ຂ່າວຫຼ້າສຸດ

ນັກຂ່າວດີເດັ່ນ ປະຈຳປີ 2012

2.455 09 ສ.ຫ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ໝູ່­ຄູ່​ໃນ​ວົງ​ການ​ຂ່າວ​ຕັ້ງ​ບັນ­ຫາ​ວ່າ: ເຫັນ​ຂ່າວ​ພະ​ແນກ ຖວ­ທ ແຂວງ​ຫຼວງ​ນ້ຳ​ທາ ໄດ້​ມີ​ການ​ຄັດ​ເລືອກ​ນັກ​ຂ່າວ​ດີ­ເດັ່ນ ປະ­ຈຳ​ປີ 2012 ເຊິ່ງ​ແມ່ນ​ປະ­ຕິ­ບັດ​ຕາມ​ແຈ້ງ​ການ​ຂໍ້​ຕົກ­ລົງ​ຂອງ​ກອງ​ປະ­ຊຸມ​ຄະ­ນະ​ປະ­ຈຳ​ສະ­ມາ­ຄົມ​ນັກ​ຂ່າວ ແຫ່ງ ສປປ ລາວ ເພື່ອ​ນຳ​ສະ­ເໜີ​ຍ້ອງ­ຍໍ​ໃນ​ວັນ​ສະ­ເຫຼີມ­ສະ­ຫຼອງ​ວັນ​ສື່​ມວນ​ຊົນ​ຄົບ­ຮອບ 62 ປີ ຄື ວັນ​ທີ 13 ສິງ­ຫາ 2012.</p> <p style="text-align: justify; "> ຂ່າວ​ນີ້​ສ້າງ​ຄວາມ​ດີ­ໃຈ​ໃຫ້​ແກ່​ນັກ​ຂ່າວ​ຫຼາຍ​ຄົນ ຄິດ​ວ່າ​ຢູ່​ສູນ​ກາງ​ເພິ່ນ​ກໍ​ຄົງ​ຈະ​ດຳ­ເນີນ​ຄື​ກັນ.</p> <p style="text-align: justify; "> ໝູ່­ຄູ່​ດີ­ໃຈ ເພາະ­ວ່າ​ເປັນ​ເທື່ອ​ທຳ​ອິດ​ທີ່​ມີ​ການ​ຍ້ອງ­ຍໍ​ອາ­ຊີບ​ນີ້​ໂດຍ​ກົງ ເຖິງ​ແມ່ນ​ວ່າ​ຫາ​ກໍ​ເລີ່ມ ຖ້າ​ທຽບ­ໃສ່​ຂະ­ແໜງ­ການ​ໃກ້​ຄຽງ​ກັນ ເຊັ່ນ: ນາມ­ມະ­ຍົດ​ສິ­ລະ​ປິນ​ກໍ​ຕາມ.</p> <p style="text-align: justify; "> ປີ​ນີ້​ເລີ່ມ​ເຮັດ ປີ​ຕໍ່​ໄປ​ກໍ​ເຮັດ ຄິດ​ວ່າ​ບຸກ­ຄົນ​ດີ­ເດັ່ນ​ຈະ​ມີ​ຫຼາຍ​ຂຶ້ນ ແລ້ວ​ຍາມ​ນັ້ນ​ເນື້ອ​ໃນ... ຮູບ​ການ​ຕ່າງໆ​ໃນ​ການ​ສ່ອງ​ແສງ​ຂອງ​ພາ­ຫະ­ນະ​ສື່​ມວນ​ຊົນ​ບ້ານ​ເຮົາ​ກໍ​ຄ່ອຍ​ດີ​ຂຶ້ນ ທີ່​ຕັ້ງ​ບັນ­ຫາ​ຄ່ອຍ​ດີ​ຂຶ້ນ ເພາະ­ວ່າ​ຫາງ​ສຽງ​ສັງ­ຄົມ​ໃຫ້​ຄວາມ​ເປັນ​ຫ່ວງ​ຕໍ່​ເນື້ອ​ໃນ​ຂ່າວ ຮູບ​ແບບ​ການ​ສະ­ເໜີ​ຂ່າວ ການ​ໃຊ້​ສັບ​ພາ­ສາ​ໃນ​ຂ່າວ​ຂອງ​ວົງ​ການ​ສື່​ມວນ​ຊົນ​ເຮົາ​ຍັງ​ມີ​ຂໍ້​ຈຳ­ກັດ​ຫຼາຍ​ຢ່າງ... ຍັງ​ບໍ່​ເວົ້າ​ໄປ​ໃກ້​ເຖິງ​ການ​ບຸກ​ທະ­ລຸ​ໃດ​ໜຶ່ງ​ໃນ​ວົງ​ການ​ຂ່າວ.</p> <p style="text-align: justify; "> ໃນ​ຄວາມ​ເປັນ​ຫ່ວງ​ຂອງ​ສັງ­ຄົມ​ນັ້ນ ມີ​ບັນ­ຫາ​ໜຶ່ງ​ທີ່​ຢາກ​ນຳ​ມາ​ແລກ­ປ່ຽນ​ບົດ­ຮຽນ​ນຳ​ກັນ... ເພາະ­ວ່າ​ຜູ້​ຂຽນ​ເອງ​ກໍ​ແມ່ນ​ນັກ​ຂ່າວ​ຄື​ກັນ... ຄັນ​ແມ່ນ​ໄລ່​ອາ­ຍຸ​ການ​ເປັນ​ນັກ​ຂ່າວ ກໍ​ເກືອບ 30 ປີ​ແລ້ວ... ສິ່ງ​ທີ່​ຫ່ວງ​ນັ້ນ ຄື: ຄຸນ​ທາດ​ການ­ເມືອງ ຫຼື ວ່າ​ທັດ­ສະ­ນະ​ຫຼັກ​ໝັ້ນ​ທາງ​ດ້ານ​ການ­ເມືອງ​ຂອງ​ນັກ​ຂ່າວ​ເຮົາ​ຍັງ​ບໍ່​ທັນ​ສູງ​ພໍ​ປານ­ໃດ ? ແມ່ນ​ຢູ່​ວ່າ​ທີ່​ຜ່ານ​ມາ ພວກ​ເຮົາ​ໄດ້​ຮັບ​ການ​ເຝິກ­ອົບ­ຮົມ​ທາງ​ດ້ານ​ທິດ​ສະ​ດີ​ການ­ເມືອງ ກໍ​ຄື​ທາງ​ວິ­ຊາ​ການ ບໍ່​ວ່າ​ຢູ່​ພາຍ​ໃນ​ກໍ​ຄື​ຕ່າງ­ປະ­ເທດ ມີ​ທັງ​ນັກ­ປາດ​ອາ­ຈານ​ຈາກ​ຕ່າງ­ປະ­ເທດ ແລະ ຄົນ​ລາວ... ແຕ່​ບໍ່​ທັນ​ກຳ​ໄດ້​ວ່າ ອັນ​ໃດ​ເປັນ​ຜົນ​ດີ ແລະ ຜົນ​ເສຍ​ຕໍ່​ສ່ວນ​ລວມ ແລະ ປະ­ເທດ​ຊາດ... ຍາມ​ໃດ​ຄວນ​ເວົ້າ​ຄວນ​ຂຽນ ແລະ ຂຽນ​ແນວ­ໃດ​ຈຶ່ງ​ຈະ​ເໝາະ​ສົມ ສະ­ແດງ​ອອກ​ໃນ​ການ​ຂຽນ​ຂ່າວ​ຕຳ​ໜິ​ຕິ​ຊົມ​ບໍ່​ຮັດ­ກຸມ ຂໍ້​ມູນ​ບໍ່​ຊັດ​ເຈນ ການ​ນຳ​ສະ­ເໜີ​ແຫຼ່ງ​ຂ່າວ​ຈາກ​ຕ່າງ­ປະ­ເທດ​ບໍ່​ເປັນ​ຜົນ​ບວກ ແລະ ອື່ນໆ...</p> <p style="text-align: justify; "> ຕົວ­ຢ່າງ​ວ່າ: ດຽວ­ນີ້​ແນວ­ທາງ​ຂອງ​ພັກ​ເຮົາ​ເພິ່ນ​ຜັນ​ຂະ­ຫຍາຍ​ມະ­ຕິ IX ດ້ວຍ​ມະ­ຕິ 3 ສ້າງ​ຫັນ​ສູ່​ການ​ພັດ­ທະ­ນາ​ຊົນ­ນະ­ບົດ... ແຕ່​ຈຳ­ນວນ​ຂ່າວ​ທີ່​ຂຽນ​ສ່ອງ​ແສງ​ບັນ­ຫາ​ນີ້​ມີ​ໜ້ອຍ ! ໂດຍ​ສະ­ເພາະ​ປັດ​ໄຈ​ໃໝ່​ທີ່​ເກີດ​ຂຶ້ນ​ໃນ​ຂົງ­ເຂດ​ການ​ຜະ­ລິດ​ເປັນ​ສິນ­ຄ້າ ຄອບ­ຄົວ​ຕົວ​ແບບ​ໃນ​ການ​ຜະ­ລິດ ການ​ດຳ­ລົງ​ຊີ­ວິດ... ການ​ຫັນ​ລົງ​ສູ່​ຊົນ­ນະ­ບົດ​ເຂດ​ຫ່າງ​ໄກ​ສອກ­ຫຼີກ​ຂອງ​ນັກ​ຂ່າວ ຍັງ​ບໍ່​ທັນ​ທົ່ວ​ເຖິງ...</p> <p style="text-align: justify; "> ຂ້າງ​ເທິງ​ນັ້ນ​ແມ່ນ​ຄວາມ​ເປັນ​ຫ່ວງ​ຂອງ​ສັງ­ຄົມ​ນໍ ? ການ​ທີ່​ສັງ­ຄົມ​ເປັນ​ຫ່ວງ​ນີ້ ໃນ​ນາມ​ນັກ​ຂ່າວ​ຜູ້​ໜຶ່ງ ກໍ່​ຮູ້­ສຶກ​ດີ­ໃຈ ເພາະ­ວ່າ​ພວກ​ເພິ່ນ​ຕິດ­ຕາມ​ຜົນ­ງານ​ຈຶ່ງ​ມີ​ຄຳ​ເຫັນ... ຄັນ​ແມ່ນ​ພວກ​ເພິ່ນ​ມິດ​ຢູ່ ອັນ​ນັ້ນ​ແມ່ນ​ອັນ­ຕະ­ລາຍ​ແທ້ໆ... ໃນ​ນາມ​ນັກ​ຂ່າວ​ຜູ້​ໜຶ່ງ ຂໍ​ສະ­ແດງ​ຄວາມ​ດີ­ໃຈ​ຕໍ່​ຄວາມ​ເປັນ​ຫ່ວງ​ຂອງ​ສັງ­ຄົມ ແລະ ສັນ­ຍາ​ວ່າ​ຈະ​ຕັ້ງ­ໜ້າ​ປະ­ຕິ­ບັດ​ໜ້າ­ທີ່​ໃຫ້​ດີ​ທີ່​ສຸດ ຕາມ​ຈັນ​ຍາ​ບັນ ແລະ ກົດ­ໝາຍ​ສື່​ມວນ​ຊົນ​ວາງ​ອອກ.</p> <p style="text-align: justify; "> <span style="color:#ff0000;"><strong>ຂໍ​ຊົມ­ເຊີຍ​ນັກ​ຂ່າວ​ດີ­ເດັ່ນ​ປະ­ຈຳ​ປີ 2012</strong></span></p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ