ແບ່ງເງິນຄ່າເຫຼົ້າເຄິ່ງຝາ ຊ່ວຍຜູ້ດ້ອຍໂອກາດ

2.078 19 ກ.ກ. 2012 ນານາສາລະ

<p>  </p> <p style="text-align: justify; "> ເວົ້າ​ເຖິງ​ເຫຼົ້າ​ກໍ​ມີ​ຫຼາຍ​ປະ­ເພດ ຫຼາຍ​ຍີ່­ຫໍ້ ໃນ​ແຕ່​ລະ​ປະ­ເພດ ແລະ ແຕ່​ລະ​ຍີ່­ຫໍ້​ນັ້ນ ກໍ​ມີ​ລາ­ຄາ​ແພງ​ແຕກ​ຕ່າງ​ກັນ ນັບ​ແຕ່​ລາ­ຄາ 10 ພັນ​ກີບ ຮອດ 4-5 ລ້ານ​ກີບ​ຕໍ່​ໜຶ່ງ​ແກ້ວ ແຕ່​ເປັນ​ສິ່ງ​ທີ່​ມີ​ລາ­ຄາ​ຫຼາຍ ແຕ່​ບໍ່​ມີ​ຄຸນ­ຄ່າ.</p> <p style="text-align: justify; "> ເຫຼົ້າ​ລາ­ຄາ​ແພງ ມີ​ແຕ່​ຜູ້​ທີ່​ມີ​ເງິນ​ຫຼາຍ​ເທົ່າ​ນັ້ນ​ທີ່​ພໍ​ຈະ​ມີ​ສິດ​ດື່ມ​ໄດ້.</p> <p style="text-align: justify; "> ແຕ່​ເຮົາ​ມາ​ເບິ່ງ​ເບື້ອງ​ກັບ​ກັນ ເພື່ອ​ໃຫ້​ເຫັນ​ໃນ​ສິ່ງ​ທີ່​ຈຳ­ເປັນ​ຂອງ​ສັງ­ຄົມ ມີ​ບາງ​ຄອບ­ຄົວ ມີ​ເດັກ­ນ້ອຍ​ຫຼາຍ​ຄົນ​ຍັງ​ຂາດ­ເຂີນ​ວັດ­ຖຸ​ອຸ­ປະ­ກອນ​ທາງ​ການ​ສຶກ​ສາ ຍັງ​ຂາດ­ເຂີນ​ເສື້ອ​ຜ້າ ແລະ ອາ­ຫານ ນອກ­ຈາກ​ນັ້ນ ບາງ​ທ້ອງ­ຖິ່ນ​ຍັງ​ຂາດ​ຮອດ​ບ່ອນ​ຮຽນ​ໜັງ­ສື.</p> <p style="text-align: justify; "> ຈະ​ເຮັດ​ແນວ­ໃດ​ຈຶ່ງ​ຈະ​ເອົາ​ສອງ​ສິ່ງ ສອງ​ບັນ­ຫາ​ທີ່​ໄດ້​ສະ­ເໜີ​ມາ​ນີ້ ມາ​ເປັນ​ການ​ດັດ​ປັບ​ໃຫ້​ມີ​ການ​ຊ່ວຍ​ຍູ້​ໜູນ​ກັນ ສຳ­ລັບ​ຜູ້​ດື່ມ​ເຫຼົ້າ​ຍີ່­ຫໍ້​ດີ​ລາ­ຄາ​ແພງ ຄວນ​ບໍ​ທີ່​ຈະ​ແບ່ງ​ສ່ວນ​ເລັກ​ນ້ອຍ​ໜຶ່ງ​ໃຫ້​ກັບ​ສັງ­ຄົມ ດ້ວຍ​ການ​ບິ​ແບ່ງ​ຄ່າ​ເຫຼົ້າ​ຈັກ​ເຄິ່ງ​ຝາ ເພື່ອ​ເປັນ​ທຶນ​ໃຫ້​ແກ່​ການ​ພັດ­ທະ­ນາ​ທາງ​ດ້ານ​ການ​ສຶກ​ສາ ສຳ­ລັບ​ເດັກ­ນ້ອຍ​ຜູ້​ດ້ອຍ​ໂອ­ກາດ ໝາຍ​ຄວາມ​ວ່າ ຮ້ານ​ຂາຍ​ເຫຼົ້າ​ຄວນ​ຕັ້ງ​ຕູ້​ບໍ­ລິ­ຈາກ ເພື່ອ​ເປັນ​ບ່ອນ​ເກັບ​ອອມ​ເງິນ​ຈາກ​ຜູ້​ມີ​ນ້ຳ­ໃຈ​ກຸ­ສົນ ຢາກ​ບິ​ແບ່ງ​ລາ­ຄາ​ເຫຼົ້າ​ຈັກ​ເຄິ່ງ​ຝາ​ໃຫ້​ແກ່​ການ​ສຶກ​ສາ ດ້ວຍ​ການ​ຢິບ​ເງິນ​ເລັກ​ນ້ອຍ​ລົງ​ໃສ່​ໃນ​ຕູ້​ນັ້ນ ເຈົ້າ​ຂອງ​ຕູ້ ຫຼື ຮ້ານ​ຂາຍ​ເຫຼົ້າ ນຳ​ເອົາ​ເສດ­ສ່ວນ​ຂອງ​ເງິນ​ຈາກ​ການ​ບິ​ແບ່ງ​ຂອງ​ທ່ານ​ຜູ້​ໃຈ​ບຸນ ໄປ​ຊື້​ວັດ­ຖຸ​ອຸ­ປະ­ກອນ ແລະ ສິ່ງ​ຈຳ­ເປັນ​ໄປ​ໃຫ້​ເດັກ​ດ້ອຍ​ໂອ­ກາດ​ທີ່­ຢູ່​ຫ່າງ​ໄກ​ສອກ­ຫຼີກ ເພື່ອ​ເປັນ​ສ່ວນ​ຮ່ວມ​ໃນ​ການ​ສ້າງ​ສັງ­ຄົມ​ໃຫ້​ດີ​ຂຶ້ນ.</p> <p style="text-align: justify; "> ຜູ້​ທີ່​ໄດ້​ຮັບ​ເງິນ ຫຼື ອຸ­ປະ­ກອນ​ການ​ສຶກ​ສາ​ຈາກ​ສ່ວນ​ນີ້ ຄົງ​ຈະ​ດີ­ໃຈ​ບໍ່​ແມ່ນ​ນ້ອຍ ແລະ ຈະ​ເປັນ​ປະ­ໂຫຍດ​ເປັນ​ບຸນ​ມະ­ຫາ­ສານ ການ​ບິ​ແບ່ງ​ເສດ​ສ້ຽວ​ຂອງ​ເງິນ​ສ່ວນ​ນ້ອຍ​ຈາກ​ທ່ານ​ຜູ້​ມີ​ຖາ­ນະ​ດື່ມ­ກິນ ບໍ່​ແມ່ນ​ເລື່ອງ​ເສຍ​ຫາຍ ແລະ ທ່ານ​ຜູ້​ຂາຍ​ເຫຼົ້າ​ເຈົ້າ​ຮ້ານ​ຂາຍ​ເຫຼົ້າ ຖ້າ​ຢາກ​ເປັນ​ສ່ວນ​ໜຶ່ງ​ນອກ ຈາກ​ເກັບ​ອອມ​ເອົາ​ເງິນ​ຈາກ​ການ​ບໍ­ລິ­ຈາກ​ຂອງ​ຄົນ​ອື່ນ​ແລ້ວ ຢາກ​ບໍ­ລິ­ຈາກ​ເພີ່ມ​ຕື່ມ​ອີກ​ກໍ​ຄົງ​ຈະ​ເປັນ​ບຸນ​ບໍ່​ນ້ອຍ ເຊັ່ນ​ດຽວ​ກັບ​ຜູ້​ດື່ມ.</p> <p style="text-align: justify; "> ບັນ­ຫາ​ທີ່​ໄດ້​ສະ­ເໜີ​ມາ​ນີ້ ຍັງ​ບໍ່​ທັນ​ເຫັນ​ຜູ້​ໃດ​ທ່ານ​ໃດ ຮ້ານ​ຂາຍ​ເຫຼົ້າ​ໃດ​ຕື່ນ​ຕົວ​ເຮັດ​ຂຶ້ນ ເພື່ອ​ຈະ​ໄດ້​ກາຍ­ເປັນ​ແບບ­ຢ່າງ​ທີ່​ດີ​ໃນ​ການ​ກໍ່­ສ້າງ​ສັງ­ຄົມ​ຕາມ​ຫຼັກ ຜູ້​ມີ​ແບ່ງ​ຜູ້​ທຸກ ຫຼື ຕາມ​ຫຼັກ​ຈິດ​ສາ­ທາ­ລະ­ນະ​ເທື່ອ ອາດ​ເປັນ​ເລື່ອງ​ທີ່​ດີ​ເພາະ​ທ່ານ​ຜູ້​ດື່ມ ຜູ້​ຊື້ ອາດ​ຈະ​ບໍ່​ມີ​ເວ­ລາ​ໄດ້​ຄິດ ຫຼື ບໍ່​ມີ​ເວ­ລາ​ຈະ​ເຮັດ​ການ​ກຸ­ສົນ​ເພື່ອ​ການ​ສຶກ​ສາ​ໄດ້ ຖ້າ​ເຮົາ​ເຮັດ​ແນວ​ນີ້​ໄດ້ ເພິ່ນ​ກໍ​ຈະ​ໄດ້​ມີ​ໂອ­ກາດ​ຮ່ວມ​ກັນ​ບໍ­ລິ­ຈາກ​ກໍ​ເປັນ​ໄປ​ໄດ້.</p> <p style="text-align: justify; "> ການ​ທີ່​ນຳ​ສະ­ເໜີ​ຄວາມ​ຄິດ​ນີ້ ຄິດ​ວ່າ​ຈະ​ເປັນ​ທາງ​ໜຶ່ງ​ໃນ​ການ​ແກ້​ໄຂ ແລະ ດັດ​ປັບ​ສັງ­ຄົມ ເຈົ້າ​ຂອງ​ທຸ­ລະ​ກິດ​ເຫຼົ້າ ແລະ ນັກ​ດື່ມ​ທັງ­ຫຼາຍ ບໍ່​ຕ້ອງ​ກັງ­ວົນ​ເລື່ອງ​ອື່ນ ການ​ບິ​ແບ່ງ​ເອົາ​ຄວາມ​ເມົາ​ເຂົ້າ​ຊ່ວຍ​ການ​ສຶກ​ສາ-ຊ່ວຍ​ສັງ­ຄົມ ເປັນ​ທາງ​ເລືອກ​ໜຶ່ງ​ທີ່​ຄວນ​ປະ­ພຶດ​ປະ­ຕິ­ບັດ.</p> <p style="text-align: justify; "> ການ​ບິ​ແບ່ງ​ຄ່າ​ເຫຼົ້າ​ພຽງ​ເຄິ່ງ​ຝາ ອາດ​ຊ່ວຍ​ໃຫ້​ທ່ານ​ໄດ້​ສ້າງ​ຄຸນ­ງາມ­ຄວາມ­ດີ​ແກ່​ສັງ­ຄົມ​ໄດ້ ແລ້ວ​ກາຍ­ເປັນ​ວັດ­ທະ­ນະ­ທຳ​ຂອງ​ຄົນ​ຍຸກ​ທີ່​ທັນ​ສະ­ໄໝ​ຢ່າງ​ແທ້​ຈິງ.</p> <p style="text-align: justify; "> <strong>ໂດຍ: ຊາຍ​ຄຳ ຈຳປາ​ອຸທຸມ</strong></p>

ຂ່າວທີ່ກ່ຽວຂ້ອງ