ຂ່າວຫຼ້າສຸດ

ຄວາມສຳຄັນຂອງເສັ້ນທາງໂຮ່ຈິມິນ ເບື້ອງຕາເວັນຕົກ

1.795 15 ສ.ຫ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ອ່ານ​ບົດ​ທີ່​ລົງ​ພິມ​ໃນ​ຄໍ​ລຳ​ຮ່ວມ​ສະ­ເຫຼີມ­ສະ­ຫຼອງ​ປີ​ສາ­ມັກ­ຄີ​ມິດ­ຕະ­ພາບ ລາວ-ຫວຽດ­ນາມ 2012 ໃນ​ຫົວ­ຂໍ້ “ຄຸນ​ທຳ​ແຫ່ງ​ຊາດ​ແມ່ນ​ປັດ​ໄຈ​ພື້ນ­ຖານ​ຂອງ​ການ​ພົວ­ພັນ​ແບບ​ພິ­ເສດ ຫວຽດ-ລາວ” ທີ່​ຂຽນ​ໂດຍ ດຣ.ຫວູ​ກາວ​ຟານ ບົດ​ນີ້​ຄິດ​ວ່າ ເພິ່ນ​ຄັດ​ມາ​ຈາກ​ວາ­ລະ­ສານ​ສະ­ບັບ​ພິ­ເສດ​ມິດ­ຕະ­ພາບ ຫວຽດ-ລາວ ທີ່​ຈັດ​ພິມ​ໂດຍ​ສະ­ມາ­ຄົມ​ມິດ­ຕະ­ພາບ ຫວຽດ-ລາວ ຮ່າ​ໂນ້ຍ ປີ 2002 ເນື່ອງ​ໃນ​ໂອ­ກາດ​ລະ­ນຶກ​ສອງ​ວັນ​ປະ­ຫວັດ­ສາດ​ຂອງ​ສອງ​ຊາດ.</p> <p style="text-align: justify; "> ອ່ານ​ບົດ​ຍິ່ງ​ເຂົ້າ­ໃຈ​ແຈ້ງ​ຕື່ມ ກ່ຽວ​ກັບ​ການ​ພົວ­ພັນ​ພິ­ເສດ​ຂອງ​ສອງ​ຊາດ ແລະ ຍິ່ງ​ພູມ­ໃຈ​ທີ່​ເພື່ອນ​ຫວຽດ­ນາມ ຮູ້​ເຖິງ​ເບື້ອງ​ເລິກ​ຂອງ​ໝາກ​ຫົວ­ໃຈ​ຄົນ​ລາວ ດັ່ງ​ໃນ​ຈຸດ​ໜຶ່ງ​ຂອງ​ບົດ​ຂຽນ​ວ່າ: “ໃນ​ປາງ​ຕໍ່­ຕ້ານ ເວົ້າ​ສະ­ເພາະ​ແຕ່​ລະ­ບົບ​ຂົນ­ສົ່ງ​ຍຸດ​ທະ​ສາດ​ສາຍ­ພູ​ຫຼວງ ທີ່​ລາວ ຕົກ­ລົງ​ໃຫ້​ແລ່ນ​ຜ່ານ​ດິນ­ແດນ​ຂອງ​ຕົນ​ນັ້ນ ປະ­ຊາ­ຊົນ​ລາວ ໄດ້​ເສຍ­ສະ­ຫຼະ​ໃຫ້​ແກ່​ການ​ປະ­ຕິ­ວັດ​ຂອງ​ຫວຽດ­ນາມ ການ​ປະ­ຕິ­ວັດ​ອິນ​ໂດ​ຈີນ ບໍ່​ຈັກ​ວ່າ​ທໍ່​ໃດ ຊາວ​ລາວ ຕ້ອງ​ທົນ​ຮັບ​ລະ­ເບີດ ລູກ­ປືນ​ຂອງ​ອາ­ເມ­ລິ­ກາ ທີ່​ຖິ້ມ​ລົງ​ນີ້​ເກືອບ 2 ລ້ານ 5 ແສນ​ໂຕນ ແຕ່​ປະ­ຊາ­ຊົນ​ລາວ ບໍ່​ເຄີຍ​ອ້າງ​ບຸນ​ອ້າງ​ຄຸນ ບໍ່​ເຄີຍ​ຈົ່ມ​ວ່າ: ບໍ່​ເຄີຍ​ຮຽກ­ຮ້ອງ​ທົດ​ແທນ...” ຈາກ​ການ​ຕີ​ລາ­ຄາ​ຂອງ​ເພື່ອນ​ຫວຽດ­ນາມ ຄື​ແນວ​ນັ້ນ ພວກ​ເຮົາ​ຍິ່ງ​ເຫັນ​ຄວາມ​ສຳ­ຄັນ​ຂອງ​ເສັ້ນ­ທາງ​ໂຮ່​ຈິ​ມິນ ແລະ ພາກ­ພູມ​ໃຈ​ຕໍ່​ການ​ປະ­ກອບ­ສ່ວນ​ດັ່ງ­ກ່າວ.</p> <p style="text-align: justify; "> ໃນ​ບົດ​ສູນ​ທອນ​ພົດ​ຂອງ​ສະ­ຫາຍ​ເລ­ຂາ­ທິ­ການ​ໃຫຍ່ ປະ­ທານ​ປະ­ເທດ ຈູມ​ມາ­ລີ ໄຊ​ຍະ​ສອນ ທີ່​ກ່າວ​ໃນ​ພິ­ທີ​ໂຮມ​ຊຸມ­ນຸມ​ລະ­ດັບ​ຊາດ ເພື່ອ​ສະ­ເຫຼີມ­ສະ­ຫຼອງ​ປີ​ສາ­ມັກ­ຄີ​ມິດ­ຕະ­ພາບ ລາວ-ຫວຽດ­ນາມ ຫວຽດ­ນາມ-ລາວ ປີ 2012 ທີ່​ນະ­ຄອນ­ຫຼວງ​ວຽງ​ຈັນ ວັນ​ທີ 18/7/2012 ມີ​ບາງ​ຕອນ​ທີ່​ກ່າວ​ເຖິງ​ເສັ້ນ­ທາງ​ໂຮ່​ຈິ​ມິນ​ວ່າ: ພັກ-ລັດ ແລະ ປະ­ຊາ­ຊົນ​ລາວ​ບັນ­ດາ­ເຜົ່າ ມີ​ຄວາມ​ພາກ­ພູມ​ໃຈ ແລະ ທະ​ນົງ​ໃຈ​ເປັນ​ຢ່າງ​ຍິ່ງ​ທີ່​ເຫັນ​ວ່າ ໃນ​ຕະ­ຫຼອດ​ໄລ­ຍະ​ຫຼາຍ​ສິບ​ປີ​ແຫ່ງ​ຄວາມ​ສຳ­ພັນ​ສູ້​ລົບ ແລະ ສູ້​ຮົບ​ມີ​ໄຊ ລະ­ຫວ່າງ​ສອງ​ປະ­ເທດ​ນັ້ນ ພວກ​ເຮົາ​ໄດ້​ປະ­ກອບ­ສ່ວນ​ສຸດ​ຄວາມ​ສາ­ມາດ​ຂອງ​ຕົນ ເຂົ້າ​ໃນ​ການ​ຕໍ່­ສູ້​ມີ​ໄຊ​ຂອງ​ປະ­ຊາ­ຊົນ​ຫວຽດ­ນາມ​ອ້າຍ​ນ້ອງ ອັນ​ພິ­ເສດ​ທີ່​ສຸດ ໃນ​ນັ້ນ​ແມ່ນ​ມີ “ເສັ້ນ­ທາງ​ໂຮ່​ຈິ​ມິນ” ອັນ​ລື​ຊື່​ຢູ່​ບົນ​ດິນ­ແດນ​ລາວ ຍາວ​ຢຽດ​ຕາມ​ສາຍ­ພູ​ຫຼວງ​ເບື້ອງ​ຕາ­ເວັນ­ຕົກ ທີ່​ໄດ້​ສ້າງ​ເງື່ອນ­ໄຂ​ສະ­ດວກ​ຫຼາຍ​ປະ­ການ​ໃຫ້​ແກ່​ການ​ເຄື່ອນ​ທັບ ທັງ​ເປັນ​ບ່ອນ​ເຕົ້າ­ໂຮມ​ກຳ­ລັງ ແລະ ອາ­ວຸດ​ຍຸດ​ໂທ​ປະ­ກອນ ສຳ­ລັບ​ການ​ບຸກ​ຕີ​ປົດ​ປ່ອຍ​ພາກ​ໃຕ້​ຫວຽດ­ນາມ.</p> <p style="text-align: justify; "> ພະ­ນັກ­ງານ ນັກ­ຮົບ ແລະ ປະ­ຊາ­ຊົນ​ລາວ ທີ່­ຢູ່​ລຽບ​ຕາມ​ສາຍ­ພູ​ຫຼວງ​ເບື້ອງ​ຕາ­ເວັນ­ຕົກ ໄດ້​ເຂົ້າ​ຮ່ວມ​ຕີ​ຕ້ານ​ກຳ­ລັງ​ຂອງ​ສັດ­ຕູ​ຢ່າງ​ຕໍ່​ເນື່ອງ ທັງ​ໄດ້​ຊ່ວຍ​ລຳ­ລຽງ​ອາ­ວຸດ​ຍຸດ​ໂທ​ປະ­ກອນ ຊ່ວຍ​ເບິ່ງ­ແຍງ​ລ້ຽງ​ດູ​ທະ­ຫານ​ຫວຽດ­ນາມ ໃນ​ສະ­ຖາ­ນະ​ການ​ທີ່​ຄັບ­ຂັນ ແລະ ໃນ​ຍາມ​ເຈັບ ດ້ວຍ​ຄວາມ​ຮັກ­ແພງ​ຖະ­ໜອມ​ຄື​ກັນ​ກັບ​ລູກ​ຫຼານ​ຂອງ​ຕົນ.</p> <p style="text-align: justify; "> ເສັ້ນ­ທາງ​ໂຮ່​ຈິ​ມິນ ລຽບ​ສາຍ­ພູ​ຫຼວງ​ຕາ­ເວັນ­ຕົກ​ໃນ​ຍາມ​ສົງ­ຄາມ ໄດ້​ກາຍ­ເປັນ​ສະ­ໜາມ­ຮົບ​ອັນ​ດຸ­ເດືອດ​ທີ່​ໄດ້​ສ້າງ​ຄວາມ​ສູນ​ເສຍ​ທັງ​ຊີ­ວິດ ແລະ ຊັບ​ສິນ​ຂອງ​ປະ­ຊາ­ຊົນ​ລາວ ເປັນ​ຈຳ­ນວນ​ຫຼວງ­ຫຼາຍ ສະ­ໜາມ­ຮົບ​ບົນ​ເສັ້ນ­ທາງ​ໂຮ່​ຈິ​ມິນ ແມ່ນ​ສະ­ໜາມ­ຮົບ​ທີ່​ທະ­ຫານ​ຫວຽດ­ນາມ ໄດ້​ສາ­ມັກ­ຄີ​ກັບ​ທະ­ຫານ ແລະ ປະ­ຊາ­ຊົນ​ລາວ ຕໍ່­ສູ້​ບົນ​ຈິດ­ໃຈ​ສາ­ກົນ ຖານ​ສະ­ຫາຍ​ອ້າຍ​ນ້ອງ ຢາດ​ເຫື່ອ ແລະ ນ້ຳ​ຕາ ຢາດ​ເລືອດ ແລະ ຊີ­ວິດ​ຂອງ​ເຂົາ­ເຈົ້າ ໄດ້​ເຈືອ​ຈານ​ເຂົ້າ­ກັນ ເພື່ອ​ໄຊ­ຊະ­ນະ​ຂອງ​ການ​ປະ­ຕິ­ວັດ​ປົດ​ປ່ອຍ ແລະ ທ້ອນ­ໂຮມ​ປະ­ເທດ​ຊາດ​ຂອງ​ພວກ​ເຮົາ.</p> <p style="text-align: justify; "> ພັກ-ລັດ ແລະ ປະ­ຊາ­ຊົນ​ລາວ ຮູ້­ສຶກ​ເອກ­ອ້າງ​ທະ​ນົງ​ໃຈ ແລະ ຖື​ການ​ປະ­ກອບ­ສ່ວນ​ດັ່ງ­ກ່າວ​ນັ້ນ ເປັນ​ການ​ປະ­ຕິ­ບັດ​ຕາມ​ຄຳ​ກອນ​ອັນ​ລື​ຊື່​ຂອງ​ປະ­ທານ ໂຮ່​ຈິ​ມິນ ທີ່​ວ່າ “ສອງ​ຊາດ ລາວ-ຫວຽດ­ນາມ ໄດ້​ຝັງ​ຄວາມ​ຮັກ​ຢູ່​ໃນ​ໃຈ​ຮົງ​ຮ່າ ທັງ​ແມ່​ຂອງ​ບໍ່​ເລິກ​ປຸນ​ປານ​ໄດ້”...</p> <p style="text-align: justify; "> ຈາກ​ຄວາມ​ສຳ­ຄັນ​ຂອງ​ມູນ­ເຊື້ອ​ດັ່ງ­ກ່າວ ມັນ​ຮຽກ­ຮ້ອງ​ໃຫ້​ຄົນ​ຮຸ່ນ​ສືບ​ທອດ ຕ້ອງ​ໄດ້​ເຂົ້າ­ໃຈ​ແຈ້ງ​ເຖິງ​ຄວາມ​ສຳ­ຄັນ​ຂອງ​ເສັ້ນ­ທາງ​ໂຮ່​ຈິ​ມິນ ໃນ​ພາ­ລະ­ກິດ​ຕໍ່­ສູ້​ປົດ​ປ່ອຍ​ຊາດ​ຂອງ​ລາວ ແລະ ພາ­ລະ­ກິດ​ທ້ອນ­ໂຮມ​ປະ­ເທດ​ຊາດ​ຂອງ​ຫວຽດ­ນາມ ໂດຍ​ສະ­ເພາະ​ແມ່ນ​ເສັ້ນ­ທາງ​ໂຮ່​ຈິ​ມິນ ເບື້ອງ​ຕາ­ເວັນ­ຕົກ.</p> <p style="text-align: justify; "> ຄື​ດັ່ງ​ບົດ​ຂຽນ​ຂອງ ດຣ.ຫວູ​ກາວ​ຟານ ທີ່​ສະ­ແດງ​ໃຫ້​ເຫັນ​ເຖິງ​ຄຸນ​ທຳ​ຂອງ​ຄົນ​ລາວ ສະ­ແດງ​ໃຫ້​ເຫັນ​ເຖິງ​ການ​ເສຍ­ສະ­ຫຼະ​ຂອງ​ປະ­ຊາ­ຊົນ​ລາວ ໃຫ້​ແກ່​ການ​ປະ­ຕິ­ວັດ​ຫວຽດ­ນາມ ໂດຍ​ສະ­ເພາະ​ການ​ທີ່​ລາວ ຕົກ­ລົງ​ໃຫ້​ມີ​ເສັ້ນ­ທາງ​ໂຮ່​ຈິ​ມິນ ແລ່ນ​ຜ່ານ​ດິນ­ແດນ​ຂອງ​ຕົນ.</p> <p style="text-align: justify; "> ຄົນ​ຮຸ່ນ​ໜຸ່ມ​ຕ້ອງ​ໄດ້​ຮັບ​ຮູ້ ທັງ​ຮ່ຳ­ຮຽນ​ສຶກ​ສາ​ເອົາ​ແບບ­ຢ່າງ​ທີ່​ດີ­ເລີດ ແລະ ຜ່ອງ​ໃສ​ຄື​ດັ່ງ­ກ່າວ.</p> <p style="text-align: justify; "> <strong>ໂດຍ: ​ເລີດ​ໄຊຊະນະ</strong></p>

ຂ່າວທີ່ກ່ຽວຂ້ອງ