ຂ່າວຫຼ້າສຸດ

ແງ່ຄິດຄົນສິນ

2.281 25 ກ.ກ. 2012 ນານາສາລະ

<p>  </p> <p style="text-align: justify; "> ໃນ​ຕອນ​ເຊົ້າ​ວັນ​ທີ 7 ເດືອນ​ກໍ­ລະ­ກົດ ເຊິ່ງ​ເປັນ​ມື້​ຈັດ​ລາຍ­ການ​ຍ່າງ​ເພື່ອ​ຂ່ຳ­ນັບ​ຮັບ​ຕ້ອນ​ກອງ​ປະ­ຊຸມ ການ​ເປັນ​ຄູ່​ຮ່ວມ​ລັດ​ຖະ​ສະ­ພາ ອາ­ຊີ-ເອີ​ຣົບ ຄັ້ງ​ທີ 7 (ອາ​ແຊັບ 7) ຜູ້​ຂຽນ​ໄດ້​ມີ​ໂອ­ກາດ​ລົມ​ແບບ​ສາຍ­ຟ້າ​ແມບ​ກັບ​ນັກ​ດົນ­ຕີ​ລາວ ນາມ­ມະ­ຍົດ​ສິນ­ລະ­ປິນ​ແຫ່ງ​ຊາດ​ທ່ານ​ໜຶ່ງ ເນື່ອງ​ຈາກ​ເປັນ​ເວ­ລາ​ສັ້ນໆ ການ​ໂອ້​ລົມ​ຈຶ່ງ​ເຂັ້ມ​ຂຸ້ນ ບໍ່​ຈຳ­ເປັນ​ມີ​ອາ​ລຳ​ພະ​ບົດ ແລະ ສະ­ຫຼຸບ​ຕາມ​ຫຼັກ­ການ​ທົ່ວ​ໄປ​ຂອງ​ການ​ສົນ­ທະ­ນາ​ພາ​ທີ ທີ່​ຈິງ​ແລ້ວ​ຜູ້​ຂຽນ​ກັບ​ສິນ­ລະ­ປິນ​ແຫ່ງ​ຊາດ​ທ່ານ​ນັ້ນ ເຄີຍ​ພົບ​ກັນ​ເລື້ອຍໆ ມີ​ຄວາມ​ຄິດ​ຫຍັງ​ໃໝ່ໆ​ກໍ​ມັກ​ຈະ​ບິ​ແບ່ງ ແລະ ແລກ­ປ່ຽນ​ນຳ​ກັນ ແຕ່​ເຊົ້າ​ນັ້ນ​ແປກ ທ່ານ​ສິນ­ລະ­ປິນ​ຕັ້ງ­ໜ້າ​ຜູກ­ຂາດ​ປະ­ໂຫຍກ​ສົນ­ທະ­ນາ​ທັງ​ໝົດ​ພຽງ​ຄົນ​ດຽວ ທ່ານ​ຍິງ​ຄຳ​ເວົ້າ​ເປັນ​ຄຳ​ຖາມ​ອອກ​ມາ​ຢ່າງ​ຟ້າວ​ຟັ່ງ​ວ່າ ປ່ອຍ​ໃຫ້​ຄົນ​ແຕ່ງ​ຄົນ​ຮ້ອງ­ເພງ​ແບບ​ນີ້​ຕໍ່​ໄປ ມັນ​ຊິ​ເປັນ​ບ້ານ​ເມືອງ​ບໍ? ໃຜ​ຢາກ​ເວົ້າ​ຢາ​ກວ່າ​ແນວ­ໃດ​ກໍ​ວ່າ​ໄປ ຄຳ​ເວົ້າ​ໃດ​ຫຼົມ​ປາກ​ກໍ​ປ່ອຍ​ອອກ​ມາ ເຊັ່ນ: ບ່າວ​ແຂວງ​ນັ້ນ​ຕົ້ມ​ສາວ​ແຂວງ​ນີ້ ສາວ​ຖິ່ນ​ນັ້ນ​ບ້ຽວ​ບ່າວ​ຖິ່ນ​ນີ້ ສົມ­ມຸດ​ວ່າ ສະ­ຫາຍ​ເປັນ​ບ່າວ​ເປັນ​ສາວ​ໃນ​ແຂວງ​ໃນ​ຖິ່ນ​ດັ່ງ­ກ່າວ ຊິ​ຄິດ​ແນວ­ໃດ? ສົມ­ມຸດ​ວ່າ ເພງ​ໜຶ່ງ​ດ່າ​ວ່າ​ບ່າວ​ວຽງ​ຈັນ​ຂີ້​ຕົ້ມ... ມັນ​ຊິ​ບໍ່​ກວມ​ເອົາ​ຜູ້​ບ່າວ-ຜູ້​ຊາຍ​ໝົດ​ທຸກ​ຄົນ​ບໍ? ຖາມ​ແລ້ວ​ນັກ​ສິນ­ລະ­ປິນ​ທ່ານ​ນີ້ ຕີ​ຂອບ​ຂອງ​ບັນ­ຫາ​ໄດ້​ກວ້າງ ຜູ້​ຂຽນ​ເອງ​ເຄີຍ​ຟັງ​ເພງ​ປະ­ເພດ​ນີ້ ຟັງ​ແບບ​ກາຍ​ຫູ ບໍ່​ຄ່ອຍ​ຈະ​ເສຍ​ເວ­ລາ​ເອົາ​ມາ​ຄິດ​ມາ​ເຄືອງ​ພໍ​ປານ­ໃດ ອາດ​ເປັນ​ຍ້ອນ​ບໍ່​ມີ​ວິນ​ຍານ​ດ້ານ​ນີ້ ທ່ານ​ສິນ­ລະ­ປິນ​ເວົ້າ​ຕື່ມ​ວ່າ: ເນື້ອ​ໃນ​ບາງ​ທ່ອນ​ຂອງ​ເພງ​ຈຳ­ນວນ​ໜຶ່ງ​ນັ້ນ ມີ​ທ່າ​ອຽງ​ໃຫ້​ຄົນ​ສວຍ­ໂອ­ກາດ​ເວົ້າ​ຄຳ​ເພີ-ຄຳ​ທີ່​ຟັງ​ແລ້ວ​ບາດ​ຫູ​ເຊັ່ນ​ຄຳ​ວ່າ: “ເດົາ​ໃຫ້​ແດ່-ເດົາ​ໃຫ້​ນ້ອງ​ແດ່” ແລະ “ສີ​ໃຫ້​ແດ່” ແຕ່​ເວ­ລາ​ເປັ່ງ­ສຽງ​ຮ້ອງ​ອອກ​ມາ ພັດ​ຜ້ຽນ​ໄປ​ທາງ​ອີ່​ເຕືອກ ເຮັດ​ແນວ​ນີ້​ກໍ​ເຮັດ​ນໍ ເວົ້າ​ມາ​ຮອດ​ນີ້ ຜູ້​ຂຽນ​ກໍ​ເລີຍ​ຄິດ​ເຖິງ​ເນື້ອ​ໃນ​ຂອງ​ເພງ​ໄປ​ບາງ​ປະ­ໂຫຍກ​ທີ່​ວ່າ: “ລູກ​ສາວ​ແມ່​ນີ້ ເປັນ​ຈັ່ງ​ຊີ້​ທຸກ​ຄົນ” ແຕ່​ເວ­ລາ​ຮ້ອງ ຜູ້​ຮ້ອງ​ພັດ​ສວຍ­ໂອ­ກາດ​ຜ້ຽນ​ຄຳ​ເວົ້າ​ໄປ​ເລື່ອງ​ໃໝ່ ເນື້ອ​ເພງ​ທີ່​ເວົ້າ​ວ່າ “ຜົວ​ສີ່​ຄົນ” ນັ້ນ ບາດ​ເອົາ​ເຂົ້າ​ຄັກໆ ຜູ້​ຮ້ອງ​ກໍ​ຜ້ຽນ​ສຽງ ເພື່ອ​ຮຽກ​ສຽງ​ຫົວ​ແບບ​ຕື້ນໆ​ຈາກ​ກຸ່ມ​ຂີ້​ເມົາ ກຸ່ມ​ຄົນ​ທີ່​ຂາດ​ຢາງ​ອາຍ ຂາດ​ຄວາມ​ຮັບ­ຜິດ­ຊອບ​ຕໍ່​ມາ­ລະ­ຍາດ​ວາດ​ເວົ້າ​ທີ່​ດີ​ຂອງ​ລາວ​ເຮົາ.</p> <p style="text-align: justify; "> ທ່ານ​ສິນ­ລະ­ປິນ​ເວົ້າ​ມ້ວນ­ທ້າຍ​ວ່າ ເພງ​ແບບ​ນີ້ ມັນ​ຜ່ານ​ຜູ້​ກວດ­ແກ້​ໄດ້​ແນວ­ໃດ​ຫວະ? ມັນ​ບໍ່​ແມ່ນ​ຜ່ານ​ຍ້ອນ​ເຂົາ “ປ່ອນ” ຫວະ? ຖ້າ​ກວດ­ແກ້​ຢ່າງ​ຈິງ​ຈັງ​ກໍ​ຕ້ອງ​ຄິດ​ຕີ... ວ່າ​ຄຳ​ເວົ້າ​ຄຳ​ໃດ​ທີ່​ຄົນ​ສາ­ມາດ​ຜ້ຽນ​ຄວາມ​ໝາຍ​ໄດ້ ຫຼື ຍ້ອນ​ພາ­ກັນ​ຄິດ​ພຽງ​ວ່າ ຂໍ​ໃຫ້​ມັນ​ປະ­ສົມ​ກັບ​ດົນ­ຕີ​ໄດ້​ກໍ​ເປັນ​ເພງ​ໄດ້​ແລ້ວ.</p> <p style="text-align: justify; "> ກົດ­ໝາຍ ແລະ ລະ­ບຽບ​ສັງ­ຄົມ ພວກ​ເຮົາ​ຮຽກ­ຮ້ອງ​ໃຫ້​ອະ­ນຸ​ຮັກ​ຮັກ­ສາ ແລະ ສົ່ງ­ເສີມ​ສິ່ງ​ທີ່​ດີ­ງາມ​ໃນ​ສັງ­ຄົມ ແຕ່​ແລ້ວ​ພັດ​ຊິ​ມາ​ເພ​ນຳ​ເພງ​ນ້ຳ​ເນົ່າ​ໝູ່​ນີ້ ມັນ​ຊິ​ເປັນ​ບໍ? ການ​ລົມ​ກັນ​ເຊົ້າ​ນັ້ນ ຈັ່ງ​ແມ່ນ​ຊາດ​ເຖິງ​ໃຈ ແລະ ໄດ້​ສາ­ລະ​ອີ່​ຫຼີ່.</p> <p style="text-align: justify; "> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ