີ່​ບໍ່​ຄວນ​ຖິ້ມ ເມື່ອ​ເວ­ລາ​ຝົນ­ຕົກ​ມາ ສິ່ງ​ປະ­ຕິ­ກູນ​ເປັນ ຕົ້ນ​ເຈ້ຍ​ຫໍ່​ເຄື່ອງ ຖົງ​ຢາງ ຫໍ່​ເຂົ້າ­ໜົມ ຂວດ​ນ້ຳ­ຫວານ ນ້ຳ​ດື່ມ ແລະ ອື່ນໆ ກໍ​ຈະ​ພາ­ກັນ​ໄຫຼ​ມາ​ອັ່ງ​ອໍ​ໂຮມ​ຢູ່​ບ່ອນ​ແຄບ ບ່ອນ​ຕັນ​ເທື່ອ​ລະ​ນ້ອຍ ດົນ​ຕາມ​ດົນ​ກໍ​ເລີຍ​ເກີດ​ເປັນ​ຫຼາຍ ເຮັດ​ໃຫ້​ມີ​ນ້ຳ​ຖ້ວມ​ທາງ​ຂະ­ໜາດ​ນ້ອຍ​ໄດ້ ນອກ­ຈາກ​ນີ້​ກໍ​ຍັງ​ມີ​ເສດ​ດິນ​ທີ່​ລົດ​ແກ່​ດິນ​ເຮັດ​ເຮັ່ຍ​ລົງ​ໃສ່​ຖະ­ໜົນ ແລະ ຕິດ​ຕີນ­ລົດ​ມາ​ໂຮມ​ເຂົ້າ­ກັນ ແລ້ວ​ໄຫຼ​ລົງ​ໃສ່​ຮູ​ບ່ອນ​ລະ­ບາຍ​ນ້ຳ​ເປື້ອນ​ຂອບ​ທາງ​ນັ້ນ ຈົນ​ເຮັດ​ໃຫ້​ມີ​ການ​ອຸດ​ຕັນ​ເກີດ​ຂຶ້ນ​ອີກ​ດ້ວຍ.</p> <p style="text-align: justify; "> ການ​ປ້ອງ​ກັນ​ບໍ່​ໃຫ້​ມີ​ເຫດ­ການ​ເກີດ​ຂຶ້ນ​ຊ້ຳ​ຊາກ​ດັ່ງ​ທີ່​ກ່າວ​ນີ້ ແມ່ນ​ມາ​ຈາກ​ສະ­ຕິ​ຄວາມ​ເປັນ​ເຈົ້າ​ຂອງ​ຊາວ​ເມືອງ​ນັ້ນ​ເອງ ໂດຍ​ເລີ່ມ​ຈາກ​ທຸກໆ​ຄົນ ແລະ ແຕ່­ລະ­ຄົນ​ທີ່​ຈະ​ຕ້ອງ​ມີ​ການ​ປ່ຽນ­ແປງ​ແບບ­ແຜນ​ດຳ­ລົງ​ຊີ­ວິດ​ທີ່​ສີ­ວິ­ໄລ​ໃນ​ຕົວ​ເມືອງ ສຳ­ຄັນ​ແຕ່­ລະ­ຄົນ ແຕ່​ລະ​ຄອບ­ຄົວ ຕ້ອງ​ຮູ້­ຈັກ​ການ​ບໍ­ລິ­ຫານ​ຂີ້​ເຫຍື້ອ​ທີ່​ເກີດ​ຂຶ້ນ​ກັບ​ຕົນ​ເອງ​ໃຫ້​ໄດ້ ຕ້ອງ​ມີ​ຖັງ​ຂີ້​ເຫຍື້ອ​ເພື່ອ​ໃຫ້​ລົດ​ຂອງ​ອົງ­ການ​ພັດ­ທະ­ນາ​ຕົວ​ເມືອງ​ນຳ­ໄປ​ຖິ້ມ ແລະ ຈັດ­ການ​ຕາມ​ຫຼັກ​ວິ­ຊາ​ການ ລົດ­ເມ ສາມ​ລໍ້ ລົດ​ໂດຍ­ສານ​ປະ­ເພດ​ຕ່າງໆ ຕ້ອງ​ໃຫ້​ມີ​ກະ­ຕ່າ​ສຳ­ລັບ​ຖິ້ມ​ສິ່ງ​ເສດ​ເຫຼືອ ລົດ​ແກ່​ຫີນ-ແກ່​ດິນ​ຕ້ອງ​ມີ​ຜ້າ​ປົກ ກ່ອນ​ຈະ​ແລ່ນ​ເຂົ້າ​ມາ​ໃນ​ສີ່​ຕົວ​ເມືອງ​ເທດ­ສະ­ບານ ຕ້ອງ​ເບິ່ງ​ຄວາມ​ສະ­ອາດ​ຂອງ​ລົດ ຂອງ​ຕີນ­ລົດ ປະ­ເພດ​ລົດ​ອື່ນໆ​ກໍ​ຄື​ກັນ.</p> <p style="text-align: justify; "> ສະ­ເພາະ​ບັນ­ຫາ​ເລື່ອງ​ຮ່ອງ​ລະ­ບາຍ​ນ້ຳ​ເປື້ອນ​ນັ້ນ ຜູ້​ຄົນ​ທີ່­ຢູ່​ໃກ້​ບໍ່​ຄວນ​ປັດ­ກວາດ​ດິນ­ຊາຍ​ລົງ​ຮ່ອງ ພ້ອມ​ກັນ​ກໍ​ເປັນ​ເຈົ້າ​ການ ເປັນ​ຫູ​ເປັນ­ຕາ ປົກ​ປັກ​ຮັກ­ສາ​ແຜ່ນ​ເຫຼັກ​ຝາ­ອັດ ເພາະ​ປະ­ກົດ​ວ່າ​ມັກ​ມີ​ຄົນ​ບໍ່​ດີ​ຈຳ­ນວນ​ໜຶ່ງ ລັກ​ເອົາ​ໄປ​ຂາຍ​ເປັນ​ເຫຼັກ​ເສດ ຖ້າ­ວ່າ​ການ​ເຮັດ​ໃຫ້​ຮ່ອງ­ນ້ຳ​ລ່ອງ​ໄຫຼ​ໄປ​ດີ ກໍ​ຈະ​ມີ​ສ່ວນ​ເຮັດ​ໃຫ້​ທາງ​ຖະ­ໜົນ​ແໜ້ນ­ໜາ​ຂຶ້ນ ນ້ຳ​ໂສ­ໂຄກ​ກໍ​ຈະ​ບໍ່​ສົ່ງ​ກິ່ນ​ທີ່​ບໍ່​ເພິ່ງ​ປາດ​ຖະ​ໜາ​ມາ­ສູ່​ປາຍ​ດັງ​ຂອງ​ຜູ້​ສັນ­ຈອນ​ໄປ​ມາ ດັ່ງ­ນັ້ນ ມີ​ແຕ່​ການ​ເສີມ​ຂະ­ຫຍາຍ​ຄວາມ​ເປັນ​ເຈົ້າ​ນຳ​ກັນ ຈຶ່ງ​ແກ້​ໄຂ​ບັນ­ຫາ​ນີ້​ໄດ້ ຖ້າ​ຫາກ​ຂາດ​ຄວາມ​ເປັນ​ເຈົ້າ​ການ ຄວາມ​ຊ້ຳ​ຊາກ​ເດີມໆ​ກໍ​ຈະ​ມີ​ໃຫ້​ເຫັນ​ຢ່າງ​ບໍ່​ມີ​ວັນ​ສິ້ນ​ສຸດ.</p> <p style="text-align: justify; "> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ