ຂ່າວຫຼ້າສຸດ

ອົດເຫຼົ້າ ! ຍາມເຂົ້າພັນສາ

1.846 07 ສ.ຫ. 2012 ນານາສາລະ

<p>  </p> <p style="text-align: justify; "> ເຂົ້າ​ພັນ​ສາ​ປີ​ນີ້​ໝູ່­ຄູ່​ຫຼາຍ​ຄົນ​ຖາມ​ວ່າ: ຍັງ​ຈະ​ປະ­ຕິ­ບັດ​ຄື­ເກົ່າ​ບໍ? ຫຼື​ວ່າ​ຈະ​ໃຫ້​ທຳ​ແຕກ!.</p> <p style="text-align: justify; "> ການ​ທີ່​ໝູ່­ຄູ່​ຖາມ​ແນວ​ນັ້ນ​ກໍ​ເພາະ­ວ່າ: ເລີ່ມ​ແຕ່​ປີ 2008 ມາ ພາຍ­ຫຼັງ​ໄປ​ກວດ​ສຸ­ຂະ­ພາບ​ມາ​ເຫັນ​ວ່າ ມີ​ໄຂ­ມັນ​ສູງ ມີ​ພະ­ຍາດ​ໃບ​ໄມ້​ໃນ​ຕັບ ມີ​ພະ­ຍາດ​ປະ­ດົງ... ກໍ​ເລີຍ​ປິ່ນ­ປົວ ແລະ ຢຸດ​ເຊົາ​ການ​ດື່ມ­ນ້ຳ​ເມົາ​ຕະ­ຫຼອດ 3 ເດືອນ (ຖືກ​ໄລ­ຍະ​ເຂົ້າ​ພັນ​ສາ) ແລະ ຕັ້ງ­ແຕ່​ນັ້ນ​ມາ ພໍ​ເຖິງ​ທ້າຍ​ເດືອນ​ກໍ­ລະ­ກົດ​ຂອງ​ທຸກ​ປີ ຈະ​ໄປ​ກວດ​ສຸ­ຂະ­ພາບ ໃນ 18 ລາຍ­ການ​ເຫັນ​ຫຍັງ ? ກໍ​ປິ່ນ­ປົວ ແລະ ຖື​ເອົາ 3 ເດືອນ​ເຂົ້າ​ພັນ​ສາ​ພັກ­ຜ່ອນ​ປິ່ນ­ປົວ.</p> <p style="text-align: justify; "> ປີ​ນີ້ (2012) ກໍ​ກວດ​ສຸ­ຂະ­ພາບ 18 ລາຍ­ການ ມີ​ອັນ​ໂປ່​ໂລ​ຂຶ້ນ​ມາ​ແມ່ນ​ທາດ​ນ້ຳ­ຕານ​ໃນ​ເລືອດ​ສູງ ໄຂ­ມັນ​ສູງ ກໍ​ເລີຍ​ເລີ່ມ​ກິນ​ຢາ​ປິ່ນ­ປົວ ແລະ ກ້າວ​ໄປ​ເຖິງ​ການ​ຖື​ເອົາ​ການ​ອົດ​ດື່ມ​ສິ່ງ​ມຶນ­ເມົາ​ຕະ­ຫຼອດ 3 ເດືອນ ໃນ​ຍາມ​ເຂົ້າ​ພັນ​ສາ​ຄື​ດັ່ງ​ທຸກ​ປີ.</p> <p style="text-align: justify; "> ຍ້ອນ​ວ່າ​ອາ­ຍຸ​ຂຶ້ນ​ຢຽບ​ເລກ​ຫ້າ​ປາຍໆ​ແດ່​ແລ້ວ ! ໝູ່­ຄູ່​ເລີຍ​ມີ​ຄວາມ​ເຫັນ​ວ່າ: ດື່ມ​ໄດ້ ແຕ່​ຄວນ​ຫຼຸດ​ລົງ ແລະ ພະ­ຍາ­ຍາມ​ຫຼີກ­ເວັ້ນ​ບໍ່​ໃຫ້​ເມົາ​ຖີ່​ກັນ​ໂພດ​ວ່າ​ຊັ້ນ ! ຄັນ​ຊິ​ເຊົາ​ບາດ​ດຽວ​ກໍ​ບໍ່​ໄດ້ ແນວ​ວ່າ​ຢູ່​ໃນ​ເລືອດ​ໃນ​ຢາງ​ນັ້ນ​ຕະ­ຫຼອດ 30 ກວ່າ​ປີ­ຜ່ານ­ມາ ມີ​ທາດ​ເຫຼົ້າ​ປະ​ປົນ​ຢູ່​ຕະ­ຫຼອດ... ເຊົາ​ປຸບ​ປັບ​ຢ້ານ​ສຸ­ຂະ­ພາບ​ຮ່າງ­ກາຍ​ປັບ​ປ່ຽນ​ບໍ່​ທັນ​ວ່າ​ຊັ້ນ !.</p> <p style="text-align: justify; "> ເວົ້າ​ເລື່ອງ​ອົດ​ດື່ມ​ສິ່ງ​ມຶນ­ເມົາ​ຍາມ​ເຂົ້າ​ພັນ​ສາ​ນີ້ ເຫັນ​ວ່າ​ເປັນ​ຂະ​ບວນ​ມາ​ຫຼາຍ​ປີ ແລະ ມີ​ຈຳ­ນວນ​ຄົນ​ເພີ່ມ​ຂຶ້ນ​ເລື້ອຍໆ ສັງ­ເກດ​ເຫັນ​ໝູ່­ຄູ່​ໃກ້­ຊິດ ຄົນ​ຢູ່​ສຳ­ນັກ­ງານ​ຫ້ອງ­ການ​ດຽວ​ກັນ ສະ­ມາ­ຊິກ​ສະ­ພາ​ກາ­ເຟ ຕ່າງ​ກໍ​ພາ­ກັນ​ຈັດ​ຕັ້ງ​ປະ­ຕິ­ບັດ​ຢ່າງ​ເຄັ່ງ​ຄັດ ໂດຍ​ສະ­ເພາະ​ຜູ້​ມີ​ອາ­ຍຸ​ຂຶ້ນ​ຢຽບ​ເລກ​ຫ້າ​ທັງ­ຫຼາຍ.</p> <p style="text-align: justify; "> ສັງ­ເກດ​ຜູ້​ດຽວ​ວ່າ: ການ​ທີ່​ມີ​ຈຳ­ນວນ​ຄົນ​ເຂົ້າ​ຮ່ວມ​ເພີ່ມ​ຂຶ້ນ ຄື​ຊິ​ແມ່ນ​ຜ່ານ​ການ​ກວດ​ສຸ­ຂະ­ພາບ​ແລ້ວ​ເຫັນ​ວ່າ ພະ­ຍາດ​ບາດ​ເຍົາ​ເລີ່ມ​ແຊກ​ຊຶມ​ເຂົ້າ​ມາ​ຫຼາຍ​ແທ້ໆ ເຊັ່ນ​ວ່າ: ຄວາມ­ດັນ­ເລືອດ­ສູງ ໄຂ­ມັນ ເບົາ­ຫວານ ສາ­ເຫດ​ອີກ​ອັນ​ໜຶ່ງ ແມ່ນ​ການ​ເຂົ້າ​ເຖິງ​ການ​ປິ່ນ­ປົວ​ສຸ­ຂະ­ພາບ ສະ­ດວກ​ສະ­ບາຍ​ກ່ວ​າ​ເກົ່າ ! ຜູ້​ອ່າວ​ເຕີບ​ແດ່​ກໍ​ບໍ່​ຈຳ­ເປັນ​ໄປ​ລຽນ​ແຖວ​ນຳ​ໃຊ້ ອປລ ພຽງ​ແຕ່​ນັດ​ແພດ​ໝໍ​ມາ​ເຈາະ​ເລືອດ​ຢູ່​ເຮືອນ​ໄປ​ກວດ​ກໍ​ເຫັນ​ຜົນ... ເຫັນ​ຜົນ​ທ່ານ­ໝໍ​ກໍ​ວາງ­ຢາ​ໃຫ້​ກິນ ປິ່ນ­ປົວ​ອາດ​ກວດ​ໄດ້ 18 ລາຍ­ການ ຖ້າ​ກວດ ອປລ ບໍ່​ໄດ້​ປານ​ນັ້ນ ເພາະ​ວົງ​ເງິນ​ສົມ­ທົບ​ບໍ່​ເຖິງ.</p> <p style="text-align: justify; "> ເວົ້າ​ເລື່ອງ​ສຸ­ຂະ­ພາບ​ຮ່າງ­ກາຍ​ນີ້ ຄັນ​ກວດ​ມັນ​ໂລດ​ເຫັນ​ພະ­ຍາດ ! ຄັນ​ບໍ່​ກວດ​ກໍ​ແລ້ວ­ໄປ... ເຈັບ​ຈຶ່ງ​ຄ່ອຍ​ວ່າ​ກັນ ! ແຕ່​ອັນ​ນັ້ນ​ບໍ່​ຄວນ​ແທ້​ເນີ ! ປີ​ໜຶ່ງ​ຄວນ​ກວດ​ເທື່ອ​ໜຶ່ງ ເຖິງ​ຈະ​ເປືອງ​ເງິນ​ແດ່​ກໍ​ຊ່າງ ເພາະ​ສຸ­ຂະ­ພາບ​ເຮົາ​ເອງ ! ຖ້າ​ເຮົາ​ບໍ່​ຮັກ ແລ້ວ​ໃຜ​ຊິ​ຮັກ​ເຮົາ​ນໍ ?.</p> <p style="text-align: justify; "> ຄັນ­ວ່າ​ຈ່າຍ​ຫຼາຍ​ຄວນ​ປຽບ­ທຽບ​ໃສ່​ເຮົາ​ຈ່າຍ​ແນວ​ອື່ນ ເຊັ່ນ​ວ່າ: ການ​ຊຸມ​ແຊວ ຫຼື ຈັບ​ຈ່າຍ​ແນວ​ບໍ່​ເປັນ​ປະ­ໂຫຍດ ຈຶ່ງ​ຈະ​ຮູ້​ວ່າ ເຮົາ​ຈ່າຍ​ຄ່າ​ກວດ​ສຸ­ຂະ­ພາບ ແລະ ປິ່ນ­ປົວ​ຄຸ້ມ​ຄ່າ ຫຼື ບໍ?.</p> <p style="text-align: justify; "> ຄັນ​ຫາກ​ແມ່ນ​ເປັນ​ໄປ​ໄດ້ ກໍ​ຢາກ​ອົດ​ໝົດ​ປີ​ພຸ້ນ​ລະ ! ແຕ່​ມັນ​ກໍ​ລຳ­ບາກ ເພາະ​ການ​ພົວ­ພັນ​ໃນ​ສັງ­ຄົມ​ສູ່​ມື້­ນີ້ ຕ້ອງ​ຍອມ­ຮັບ​ນຳ​ກັນ​ວ່າ ມັນ​ພົວ­ພັນ​ເລື່ອງ​ນ້ຳ​ເມົາ... ປະ­ຕິ­ເສດ​ຍາກ ປີ​ໜຶ່ງ​ອົດ​ໄດ້ 3 ເດືອນ ກໍ​ຍັງ​ດີ​ກວ່າ​ບໍ່​ອົດ​ນໍ?.</p> <p style="text-align: justify; "> ສຳ­ຄັນ​ກວ່າ​ນັ້ນ ແມ່ນ​ບໍ່​ໃຫ້​ດື່ມ​ຖີ່ ແລະ ເມົາ​ຖີ່​ໂພດ ແປະໆ​ບາງໆ​ກໍ​ຫາກ​ດີ... ຄັນ­ວ່າ​ເຮັດ​ໄດ້​ດອກ​ວ່າ !.</p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ