ຢ່າຝືນທຳມະຊາດ

2.146 23 ກ.ກ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ຂຽນ​ເລື່ອງ​ການ​ຮຽນ​ເພີ່ມ ກັບ​ການ​ຫັນ​ໄປ​ສູ່​ຊົນ­ນະ­ບົດ​ໃນ​ເວ­ລາ​ພັກ​ຮຽນ​ຍາມ​ຝົນ​ຂອງ​ນັກ­ຮຽນ.</p> <p style="text-align: justify; "> ມື້​ຖັດ​ມາ​ໄດ້​ອ່ານ­ໜັງ­ສື​ພິມ​ຕ່າງ­ປະ­ເທດ​ມີ​ຂໍ້​ມູນ​ແຈ້ງ​ໃຫ້​ຊາບ​ວ່າ: ຄົນ​ອາ­ຊີ​ນິ­ຍົມ​ໃຫ້​ລູກ​ຮຽນ​ເພີ່ມ ຫຼື ຈ້າງ​ຄູ​ສອນ​ພິ­ເສດ ປີ​ໜຶ່ງ​ບໍ່​ຕ່ຳ​ກວ່າ 10 ພັນ​ລ້ານ​ໂດ​ລາ.</p> <p style="text-align: justify; "> ນີ້​ແມ່ນ​ຜົນ​ການ​ສຶກ​ສາ​ຂອງ​ທະ­ນາ­ຄານ​ພັດ­ທະ­ນາ​ອາ­ຊີ (ADB) ເປີດ­ເຜີຍ​ໃນ​ຕົ້ນ​ເດືອນ​ກໍ­ລະ­ກົດ​ນີ້: ຄົນ​ອາ­ຊີ​ນິ­ຍົມ​ຈ້າງ​ຄູ​ສອນ​ພິ­ເສດ ຫຼື ຈ່າຍ​ຄ່າ​ຮຽນ​ເພີ່ມ​ໃຫ້​ແກ່​ລູກໆ​ຂອງ​ຕົນ​ຫຼາຍ​ຂຶ້ນ ຖື​ວ່າ​ເປັນ​ການ​ສຶກ​ສາ​ເງົາ ແຕ່​ຜົນ​ສະ­ຫຼຸບ​ອອກ​ມາ​ວ່າ ບໍ່​ມີ​ປະ​ສິດ­ທິ​ຜົນ​ເທົ່າ​ທີ່​ຄວນ​ກໍ​ຕາມ.</p> <p style="text-align: justify; "> ຢູ່<strong>ເກົາ­ຫຼີ​ໃຕ້ </strong>ຄິດ​ເປັນ 9 ໃນ 10 ຄົນ​ຂອງ​ນັກ­ຮຽນ​ຊັ້ນ​ປະ­ຖົມ​ມີ​ຄູ​ສອນ​ພິ­ເສດ ຢູ່<strong>ອິນ​ເດຍ </strong>ແມ່ນ 6 ໃນ 10 <strong>ຮົງ​ກົງ </strong>85%ຂອງ​ນັກ­ຮຽນ ມ.ປາຍ ຕ້ອງ​ຮຽນ​ເພີ່ມ ໃນ​ປີ 2011ພໍ່​ແມ່​ຜູ້​ປົກ­ຄອງ​ຊາວ<strong>ຍີ່­ປຸ່ນ </strong>ຈ່າຍ​ໄປ​ສຳ­ລັບ​ຄ່າ​ຮຽນ​ເພີ່ມ 12 ພັນ​ລ້ານ​ໂດ​ລາ <strong>ສິງ­ກະ­ໂປ </strong>680ລ້ານ​ໂດ​ລາ.</p> <p style="text-align: justify; "> ADB ສຶກ​ສາ­ຜົນ​ປຽບ­ທຽບ​ໃນ​ຮົງ​ກົງ​ພົບ​ວ່າ: ການ​ຮຽນ​ເພີ່ມ​ໃຫ້​ຜົນ​ທີ່​ແຕກ​ຕ່າງ​ກັນ​ໄປ ສ່ວນ​ຫຼາຍ​ມັນ​ຂຶ້ນ​ກັບ​ແຮງ​ຈູງ​ໃຈ ແລະ ຄວາມ​ສາ­ມາດ​ຂອງ​ນັກ­ຮຽນ ສ່ວນ​ຄວາມ​ສາ­ມາດ​ຂອງ​ຄູ​ສອນ​ພິ­ເສດ​ເປັນ​ສຳ­ຮອງ​ລົງ​ມາ.</p> <p style="text-align: justify; "> ການ​ຮຽນ​ເພີ່ມ ຫຼື ຮຽນ​ພິ­ເສດ ຜູ້​ປົກ­ຄອງ​ເຊື່ອ​ວ່າ​ຈະ​ຊ່ວຍ­ເຫຼືອ​ຜູ້​ຮຽນ​ຊ້າ ຫຼື ຮຽນ​ອ່ອນ​ໃຫ້​ຮຽນ​ດີ​ຂຶ້ນ ທັງ​ເປັນ​ການ​ໃຊ້​ເວ­ລາ​ຫວ່າງ​ຢ່າງ​ສ້າງ­ສັນ​ຂອງ​ໄວ​ໜຸ່ມ ໂດຍ​ສະ­ເພາະ​ແມ່ນ​ໃຫ້​ຫ່າງ​ໄກ​ສິ່ງ​ເສບ​ຕິດ.</p> <p style="text-align: justify; "> ແຕ່​ໃນ​ທາງ​ກົງ­ກັນ­ຂ້າມ ການ​ຮຽນ​ເພີ່ມ​ເປັນ​ການ​ຫຼຸດ­ຜ່ອນ​ເວ­ລາ​ທີ່​ໃຊ້​ສຳ­ລັບ​ການ​ຫຼິ້ນ​ກີ­ລາ ແລະ ສ້າງ​ກິດ­ຈະ­ກຳ​ອື່ນໆ ສຳ­ລັບ​ການ​ພັດ­ທະ­ນາ​ດ້ານ​ການ​ຮຽນ​ເພີ່ມ ຍັງ​ກໍ່­ໃຫ້­ເກີດ​ຄວາມ​ເຄັ່ງ​ຄຽດ​ແກ່​ນັກ­ຮຽນ ບໍ່​ທໍ່​ນັ້ນ ຄອບ­ຄົວ​ກໍ​ຕ້ອງ​ສູ້​ຊົນ​ສ້າງ​ລາຍ​ຮັບ​ມາ​ຈູນ​ເຈືອ ສະ­ນັ້ນ ການ​ທີ່​ຮຽນ​ເພີ່ມ​ນັ້ນ​ຄອບ­ຄົວ​ທີ່​ມີ​ຖາ­ນະ​ດີ​ຈະ​ໄດ້​ປຽບ​ກວ່າ.</p> <p style="text-align: justify; "> ຢູ່​ບ້ານ​ເຮົາ​ກະ­ແສ​ນິ­ຍົມ​ໃຫ້​ລູກ​ຮຽນ​ເພີ່ມ ຈ້າງ​ຄູ​ສອນ​ພິ­ເສດ​ໃຫ້​ລູກ​ກໍ​ມີ​ຫຼາຍ ແຕ່​ກໍ​ຄວນ​ຄຳ­ນຶງ​ວ່າ ອັນ​ໃດ​ຄວນ​ບໍ່​ຄວນ? ອັນ​ສຳ­ຄັນ ແມ່ນ​ຕ້ອງ​ເບິ່ງ​ຄວາມ​ສາ­ມາດ​ຂອງ​ເດັກ​ວ່າ ຈະ​ຮັບ​ໄດ້ ຫຼື ບໍ່?</p> <p style="text-align: justify; "> ອັນ​ນີ້ ອັນ­ຕະ­ລາຍ​ໃນ​ການ​ສຶກ​ສາ ແມ່ນ​ການ​ຍົກ­ຍໍ​ລູກ... ຮຽນ​ບໍ່​ເກັ່ງ... ຮຽນ​ບໍ່​ຜ່ານ ກໍ​ແລ່ນ​ຫາ​ຄະ­ແນນ​ນຳ​ຄູ-ອາ­ຈານ ເສັງ​ບໍ່​ໄດ້​ບໍ່​ຍອມ­ຮັບ ຈ້າງ​ໃຫ້​ຂຶ້ນ​ຫ້ອງ ຊື້​ໃບ​ປະ­ກາດ...ສຸດ​ທ້າຍ​ລູກ​ກໍ​ໄປ​ບໍ່​ລອດ.</p> <p style="text-align: justify; "> ການ​ຝືນ​ທຳ​ມະ​ຊາດ​ເປັນ​ເລື່ອງ​ທີ່​ຍາກ​ຈະ​ປະ­ສົບ​ຜົນ­ສຳ­ເລັດ.</p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ