ຂ່າວຫຼ້າສຸດ

ຣູມທູຣີດ ຊ່ວຍພັດທະນາດ້ານການສຶກສາ ໃຫ້ກັບເດັກນ້ອຍລາວ

6.315 25 ກ.ກ. 2012 ສຶກສາ
ຣູມທູຣີດ ຊ່ວຍພັດທະນາດ້ານການສຶກສາ ໃຫ້ກັບເດັກນ້ອຍລາວ

<p>  </p> <p style="text-align: justify; "> ພາ­ສາ​ລາວ ປັນ​ພາ­ສາ​ເປັນ​ພື້ນ­ຖານ​ໃນ​ການ​ຮຽນ​ວິ­ຊາ​ຕ່າງໆ​ໃຫ້​ເຂົ້າ­ໃຈ ແລະ ທັງ​ເປັນ​ການ​ຮັກ­ສາ​ວັດ­ທະ­ນະ­ທຳ ພາ­ສາ​ປາກ​ເວົ້າ​ຂອງ​ຄົນ​ລາວ ໃຫ້​ຢູ່​ຄູ່​ກັບ​ຄົນ​ລາວ ກໍ​ຄື​ຊາດ​ລາວ ຕະ­ຫຼອດ​ໄປ​ນັ້ນ ຈຶ່ງ​ຂໍ​ໃຫ້​ທຸກ​ພາກ­ສ່ວນ​ໃຫ້​ຄວາມ​ສຳ­ຄັນ​ໃນ​ການ​ສົ່ງ­ເສີມ​ການ​ຮຽນ-ການ​ສອນ​ພາ­ສາ​ລາວ ໃຫ້​ຖືກ­ຕ້ອງ ບໍ່​ວ່າ​ຈະ​ເປັນ​ການ​ຂຽນ-ການ​ອ່ານ ແລະ ເວົ້າ​ພາ­ສາ​ລາວ ເພື່ອ​ແນ­ໃສ່​ໃຫ້​ຄົນ​ລາວ ທີ່​ເປັນ​ເຈົ້າ​ຂອງ​ພາ­ສາ ສາ­ມາດ​ອ່ານ-ຂຽນ-ເວົ້າ​ພາ­ສາ​ລາວ ໄດ້​ຢ່າງ​ຊັດ​ເຈນ.</p> <p style="text-align: justify; "> ທ່ານ​ນາງ ສົມ​ເພັດ ພົງ​ພະ­ຈັນ ຜູ້­ອຳ­ນວຍ­ການ​ອົງ­ການ ຣູມ​ທູ​ຣີດ​ລາວ ໄດ້​ເປີດ­ເຜີຍ​ໃຫ້​ຊາບ​ວ່າ: ອົງ­ການ​ຣູມ​ທູ​ຣີດ ເປັນ​ອົງ­ການ​ໜຶ່ງ​ທີ່​ເຮັດ​ວຽກ​ກ່ຽວ​ກັບ​ການ​ພັດ­ທະ­ນາ​ການ​ສຶກ​ສາ ໂດຍ​ສະ­ເພາະ​ແມ່ນ​ໄດ້​ເລັ່ງ​ໃສ່​ການ​ສົ່ງ­ເສີມ​ການ​ຮູ້​ໜັງ­ສື​ໃຫ້​ແກ່​ເດັກ­ນ້ອຍ​ລາວ ເພື່ອ​ເຮັດ​ໃຫ້​ເດັກ​ມີ​ທັກ​ສະ​ດ້ານ​ການ​ອ່ານ ແລະ ມີ​ນິ​ໃສ​ມັກ​ການ​ອ່ານ ຄຽງ​ຄູ່​ກັບ​ການ​ສົ່ງ­ເສີມ​ເດັກ​ຍິງ​ໃຫ້​ມີ​ການ​ສຶກ​ສາ​ສູງ ເຊິ່ງ​ຈະ​ເປັນ​ການ​ຊຸກ­ຍູ້​ໃຫ້​ແມ່­ຍິງ​ມີ​ຄວາມ​ເທົ່າ​ທຽມ​ດ້ານ​ບົດ­ບາດ​ຍິງ​ຊາຍ.</p> <p style="text-align: justify; "> ອົງ­ການ​ໄດ້​ເລີ່ມ​ປະ­ຕິ­ບັດ​ວຽກ​ງານ​ດັ່ງ­ກ່າວ​ແຕ່​ປີ 2005-2012ໂດຍ​ໄດ້​ຈັດ​ຕັ້ງ​ຫ້ອງ​ສະ­ໝຸດ​ຫຼາຍ​ກວ່າ 1.000ແຫ່ງ​ໃນ​ທົ່ວ​ປະ­ເທດ ແລະ ມີ​ເດັກ​ຍິງ​ເຂົ້າ​ຮ່ວມ​ໂຄງ­ການ​ຈຳ­ນວນ​ຫຼາຍ​ສົມ­ຄວນ ພ້ອມ​ນັ້ນ ກໍ​ໄດ້​ພິມ​ປື້ມ​ທີ່​ເປັນ​ພາ­ສາ​ລາວ ໃຫ້​ແກ່​ເດັກ­ນ້ອຍ ແບ່ງ​ປຶ້ມ​ອອກ​ເປັນ 7ລະ­ດັບ ແຕ່​ງ່າຍ​ຫາ​ຍາກ ໃຫ້​ເໝາະ​ສົມ​ກັບ​ເດັກ ເພື່ອ​ດຶງ​ດູດ​ຮັກ​ໃນ​ການ​ອ່ານ ໃນ​ນັ້ນ ອົງ­ການ​ກໍ​ໄດ້​ຮັບ​ລາ­ງວັນ​ຊະ­ນະ​ເລີດ​ໃນ​ການ​ຜະ­ລິດ​ປື້ມ​ດີ­ເດັ່ນ​ສຳ­ລັບ​ເດັກ­ນ້ອຍ​ລາວ ມາ​ເປັນ​ໄລ­ຍະ​ເວ­ລາ 4ປີ ນອກ­ຈາກ​ນັ້ນ ທາງ​ອົງ­ການ​ກໍ​ໄດ້​ປຸກ​ສ້າງ​ໂຮງ­ຮຽນ​ໃນ​ທົ່ວ​ປະ­ເທດ ໄດ້ 200ກວ່າ​ຫຼັງ ແລະ ທິດ​ທາງ​ຂອງ​ຣູມ​ທູ​ຣີດ ໃນ­ຕໍ່­ໜ້າ ຍັງ​ຈະ​ຂະ­ຫຍາຍ​ໂຄງ­ການ​ນີ້​ໄປ​ທີ່​ແຂວງ​ສະ­ຫວັນ​ນະ​ເຂດ ໂດຍ​ຮ່ວມ​ມື​ກັບ​ອົງ­ການ​ສາ­ກົນ ທີ່​ຈະ​ຮ່ວມ​ກັນ​ສົ່ງ­ເສີມ​ການ​ຮູ້​ໜັງ­ສື ການ­ຈັດ­ຕັ້ງ​ຫ້ອງ​ສະ­ໝຸດ ເຊິ່ງ​ຈະ​ເລີ່ມ​ປີ 2013ໃນ​ນັ້ນ ກໍ​ຈະ​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ໂຄງ­ການ​ເກົ່າ ເປັນ­ຕົ້ນ​ຢູ່​ແຂວງ​ອຸ­ດົມ​ໄຊ ແຂວງ​ວຽງ​ຈັນ ແລະ ແຂວງ​ຕ່າງໆ ຈົນ​ໝົດ​ກຳ­ນົດ​ຂອງ​ໂຄງ­ການ ໃນ​ໄລ­ຍະ​ສືບ­ຕໍ່ ແຕ່​ປີ 2011ຫາ 2016ໃນ​ໄລ­ຍະ​ເລີ່ມ​ຕົ້ນ ໂຄງ­ການ​ມີ​ເງິນ​ສະ­ໜັບ­ສະ­ໜູນ​ພຽງ 2ແສນ​ໂດ​ລາ ມາ​ຮອດ​ປັດ­ຈຸ­ບັນ​ມີ​ເງິນ​ສະ­ໜັບ­ສະ­ໜູນ ເຖິງ 4ລ້ານ​ໂດ​ລາ​ສະ­ຫະ­ລັດ ຜົນ­ສຳ­ເລັດ​ທີ່​ຍາດ​ມາ​ໄດ້​ນັ້ນ ກໍ​ຍ້ອນ​ໄດ້​ຮັບ​ການ​ຊີ້​ນຳໆ​ພາ​ຈາກ​ພັກ-ລັດ­ຖະ­ບານ ກໍ​ຄື​ກະ­ຊວງ​ສຶກ​ສາ ໃນ​ການ​ພັດ­ທະ­ນາ​ການ​ສຶກ​ສາ​ຢູ່​ລາວ.</p> <p style="text-align: justify; "> ທ່ານ​ນາງ ສົມ​ເພັດ ໄດ້​ກ່າວ​ຕື່ມ​ວ່າ: ໄດ້​ເສຍ­ສະ­ຫຼະ​ວິ­ຊາ​ສະ­ເພາະ​ໃນ​ການ​ປິ່ນ­ປົວ​ຄົນ ຫັນ​ມາ​ເຮັດ​ວຽກ​ພັດ­ທະ­ນາ​ທາງ​ດ້ານ​ການ​ສຶກ​ສາ ເປັນ​ເວ­ລາ 14 ປີ ເພື່ອ​ໃຫ້​ເດັກ­ນ້ອຍ​ລາວ ມີ​ການ​ສຶກ​ສາ​ທີ່​ດີ ຂ້າ­ພະ­ເຈົ້າ​ເອງ​ກໍ​ເກີດ​ມາ​ຈາກ​ຄອບ­ຄົວ​ທຸກ​ຍາກ ແລະ ປະ­ສົບ​ຜົນ­ສຳ­ເລັດ​ມາ​ໄດ້​ທຸກ​ມື້­ນີ້ ກໍ​ຍ້ອນ​ການ​ສຶກ​ສາ ເຊິ່ງ​ການ​ສຶກ​ສາ​ຮຽນ​ຮູ້​ນັ້ນ ບໍ່​ແມ່ນ​ແຕ່​ຢູ່​ໃນ​ໂຮງ­ຮຽນ ຖ້າ​ຢາກ​ໃຫ້​ຕົນ​ເອງ​ເປັນ​ຄົນ​ມີ​ຄຸນ​ນະ​ພາບ ຕ້ອງ​ໄດ້​ເອົາ­ໃຈ­ໃສ່​ຮຽນ​ໃນ​ສາມ​ຢ່າງ ຄື: ໂຮງ­ຮຽນ ສະ​ຖາ​ບັນ​ຄອບ­ຄົວ ແລະ ຕົນ​ເອງ ຄື ຕ້ອງ​ຊອກ​ຮູ້ ແລະ ຄົ້ນ​ຄິດ​ດ້ວຍ​ຕົນ​ເອງ ເຊິ່ງ​ສາມ​ຢ່າງ​ນີ້ ຈະ​ຊ່ວຍ​ໃຫ້​ປະ­ສົບ​ຜົນ­ສຳ­ເລັດ​ທາງ​ດ້ານ​ການ​ສຶກ​ສາ​ຢ່າງ​ແນ່­ນອນ.</p> <p style="text-align: justify; "> <strong>ໂດຍ: ເພັດ​ສະ­ໝອນ</strong></p>

ຂ່າວທີ່ກ່ຽວຂ້ອງ