ຂ່າວຫຼ້າສຸດ

ເປັນຫ່ວງ... ນັກວິທະຍາສາດຜູ້ລືຊື່

2.320 22 ສ.ຫ. 2012 ນານາສາລະ

<p>  </p> <p style="text-align: justify; "> ເພື່ອນ​ຜູ້​ອ່ານ​ຂາ​ປະ­ຈຳ​ຄໍ​ລຳ​ພວກ​ເຮົາ ສ່ອງ​ແສງ​ມາ​ໃນ​ວັນ​ທີ 20/8/2012 ວ່າ: ໄດ້​ອ່ານ​ບົດ​ໃນ​ຫົວ­ຂໍ້ “...ຕ້ອງ​ມີ​ສະ­ຕິ ...ບໍ່​ຕົກ​ເປັນ​ເຄື່ອງ­ມື ...” ທີ່​ເວົ້າ​ເຖິງ​ການ​ເຊື່ອ​ຖື​ຂອງ​ຄົນ​ໃນ​ສັງ­ຄົມ ໂດຍ​ຍົກ​ເອົາ​ເຫດ­ການ​ຢູ່​ປະ­ເທດ​ໃກ້​ຄຽງ​ຂຶ້ນ​ມາ​ເວົ້າ ແລະ ຮຽກ­ຮ້ອງ​ໃຫ້​ສື່​ມວນ​ຊົນ​ມີ​ສະ­ຕິ ໃນ​ການ​ລົງ​ພິມ​ບົດ-ຂ່າວ ເພາະ​ສື່​ຕ້ອງ​ສະ­ເໜີ​ເລື່ອງ​ທີ່​ເປັນ​ວິ­ທະ­ຍາ­ສາດ​ຢືນ​ໄດ້ ມີ​ທັງ​ຫຼັກ​ຖານ​ຢັ້ງ­ຢືນ​ແຫຼ່ງ​ຂ່າວ ທັງ​ສອດ­ຄ່ອງ​ກັບ​ແນວ­ທາງ​ຂອງ​ພັກ-ລັດ ເພິ່ນ​ເຫັນ​ດີ​ນຳ ແລະ ສະ­ແດງ​ຄວາມ​ເປັນ​ຫ່ວງ​ວ່າ: ມີ​ວາ­ລະ­ສານ​ສະ­ບັບ​ໜຶ່ງ​ຂຽນ​ເລື່ອງ​ນັກ­ວິ­ທະ­ຍາ­ສາດ​ຜູ້​ລື​ຊື່​ຂອງ​ປະ­ເທດ​ລາວ ມີ​ຕຳ­ແໜ່ງ​ສູງ​ສົມ­ຄວນ ໄປ​ຍ້ອງ­ຍໍ ແລະ ງຶດ­ງໍ້​ເລື່ອງ​ທີ່​ວິ­ທະ­ຍາ­ສາດ​ບໍ່​ສາ­ມາດ​ຢັ້ງ­ຢືນ​ໄດ້... ບໍ່​ທໍ່​ນັ້ນ ຍັງ​ເວົ້າ​ເຖິງ​ການ​ນຳ​ໃຊ້​ບຸກ­ຄົນ​ພິ­ເສດ​ຂອງ​ອົງ­ການ​ສືບ​ລາ­ຊະ­ການ​ລັບ CIA ມາ​ຢັ້ງ­ຢືນ...</p> <p style="text-align: justify; "> ເຫັນ​ແນວ​ນີ້​ອົດ​ເປັນ​ຫ່ວງ​ບໍ່​ໄດ້... ນັກ­ວິ­ທະ­ຍາ­ສາດ​ເປັນ​ຫຍັງ​ບໍ່​ໄປ​ຄົ້ນ­ຄວ້າ​ຫົວ­ຂໍ້​ວິ­ຊາ​ການ​ໃດ​ໜຶ່ງ ເພື່ອ​ເປັນ​ຂໍ້​ມູນ... ບ່ອນ​ອີງ​ຮັບ​ໃຊ້​ໃຫ້​ແກ່​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ... ບໍ່​ເຮັດ​ໜ້າ­ທີ່​ຂອງ​ຕົນ ແຕ່​ໄປ​ເວົ້າ​ເລື່ອງ​ອື່ນ.</p> <p style="text-align: justify; "> ເມື່ອ​ເປັນ​ເຊັ່ນ​ນີ້ ສັງ­ຄົມ​ຈະ​ວ່າ​ແນວ­ໃດ ? ສົມ​ພໍ​ດອກ​ປະ­ຊາ­ຊົນ​ຜູ້​ບໍ່​ມີ​ຄວາມ​ຮູ້​ຄວາມ​ຫຼັກ​ສູງ ຈຶ່ງ​ເຊື່ອ​ປະ­ກົດ​ການ​ຕ່າງໆ​ງ່າຍ ເພາະ​ກະ​ໂຕ​ນັກ­ວິ­ທະ­ຍາ­ສາດ​ແທ້ໆ​ກໍ​ຍັງ​ເຊື່ອ ແລະ ງຶດ­ງໍ້... ເຊື່ອ​ແຕ່​ຕົນ​ເອງ​ກໍ​ພໍ­ແລ້ວ ບໍ່​ມີ​ໃຜ​ວ່າ... ບໍ່​ຄວນ​ເຊີນ­ຊວນ​ຜູ້​ອື່ນ​ອີກ.</p> <p style="text-align: justify; "> ເພິ່ນ​ສະ­ແດງ​ຄຳ​ເຫັນ​ວ່າ: ອົງ­ການ​ຄຸ້ມ​ຄອງ​ສະ­ພາ​ວິ­ທະ­ຍາ­ສາດ​ແຫ່ງ​ຊາດ ຄິດ​ແນວ­ໃດ​ຕໍ່​ເລື່ອງ​ນີ້ ? ອົງ­ການ​ອື່ນ​ເດ​ທີ່​ມີ​ສ່ວນ​ກ່ຽວ­ຂ້ອງ ຄິດ​ແນວ­ໃດ ?.</p> <p style="text-align: justify; "> ເບື້ອງ​ສື່​ມວນ​ຊົນ​ກໍ​ຄວນ​ໄດ້​ຕັ້ງ​ບັນ­ຫາ​ວ່າ: ການ​ລົງ​ພິມ​ບົດ​ນີ້​ມີ​ປະ­ໂຫຍດ​ຫຍັງ​ແດ່ ? ເຮັດ​ໜ້າ­ທີ່​ຖືກ­ຕ້ອງ​ຕາມ​ຈັນ​ຍາ​ບັນ ກົດ­ໝາຍ​ສື່​ມວນ​ຊົນ​ວາງ​ອອກ ຫຼື ບໍ່ ? ຂ້າງ​ເທິງ​ນັ້ນ​ຄື​ຄຳ​ສ່ອງ​ແສງ​ຈາກ​ເພື່ອນ​ຜູ້​ອ່ານ​ນໍ ? ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ “ແນວ​ລາວ” ບໍ່​ທັນ​ມີ​ຄຳ​ເຫັນ ແຕ່​ຢາກ​ໃຫ້​ເພື່ອນ​ຜູ້​ອ່ານ​ທັງ­ຫຼາຍ​ທີ່​ອ່ານ​ຄໍ​ລຳ​ນີ້​ແລ້ວ ຊ່ວຍ​ມີ​ຄຳ​ເຫັນ​ສ່ອງ​ແສງ​ເຂົ້າ​ມາ​ຄໍ​ລຳ​ຕື່ມ​ອີກ.</p> <p style="text-align: justify; "> ເພື່ອ​ຫຍັງ ? ເພື່ອ​ຢາກ​ຮູ້​ວ່າ​ບັນ­ດາ​ຜູ້​ອ່ານ​ຄິດ​ແນວ­ໃດ​ຕໍ່​ບັນ­ຫາ​ນີ້ ? ການ​ແກ້​ໄຂ​ຈະ​ເຮັດ​ຢ່າງ­ໃດ ? ໂດຍ​ສະ­ເພາະ​ເບື້ອງ​ການ­ຈັດ­ຕັ້ງ​ຄຸ້ມ​ຄອງ​ບໍ­ລິ­ຫານ.</p> <p style="text-align: justify; "> ທັງ​ໝົດ​ນີ້ ກໍ​ເພື່ອ​ຊອກ​ທາງ​ອອກ​ຊ່ວຍ​ກັນ​ວ່າ: ໃນ­ຕໍ່­ໜ້າ​ສື່​ມວນ​ຊົນ​ຄວນ​ເຮັດ​ຫຍັງ​ແດ່ ? ໂດຍ​ສະ­ເພາະ​ແມ່ນ​ການ​ນຳ​ສະ­ເໜີ​ເຫດ­ການ​ຕ່າງໆ​ທີ່​ມີ​ລັກ­ສະ­ນະ​ອ່ອນ​ໄຫວ ຄື​ດັ່ງ­ກ່າວ​ມາ​ຂ້າງ​ເທິງ​ນັ້ນ.</p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ