ກຽມກັນໄວ້ແດ່ ?

2.267 31 ກ.ກ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ອ່ານ​ຂ່າວ​ໃນ​ຫົວ­ຂໍ້​ກ່ຽວ​ກັບ​ກອງ​ປະ­ຊຸມ​ພາກ​ທຸ­ລະ​ກິດ​ອາ­ຊີ-ເອີ​ຣົບ (AEBF 13) ທີ່​ຈະ​ຈັດ​ຂຶ້ນ ໃນ​ວັນ​ທີ 3-5 ພະ­ຈິກ 2012 ທີ່​ນະ­ຄອນ­ຫຼວງ​ວຽງ​ຈັນ ໂດຍ​ຄາດ​ວ່າ​ຈະ​ມີ​ນັກ­ທຸ­ລະ­ກິດ​ແຖວ​ໜ້າ​ຈາກ​ບັນ­ດາ​ປະ­ເທດ​ສະ­ມາ­ຊິກ​ເອີ​ຣົບ ແລະ ອາ­ຊີ ເຂົ້າ​ຮ່ວມ​ຫຼາຍ​ກວ່າ 300 ຄົນ ໃນ​ນັ້ນ ພາກ​ທຸ­ລະ​ກິດ​ພາຍ​ໃນ​ປະ­ເທດ ແມ່ນ​ປະ­ມານ 50 ຄົນ.</p> <p style="text-align: justify; "> ໃນ​ກອງ​ປະ­ຊຸມ​ຄັ້ງ​ນີ້ ເນັ້ນ​ໃສ່ 4 ຫົວ­ຂໍ້​ໃຫຍ່ ເຊິ່ງ​ໃນ​ນັ້ນ​ມີ​ຫົວ­ຂໍ້: ຄວາມ​ຮັບ­ຜິດ­ຊອບ​ຂອງ​ວິ​ສາ​ຫະ​ກິດ​ຕໍ່​ສັງ­ຄົມ ທີ່​ຍົກ​ບັນ­ຫາ​ນີ້​ຂຶ້ນ​ມາ​ເວົ້າ​ກໍ​ເພາະ­ວ່າ: ໃນ​ຄໍ​ລຳ​ຂອງ​ພວກ​ເຮົາ​ເຄີຍ​ລົງ​ພິມ​ບົດ​ທີ່​ເວົ້າ​ເຖິງ​ຄວາມ​ຮັບ­ຜິດ­ຊອບ​ຕໍ່​ຜູ້​ບໍ­ລິ­ໂພກ ເຊິ່ງ​ຄິດ​ວ່າ​ມັນ​ຄົງ​ພົວ­ພັນ​ເຖິງ​ຫົວ­ຂໍ້​ດັ່ງ­ກ່າວ.</p> <p style="text-align: justify; "> ຜູ້​ຂຽນ​ອ່ານ​ພົບ​ຂໍ້​ມູນ​ດັ່ງ­ກ່າວ​ນີ້ ຈາກ Internet ເຊິ່ງ​ທຸ­ລະ​ກິດ​ທົ່ວ​ໂລກ​ເຂົາ​ພວມ​ຕັ້ງ​ບັນ­ຫາ​ພາ­ສາ​ອັງ­ກິດ ຂຽນ​ວ່າ: Corporate Social Responsibility = (CSR) ຄຳ​ນິ​ຍາມ​ຂອງ CSR ແມ່ນ​ການ​ດຳ­ເນີນ​ທຸ­ລະ​ກິດ​ໄປ​ຄຽງ​ຄູ່​ກັບ​ການ​ເອົາ­ໃຈ­ໃສ່​ເບິ່ງ­ແຍງ​ຮັກ­ສາ​ສັງ­ຄົມ ແລະ ສິ່ງ­ແວ­ດລ້ອມ ພາຍ​ໃຕ້​ຫຼັກ​ຈາ​ລິ​ຍະ​ທຳ ການ​ກຳ­ກັບ​ເບິ່ງ­ແຍງ​ກິດ­ຈະ­ການ​ທີ່​ດີ ເພື່ອ​ນຳ­ໄປ​ສູ່​ການ​ດຳ­ເນີນ​ທຸ­ລະ​ກິດ​ທີ່​ປະ­ສົບ​ຜົນ­ສຳ­ເລັດ​ຢ່າງ​ຍືນ​ຍົງ.</p> <p style="text-align: justify; "> ແນວ​ຄິດ CSR ເລີ່ມ​ເປັນ​ທີ່​ຮູ້­ຈັກ ແລະ ຍອມ­ຮັບ​ໃນ​ລະ­ດັບ​ໂລກ​ຫຼາຍ​ຂຶ້ນ ໃນ​ກອງ​ປະ­ຊຸມ World Economic Forum ປະ­ຈຳ​ປີ 1999 ໂດຍ​ທ່ານ ໂກ​ຟີ​ອາ​ນັນ ເລ­ຂາ­ທິ­ການ ອົງ­ການ ສປຊ ໄດ້​ຮຽກ­ຮ້ອງ​ໃຫ້​ອົງ​ກອນ​ທຸ­ລະ​ກິດ​ໃນ​ທຸກ​ປະ­ເທດ ສະ­ແດງ​ຄວາມ​ເປັນ​ພົນ­ລະ­ເມືອງ​ທີ່​ດີ​ຂອງ​ໂລກ ໂດຍ​ສະ­ເໜີ​ບັນ­ຍັດ 10 ປະ­ການ​ທີ່​ເອີ້ນ​ວ່າ: “The UN Global Compact” ປັດ­ຈຸ­ບັນ ມີ​ອົງ​ກອນ​ທຸ­ລະ​ກິດ​ຈາກ​ທົ່ວ​ໂລກ​ເປັນ​ສະ­ມາ­ຊິກ​ທັງ​ໝົດ 1.861 ບໍ­ລິ­ສັດ ແນວ​ຄວາມ​ຄິດ​ນີ້​ຖືກ​ກຳ­ນົດ​ເປັນ​ມາດ­ຕະ­ຖານ ໃນ​ປີ 2007 ຈາກ​ອົງ​ກອນ International Organization For Standardization (ISO) ເຊິ່ງ​ເອີ້ນ​ວ່າ: ມາດ­ຕະ­ຖານ “ISOŒsocial Response Ability” ຫຼື​ເອີ້ນ​ຫຍໍ້​ວ່າ: ISOŒ2007 ຕໍ່​ໄປ​ນີ້ ອົງ​ກອນ​ທຸ­ລະ​ກິດ​ໃຫຍ່ ຈະ​ຕ້ອງ​ໄດ້​ຜ່ານ​ການ​ຮັບ­ຮອງ​ມາດ­ຕະ­ຖານ​ນີ້ ຫາກ​ອົງ​ກອນ​ໃດ​ບໍ່​ປະ­ຕິ­ບັດ​ຕາມ​ແນວ​ຄິດ CSR ອາດ​ເກີດ​ບັນ­ຫາ​ໃນ​ການ​ພົວ­ພັນ​ຄ້າ­ຂາຍ ລົງ­ທຶນ ກັບ​ກຸ່ມ​ບໍ­ລິ­ສັດ​ໃຫຍ່​ໃນ​ທົ່ວ​ໂລກ.</p> <p style="text-align: justify; "> ການ​ດຳ­ເນີນ​ງານ​ຂອງ CSR ແບ່ງ​ເປັນ 8 ຫົວ­ຂໍ້ ຄື:</p> <p style="text-align: justify; "> 1/. ການ​ກຳ­ກັບ​ດູ​ແລ​ກິດ­ຈະ­ການ​ທີ່​ດີ.</p> <p style="text-align: justify; "> 2/. ການ​ປະ­ກອບ​ທຸ­ລະ​ກິດ​ດ້ວຍ​ຄວາມ​ເປັນ​ທຳ.</p> <p style="text-align: justify; "> 3/. ການ​ເຄົາ­ລົບ​ສິດ­ທິ​ມະ­ນຸດ ແລະ ການ​ປະ­ຕິ­ບັດ​ງານ​ຢ່າງ​ເປັນ​ທຳ.</p> <p style="text-align: justify; "> 4/. ການ​ຮັບ­ຜິດ­ຊອບ​ຕໍ່​ຜູ້​ບໍ­ລິ­ໂພກ.</p> <p style="text-align: justify; "> 5/. ການ​ຮ່ວມ​ພັດ­ທະ­ນາ​ຊຸມ​ຊົນ ແລະ ສັງ­ຄົມ.</p> <p style="text-align: justify; "> 6/. ການ​ດູ​ແລ​ຮັກ­ສາ​ສິ່ງ­ແວ­ດລ້ອມ.</p> <p style="text-align: justify; "> 7/. ນະ​ວັດ­ຕະ​ກຳ ແລະ ການ​ເຜີຍ­ແຜ່​ນະ​ວັດ­ຕະ​ກຳ​ຈາກ​ການ​ດຳ­ເນີນ​ກິດ­ຈະ­ການ ດ້ວຍ​ຄວາມ​ຮັບ­ຜິດ­ຊອບ​ຕໍ່​ສັງ­ຄົມ.</p> <p style="text-align: justify; "> 8/. ການ​ຈັດ​ທຳ­ລາຍ​ງານ​ດ້ານ​ສັງ­ຄົມ ແລະ ສິ່ງ­ແວ­ດລ້ອມ.</p> <p style="text-align: justify; "> ຕາມ​ແນວ­ທາງ​ປະ­ຕິ­ບັດ CSR ຕໍ່​ຜູ້​ບໍ­ລິ­ໂພກ​ນັ້ນ ມີ​ຫຼັກ­ການ​ຢູ່​ວ່າ: ການ​ໃຫ້​ບໍ­ລິ­ການ​ຂອງ​ອົງ​ກອນ​ທຸ­ລະ​ກິດ ບໍ່​ຄວນ​ກໍ່­ໃຫ້­ເກີດ​ຄວາມ​ເສຍ​ຫາຍ ຫຼື ອັນ­ຕະ­ລາຍ​ຕໍ່​ຜູ້​ບໍ­ລິ­ໂພກ ທຸ­ລະ​ກິດ​ຄວນ​ປັບ­ປຸງ​ມາດ­ຕະ­ຖານ​ຂອງ​ການ​ບໍ­ລິ­ການ ໃຫ້​ມີ​ຄວາມ​ເປັນ​ສາ­ກົນ ແລະ ໃຫ້​ທຸກ​ຄົນ​ສາ­ມາດ​ເຂົ້າ​ເຖິງ ຄວນ​ພັດ­ທະ­ນາ​ການ​ບໍ­ລິ­ການ​ເພື່ອ​ປະ­ໂຫຍດ ໃນ​ການ​ແກ້​ໄຂ​ບັນ­ຫາ​ຂອງ​ສັງ­ຄົມ ນຳ­ພາ​ສັງ­ຄົມ​ຜູ້​ບໍ­ລິ­ໂພກ​ໃຫ້​ເປັນ​ສັງ­ຄົມ​ດີ ມີ​ວິ­ໄນ ມີ​ວັດ­ທະ­ນະ­ທຳ ແລະ ຄຸນ​ນະ​ທຳ ຊຸກ​ດັນ​ໃຫ້­ການ​ພັດ­ທະ­ນາ​ສັງ­ຄົມ​ໃຫ້​ດີ​ຂຶ້ນ​ຕະ­ຫຼອດ​ໄປ ແລະ ຍືນ​ຍົງ.</p> <p style="text-align: justify; "> ໃນ​ບົດ​ທີ່​ລົງ​ພິມ​ກ່ອນ​ນັ້ນ ໄດ້​ຍົກ​ບັນ­ຫາ​ນະ­ໂຍ­ບາຍ​ຄືນ​ເງິນ​ໃຫ້​ແກ່​ຜູ້​ຊົມ­ໃຊ້​ໄຟ­ຟ້າ ແລະ ນ້ຳ​ປະ­ປາ ຈາກ​ສາ­ເຫດ​ໄຟ​ມັກ​ດັບ​ຖີ່​ໂພດ ແລະ ນ້ຳ​ປະ­ປາ​ມັກ​ບໍ່​ມາ ໂດຍ​ທັງ​ສອງ​ບໍ­ລິ­ສັດ​ບໍ່​ມີ​ການ​ແຈ້ງ​ລ່ວງ​ໜ້າ ບໍ່​ແມ່ນ​ມີ​ແຕ່​ການ​ບໍ­ລິ­ການ​ບໍ່​ທົ່ວ​ເຖິງ​ຂອງ​ສອງ​ບໍ­ລິ­ສັດ​ນີ້​ດອກ ! ຍັງ​ມີ​ຫຼາຍ​ບໍ­ລິ­ສັດ​ຢູ່ ແຕ່​ຍົກ​ຂຶ້ນ​ມາ​ເພາະ​ໃນ​ບົດ​ກ່ອນ​ໄດ້​ເວົ້າ​ເຖິງ.</p> <p style="text-align: justify; "> ມື້­ນີ້ ນຳ​ບັນ­ຫາ​ລົງ​ມາ​ພິມ​ອີກ ກໍ​ເພື່ອ​ຢາກ​ໃຫ້​ກຽມ​ກັນ​ໄວ້​ແດ່? ເພາະ​ເວ­ລາ​ເຂົ້າ​ປະ­ຊຸມ​ຫາກ​ມີ​ການ​ຍົກ​ເລື່ອງ​ນີ້​ຂຶ້ນ​ມາ​ສົນ­ທະ­ນາ​ຊິ​ບໍ່​ຕົກ​ໃນ​ທ່າ​ຮັບ.</p>

ຂ່າວທີ່ກ່ຽວຂ້ອງ