ຂ່າວຫຼ້າສຸດ

ເປືອກຂອງສາດສະໜາ

2.294 10 ກ.ຍ. 2012 ນານາສາລະ

<p>  </p> <p style="text-align: justify; "> ເປືອກ​ຂອງ​ສາດ­ສະ­ໜາ ຫຼື ຜູ້​ນັບ­ຖື​ສາດ­ສະ­ໜາ​ມີ​ແຕ່​ເປືອກ ໂດຍ​ມີ​ຄວາມ​ຫຼົງ​ເຂົ້າ​ໄປ​ຄອບ​ງຳ​ຈິດ­ໃຈ ແລ້ວ​ຢຶດ​ຖື​ວ່າ​ເປັນ​ແກ່ນ​ຂອງ​ສາດ­ສະ­ໜາ ຕໍ່​ມາ​ກໍ​ມີ​ຄວາມ​ຢາກ​ທີ່​ເຮົາ​ເອີ້ນ ແລະ ຮູ້­ຈັກ​ນຳ​ກັນ​ວ່າ “ຕັນ­ຫາ” ໃນ​ການ​ເຜີຍ­ແຜ່​ສາດ­ສະ­ໜາ ອັນ​ນີ້​ກໍ​ສະ­ແດງ​ໃຫ້​ເຫັນ​ວ່າ ການ​ເຜີຍ­ແຜ່​ສາດ­ສະ­ໜາ​ແບບ​ນີ້​ຖືກ​ກະ​ຕຸ້ນ ພັກ​ດັນ​ດ້ວຍ​ອຳ­ນາດ​ຂອງ​ຕັນ­ຫາ ພຣະ​ພຸດ­ທະ­ເຈົ້າ ສອນ​ວ່າ ຍິ່ງ​ເປັນ​ການ​ເອົາ​ຕົວ​ຕົນ​ເຂົ້າ​ໄປ​ຢຶດ​ໝັ້ນ​ກັບ​ສິ່ງ​ທັງ­ຫຼາຍ​ທັງ​ປວງ ໂດຍ​ຂາດ​ສະ­ຕິ​ສຳ​ປະ­ຊັນ​ຍະ (ປັນ­ຍາ) ເຂົາ​ມາ​ເປັນ​ຕົວ​ຫຼັກ​ໃນ​ການ​ສຶກ​ສາ ແລະ ປະ­ຕິ­ບັດ​ທຳ ມັນ​ຍິ່ງ​ຈະ​ຫຼິ່ງ​ລົງ​ສູ່​ຮາກ​ເຫງົ້າ​ຂອງ​ອະ­ກຸ­ສົນ​ລະ​ມູນ (ຄວາມ​ບໍ່​ສະ­ຫຼາດ) ແຕ່­ລະ­ຄົນ​ມີ​ສັດ­ທາ ແປ​ວ່າ ຄວາມ​ເຊື່ອ​ໃນ​ສິ່ງ​ໃດ​ສິ່ງ​ໜຶ່ງ​ກໍ​ຖື​ວ່າ​ເປັນ​ສິ່ງ​ທີ່​ດີ ໂດຍ​ສະ­ເພາະ​ຄວາມ​ເຊື່ອ​ໃນ​ສາດ­ສະ­ໜາ ເພາະ­ວ່າ​ກະ​ໂຕ​ຄວາມ​ເຊື່ອ​ນີ້​ເອງ ມັນ​ຈະ​ເຮັດ​ໃຫ້​ຄົນ​ບັນ­ລຸ​ເປົ້າ​ໝາຍ​ໄດ້ ແຕ່​ໃນ​ຂະ­ນະ​ດຽວ​ກັນ ຄວາມ​ເຊື່ອ​ກໍ​ສາ­ມາດ​ເຮັດ​ໃຫ້​ຄົນ​ເຮົາ​ຫຼົງ ແລະ ລົ້ມ​ເຫຼວ​ໃນ​ຊີ­ວິດ​ໄດ້ ຖ້າ​ຄວາມ​ເຊື່ອ​ນັ້ນ​ຂາດ­ໂຕ​ປັນ­ຍາ ມາ​ປະ­ກອບ​ເປັນ​ເຄື່ອງ​ພິ­ຈາ­ລະ­ນາ ວ່າ­ຄວາມ​ເຊື່ອ​ຂອງ​ຕົນ​ເອງ​ຖືກ ຫຼື ຜິດ ດັ່ງ­ນັ້ນ ເຮົາ​ຈະ​ຕ້ອງ​ຍອມ­ຮັບ​ໃນ​ຫົວ­ໃຈ ແລະ ຫົວ​ສະ­ໝອງ​ຂອງ​ເຮົາ​ໃຫ້​ໄດ້​ວ່າ ພຣະ​ພຸດ​ທະ​ສາດ­ສະ­ໜາ​ສອນ​ໃຫ້​ຄົນ​ເຮົາ​ມີ​ຄວາມ​ເຊື່ອ​ປະ­ກອບ​ດ້ວຍ​ປັນ­ຍາ ມັນ​ຈິ່ງ​ບໍ່​ເປັນ­ຄວາມ​ເຊື່ອ​ແບບ​ງົມ­ງວາຍ ສັດ­ທາ ແລະ ປັນ­ຍາ ຈິ່ງ​ເປັນ​ຫົວ­ຂໍ້​ທຳ​ຈະ​ຕ້ອງ​ຄວບ​ຄູ່​ກັນ​ໄປ​ເໝືອນ​ງົວ​ທຽມ​ກວຽນ.</p> <p style="text-align: justify; "> ຕໍ່​ມາ​ຖ້າ​ເຮົາ​ເຜີຍ­ແຜ່​ສາດ­ສະ­ໜາ ໂດຍ​ມີ​ຄວາມ​ໂກດ​ຮ້າຍ​ຄຽດ​ແຄ້ນ​ຝັງ​ເລິກ​ຢູ່​ໃນ​ກົ້ນ​ບຶ້ງ​ຂອງ​ໝາກ​ຫົວ­ໃຈ​ເຮົາ​ແລ້ວ ມັນ​ຍິ່ງ​ເຮັດ​ໃຫ້​ເຮົາ​ຫ່າງ​ໄກ ແລະ ຫ່າງ​ເຫີນ​ຈາກ​ຄວາມ​ເປັນ​ຈິງ​ໃນ​ການ​ປະ­ຕິ­ບັດ​ທຳ ແລະ ບັນ­ຫາ​ຕໍ່​ມາ ຖ້າ​ການ​ເຜີຍ­ແຜ່ ຫຼື ການ​ປະ­ຕິ­ບັດ​ໂດຍ​ບໍ່​ຮູ້­ຈັກ​ທຳ​ມະ ຫຼື ບໍ່​ຮູ້­ຈັກ​ອັນ​ໃດ​ເປັນ​ແກ່ນ ອັນ​ໃດ​ເປັນ​ເປືອກ ຍິ່ງ​ອັນ­ຕະ­ລາຍ​ຕໍ່​ຄວາມ​ເຊື່ອ​ຂອງ​ຄົນ​ເຮົາ ເພາະ­ວ່າ ຫົວ​ສະ­ໝອງ ແລະ ຫົວ­ໃຈ​ຂອງ​ເຮົາ​ມັນ​ຖືກ​ຄວາມ​ຫຼົງ​ເຂົ້າ​ຄອບ​ງຳ ພາ­ສາ​ທຳ​ເພິ່ນ​ເອີ້ນ​ວ່າ ໂມ­ຫະ (ຄວາມ​ຫຼົງ) ຄື​ຄວາມ​ບໍ່​ຮູ້ ດັ່ງ­ນັ້ນ ຖ້າ​ໃຜ​ກໍ​ຕາມ​ຖ້າ​ມີ​ຄວາມ​ເຊື່ອ​ຄື​ສັດ­ທາ​ໃນ​ສາດ­ສະ­ໜາ​ຖື​ວ່າ​ເປັນ​ການ​ດີ ຂໍ​ໃຫ້​ເປັນ­ຄວາມ​ເຊື່ອ​ທີ່​ປະ­ກອບ​ໄປ​ດ້ວຍ​ປັນ­ຍາ ໃນ​ສັງ­ຄົມ​ລາວ​ກໍ​ບໍ່​ໄດ້​ເກືອດ​ຫ້າມ​ຄົນ​ເຊື່ອ​ຖື ຫຼື ບໍ່​ເຊື່ອ​ຖື​ໃນ​ສາດ­ສະ­ໜາ​ທີ່​ຂຽນ​ໄວ້​ໃນ​ລັດ​ຖະ​ທຳ​ມະ­ນູນ ພຣະ​ພຸດ​ທະ​ສາດ­ສະ­ໜາ ຍິ່ງ​ເປີດ​ໂອ­ກາດ​ໃຫ້​ທຸກ​ຄົນ​ເຂົ້າ​ມາ​ພິ­ສູດ​ດ້ວຍ​ໂຕ​ຂອງ​ທ່ານ​ເອງ ເມື່ອ​ຮູ້​ເຫັນ​ຜົນ​ແລ້ວ​ຈິ່ງ​ຄ່ອຍ​ເຊື່ອ​ໄດ້ ໝາຍ​ຄວາມ​ວ່າ ໃຫ້​ພິ­ສູດ​ທົດ​ລອງ​ກ່ອນ ຂໍ້​ນີ້​ກໍ​ເປັນ​ການ​ຢືນ­ຢັນ​ວ່າ ຫຼັກ​ທຳ​ໃນ​ພຣະ​ພຸດ​ທະ​ສາດ­ສະ­ໜາ​ເປັນ​ວິ­ທະ­ຍາ­ສາດ ແຕ່​ຈຸດ​ເລີ່ມ​ຕົ້ນ​ຂອງ​ການ​ປະ­ຕິ­ບັດ​ທຳ​ສ່ວນ​ໜຶ່ງ​ແລ້ວ ເຮັດ​ໃຫ້​ຄົນ​ໄດ້​ພົບ­ພໍ້​ຄື​ຮູບ​ພາບ ຫຼື ປະ­ກົດ​ການ​ຂອງ​ມານ​ຍາ ທີ່​ເອີ້ນ​ວ່າ​ລິດ ຫຼື ມີ​ລິດ​ແລ້ວ​ກໍ​ຢາກ​ສະ­ແດງ​ລິດ​ໃຫ້​ເກີດ​ເດດ ພວກ​ເຮົາ​ທັງ­ຫຼາຍ​ຈິ່ງ​ເອີ້ນ​ວ່າ ລິດ­ເດດ ໃນ​ໂຕ​ລິດ­ເດດ​ນີ້ ພຣະ​ພຸດ­ທະ­ເຈົ້າ​ບໍ່​ໄດ້​ສົ່ງ­ເສີມ​ໃຫ້​ສາ­ວົກ​ເອົາ​ມາ​ສະ­ແດງ​ເຜີຍ­ແຜ່​ກັນ ເພາະ​ຜົນ​ຂອງ​ການ​ປະ­ຕິ­ບັດ​ທຳ​ມັນ​ຮູ້​ໄດ້​ສະ­ເພາະ​ຕົນ ແຕ່​ມີ​ຄົນ​ສ່ວນ​ໜຶ່ງ​ກັບ­ເຂົ້າ​ໃຈ​ຜິດ​ວ່າ ລິດ­ເດດ​ຄື​ໂຕ​ເປືອກ​ຂອງ​ສາດ­ສະ­ໜາ​ນີ້ ວ່າ​ເປັນ​ແກ່ນ​ແທ້ ແລະ ສຳ­ລັບ​ຜູ້​ປະ­ຕິ­ບັດ​ທຳ​ໃນ​ພຣະ​ພຸດ​ທະ​ສາດ­ສະ­ໜາ​ທີ່­ແທ້​ຈິງ​ນັ້ນ ຍ່ອມ​ເປັນ​ໄປ​ເພື່ອ​ລົດ-ລະ-ເລີກ ທິດ​ຖີ​ມາ­ນະ ຄື​ໝາຍ​ຄວາມ​ວ່າ ລົດ​ຂອງ​ພະ​ທຳ​ເປັນ​ລົດ​ຂອງ​ຄວາມ​ຫຼຸດ​ພົ້ນ ເພິ່ນ​ປຽບ​ດັ່ງ​ແມ່­ນ້ຳ​ທັງ­ຫຼາຍ​ທີ່​ໄຫຼ​ລົງ​ສູ່​ມະ­ຫາ​ສະ­ໝຸດ ແລ້ວ​ຈະ​ບໍ່​ມີ​ແມ່­ນ້ຳ​ຊື່​ນັ້ນ​ຊື່​ນີ້​ອີກ​ໃນ​ມະ­ຫາ​ສະ­ໝຸດ ໃນ​ທາງ​ກົງ­ກັນ­ຂ້າມ ຖ້າ​ໃຜ​ປະ­ຕິ­ບັດ​ທຳ​ແລ້ວ​ຍິ່ງ​ໂຊ​ສະ­ແດງ​ຕົວ​ຕົນ​ເກີດ​ມາ­ນະ​ທິດ​ຖີ​ຖື­ໂຕ ຫຼື ຢຶດ​ເອົາ​ຕົນ​ເອງ​ເປັນ​ສູນ​ກາງ​ແລ້ວ ກໍ​ເປັນ​ເລື່ອງ​ທີ່​ໜ້າ​ຄິດ​ຢູ່ ເພາະ​ມັນ​ສວນ​ທາງ​ກັນ​ກັບ​ຫຼັກ​ຄຳ​ສອນ​ທີ່­ແທ້​ຈິງ​ຂອງ​ພຣະ​ພຸດ​ທະ​ສາດ­ສະ­ໜາ.</p> <p style="text-align: justify; "> ດັ່ງ­ນັ້ນ ຖ້າ​ເຮົາ​ປະ­ຕິ­ບັດ​ທຳ ແຕ່​ພັດ​ມີ​ຄວາມ​ຫຼົງ (ໂມ­ຫະ) ໂທ­ສະ ຄື​ຄວາມ​ຄຽດ​ແຄ້ນ ແລະ ໂລ­ພະ ຄື​ຄວາມ​ຢາກ​ໄດ້​ໃນ​ທາງ​ທີ່​ບໍ່​ເປັນ​ກຸ­ສົນ ເຂົ້າ​ຄອບ​ງຳ​ແນວ​ຄິດ​ຈິດ­ໃຈ​ແລ້ວ ມັນ​ຈະ​ກ້າວ​ໄປ​ສູ່​ຄວາມ​ຫຼຸດ​ພົ້ນ​ໄດ້​ຈັ່ງ​ໃດ? ພຣະ​ພຸດ­ທະ­ເຈົ້າ​ມີ​ແຕ່​ສອນ​ໃຫ້​ທຳ­ລາຍ​ອະ­ກຸ­ສົນ​ລະ​ມູນ​ທັງ​ສາມ​ປະ­ການ​ນີ້ ດ້ວຍ​ວິ­ຊາ (ປັນ­ຍາ) ຈິ່ງ​ເປັນ​ການ​ດີ ບໍ່​ດັ່ງ​ນັ້ນ­ແລ້ວ​ກໍ​ຈະ​ຫຼົງ​ຖື​ເອົາ​ແຕ່​ເປືອກ​ໄປ​ເຊີຍ​ຊົມ​ຕະ­ຫຼອດ​ຊີ­ວິດ ເປັນ​ແນວ​ນີ້​ກໍ​ບໍ່​ຕ່າງ​ຫຍັງ​ກັບ​ເຫັນ​ກົງ­ຈັກ​ເປັນ​ດອກ​ບົວ ການ​ນຳ​ສະ­ເໜີ​ບົດ​ນີ້ ແມ່ນ​ມີ​ຈຸດ­ປະ­ສົງ​ສະ­ແດງ​ຄຳ​ເຫັນ​ຕໍ່​ກໍ­ລະ­ນີ​ສື່​ມວນ​ຊົນ​ອອກ​ຂ່າວ​ກ່ຽວ​ກັບ​ສູນ​ປະ­ຕິ­ບັດ​ທັມ​ແຫ່ງ​ໜຶ່ງ.</p> <p style="text-align: justify; "> <strong>ໂດຍ: </strong><strong>ອຸ­ບາ­ສົກ</strong></p>

ຂ່າວທີ່ກ່ຽວຂ້ອງ