ຂ່າວຫຼ້າສຸດ

ເປີດສົກຮຽນໃໝ່ ດ້ວຍຈິດໃຈເບີກບານ

5.717 10 ກ.ຍ. 2012 ສຶກສາ
ເປີດສົກຮຽນໃໝ່ ດ້ວຍຈິດໃຈເບີກບານ

<p>  </p> <p style="text-align: justify; "> ໃນ​ອາ­ທິດ​ທີ່​ຜ່ານ​ມາ ຄົງ​ເປັນ​ບັນ­ຍາ­ກາດ​ແຫ່ງ​ຄວາມ​ເບີກ­ບານ​ມ່ວນ­ຊື່ນ​ຂອງ​ບັນ­ດາ​ນ້ອງ​ນັກ­ຮຽນ​ໃນ​ທົ່ວ​ປະ­ເທດ ເວົ້າ​ລວມ ເວົ້າ​ສະ­ເພາະ​ແມ່ນ​ນ້ອງ​ນັກ­ຮຽນ​ຢູ່​ນະ­ຄອນ­ຫຼວງ​ວຽງ​ຈັນ ບັນ­ຍາ­ກາດ​ຄຶກ­ຄັກ​ແຕ່​ເຊົ້າໆ ມີ​ບາງ​ຄອບ­ຄົວ​ຕ້ອງ​ອູ້ມ​ລູກ​ຈູງ​ຫຼານ​ອອກ­ເຮືອນ​ແຕ່​ຕາ­ເວັນ​ບໍ່​ທັນ​ຂຶ້ນ ເພາະ​ຢ້ານ​ລົດ​ຫຼາຍ ຈະ​ເຮັດ​ໃຫ້­ການ​ເດີນ­ທາງ​ມື້​ທຳ​ອິດ​ຂອງ​ການ​ສົ່ງ​ລູກ​ຫຼານ​ເຂົ້າ​ໂຮງ­ຮຽນ​ຊັກ​ຊ້າ.</p> <p style="text-align: justify; "> ບັນ­ຍາ­ກາດ​ຂອງ​ວັນ​ນັ້ນ ຕາມ​ທ້ອງ​ຖະ­ໜົນ​ກໍ​ຈະ​ມີ​ລົດ​ລາງ​ອອກ​ຈາກ​ບ້ານ​ເຮືອນ​ກັນ​ແຕ່​ເຊົ້າ ເພາະ​ຜູ້​ຄົນ​ສ່ວນ​ໃຫຍ່​ແມ່ນ​ມີ​ຈຸດ­ປະ­ສົງ​ເປົ້າ​ໝາຍ​ອັນ​ດຽວ​ກັນ ຕ້ອງ​ສົ່ງ​ລູກ​ຫຼານ​ຂອງ​ຕົນ​ເຂົ້າ​ຮຽນ​ໃຫ້​ທັນ​ໂມງ ທັນ​ເວ­ລາ ຕາມ​ສະ­ຖານ­ທີ່​ໂຮງ­ຮຽນ​ແຫ່ງ​ຕ່າງໆ​ກໍ​ຈະ​ເຕັມ​ໄປ​ດ້ວຍ​ຜູ້​ປົກ­ຄອງ ແລະ ນ້ອງ​ນັກ­ຮຽນ​ອັ່ງ​ອໍ່ ແນມ​ໄປ​ທາງ​ໃດ​ກໍ​ຈະ​ພົບ​ເຫັນ​ແຕ່​ເສື້ອ​ຂາວ​ເຕັມ​ໄປ​ທົ່ວ​ບໍ­ລິ­ເວນ​ເດີ່ນ​ໂຮງ­ຮຽນ ສີ​ໜ້າ​ຂອງ​ນ້ອງ​ນັກ­ຮຽນ​ແຕ່­ລະ­ຄົນ​ບົ່ງ​ບອກ​ເຖິງ​ຄວາມ​ກະ​ຕື້​ລື​ລົ້ນ​ເບີກ­ບານ​ມ່ວນ­ຊື່ນ ໂດຍ​ສະ­ເພາະ​ແມ່ນ​ບັນ­ດາ​ນ້ອງ​ນັກ­ຮຽນ​ທີ່​ເລີ່ມ​ຕົ້ນ​ໃນ​ໂຮງ­ຮຽນ​ແຫ່ງ​ໃໝ່ ພົບ​ກັບ​ບັນ­ຍາ­ກາດ​ໃໝ່ໆ ແລະ ສິ່ງ​ແປກ​ຕາ.</p> <p style="text-align: justify; "> ເຊັ່ນ​ດຽວ​ກັບ​ປ້າ​ມະ­ນີ​ວັນ ໃສ​ສຸ­ວັນ ປະ­ຊາ­ຊົນ​ບ້ານ​ດົງ​ສ້າງ​ຫີນ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ນຳ​ລູກ​ຫຼານ​ມາ​ເຂົ້າ​ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ​ມິດ­ຕະ­ພາບ ລາວ-ຫວຽດ­ນາມ ນະ­ຄອນ­ຫຼວງ​ວຽງ​ຈັນ ກ່າວ​ວ່າ: ມື້­ນີ້​ລຸກ​ແຕ່​ໄກ່​ຂັນ​ຂ້ອນ​ແຈ້ງ ລູກ​ຫຼານ​ທຸກ​ຄົນ​ກໍ​ເຊັ່ນ​ດຽວ​ກັນ ພາ­ກັນ​ລຸກ​ມາ​ນຸ່ງ​ເຄື່ອງ​ຫ້າງ​ຫາ​ກະ­ກຽມ​ອຸ­ປະ­ກອນ​ການ​ຮຽນ​ກັນ​ແຕ່​ເດິກ ຫຼານ​ບາງ​ຄົນ​ກໍ​ຫ້າງ​ໄວ້​ກ່ອນ​ໜ້າ​ຫຼາຍ​ມື້ ບາງ​ຄົນ​ຈົນ​ນອນ​ບໍ່​ຫຼັບ​ເພາະ​ຕື່ນ­ເຕັ້ນ​ຫຼາຍ.</p> <p style="text-align: justify; "> ປ້າ​ໄດ້​ກ່າວ​ຕື່ມ​ວ່າ: ໃນ​ແຕ່​ລະ​ສົກ­ຮຽນ ພໍ​ໄຂ​ສົກ­ຮຽນ​ໃໝ່​ກໍ​ມີ​ສະ­ພາບ​ແບບ​ດຽວ​ກັນ ແຕ່​ສຳ­ລັບ​ສົກ­ຮຽນ 2012-2013ຮູ້­ສຶກ​ວ່າ​ຄຶກ­ຄັກ​ຫຼາຍ​ກວ່າ​ເກົ່າ ອາດ​ເປັນ​ເພາະ​ປັດ­ຈຸ­ບັນ​ການ​ສຶກ​ສາ​ຮ່ຳ­ຮຽນ​ມີ​ການ​ແຂ່ງ­ຂັນ ບ່ອນ​ສຶກ​ສາ​ຮ່ຳ­ຮຽນ​ກໍ​ມີ​ຫຼາຍ​ແຫ່ງ​ໃຫ້​ເລືອກ ເມື່ອ​ເວົ້າ​ເຖິງ​ບ່ອນ​ຮຽນ ສະ­ໄໝ​ແມ່​ປ້າ ຢາກ​ຮຽນ​ຫາ​ບ່ອນ​ຮຽນ​ກໍ​ບໍ່​ມີ ຖ້າ​ມີ​ກໍ​ມີ​ແຕ່​ລູກ​ເຈົ້າ​ຫຼານ​ນາຍ ປະ­ຊາ­ຊົນ​ທຳ​ມະ​ດາ​ຄື​ເຮົາ​ເຈົ້າ​ຂ້ອຍ​ບໍ່​ມີ​ໂອ­ກາດ​ໄດ້​ຮຽນ​ໃນ​ໂຮງ­ຮຽນ​ດີໆ​ມີ​ຄຸນ​ນະ​ພາບ ຄື​ແບບ​ນີ້​ດອກ.</p> <p style="text-align: justify; "> ຖື​ວ່າ​ລູກ​ຫຼານ​ໃນ​ຍຸກ​ນີ້​ໂຊກ​ດີ ພັກ-ລັດ​ໄດ້​ເອົາ­ໃຈ­ໃສ່ ເຮັດ​ໃຫ້​ມີ​ໂອ­ກາດ​ໄດ້​ສຶກ​ສາ​ຮ່ຳ­ຮຽນ​ມີ​ຄວາມ​ຮູ້​ຄວາມ​ສາ­ມາດ ປະ­ກອບ­ສ່ວນ​ວຽກ​ງານ​ນຳ​ພັກ-ລັດ ເຮັດ​ໃຫ້​ທຸກ​ຄົນ​ໄດ້​ມີ​ໂອ­ກາດ​ສຶກ​ສາ​ຄົ້ນ­ຄວ້າ ສິດ​ສະ­ເໝີ­ພາບ​ລະ­ຫວ່າງ​ຍິງ-ຊາຍ ເພາະ­ສະ­ນັ້ນ ເມື່ອ​ມີ​ໂອ­ກາດ​ຈຶ່ງ​ບອກ​ລູກ​ສອນ​ຫຼານ​ຕະ­ຫຼອດ​ວ່າ: ໃຫ້​ຕັ້ງ­ໃຈ​ຮ່ຳ­ຮຽນ​ໃຫ້​ສູງ ຍາດ​ແຍ່ງ​ແຂ່ງ­ຂັນ​ເອົາ​ວິ­ຊາ​ຄວາມ​ຮູ້ ເປັນ​ລູກ​ທີ່​ດີ​ຂອງ​ພໍ່​ແມ່ ຍາດ​ພີ່­ນ້ອງ ເປັນ​ສິດ​ທີ່​ດີ​ຂອງ​ຄູ ເປັນ​ພົນ­ລະ­ເມືອງ​ດີ​ຂອງ​ສັງ­ຄົມ ເມື່ອ​ສຶກ​ສາ­ມີ​ຄວາມ​ຮູ້ ຕ້ອງ​ຮູ້­ຈັກ​ກະ­ຕັນ­ຍູ​ຕໍ່​ຜູ້​ມີ​ພະ​ຄຸນ ນຳ​ແສງ​ສະ­ຫວ່າງ​ສູ່​ຊີ­ວິດ ນັ້ນ​ກໍ​ຄື​ພໍ່​ແມ່ ຍາດ​ພີ່­ນ້ອງ​ຜູ້​ໃຫ້​ທຶນ­ຮອນ​ໃນ​ການ​ສຶກ​ສາ​ຮ່ຳ­ຮຽນ ຄູ-ອາ­ຈານ​ຜູ້​ສິດ­ສອນ​ໃຫ້​ຄວາມ​ຮູ້ ພິ­ເສດ ຄື: ການ​ນຳ​ພັກ-ລັດ ທີ່​ໃຫ້​ໂອ­ກາດ​ດີໆໄດ້​ມີ​ບ່ອນ​ສຶກ​ສາ​ຮ່ຳ­ຮຽນ.</p> <p style="text-align: justify; "> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ